ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴷ ⵍⴰⵡⴰⵏ ⴰⴷ ⵏⴻⵍⴷⵉ ⵜⴰⵕⵛⵉⴱⵉⵏ ⵏ ⵜⴻⴳⵔⴰⵡⵍⴰ

ⵜⵉⵒⴰⵣⴰ – ⴰⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵢⵉⵎⵊⴰⵀⴷⴻⵏ ⵏ ⵓⵖⵍⵉⴼ ⵏ ⵓⵙⴻⵍⵍⴻⵃ ⴷ ⵜⵓⵇⵇⵏⵉⵡⵉⵏ ⵜⵉⵎⵓⵜⴰ (ⵎⴰⵍⴳ), ⴷⴰⵀⵧ ⵧⵓⵍⴷ ⴽⴰⴱⵍⵉⴰ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ⴷⴻⴳ ⵜⵉⵒⴰⵣⴰ ⴷ ⴰⴽⴽⴻⵏ « ⴷ ⴰⴽⵓⴷ ⴰⴽⴽⴻⵏ ⴰⴷ ⵏⴻⵔⵥⴻⵎ ⵜⴰⵕⵛⵉⴱⵉⵏ ⵏ ⵜⴻⴳⵔⴰⵡⵍⴰ ⵜⴰⵖⴻⵍⵏⴰⵡⵜ », ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵎⴰⵍⴳ ⵉⴳⴰ ⵍⴻⵛⵖⴰⵍ-ⵏⵏⴻⵙ ⵙ ⵜⴻⵣⴷⴻⴳ ⵉ ⵍⵎⴻⵏⴷ ⵏ ⵜⴻⴳⵔⴰⵡⵍⴰ. « ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⴰⵔⴰ ⴷ-ⴱⴻⴷⵔⴻⵖ ⵜⴰⵎⵙⴰⵍⵜ-ⴰ, ⴰⵛⴽⵓ ⴷ ⴰⴽⵓⴷ ⴰⴷ ⵏⴻⵔⵥⴻⵎ ⵜⴰⵕⵛⵉⴱⵉⵏ ⵢⴻⵔⵏⴰ ⴰⴷ ⴷ-ⵏⴻⴽⵛⴻⴼ ⵜⵉⴷⵢⴰⵏⵉⵏ ⵏ ⵓⵎⴻⵣⵔⵓⵢ ⵢⴻⵇⵇⵏⴻⵏ ⵖⴻⵔ ⵡⴰⵟⴰⵙ ⵏ ⵜⴻⵎⵙⴰⵍ ⴰⵢⵖⴻⴼ ⵢⴻⴳⴳⴻⵔ ⵓⵎⵊⴰⴷⴻⵍ, ⵢⴻⵔⵏⴰ ⵢⴻⵙⵙⴻⴼⴽ ‘ⴰⴷ ⵜⵉⴼⵔⵉⵔ ⵜⴰⴳⵓⵜ ⵖⴻⴼ ⵡⴰⵢⴻⵏ ⵓⵔ ⵢⴻⵜⵜⵡⴰⴼⴻⵀⵎⴻⵏ ⴰⵔⴰ’ », ⵖⴻⴼ ⵡⴰⴽⴽⴻⵏ ⴰⴷ ⴷ-ⵢⴻⵏⵏⴰ ⵎⴰⵙⵙ ⵧⵓⵍⴷ ⴽⴰⴱⵍⵉⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵢⵉⵡⴻⵏ ⵏ ⵓⵏⵎⴰⴳⴻⵔ ⵖⴻⴼ ⵛⵛⴼⴰⵡⴰ ⵜⴰⵖⴻⵍⵏⴰⵡⵜ ⴰⵢ ⴷ-ⵜⴻⵙⵙⵓⴷⴷⴻⵙ ⵜⵖⴻⵍⵍⵉⵙⵜ (ⵍⴰⵎⴰⵏ) ⵜⴰⵖⴻⵍⵏⴰⵡⵜ ⵖⴻⴼ « ⵡⴰⵣⴰⵍ ⵏ ⵜⴻⵕⵛⵉⴱⵉⵏ ⵏ ⵜⴻⴳⵔⴰⵡⵍⴰ ⴷⴻⴳ ⵜⵉⵔⴰⵡⵜ ⵏ ⵓⵎⴻⵣⵔⵓⵢ », ⴷ ⴰⵏⵎⴰⴳⴻⵔ ⴰⵢ ⴷ-ⵙⵙⵓⴷⴷⵙⴻⵏ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 53 ⵏ ⵓⵣⴰⵔⵓⴳ ⴰⵖⴻⵍⵏⴰⵡ. ⵎⴰⵙⵙ ⵧⵓⵍⴷ ⴽⴰⴱⵍⵉⴰ ⵢⴻⴱⴷⴻⵔ-ⴷ ⴷⴷⵓⵕ ⵏ ⵢⵉⵏⵎⴻⵣⵔⵓⵢⴻⵏ ⴷⴻⴳ ⵜⵉⵔⴰⵡⵜ ⵜⴰⵎⴻⵙⵖⴰⵔⵓⵜ ⵏ ⵓⵎⴻⵣⵔⵓⵢ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵖⵔⴰ ⴰⵣⴰⵍ ⵏ 100 ⵏ ⵢⵉⴷⵍⵉⵙⴻⵏ ⵏ ⵓⵎⴻⵣⵔⵓⵢ, ⵎⴰⵛⴰ « ⵡⴰⵔ ⵍⴼⴰⵢⴷⴰ », ⴰⵛⴽⵓ « ⵓⵔ ⵢⴻⵍⵍⵉ ⵡⴰⵛⴻⵎⵎⴰ ⵙⴷⴰⵅⴻⵍ-ⵏⵙⴻⵏ » ⵉⵎⵉ ⵉⵎⴻⵙⴽⴰⵔⴻⵏ-ⵏⵙⴻⵏ ⵓⴳⵎⴻⵏ-ⴷ ⵙⴻⴳ ⵜⴻⵖⴱⵓⵍⴰ ⴷ « ⵜⵓⴹⵄⵉⴼⵉⵏ ». ⵎⴰⵙⵙ ⵧⵓⵍⴷ ⴽⴰⴱⵍⵉⴰ ⵉⵅⴻⴱⴱⴻⵔ-ⴷ ⴷ ⴰⴽⴽⴻⵏ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⴷ-ⵢⴻⴽⵛⴻⴼ ⴰⵟⴰⵙ ⵏ ⵜⴻⴷⵢⴰⵏⵉⵏ ⵜⵉⵎⴻⵣⵔⵓⵢⴰⵏⵉⵏ ⵢⴻⵇⵇⵏⴻⵏ ⵖⴻⵔ ⵜⴻⴳⵔⴰⵡⵍⴰ ⵜⴰⵖⴻⵍⵏⴰⵡⵜ ⵢⴻⵔⵏⴰ ⵙ ⵍⴻⴽⵡⴰⵖⴻⴹ ⴷⴻⴳ ⵢⴻⵍⵍⴰ ⵍⴰⵎⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵜⵉⴷⴷⵓⴽⵍⴰ-ⵏⵏⴻⵙ ⵍⴰ ⵜⴻⵜⵜⵓⵔⴰⵔ ⴷⴷⵓⵕ ⴷⴻⴳ ⵜⵔⵉⵔⵉⵜ ⵏ ⵡⴰⵣⴰⵍ ⵉ ⵡⴰⵟⴰⵙ ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵙⴻⵔⴱⴻⵃ ⵏ ⵜⴻⴳⵔⴰⵡⵍⴰ ⴷⴻⴳ ⵡⴰⴽⵓⴷ ⴷⴻⴳ ⵍⵍⴰⵏ ⴹⴹⴼⴻⵏ ⵉⵎⵓⴽⴰⵏ ⴷ ⵓⵏⵏⵉⴳⴻⵏ ⴷⴻⴳ ⵜⵙⵓⴷⴰ ⵜⵉⴼⵕⴻⵏⵙⵉⵙⵉⵏ ⵏ ⵜⴰⵍⵍⵉⵜ-ⵏⵏⵉ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵜⴻⵄⵕⴻⴼ ⵙ ⴷⴷⵓⵕ ⵏ ⵎⴰⵍⴳ « ⴰⵢ ⵉⴳⴰⵏ ⵜⵓⵖⴷⴰⴹⵉⵏ-ⵏⵏⴻⵙ ⵙ ⵜⴻⵣⴷⴻⴳ », ⵢⴻⵔⵏⴰ ⵢⴻⵏⴽⴻⵕ ⴷ ⴰⴽⴽⴻⵏ ⵎⴰⵍⴳ ⵉⴹⴻⴱⴱⴻⵔ ⴷⴻⴳ ⵜⵎⴻⵏⵖⵉⵡⵜ ⵏ ⴽⵔⴰ ⵏ ⵎⴻⴷⴷⴻⵏ. ⵎⴰⵙⵙ ⵧⵓⵍⴷ ⴽⴰⴱⵍⵉⴰ ⵢⴻⴱⴷⴻⵔ-ⴷ ⴷⴰⵖ ⴷⴷⵓⵕ ⵏ ⴽⵔⴰ ⵏ ⵢⵉⴽⴰⵜⴰⵔⴻⵏ ⵉⵇⴱⵓⵔⴻⵏ ⵏ ⵎⴰⵍⴳ ⴷⴻⴳ ⵜⵉⵔⴰⵡⵜ ⵏ ⵓⵎⴻⵣⵔⵓⵢ, ⵉⵎⵉ ⴰⵢ ⵜⵜⴻⴽⴽⴰⵏ ⴷⴻⴳ ⵓⵙⵙⵓⴼⴼⴻⵖ ⵏ 27 ⵏ ⵢⵉⴷⵍⵉⵙⴻⵏ ⵢⴻⵍⵍⴰⵏ ⵙⴻⴳ ⴳⴰⵔ ⵢⵉⴷⵍⵉⵙⴻⵏ « ⵉⵎⴻⵙⵖⵓⵔⴰ ⴷ ⵢⵉⵎⴻⵕⴽⴰⵏⵜⵉⵢⴻⵏ ⵙⴻⴳ ⵢⵉⴷⵉⵙ ⵏ ⵓⵖⴻⵍⵍⴻⵜ ⵏ ⵜⴻⵖⴱⵓⵍⴰ ». ⵎⴰⵙⵙ ⵧⵓⵍⴷ ⴽⴰⴱⵍⵉⴰ ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵏⵎⴻⵣⵔⵓⵢⴻⵏ ⴰⴽⴽⴻⵏ ⴰⴷ ⵏⴰⴷⵉⵏ ⵖⴻⴼ ⵡⵓⴳⵓⵔⴻⵏ ⴰⵢ ⴷ-ⵜⴻⵎⵎⵓⴳⴻⵔ ⵜⴻⴳⵔⴰⵡⵍⴰ ⴷ ⵡⴰⵢⴻⵏ ⴰⵢⵢⴻⵙ ⴰⵔⴰ ⴷ-ⵢⴻⴳⵍⵓ ⵡⴰⵢⴰ ⵖⴻⴼ ⵓⵣⴻⴽⴽⴰ ⵏ ⵍⴻⵣⵣⴰⵢⴻⵔ. ⴰⵖⵍⵉⴼ ⵏ ⵓⵙⴻⵍⵍⴻⵃ ⴷ ⵜⵓⵇⵇⵏⵉⵡⵉⵏ ⵜⵉⵎⵓⵜⴰ (ⵎⴰⵍⴳ) ⵢⴻⵍⵍⴰ ⵢⴻⵙⵙⴻⴷⴷⴰⵢ-ⵉⵜ ⴰⴱⴷⴻⵍⵀⴰⴼⵉⴷ ⴱⵧⵓⵙⵙⵧⵓⴼ. ⴰⵙⵎⵉ ⴰⵢ ⵜⵓⵡⴻⵢ ⵜⵎⵓⵔⵜ ⴰⵣⴰⵔⵓⴳ, ⴰⵖⵍⵉⴼ-ⴰ ⵢⴻⴼⴽⴰ-ⴷ ⴰⵣⴰⵍ ⵏ 50 ⵏ ⵢⵉⵟⵓⵏⴻⵏ ⵏ ⵜⴻⵕⵛⵉⴱⵉⵏ ⵖⴻⴼ ⵜⴻⴳⵔⴰⵡⵍⴰ ⵢⴻⵔⵏⴰ ⴷⴷⴰⵏ-ⴷ ⴳⴰⵔ-ⴰⵙⴻⵏ ⵢⵉⵕⴰⴱⵓⵍⴻⵏ ⵖⴻⴼ ⵓⵏⴰⴱⴰⴹ ⵓⵄⴹⵉⵍ, ⵉⴽⵍⴰⵙⴻⵏ ⵏ ⵍⴻⵎⵛⴰⵡⵕⴰⵜ ⵏ ⴻⵠⵉⴰⵏ, ⵉⵕⴰⴱⵓⵍⴻⵏ ⵖⴻⴼ ⵢⵉⴽⴰⵜⴰⵔⴻⵏ ⵏ ⵎⴰⵍⴳ ⴰⵢ ⵢⴻⵍⵍⴰⵏ ⴱⴻⵕⵕⴰ ⵉ ⵜⵎⵓⵔⵜ ⴷ ⵜⴻⴼⵜⴰⵔⵉⵏ ⵏⵉⴹⴻⵏ ⴰⵢ ⵉⵣⴻⵎⵔⴻⵏ ⴰⴷ ⵜⵜⵡⴰⵖⴻⵍⵍⵜⴻⵏⵜ ⴷⴻⴳ ⵓⴽⴰⵜⴰⵔ ⵏ ⵍⵇⴰⵏⵓⵏ. ⵎⴰⵙⵙ ⵧⵓⵍⴷ ⴽⴰⴱⵍⵉⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵍⵀⴰ ⴰⴷ ⵢⴻⵜⵜⵡⴰⵙⵙⴻⵏ ⵡⴰⵢⴻⵏ ⴰⵢ ⴷ-ⵢⴻⴷⴷⴰⵏ « ⴷⴻⴳ ⵢⵉⴽⵍⴰⵙⴻⵏ ⵏ ⵍⴻⵎⵛⴰⵡⵕⴰⵜ ⵏ ⴻⵠⵉⴰⵏ ⵉⵎⵉ ⴷ ⵡⵉ ⴰⵢ ⴷ ⵜⵜⴱⵓⵜ ⴷ ⴰⴽⴽⴻⵏ ⵉⵎⴹⴻⴱⴱⵔⴻⵏ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⵓⵔ ⵇⴱⵉⵍⴻⵏ ⴰⵔⴰ ⴰⴽⴽ ⴰⴷ ⵙⴻⵎⵎⵃⴻⵏ ⴷⴻⴳ ⵓⵣⴰⵔⵓⴳ, ⵜⴰⵏⴰⵢⴰ ⴷ ⵜⴷⵓⴽⵍⵉ ⵏ ⵜⵎⵓⵔⵜ ⵙⴻⴳ ⵡⴰⵙⵎⵉ ⴰⵢ ⴷ-ⴱⴷⴰⵏⵜ ⵍⴻⵎⵛⴰⵡⵕⴰⵜ-ⵏⵏⵉ ⴰⵔⵎⵉ ⴰⵢ ⴼⵓⴽⴻⵏⵜ ». ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⵧⵓⵍⴷ ⴽⴰⴱⵍⵉⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵎⴰⵍⴳ ⵉⴳⴰ ⴰⵟⴰⵙ ⵏ ⵜⵓⵖⴷⴰⴹⵉⵏ ⴷⴻⴳ « ⵉⴳⴻⵔ » ⵉⵎⴻⴳⴳⵉⵢⴻⵏ ⴷⴻⴳ ⵓⴷⵉⵡⴰⵏ ⵏ ⵜⵙⴻⵍⵡⵉⵜ ⵜⴰⴼⵕⴻⵏⵙⵉⵙⵜ ⴷ ⵡⴰⵟⴰⵙ ⵏ ⵜⵙⵓⴷⴰ ⵜⵉⵏⴰⵢⴰⵏⵉⵏ ⵜⵉⴼⵕⴻⵏⵙⵉⵙⵉⵏ ⴰⴽⴽⴻⵏ ⴰⴷ ⴷ-ⴰⵡⵉⵏ ⵜⵉⵍⵖⴰ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵙ ⵓⵙⵙⴻⵇⴷⴻⵛ ⵏ « ⵢⵉⵎⴻⴷⴷⵓⴽⴰⵍ » ⵉⴼⵕⴻⵏⵙⵉⵙⴻⵏ ⵏⴻⵖ ⵉⴷⵣⴰⵢⵔⵉⵢⴻⵏ ⴰⵢ ⵢⴻⵙⵙⴻⵅⴷⴻⵍ ⵓⵖⵍⵉⴼ ⵏ ⵎⴰⵍⴳ. ⴰⵍⴳ ⵢⴻⵍⵍⴰ ⵢⴻⵙⵄⴰ ⴰⵣⴰⵍ ⵏ 250 ⵏ ⵢⵉⴽⴰⵜⴰⵔⴻⵏ, ⵢⴻⵔⵏⴰ ⵙ ⵜⵜⴻⵊⵕⵉⴱⴰ-ⵏⵙⴻⵏ, 16.650 ⵏ ⵢⵉⵟⵓⵏⴻⵏ ⵏ ⵍⴻⵙⵍⴰⵃ ⴰⵢ ⴷ-ⵢⴻⵜⵜⵡⴰⵙⴽⴻⵛⵎⴻⵏ ⵙⴻⴳ ⵜⵍⵉⵙⴰ ⵜⵉⵜⵓⵏⵙⵉⵢⵉⵏ ⴷ 8.000 ⵏ ⵢⵉⵟⵓⵏⴻⵏ ⵏⵉⴹⴻⵏ ⴰⵢ ⴷ-ⵢⴻⵜⵜⵡⴰⵙⴽⴻⵛⵎⴻⵏ ⵙⴻⴳ ⵜⵍⵉⵙⴰ ⵜⵉⵎⴻⵕⵕⵓⴽⵉⵢⵉⵏ, ⵓⵍⴰ ⵎⴰ ⵔⴻⴳⵍⴻⵏ ⵢⵉⴱⵔⵉⴷⴻⵏ ⵢⴻⵔⵏⴰ ⵢⴻⵍⵍⴰ-ⴷ ⵍⵃⴻⵕⵙ ⴷ ⴰⵎⴻⵇⵔⴰⵏ ⵖⴻⴼ ⵡⴰⵢⴰ. ⵙⴻⴳ ⵜⴰⵎⴰ ⵏⵉⴹⴻⵏ, ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴰⵊⵉⵏⵉⵕⴰⵍ-ⴰⵎⴰⵊⵓⵕ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵎⵢⴰⴳⴻⵔ-ⴰ ⴰⵢ ⴷ-ⵢⴻⵍⵍⴰⵏ ⵙ ⵓⵃⴷⴰⵕ ⵏ ⵢⵉⴽⴰⵜⴰⵔⴻⵏ ⵏ ⵜⴻⵎⵙⵓⵍⵜⴰ, ⴷ ⵡⵉⵏ ⵢⵓⴷⴼⴻⵏ ⴷⴻⴳ ⵓⴽⴰⵜⴰⵔ ⵏ ⵓⵃⵔⴰⵣ ⵏ ⵛⵛⴼⴰⵡⴰ ⵜⴰⵖⴻⵍⵏⴰⵡⵜ, ⵢⴻⵔⵏⴰ ⵉⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵜⴰⵕⵛⵉⴱⵉⵏ ⴷ ⵜⴻⴼⵜⴰⵔⵉⵏ ⵙⵄⴰⵏⵜ ⴰⵣⴰⵍ ⴷ ⴰⵎⴻⵇⵔⴰⵏ ⵎⵍⵉⵃ ⴷⴻⴳ ⵓⵎⴰⵀⵉⵍ (ⴰⵅⴻⴷⴷⵉⵎ) ⵏ ⵍⴻⴱⵏⵉ ⵏ ⵜⵎⵓⵔⵜ. ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵜⵎⴻⵀⵍⴰ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴰⴽⴽⴻⵏ ⴰⴷ ⴰⵙ-ⵜⴻⵔⵔ ⵜⴰⵊⵎⵉⵍⵜ ⵉ ⵎⴰⵙⵙ ⴷⴰⵀⵧ ⵧⵓⵍⴷ ⴽⴰⴱⵍⵉⴰ ⴷ ⵡⴰⵟⴰⵙ ⵏ ⵢⵉⴽⴰⵜⴰⵔⴻⵏ ⵏ ⵎⴰⵍⴳ, ⴳⴰⵔ-ⴰⵙⴻⵏ ⵛⵛⵉⵅ ⵎⵧⵀⴰⵎⴻⴷ ⵙⴰⵍⴰⵀ ⵙⴻⴷⴷⵉⴽ ⴷ ⵢⵉⴽⴰⵜⴰⵔⴻⵏ ⵉⵎⴰⵙⵜⴰⵖⴻⵏ ⵏ ⵜⴻⵎⵙⵓⵍⵜⴰ, ⵖⴻⴼ ⵡⴰⴽⴽ ⴰⵢⴻⵏ ⴰⵢ ⴷ-ⴼⴽⴰⵏ ⵉ ⵜⵎⵓⵔⵜ.