ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Surya: Unesco twet-d deg usedrem n tẓuri deg Tudmur

ⵙⵓⵔⵢⴰ: ⵓⵏⴻⵙⵛⵧ ⵜⵡⴻⵜ-ⴷ ⴷⴻⴳ ⵓⵙⴻⴷⵔⴻⵎ ⵏ ⵜⵥⵓⵔⵉ ⴷⴻⴳ ⵜⵓⴷⵎⵓⵔ

ⵒⴰⵔⵉⵙ – ⵜⴰⵏⴻⵎⵀⴰⵍⵜ ⵏ ⵓⵏⴻⵙⵛⵧ, ⵉⵔⵉⵏⴰ ⴱⵧⴽⵧⵠⴰ, ⵜⴻⵙⵙⵓⵎⵎⴻⵍ-ⴷ, ⴰⵙⵙ ⵏ ⵍⵊⴻⵎⵄⴰ, ⴰⵙⵙⴻⴷⵔⴻⵎ ⵏ ⵢⵉⵎⵓⵀⴰⵍ (ⵉⵅⴻⴷⴷⵉⵎⴻⵏ) ⵏ ⵜⵥⵓⵔⵉ ⴰⵢ ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵜⴰⵇⴱⵓⵔⵜ ⵏ ⵜⵓⴷⵎⵓⵔ ⵖⴻⴼ ⵓⴼⵓⵙ ⵏ ⵢⵉⴼⴻⵔⴷⵉⵙⴻⵏ ⵏ ⵜⴻⴳⵔⴰⵡⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ).

« ⴰⵙⵙⴻⴷⵔⴻⵎ-ⴰ ⴰⵎⴰⵢⵏⵓ ⵏ ⵜⵖⴰⵡⵙⵉⵡⵉⵏ ⵜⵉⴷⴻⵍⵙⴰⵏⵉⵏ ⴷⴻⴳ ⵓⴷⴻⴳ ⵏ ⵜⵓⴷⵎⵓⵔ ⴷ ⴰⵢⴻⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵜⴰⴽⵔⵉⴹⵜ ⴷ ⵍⵇⴻⵍⵍⴰ ⵏ ⵜⵎⵓⵙⵙⵏⵉ ⵏ ⵜⴻⴳⵔⴰⵡⵉⵏ ⵜⵉⵎⴻⴹⴹⵓⵔⴼⴰ ⴷ ⵓⵃⵇⴰⵔ ⴰⵢ ⵃⴻⵇⵔⴻⵏⵜ ⵉⵎⴻⵣⴷⴰⵖⴻⵏ ⵓⵎⴽⴰⵏ-ⵏⵏⵉ ⴷ ⵓⵖⵔⴻⴼ ⴰⵙⵓⵔⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴱⵧⴽⵧⵠⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ.

ⴽⵔⴰ ⵏ ⵢⵉⵎⴰⵙⵍⴰⴹⴻⵏ ⵏ « ⵓⵡⴰⵏⴰⴽ ⵉⵙⵍⴰⵎⴰⵏ » ⵔⵥⴰⵏ, ⴰⵙⵙ ⵏ ⵙⵙⴻⴱⵜ, ⵉⵙⴻⴱⴷⴰⴷⴻⵏ ⵏ ⵜⵎⴻⴹⵍⵉⵏ ⴷ ⵓⵙⴻⴱⴷⴰⴷ ⵎⴻⵛⵀⵓⵕⴻⵏ ⵏ ⵢⵉⵣⴻⵎ ⵏ ⴰⵜⵉⵏⴰ ⵢⴻⵍⵍⴰⵏ ⴷ ⴰⵙⴻⴱⴷⴰⴷ ⴰⵡⵃⵉⴷ ⵙⴻⴳ ⵚⵚⴻⵏⴼ-ⵏⵏⴻⵙ ⵢⴻⵔⵏⴰ ⵄⵍⴰⵢ ⵓⴳⴰⵔ ⵏ 3 ⵏ ⵢⵉⵎⵉⵜⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⴳⴻⵣⴷⵓ ⵏ ⵜⵖⴰⵡⵙⵉⵡⵉⵏ ⵏ ⵓⴳⵍⴻⵙ ⴷ ⵢⵉⵙⴰⵍⴰⵢⴻⵏ ⴷⴻⴳ ⵙⵓⵔⵢⴰ.

ⴰⵙⴻⴱⴷⴰⴷ-ⴰ ⵜⵓⴼⴰ-ⵜ-ⵉⴷ ⴷⴻⴳ 1977 ⵢⵉⵡⴻⵜ ⵏ ⵜⵓⵖⴷⴰⴹⵜ ⵜⴰⵙⴻⵏⵣⵉⴽⴰⵏⵜ ⵜⴰⵒⵓⵍⵓⵏⵉⵜ ⴷⴻⴳ ⵓⴼⴰⴽⴰⵏ ⵏ ⴰⵍ-ⵍⴰⵜ ⵢⴻⵔⵏⴰ ⵢⴻⵜⵜⵡⴰⵅⴷⴻⵎ-ⴷ ⴷⴻⴳ ⵍⵇⴻⵔⵏ ⴰⵎⴻⵣⵡⴰⵔⵓ ⵓⵇⴱⴻⵍ ⵙⵉⴷⵏⴰ ⵄⵉⵙⴰ.

« ⵜⴰⵔⵓⵥⵉ ⵏ ⵢⵉⵙⴻⴱⴷⴰⴷⴻⵏ-ⵏⵏⵉ ⵏ ⵜⵎⴻⴹⵍⵉⵏ ⵏ ⵜⵓⴷⵎⵓⵔ ⴷⴻⴳ ⵢⵉⵡⴻⵏ ⵏ ⵓⵎⵕⴰⵃ ⴰⵏⴰⴳⴷⵓⴷ, ⵙⴷⴰⵜ ⵍⵖⴰⵛⵉ ⴷⴻⴳ ⵍⵍⴰⵏ ⵢⵉⴳⴻⵔⴷⴰⵏ ⴷ ⴰⵀⴰⵏⴰⵢ ⵢⴻⵙⵙⴰⴳⴰⴷⴻⵏ ⵙ ⵜⴰⵛⵛⵎⵓⵜⵉⵜ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵉⵔⵉⵏⴰ ⴱⵧⴽⵧⵠⴰ.

« (ⵉⵙⴻⴱⴷⴰⴷⴻⵏ-ⵏⵏⵉ) ⴷ ⴰⴳⴻⵔⵔⵓⵊ ⵏ ⵜⴻⵍⵖⴰ ⵖⴻⴼ ⵢⵉⵛⴻⴹⴹⵉⴹⴻⵏ, ⵉⵙⵖⵓⵏⴻⵏ, ⴰⵏⵙⴰⵢⴻⵏ ⴷ ⵓⵎⴻⵣⵔⵓⵢ ⵏ ⵓⵖⵔⴻⴼ ⴰⵙⵓⵔⵉ. ⵜⴰⵔⵓⵥⵉ-ⵏⵙⴻⵏ ⴷ ⴰⵏⴻⵄⵔⵓⴹ ⵏ ⵓⴳⵣⴰⵎ ⵏ ⵡⴰⵙⵙⴰⵖⴻⵏ ⵢⴻⵍⵍⴰⵏ ⴳⴰⵔ ⵢⵉⵖⴻⵔⴼⴰⵏ ⴷ ⵓⵎⴻⵣⵔⵓⵢ-ⵏⵙⴻⵏ, ⴷ ⴰⴳⵣⴰⵎ-ⵏⵙⴻⵏ ⵙⴻⴳ ⵜⵎⴰⴳⵉⵜ-ⵏⵙⴻⵏ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⴰⴷ ⵜⴻⵏ-ⵏⴻⵀⵕⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.

ⵉⵔⵉⵏⴰ ⴱⵧⴽⵧⵠⴰ ⵜⵄⴰⵡⴻⴷ ⵜⴳⴻⵔ-ⴷ ⵜⵉⵖⵔⵉ ⵉ « ⵡⴰⴽⴽ ⵉⵖⴻⵍⵍⴰⵜⴻⵏ ⵏ ⴷⴷⵉⵏ, ⴰⴳⴳⴰⴳⴻⵏ ⴷ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ ⴰⴷ ⵡⵍⵉⵡⵍⴻⵏ ⵎⴳⴰⵍ ⵓⵙⵙⴻⵇⴷⴻⵛ ⵏ ⴷⴷⵉⵏ ⵢⴻⵔⵏⴰ ⴰⴷ ⴷ-ⵔⵔⴻⵏ ⵖⴻⴼ ⵡⵉⴷ ⴰⵢ ⵢⴻⵙⵙⴻⵇⴷⴰⵛⴻⵏ ⵜⵉⴽⴻⵔⴽⴰⵙ ⴰⴽⴽⴻⵏ ⴰⴷ ⵣⴻⵔⵄⴻⵏ ⴽⴰⵕⵓⵀ ».