ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴰⴱⴰⴹ ⴰⴱⵔⵉⵟⴰⵏⵉ ⴰⴷ ⵢⴻⵜⵜⵡⴰⵛⴰⵕⴻⵄ ⵖⴻⴼ ⵡⴰⴵⴰⵡ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵏ ⵙⵙⴻⵍⵄⴰ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ

ⵍⵓⵏⴷⵓⵏ – ⵜⵓⴷⴷⵙⴰ ⵜⴰⵔⵏⴰⴱⴰⴹⵜ ⵏ « ⵡⴻⵙⵜⴻⵔⵏ ⵙⴰⵀⴰⵔⴰ ⵛⴰⵎⵒⴰⵉⴳⵏ » (ⵡⵙⵛ) ⵜⴻⵖⵜⴻⵙ ⴰⴷ ⵜⵛⴰⵕⴻⵄ ⴰⵏⴰⴱⴰⴹ ⴰⴱⵔⵉⵟⴰⵏⵉ ⵉⵎⵉ ⴰⵢ ⵉⴳⴰ ⵜⴰⵏⴻⵣⵣⵓⵜ (ⵜⵜⵊⴰⵕⴰ) ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵢⴻⵔⵏⴰ ⵢⵓⴵⴻⵡ-ⴷ ⵙⵙⴻⵍⵄⴰ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵓⴷⴷⵙⴰ-ⴰ ⵜⴰⵔⵏⴰⴱⴰⴹⵜ ⴷⴻⴳ ⵜⴻⵙⵖⵓⵏⵜ-ⵏⵏⴻⵙ ⴰⵢ ⴷ-ⵢⴻⵜⵜⴻⴼⴼⵖⴻⵏ ⵢⴰⵍ ⴰⵢⵢⵓⵔ, « ⵙⴰⵀⴰⵔⴰ ⴰⵏⴰⵍⵢⵙⵉⵙ ». ⵡⴻⵙⵜⴻⵔⵏ ⵙⴰⵀⴰⵔⴰ ⵛⴰⵎⵒⴰⵉⴳⵏ ⵜⴻⵙⵙⴻⴼⵔⴰ ⴰⴷ ⵜⴻⴱⴷⴻⴷ ⴷⴻⴳ ⵛⵛⵕⴻⵄ ⴷⴻⴳ ⵡⵓⵙⵙⴰⵏ ⵏ 14 ⴷ 15 ⵢⵓⵍⵢⵓ, ⴷ ⴰⵙⵙ ⴷⴻⴳ « ⴰⵅⵅⴰⵎ ⵏ ⵛⵛⵕⴻⵄ ⴰⴷ ⴷ-ⵢⴻⵙⵙⵓⴽⴽ ⵜⵉⵟ ⵖⴻⴼ ⵓⵎⴻⴷⵅⵓⵍ ⴷ ⵓⵙⵄⴻⴷⴷⵉ ⴰⵢ ⵜⴻⵙⵄⴻⴷⴷⴰ ⵜⴻⴷⵡⴰⵏⵜ ⵜⴰⴳⴻⵍⴷⴰⵏⵜ ⵜⴰⴱⵔⵉⵟⴰⵏⵉⵜ ⵙⵙⴻⵍⵄⴰ ⴰⵢ ⴷ-ⵢⵓⵙⴰⵏ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵔⵏⴰ ⵜⴻⵜⵜⵡⴰⴵⴻⵡ-ⴷ ⴷⴻⴳ ⵓⴽⴰⵜⴰⵔ ⵏ ⵓⵎⵜⴰⵡⴰ ⵏ ⵜⵉⴷⴷⵓⴽⵍⴰ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ ⴷ ⵓⵖⵍⵉⴼ ⵏ ⵜⵓⵞⵞⵉⵜ ⴷ ⵜⵖⴰⵡⵙⵉⵡⵉⵏ ⵏ ⵜⵎⵓⵔⵜ ⴰⵢ ⵢⴻⵜⵜⴰⴽⴼⴻⵏ ⵜⵓⵔⴰⴳⵉⵏ ⵏ ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ ⴷⴻⴳ ⵜⴻⵎⵏⴰⴹⵉⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵓⴽⴰⵜⴰⵔ ⵏ ⵓⵎⵜⴰⵡⴰ-ⴰ ⵏ ⵜⵉⵛⵛⵓⵔⴽⴰ ⵏ ⵚⵚⵢⴰⴷⴰ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵙⵙⴻⴱⵜ ⵜⵓⴷⴷⵙⴰ ⵜⴰⵔⵏⴰⴱⴰⴹⵜ ⴷⴻⴳ ⵜⴻⵙⵖⵓⵏⵜ-ⵏⵏⴻⵙ ⵏ « ⵙⴰⵀⴰⵔⴰ ⴰⵏⴰⵍⵢⵙⵉⵙ ». « ⵓⵍⴰ ⵎⴰ ⵡⵙⵛ ⴷ ⵜⵉⴷⴷⵓⴽⵍⴰ ⵜⴰⵎⴻⵥⵢⴰⵏⵜ ⵢⴻⵔⵏⴰ ⴷ ⵜⴰⵡⵉⵣⵉⵜ, ⴰⵖⵜⴰⵙ-ⵏⵏⴻⵙ ⴰⴽⴽⴻⵏ ⴰⴷ ⵜⵛⴰⵕⴻⵄ ⴰⵏⴰⴱⴰⴹ ⴰⴱⵔⵉⵟⴰⵏⵉ ⵓⵔ ⴷ-ⵢⵓⵙⵉ ⴰⵔⴰ ⴽⴰⵏ ⴰⴽⴽⴰ. » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴷⴷⴰ ⴷⴻⴳ ⵜⴻⵙⵖⵓⵏⵜ ⵏ ⵙⴰⵀⴰⵔⴰ ⴰⵏⴰⵍⵢⵙⵉⵙ. ⵜⴰⵙⵖⵓⵏⵜ-ⴰ ⵜⴻⴱⴷⴻⵔ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ ⴷ ⴰⴽⴽⴻⵏ ⵉⵎⴻⵏⵖⵉ ⵏ ⵢⵉⵚⴻⵃⵔⴰⵡⵉⵢⴻⵏ « ⵡⴻⵔⴵⵉⵏ ⵢⴻⵜⵜⵡⴰⵙⵙⴻⵏ ⵎⵍⵉⵃ ⴷⴻⴳ ⵜⴳⴻⵍⴷⴰ ⵢⴻⴷⴷⵓⴽⴽⵍⴻⵏ, ⵎⴰⵛⴰ ⵡⵙⵛ ⵍⴰ ⵜⴻⵜⵜⴻⴳ ⵉⵏⴰⴷⵉⵢⴻⵏ ⵙ ⵡⴰⵣⴰⵍ-ⵏⵙⴻⵏ ⵙⴻⴳ ⵢⵉⵙⴻⴳⴳⴰⵙⴻⵏ ⵏ 1970, ⴰⵎ ⵡⴰⴽⴽⴻⵏ ⴰⵢ ⵜⵛⴻⵔⵔⴻⴽ ⵜⵉⵍⵖⴰ, ⵜⵣⴻⵔⵔⴻⵄ ⵜⴰⵎⵓⵙⵙⵏⵉ ⵖⴻⴼ ⵢⵉⵎⴻⵏⵖⵉ-ⴰ ⵢⴻⵔⵏⴰ ⵜⴻⵙⵙⴻⵎⵢⵓⴷⴷⵓⵙ ⵜⵉⴳⴰⵡⵜ ⵜⴰⵙⴻⵔⵜⵉⵜ ⴷⴻⴳ ⵓⴷⴰⴱⵓ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ-ⴰ ». ⴷ ⴰⵛⵓ ⴽⴰⵏ, « ⴰⵢⴰ ⵓⵔ ⴷ-ⵉⵇⵓⵎⴰ ⴰⵔⴰ, ⵢⴻⵔⵏⴰ ⵙⵉⵎⴰⵍ ⵜⴻⵜⵜⴽⴻⵎⵎⵉⵍ ⵜⵓⴹⴹⴼⴰ (ⵜⴰⵎⴻⵕⵕⵓⴽⵉⵜ) ⵏ ⵓⵏⴻⵥⵔⵓⴼ ⵓⵜⵔⵉⵎ, ⵙⵉⵎⴰⵍ ⵍⴰ ⵜⵔⴻⵏⵏⵓ ⵜⴻⵜⵜⴰⴽⴼ ⵉⵥⵓⵔⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ. « ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⵉⵎⴰ ⴵⴵⴰⵏ ⵍⵡⴰⵊⴻⴱⵢ-ⵏⵙⴻⵏ ⵏ ⵍⵇⴰⵏⵓⵏ ⵉ ⵍⵎⴻⵏⴷ ⵏ ⵓⵄⴰⵡⴻⵏ ⵏ ⵢⵉⵚⴻⵃⵔⴰⵡⵉⵢⴻⵏ ⴰⴽⴽⴻⵏ ⴰⴷ ⴷ-ⵙⵙⴻⵏⴼⴰⵍⵉⵏ ⴰⵣⵔⴻⴼ-ⵏⵙⴻⵏ ⵓⵔ ⵢⴻⵜⵜⵡⴰⵏⴽⴰⵕⴻⵏ ⵏ ⵓⴳⴳⵓⵛⵛⴻⵍⵎⴰⵏ. ⵜⴻⴼ ⵡⴰⵢⴰ ⴰⵢ ⵏⴻⵖⵜⴻⵙ ⴰⴷ ⵏⴻⴳ ⵜⴰⵖⴰⵡⵙⴰ ⵢⴻⴼⴼⵖⴻⵏ ⵉ ⵍⴻⵄⵡⴰⵢⴻⴷ ⴰⴽⴽⴻⵏ ⴰⴷ ⵏⵄⴰⵡⴻⵏ ⵉⵚⴻⵃⵔⴰⵡⵉⵢⴻⵏ ⴰⴽⴽⴻⵏ ⴰⴷ ⴷ-ⵔⵔⴻⵏ ⵜⴰⵎⵓⵔⵜ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵡⵙⵛ. ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⵜⴻⵏⵏⴰ-ⴷ, ⵓⵇⴱⴻⵍ, ⴷ ⴰⴽⴽⴻⵏ ⵎⴻⵕⵕⵓⴽ ⴷ ⵜⴰⵎⵓⵔⵜ ⵢⴻⴹⴹⴼⴻⵏ ⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ ⵖⴻⴼ ⵍⴻⵃⵙⴰⴱ ⵏ ⵢⵉⵎⵜⴰⵡⴰⵢⴻⵏ ⵏ ⴳⴻⵏⴻⵠⴻ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵙⵎⴻⴽⵜⵉ ⴷ ⴰⴽⴽⴻⵏ ⴰⵅⵅⴰⵎ ⵏ ⵛⵛⵕⴻⵄ ⴰⴳⵔⴰⵖⵍⴰⵏ ⵉⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵎⴻⵕⵕⵓⴽ « ⵓⵔ ⵜⴻⵣⵎⵉⵔ ⴰⵔⴰ ⴰⴽⴽ ⴰⴷ ⴷ-ⵜⵡⴻⴽⴽⴻⴷ ⵜⴰⵏⴰⵢⴰ » ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ.