ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⵇⴰⴷ ⵏ ⵙⴽⴻⵔ : ⴰⵍⴻⵙⵙⴻⵙ ⵏ ⵜⵃⴰⵛⵉⵜⵉⵏ ⵓⵔ ⵢⴻⵔⵣⴰ ⴰⵔⴰ ⴰⴽⴽ ⵉⵎⵓⴹⴰⵏ ⵏ ⵙⵙⴽⴻⵔ

ⵍⴻⵣⵣⴰⵢⴻⵔ- ⴰⵖⵜⴰⵙ ⵏ ⵓⵍⴻⵙⵙⴻⵙ ⵏ ⵜⵃⴰⵛⵉⵜⵉⵏ ⵏ ⵓⵙⴻⵏⵇⴻⴷ ⵏ ⵢⵉⵎⴰⵏ ⵖⴻⴼ ⵙⵙⴽⴻⵔ ⵖⴻⵔ ⵢⵉⵡⴻⵜ ⵏ ⵜⴻⴱⵡⴰⴹⵜ ⵉ ⴽⵔⴰⴹ ⵡⴰⵢⵢⵓⵔⴻⵏ ⵉ ⵢⵉⵎⵓⴹⵉⵏⴻⵏ ⵏ ⵙⵙⴽⴻⵔ ⵢⴻⵔⵣⴰ ⴽⴰⵏ ⴽⵔⴰ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵉ ⵜⵏⴻⴳⴳⴰ ⵢⵉⵡⴻⵏ ⵏ ⵓⵎⴰⵙⴰⵢ ⵏ ⵓⵖⵍⵉⴼ ⵏ ⵓⵎⴰⵀⵉⵍ, ⴷ ⵓⵙⴻⵎⵔⴻⵙ ⴷ ⵜⵖⴻⵍⵍⵉⵙⵜ ⵏ ⵜⵎⴻⵜⵜⵉ.

"ⴰⵖⵜⴰⵙ ⵓⵍⴻⵙⵙⴻⵙ ⵏ ⵓⵙⴻⵎⵀⴻⵍ ⵏ ⵜⵃⴰⵛⵉⵜⵉⵏ ⵏ ⵓⵙⴻⵏⵇⴻⴷ ⵏ ⵢⵉⵎⴰⵏ ⵖⴻⴼ ⵙⵙⴽⴻⵔ ⵓⵔ ⵢⴻⵔⵣⴰ ⴰⵔⴰ ⵡⵉⴷ ⵜⴻⵟⵟⴻⴼ ⵜⴰⵏⵏⵓⵎⵉ ⵉ ⵓⵎⵉ ⵜⴻⵙⵙⴻⴼⴽ ⴰⴷ ⵢⴻⵡⵡⴻⵜ ⵜⵉⵙⵙⴻⴳⵏⵉⵜ (ⴰⵣⵓⵏ 1), ⴷ ⵢⵉⵎⵓⴹⴰⵏ (ⴰⵣⵓⵏ 2) ⵢⴻⵜⵜⵓⴷⴰⵡⴰⵏ ⵙ ⵜⵉⵙⵙⵉⵜ ⵏ ⴷⴷⵡⴰ ⴷ ⵜⵉⵢⵉⵜⴰ-ⵙ ⵙ ⵜⴻⵙⵙⴻⴳⵏⵉⵜ ⴰⴽⴽⴻⵏ ⵊⵎⵉⵄ, ⴷ ⵢⵉⵎⵓⴹⴰⵏ ⵢⴻⵜⵜⴷⴰⵡⵉⵏ ⵙ ⵜⵉⵙⵙⵉⵜ ⴽⴰⵏ ⵏ ⴷⴷⵡⴰ ⵢⴻⵙⵄⴰⵏ ⴷⴰⵖⴻⵏ ⵓⴳⵓⵔ ⴰⴽⴽⴻⵏ ⴰⴷ ⵢⴻⵡⵣⴻⵏ ⵙⵙⴽⴻⵔ-ⵉⵙ’’, ⵉ ⴷ-ⵢⴻⵙⵙⴻⴳⵣⵉ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵏ ⵜⵎⴻⵜⵜⵉ ⴷⴻⴳ ⵓⵖⵍⵉⴼ, ⴷⵊⴰⵧⵓⴻⴷ ⴱⵧⵓⵔⴽⴰⵉⴱ.

ⴰⵏⴻⵎⵀⴰⵍ-ⵏⵏⵉ ⵙ ⵜⵉⵎⵎⴰⴷ-ⵉⵙ ⵢⴻⵏⵏⴰ-ⴷ ⴰⴷ ⵢⴻⴱⴷⵓ ⴰⴷ ⵉⵜⴻⴷⴷⵓ ⵓⵖⵜⴰⵙ-ⴰ ‘’ⵎⵉ ⵔⴰⵔⴰ ⵢⴻⵣⵔⵉ ⵡⴰⵢⵢⵓⵔ ⵏ ⵔⴻⵎⴹⴰⵏ’’ ⵢⴻⵔⵣⴰ ‘’ⴰⵍⴰ ⵉⵎⵓⴹⴰⵏ ⵏ ⵙⵙⴽⴻⵔ (ⴰⵣⵓⵏ 2) ⵢⴻⵔⵙⴻⵏ, ⵢⴻⵜⵜⴷⴰⵡⵉⵏ ⵙ ⵜⵉⵙⵙⵉⵜ ⵏ ⴷⴷⵡⴰ ⴷ ⴰⵢⴰ’’.