ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵄⵉⵡⴻⴷ ⵏ ⵜⵎⴻⵏⴷⴰⵡⵜ : ⴰⵙⴻⵏⴼⴰⵔ ⴰⵜⴰⵏ ⵢⴻⵡⵡⴻⴹ “ⵖⴻⵔ ⵜⴰⴳⴳⴰⵔⴰ” (ⴱⵧⵓⵜⴻⴼⵍⵉⴽⴰ)
ⵍⴻⵣⵣⴰⵢⴻⵔ – ⴰⵙⴻⵏⴼⴰⵔ ⵓⵄⵉⵡⴻⴷ ⵏ ⵜⵎⴻⴷⴰⵡⵜ ⴰⵜⴰⵏ ⵢⴻⵡⴻⴹ ⵖⴻⵔ "ⵜⴰⴳⴳⴰⵔⴰ-ⵙ", ⵉⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⴰⵍⵎⴻⵏⴷ ⵏ ⵡⴻⵙⵎⴻⴽⵜⵉ ⵡⵉⵙ 53 ⵏ ⵓⵣⴰⵔⵓⴳ ⵏ ⵜⵎⵓⵔⵜ ⴰⴽⴽ ⴷ ⵡⴰⵙⵙ ⵏ ⵢⴻⵍⵎⴻⵥⵢⴻⵏ.
"ⴰⵙⴻⴵⵀⴻⴷ ⵏ ⴷⴷⴻⵡⵍⴰ ⵉⵣⴻⵔⴼⴰⵏ ⴰⴷ ⵉⴽⴻⵎⵎⴻⵍ, ⴷⴻⴳ ⵓⵙⵓⵔⵔⵉⴼ ⵏ ⵜⵎⵓⵖⵍⵉⵡⵉⵏ ⵜⵉⵎⴰⵢⵏⵓⵜⵉⵏ ⴰⵔⴰ ⵢⵉⵍⵉⵏ ⴷⵉ ⵢⴰⵍ ⴰⵃⵔⵉⵛ, ⵙ ⵓⵄⵉⵡⴻⴷ ⵏ ⵜⵎⴻⵏⴷⴰⵡⵜ, ⵉⵎⵉ ⴰⵙⴻⵏⴼⴰⵔ ⵢⴻⵙⵙⴰⵡⴻⴹ ⵖⴻⵔ ⵜⴰⴳⴳⴰⵔⴰ-ⵙ", ⵉ ⵢⵓⵔⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴰⵍⵎⴻⵏⴷ ⵏ ⵡⴻⵙⵎⴻⴽⵜⵉ-ⵢⴰⵇⵉ.
ⴷⴻⴳ ⵢⵉⴷⵉⵙ-ⵏⵏⵉⴹⴻⵏ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵏⵏⴰ "ⵉⵍⴰⵇ ⴰⴷ ⵜ-ⵉⴷ-ⵏⵡⴻⴽⴽⴻⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵎⴰⵞⵉ ⴷ ⴰⴳⵏⵉ ⵏ ⵜⴻⵊⵄⴰⵍ. ⴷ ⵜⵉⴷⴻⵜⵜ, ⴰⵟⵟⴰⵏ-ⴰⴳⵉ ⵢⴻⵣⵔⴰⵔⴻⴳ-ⴷ ⵖⴻⵔ ⵜⵎⵓⵔⵜ-ⵏⵏⴻⵖ, ⵎⴰⵛⴰ ⵏⴻⵜⵜⵇⴰⴱⴰⵍ-ⵉⵜ ⵙ ⵍⴵⴰⵀⴻⴷ ⵏ ⵍⵇⴰⵏⵓⵏ".
"ⵡⵉⴷ ⵎⴰⵣⴰⵍ ⵉⴽⴻⵛⴻⵎ-ⵉⵜⴻⵏ ⵛⵛⴻⴽ, ⵎⵓⵇⵍⴻⵏ ⴰⵢⴻⵏ ⵢⴻⵜⵜⵡⴰⵔⵓⵏ ⵖⴻⴼ ⵜⵎⵓⵔⵜ-ⵏⵏⴻⵖ ⴷⴻⴳ ⵡⴻⵃⵔⵉⵛ-ⴰⴳⵉ, ⵙⵖⵓⵔ ⵜⴰⵙⵓⴷⵓⵜ ⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ ⴷ-ⵢⴻⵍⵀⴰⵏ ⵙ ⵓⵟⴻⴱⴱⴰⵇ ⵏ ⵍⵓⴼⴰⵇ ⴰⴳⴻⵔⴰⵖⵍⴰⵏ ⵢⴻⵔⵣⴰⵏ ⵉⴱⴻⴷⴷⵉ ⴷ ⵓⵃⴰⵔⴻⴱ ⵏ ⵜⴻⵊⵄⴰⵍ", ⵉⴽⴻⵎⵎⴻⵍ ⵢⴻⵏⵏⴰ.
ⵍⴻⵣⵣⴰⵢⴻⵔ "ⵓⵔ ⵜⴻⵍⵍⵉ ⵓⵔ ⵜⴻⵜⵜⵉⵍⵉ ⴷ ⴰⵏⵏⴰⵔ ⵏ ⵜⴻⵎⵃⴻⵇⵕⴰⵏⵉⵜ ⴷ ⵡⴻⵄⵣⴰⵍ ⵙⴻⴳ ⵜⵓⴷⴻⵔⵜ, ⵉⵖⴻⴱⵍⴰⵏ-ⴰⴳⵉ ⵖⴻⴼ ⵜⴻⴱⴳⴻⵙ ⵜⵎⵓⵔⵜ ⵙ ⵓⵙⴻⵅⴷⴻⵎ ⴰⴽⴽ ⵏ ⵡⴰⵍⵍⴰⵍⴻⵏ ⵜⴻⵙⵄⴰ. ⵜⴰⵙⴻⵔⵜⵉⵜ ⵜⴰⵥⴰⵢⴻⵥⵜ ⵓⵏⴻⴳⵎⵓ ⵓⵔ ⵜⴻⵣⴳⵉⵍ ⵜⴰⵎⵏⴰⴹⵜ ⵏ ⵜⵎⵓⵔⵜ", ⵉⴷ-ⵢⴻⵏⵏⴰ ⴷⴰⵖⴻⵏ.
"ⵜⵉⴳⵉ ⴷ ⴽⵔⴰ ⵙⴻⴳ ⵜⵉⴷⴻⵜⵜ ⵉⵍⴰⵇⴻⵏ ⴰⴷ ⴷ-ⵢⴻⵜⵜⵡⴻⵏⵏⴰⵏ ⴰⴽⴽⴻⵏ ⴰⴷ ⴷ-ⵏⴱⴻⴳⴳⴻⵏ ⵜⵜⵏⴻⴼⵅⴰ ⵏ ⵡⴻⴳⴷⵓⴷ, ⴷ ⵓⵙⴻⵏⵖⴻⵙ ⵏ ⵍⴰⵄⵜⴰⴱ ⴷ-ⵜⴻⵙⵙⴻⵔⵙ ⵜⴰⵄⴽⵓⵎⵜ ⵏ ⵡⵉⴷ ⵢⴻⵜⵜⵕⴰⴵⵓⵏ ⴰⵛⵃⴰⵍ-ⵓⵢⴰ",ⵉⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
