Asebter amenzawi

Anqad n sker : Alesses n tḥacitin ur yerza ara akk imuḍan n ssker

Lezzayer- Aɣtas n ulesses n tḥacitin n usenqed n yiman ɣef ssker ɣer yiwet n tebwaḍt i kraḍ wayyuren i yimuḍinen n ssker yerza kan kra, i d-yenna ass n letniyen i Tnegga yiwen n umasay n uɣlif n Umahil, d Usemres d tɣellist n tmetti.

"Aɣtas ulesses n usemhel n tḥacitin n usenqed n yiman ɣef ssker ur yerza ara wid teṭṭef tannumi i umi tessefk ad yewwet tissegnit (azun 1), d yimuḍan (azun 2) yettudawan s tissit n ddwa d tiyita-s s tessegnit akken jmiɛ, d yimuḍan yettdawin s tissit kan n ddwa yesɛan daɣen ugur akken ad yewzen ssker-is’’, i d-yessegzi unemhal amatu n Tɣellist n tmetti deg uɣlif, Djaoued Bourkaib.

Anemhal-nni s timmad-is yenna-d ad yebdu ad iteddu uɣtas-a ‘’mi rara yezri wayyur n remḍan’’ yerza ‘’ala imuḍan n ssker (azun 2) yersen, yettdawin s tissit n ddwa d aya’’.