Asebter amenzawi

Aselway Essebsi yerra tajmilt i Lezzayer ibedden ɣer yidis-is mgal rrebrab

TUNIS – Aselway atunsi, Beji Caïd Essebsi, yerra tajmilt i Lezzayer ass n ssebt i wafus d-tefka i tmurt-is deg yibeddi mgal rrebrab, deg yiwen n yinaw i waɣlan anda yeddem ṛṛay n tallit n lḥeṛṣ i waggur, tam wussan deffir n txazabit tarebrabit n Sousse.

‘‘Lezzayer tezga lebda ɣer yidis n Tunes deg umennuɣ-is mgal rrebrab‘‘, id-yenna uselway Essebsi, u yenna belli ulac tamurt iselken ass-a seg waṭṭan-agi.

Amuqqṛan n ddewla n Tunes yerna ibder-d daɣen lemɛiwna, deg uqabel n rrebrab, ger tamurt-is, iwanaken yeddukklen, Fransa, Lalman, Ṭṭalyan, Lanegliza akk d tdukkli turubit (UE).

Liḥala n laman, i yessaḥṛeṣ, teḥwaǧ ‘‘tadukkli n wegdud’’ deg wudem n rrebrab, d-iẓeḍmen ass-a ɣef temdinin n daxel n Tunes.