ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵔⵔⴰⵣ ⴰⵎⴻⵇⵔⴰⵏ ⴰⵎⴰⴹⵍⴰⵏ ⵏ ⵜⴽⵓⵔⵜ ⵜⴰⵎⴰⴼⴰⴳⵜ: ⵍⴻⵣⵣⴰⵢⴻⵔ ⵜⴻⵅⵚⴻⵔ ⵎⵀⴰⵎ ⵎⵉⴽⵙⵉⴽ (2-3)

ⵍⴻⵣⵣⴰⵢⴻⵔ – ⵜⵉⵎⴰⵔⵉⵔⵉⵏ ⵜⵉⴷⵣⴰⵢⵔⵉⵢⵉⵏ ⵅⴻⵚⵔⴻⵏⵜ, ⴰⵙⵙ ⵏ ⵙⵙⴻⴱⵜ, ⵎⴳⴰⵍ ⵎⵉⴽⵙⵉⴽ, ⴷⴻⴳ ⵡⴰⵙⵙ ⵡⵉⵙ ⵙⵉⵏ ⵏ ⵓⵃⵔⵉⵛ ⵡⵉⵙ ⵙⵉⵏ ⵏ ⵜⵓⵣⵣⵢⴰ ⵏ ⵓⵀⴻⵢⵢⵉ ⵏ ⵡⴰⵔⵔⴰⵣ ⴰⵎⴻⵇⵔⴰⵏ ⴰⵎⴰⴹⵍⴰⵏ ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⵏ ⵜⵍⴰⵡⵉⵏ 2015 (ⵜⴰⴳⵔⴰⵡⵜ ⵜⵉⵙ 3, ⵇ), ⴰⵢ ⴷ-ⵢⴻⵍⵍⴰⵏ ⴳⴰⵔ 3 ⴷ 5 ⵢⵓⵍⵢⵓ ⴷⴻⴳ ⵜⵣⴻⵖⵖⴰ ⵏ ⵓⵎⴻⵖⵔⵓⵙ ⵜⴰⵀⴰⵔ-ⴱⴻⵍⴰⴽⵀⴷⴰⵔ ⴷⴻⴳ ⵛⵛⵔⴰⴳⴰ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ). ⵜⵉⵎⵍⵉⵍⵉⵜ-ⴰ ⵜⴼⵓⴽ ⵙ « ⵜⵉⴻ-ⴱⵔⴻⴰⴽ » ⵢⴻⵔⵏⴰ ⴷ ⵎⵉⴽⵙⵉⴽ ⴰⵢ ⵜⵜ-ⵉⵔⴻⴱⵃⴻⵏ ⵙ 3 ⵏ ⵢⵉⵃⵔⵉⵛⴻⵏ ⵖⴻⵔ 2 (20-25, 25-22, 14-25, 25-21, 13-15).

ⵉ ⵓⵙⵎⴻⴽⵜⵉ, ⵜⴰⵖⵍⴰⵎⵜ ⵏ ⵍⴻⵣⵣⴰⵢⴻⵔ ⵜⴻⵔⴱⴻⵃ, ⴰⵙⵙ ⵏ ⵙⵙⴻⴱⵜ, ⵜⵉⵏ ⵏ ⵓⵙⵜⵕⴰⵍⵢⴰ ⵙ 3 ⵖⴻⵔ 2. ⴷ ⴰⵛⵓ ⴽⴰⵏ, ⴷⴻⴳ ⵜⴻⵎⵍⵉⵍⵉⵜ-ⴰ ⵎⴳⴰⵍ ⵎⵉⴽⵙⵉⴽ, ⵜⵉⴷⵣⴰⵢⵔⵉⵢⵉⵏ ⵓⵔ ⴱⴷⵉⵏⵜ ⴰⵔⴰ ⵓⵔⴰⵔ ⵎⵍⵉⵃ, ⵢⴻⵔⵏⴰ ⵜⵉⵎⵉⴽⵙⵉⴽⵉⵢⵉⵏ ⴼⵓⵔⵚⴻⵏⵜ ⵙⴻⴳ ⵜⵓⵛⵛⴹⵉⵡⵉⵏ ⵏ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ, ⵍⴰⴷⵖⴰ ⴷⴻⴳ ⵓⵏⵉⵡⴻⵍ ⴷ ⵜⴻⵎⵃⴰⴷⴷⵉⵜ.

ⴷ ⵜⵉⵎⵉⴽⵙⵉⴽⵉⵢⵉⵏ ⴰⵢ ⵉⵔⴻⴱⵃⴻⵏ ⴰⵃⵔⵉⵛ ⴰⵎⴻⵣⵡⴰⵔⵓ ⵙ 25 ⵖⴻⵔ 20.

ⴷⴻⴳ ⵓⵃⵔⵉⵛ ⵡⵉⵙ ⵙⵉⵏ, ⵜⵉⴷⵣⴰⵢⵔⵉⵢⴻⵏ ⵔⴻⴼⴷⴻⵏⵜ-ⴷ ⵉⵎⴰⵏ-ⵏⵙⴻⵏⵜ ⵙ ⵡⵓⵔⴰⵔ ⴷ ⴰⴼⴻⵙⵙⴰⵙ, ⴰⵎ ⵡⴰⴽⴽⴻⵏ ⴰⵢ ⵙⵏⴻⵇⵙⴻⵏⵜ ⵙⴻⴳ ⵜⵓⵛⵛⴹⵉⵡⵉⵏ. ⴷ ⴰⵢⴰ ⴰⵢ ⵜⴻⵏⵜ-ⵢⴻⴵⴵⴰⵏ ⴰⴷ ⵔⴻⴱⵃⴻⵏⵜ ⴰⵃⵔⵉⵛ-ⵏⵏⵉ ⵙ ⵓⴳⵎⵓⴹ ⵏ 25 ⵖⴻⵔ 22.

ⵙⴰⴽⴽⵉⵏ, ⵜⴰⵎⵃⴰⴷⴷⵉⵜ ⵏ ⵍⴻⵣⵣⴰⵢⴻⵔ ⵜⴻⵍⵍⴰ-ⴷ ⵜⵅⵓⵚⵚ ⵛⵡⵉⵟ ⵢⴻⵔⵏⴰ ⵜⵉⵎⴰⵔⵉⵔⵉⵏ ⵜⵉⵎⵉⴽⵙⵉⵢⵉⵏ, ⵍⴰⴷⵖⴰ ⴰⵏⴷⵔⴻⴰ ⵔⴰⵏⴳⴻⵍ ⴷ ⴷⵓⵍⵛⴻ ⵛⴰⵔⵔⴰⵏⵣⴰ, ⵙⵙⴰⵡⴹⴻⵏⵜ ⴰⴷ ⵙⵙⵉⴷⴼⴻⵏⵜ ⴰⵟⴰⵙ ⵏ ⵜⴻⵏⵇⵉⴹⵉⵏ. ⴷ ⴰⵢⴰ ⴰⵢ ⵢⴻⴵⴵⴰⵏ ⵎⵉⴽⵙⵉⴽ ⴰⴷ ⵜⴻⵔⵏⵓ ⴰⴷ ⵜⴻⵔⴱⴻⵃ ⴰⵃⵔⵉⵛ ⵡⵉⵙ 3 ⵙ 25 ⵖⴻⵔ 14.

ⴷⴻⴳ ⵓⵃⵔⵉⵛ ⵡⵉⵙ 4, ⵢⴻⵔⵏⴰ ⵙ ⵓⵙⵙⴻⴱⵖⴻⵙ ⵏ ⵓⴳⴷⵓⴷ ⵏ ⵢⵉⵎⴼⴻⵕⵕⴵⴻⵏ, ⵜⵉⴷⵣⴰⵢⵔⵉⵢⵉⵏ ⵙⵙⴰⵡⴹⴻⵏⵜ ⴰⴷ ⵔⴻⴱⵃⴻⵏⵜ ⴰⵃⵔⵉⵛ-ⵏⵏⵉ ⵙ 25 ⵖⴻⵔ 21, ⵢⴻⵔⵏⴰ ⴳⴰⵏⵜ-ⴷ « ⵜⵉⴻ-ⴱⵔⴻⴰⴽ ».