ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⴻⵙⵙⴻⴱⵙⵉ ⵢⴻⵔⵔⴰ ⵜⴰⵊⵎⵉⵍⵜ ⵉ ⵍⴻⵣⵣⴰⵢⴻⵔ ⵉⴱⴻⴷⴷⴻⵏ ⵖⴻⵔ ⵢⵉⴷⵉⵙ-ⵉⵙ ⵎⴳⴰⵍ ⵔⵔⴻⴱⵔⴰⴱ
ⵜⵓⵏⵉⵙ – ⴰⵙⴻⵍⵡⴰⵢ ⴰⵜⵓⵏⵙⵉ, ⴱⴻⵊⵉ ⵛⴰïⴷ ⴻⵙⵙⴻⴱⵙⵉ, ⵢⴻⵔⵔⴰ ⵜⴰⵊⵎⵉⵍⵜ ⵉ ⵍⴻⵣⵣⴰⵢⴻⵔ ⴰⵙⵙ ⵏ ⵙⵙⴻⴱⵜ ⵉ ⵡⴰⴼⵓⵙ ⴷ-ⵜⴻⴼⴽⴰ ⵉ ⵜⵎⵓⵔⵜ-ⵉⵙ ⴷⴻⴳ ⵢⵉⴱⴻⴷⴷⵉ ⵎⴳⴰⵍ ⵔⵔⴻⴱⵔⴰⴱ, ⴷⴻⴳ ⵢⵉⵡⴻⵏ ⵏ ⵢⵉⵏⴰⵡ ⵉ ⵡⴰⵖⵍⴰⵏ ⴰⵏⴷⴰ ⵢⴻⴷⴷⴻⵎ ⵕⵕⴰⵢ ⵏ ⵜⴰⵍⵍⵉⵜ ⵏ ⵍⵃⴻⵕⵚ ⵉ ⵡⴰⴳⴳⵓⵔ, ⵜⴰⵎ ⵡⵓⵙⵙⴰⵏ ⴷⴻⴼⴼⵉⵔ ⵏ ⵜⵅⴰⵣⴰⴱⵉⵜ ⵜⴰⵔⴻⴱⵔⴰⴱⵉⵜ ⵏ ⵙⵧⵓⵙⵙⴻ.
‘‘ⵍⴻⵣⵣⴰⵢⴻⵔ ⵜⴻⵣⴳⴰ ⵍⴻⴱⴷⴰ ⵖⴻⵔ ⵢⵉⴷⵉⵙ ⵏ ⵜⵓⵏⴻⵙ ⴷⴻⴳ ⵓⵎⴻⵏⵏⵓⵖ-ⵉⵙ ⵎⴳⴰⵍ ⵔⵔⴻⴱⵔⴰⴱ‘‘, ⵉⴷ-ⵢⴻⵏⵏⴰ ⵓⵙⴻⵍⵡⴰⵢ ⴻⵙⵙⴻⴱⵙⵉ, ⵓ ⵢⴻⵏⵏⴰ ⴱⴻⵍⵍⵉ ⵓⵍⴰⵛ ⵜⴰⵎⵓⵔⵜ ⵉⵙⴻⵍⴽⴻⵏ ⴰⵙⵙ-ⴰ ⵙⴻⴳ ⵡⴰⵟⵟⴰⵏ-ⴰⴳⵉ.
ⴰⵎⵓⵇⵇⵕⴰⵏ ⵏ ⴷⴷⴻⵡⵍⴰ ⵏ ⵜⵓⵏⴻⵙ ⵢⴻⵔⵏⴰ ⵉⴱⴷⴻⵔ-ⴷ ⴷⴰⵖⴻⵏ ⵍⴻⵎⵄⵉⵡⵏⴰ, ⴷⴻⴳ ⵓⵇⴰⴱⴻⵍ ⵏ ⵔⵔⴻⴱⵔⴰⴱ, ⴳⴻⵔ ⵜⴰⵎⵓⵔⵜ-ⵉⵙ, ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⴼⵔⴰⵏⵙⴰ, ⵍⴰⵍⵎⴰⵏ, ⵟⵟⴰⵍⵢⴰⵏ, ⵍⴰⵏⴻⴳⵍⵉⵣⴰ ⴰⴽⴽ ⴷ ⵜⴷⵓⴽⴽⵍⵉ ⵜⵓⵔⵓⴱⵉⵜ (ⵓⴻ).
ⵍⵉⵃⴰⵍⴰ ⵏ ⵍⴰⵎⴰⵏ, ⵉ ⵢⴻⵙⵙⴰⵃⵕⴻⵚ, ⵜⴻⵃⵡⴰⴵ ‘‘ⵜⴰⴷⵓⴽⴽⵍⵉ ⵏ ⵡⴻⴳⴷⵓⴷ’’ ⴷⴻⴳ ⵡⵓⴷⴻⵎ ⵏ ⵔⵔⴻⴱⵔⴰⴱ, ⴷ-ⵉⵥⴻⴹⵎⴻⵏ ⴰⵙⵙ-ⴰ ⵖⴻⴼ ⵜⴻⵎⴷⵉⵏⵉⵏ ⵏ ⴷⴰⵅⴻⵍ ⵏ ⵜⵓⵏⴻⵙ.
