ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⴰⵍⵉ ⵜⴰⵙⴷⴰⵡⵉⵜ ⵜⴰⵎⴰⵢⵏⵓⵜ ⵏ ⵜⴻⵙⵏⴰⵊⵢⴰ ⵏ ⵍⴻⵣⵣⴰⵢⴻⵔ ⵙ ⴰⵙⵡⵉⵔ ⵏ ⵓⵖⴻⵔⴱⴰⵣ ⵉⴼⴰⵣⴻⵏ (ⵙⴻⵍⵍⴰⵍ)

ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵉⵃⴻⵜⵜⴻⵜ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵏⴻⵙⵙⴰⵍⵉ ⵜⴰⵙⴷⴰⵡⵉⵜ ⵜⴰⵎⴰⵢⵏⵓⵜ ⵏ ⵜⴻⵙⵏⴰⵊⵢⴰ ⵏ ⵍⴻⵣⵣⴰⵢⴻⵔ ⵙ ⴰⵙⵡⵉⵔ ⵏ ⵓⵖⴻⵔⴱⴰⵣ ⵉⴼⴰⵣⴻⵏ, ‘’ⴰⵎ ⵡⴰⴽⴽⴻⵏ ⵉ ⵜⵜⵎⴰⵀⴰⵍⴻⵏ ⴷⴻⴳ ⵜⵎⵓⵔⴰ ⵢⵓⵥⴻⵏ ⵖⴻⵔ ⵙⴷⴰⵜ ⴷⴻⴳ ⵜⴰⵖⵓⵍⵜ-ⴰ’’.

ⵎⵉ ⵢⴻⴽⴽⴻⵔ ⴰⴷ ⵢⴻⵍⴷⵉ ⵜⴰⵙⴷⴰⵡⵉⵜ-ⴰ, ⵎⴰⵙⵙ ⵙⴻⵍⵍⴰⵍ ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉⵃⴻⵜⵜⴻⵜ ⵖⴻⴼ ⵡⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵏⴻⴷⴷⵓ ⴰⴼⴰⵣⵉ, ⵖⴻⴼ ⵡⴰⵢⴰ ⵉ ‘’ⵢⴻⴼⴼⴻⴽ ⴰⴷ ⵏⴻⵙⵄⵓ ⴰⵖⴻⵔⴱⴰⵣ ⵉⴼⴰⵣⴻⵏ ⴷⴻⴳ ⵜⴻⵙⵏⴰⵊⵢⴰ, ⴰⴽⴽⴻⵏ ⴰⴷ ⵢⵓⵖⴰⵍ ⴷ ⴰⵣⴰⵎⵓⵍ ⴷⴻⴳ ⵜⴰⵖⵓⵍⵜ-ⴰ’’, ⵉ –ⴷⵢⴻⵏⵏⴰ.

ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵏⵏⴰ-ⴷ ⴱⴻⵍⵍⵉ ⴰⵖⵙⵓ-ⴰ ⴰⵎⴰⵢⵏⵓⵜ ⵉⵜⴻⴷⴷⵓ ⴰⴷ ⵢⴻⵥⴹ ⴰⵙⵙⴰⵖⴻⵏ ⵏ ⵓⵎⴱⴻⴷⴷⴻⵍ ⴷ ⵓⵎⴻⴷⵀⴻⵍ ⴷ ⵜⴻⵙⴷⴰⵡⵉⵢⵉⵏ ⵏⵏⵉⴹⴻⵏ ⵢⴻⵍⵍⴰⵏ ⴷⴻⴳ ⵓⵎⴰⴹⴰⵍ, ⵓⴳⴰⵔ ⵏ ⵡⴰⵢⴰ, ⵉ ⴷ-ⵢⴻⵏⵏⴰ, ⵉⵎⴰⵣⵣⴰⴳⴻⵏ ⵉⵣⵣⴰⵢⵔⵉⵢⴻⵏ ⴷⴻⴳ ⵜⴰⵖⵓⵍⵜ-ⴰ ⵢⴻⵜⵜⵎⴰⵀⴰⵍⴻⵏ ⴷⴻⴳ ⵜⵎⵓⵔⴰ ⵏ ⴱⴻⵕⵕⴰ ⵀⴻⵢⵢⴰⵏ ⵉⵎⴰⵏ-ⵏⵙⴻⵏ ⴰⴽⴽⴻⵏ ⴰⴷ ⵓⵖⴰⵍⴻⵏ ⵖⴻⵔ ⵜⵎⵓⵔⵜ ⴰⴷ ⴳⵍⵓⵏ ⵙ ⵜⵎⵓⵙⵙⵏⵉ-ⵏⵙⴻⵏ.

ⵢⴻⵙⵙⵓⵜⴻⵔ ⴷⴰⵖⴻⵏ ⴰⴽⴽⴻⵏ ⵙⴱⵉⵟⴰⵔⴰⵜ ⵉⵙⴷⴰⵡⴰⵏⴻⵏ (ⵛⵀⵓ) ⵏ ⵍⴻⵣⵣⴰⵢⴻⵔ ⴰⴷ ⵛⵓⴷⴷⴻⵏ ⵙ ⴰⵖⴻⵔⴱⴰⵣ-ⴰ ⵏ ⵜⴻⵙⵏⴰⵊⵢⴰ.

ⵙⴻⴳ ⵜⴰⵎⴰ ⵏⵏⵉⴹⴻⵏ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵉⵃⴻⵜⵜⴻⵜ ⵖⴻⴼ ⵡⴰⴽⴽⴻⵏ ⵉ ⵢⴻⵙⵙⴻⴼⴽ ‘’ⴰⴷ ⵏⴻⴱⵏⵓ ⵍⴻⴱⵏⵉ ⴰⵎⴻⴳⵣⵓ’’ ⴷⴻⴳ ⵓⵖⴻⵔⴱⴰⵣ-ⴰ ⴷ ⵜⵉⵡⵉⵏ ⵏ ⵜⵜⴰⵡⵉⵍⴰⵜ ⵏ ⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ.

ⵎⴰⵙⵙ ⵙⴻⵍⵍⴰⵍ ⵉⵡⴻⴽⴽⴻⴷ-ⴷ ⴱⴻⵍⵍⵉ, ⴳⴻⵔⵡⴻⵏ-ⴷ ⴰⴽⴽ ⵛⵛⵓⵔⵓⴹⵜ ⴰⴽⴽⴻⵏ ⴰⴷ ⵢⵉⵍⵉ ⵓⵏⴻⴽⵛⵓⵎ ⴰⵙⴷⴰⵡⴰⵏ 2015-2016 ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⵉⵍⵉ.

ⵜⴰⵙⴷⴰⵡⵉⵜ ⵜⴰⵎⴰⵢⵏⵓⵜ ⵏ ⵜⴻⵙⵏⴰⵊⵢⴰ, ⵜⴻⵣⵎⴻⵔ ⴰⴷ ⵜⴻⵔⴼⴻⴷ 10.000 ⵉⵏⴻⵍⵎⴰⴷⴻⵏ, ⵜⴻⵙⵙⴻⴳⵔⴻⵡ ⴽⵔⴰⴷ ⵜⵎⴻⵣⵣⵓⴳⵉⵏ (ⵜⴰⵙⵏⴰⵊⵢⴰ ⵜⴰⵎⴰⵜⵓⵜ, ⴰⵛⴻⵍⵍⴻⵃ ⵏ ⵜⵓⵎⴰⵙ ⴷ ⵜⴻⵏⵙⴰⴼⴰⵔⵜ).

ⵢⴻⵜⵜⴻⵏⵇⴰⵎ-ⴷ ⵓⵖⴻⵔⴱⴰⵣ-ⴰ ⵏ ⵜⴻⵙⵏⴰⵊⵢⴰ ⵙ 6,77 ⵉⵎⴻⵍⵢⴰⵔⴻⵏ ⵏ ⵢⵉⴷⵉⵏⴰⵔⴻⵏ.