ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵏⵉ: ⵜⵉⵖⵉⵎⵉⵜ ⵏ ⵜⴻⴼⵙⵓⵜ ⵏ 2015 ⵙⵄⴻⴷⴷⴰⵏ ⴷⴻⴳ-ⵙ ⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵏ ⵍⵇⴰⵏⵓⵏ

ⵍⴻⵣⵣⴰⵢⴻⵔ – ⵜⵉⵖⵉⵎⵉⵜ ⵏ ⵜⴻⴼⵙⵓⵜ ⵏ ⵓⵎⵏⵉ ⴰⴷ ⵜⴼⴰⴽ ⴰⵙⵙ ⵏ ⵜⵜⵍⴰⵜⴰ, ⵢⴻⵔⵏⴰ ⵢⴻⵍⵍⴰ-ⴷ ⴷⴻⴳ-ⵙ ⵓⵙⵄⴻⴷⴷⵉ ⵏ ⵡⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵏ ⵍⵇⴰⵏⵓⵏ ⴰⵢ ⴷ-ⴳⴰⵏ ⴰⴽⴽⴻⵏ ⴰⴷ ⵙⴵⴻⵀⴷⴻⵏ ⵍⴻⵇⵡⴰⵏⵉⵏ ⴷⴻⴳ ⵡⴰⵟⴰⵙ ⵏ ⵢⵉⵏⵓⵔⴰⵔ. ⵢⵉⵡⴻⵏ ⵙⴻⴳ-ⵙⴻⵏ ⴷ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⴰⵢ ⵢⴻⵜⵜⴱⴻⴷⴷⵉⵍⴻⵏ ⵢⴻⵔⵏⴰ ⵢⴻⵙⵙⵎⴰⴷ ⵍⵇⴰⵏⵓ ⵏ ⵓⵄⴰⵇⴻⴱ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⵓⴷⴷⵓ ⵏ ⵜⵎⴻⵟⵟⵓⵜ ⵙⴻⴳ ⵡⴰⴽⴽ ⵍⴻⵚⵏⴰⴼ ⵏ ⵜⴻⴽⵔⵉⴹⵜ ⴷ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⴰⵢ ⵢⴻⵜⵜⴱⴻⴷⴷⵉⵍⴻⵏ ⵢⴻⵔⵏⴰ ⵢⴻⵙⵙⵎⴰⴷ ⵍⴻⵡⵚⴰⵢⴰ ⵏ 2003 ⵢⴻⵇⵇⵏⴻⵏ ⵖⴻⵔ ⵢⵉⵍⵓⴳⴰⵏ ⵉⵎⵓⵜⴰ ⵏ ⵡⴰⴵⴰⵡ ⴷ ⵓⵙⵙⵉⴵⴻⵡ ⵏ ⵙⵙⴻⵍⵄⴰ.

ⵙⵄⴻⴷⴷⴰⵏ ⴷⴰⵖ ⵉⵙⴻⵏⴼⴰⵔⴻⵏ ⵏⵉⴹⴻⵏ ⵏ ⵍⵇⴰⵏⵓⵏ ⴰⵎ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⴰⵢ ⴷ-ⵢⴻⵙⵙⴻⴼⵔⴰⵢⴻⵏ ⵉⵍⵓⴳⴰⵏ ⵉⵎⵓⵜⴰ ⵢⴻⵇⵇⵏⴻⵏ ⵖⴻⵔ ⵜⴻⵎⵙⴰⴼⴳⴰ ⵜⴰⵖⴰⵔⵉⵎⵜ, ⵢⴻⵜⵜⵡⴰⴱⴻⴷⴷⵍⴻⵏ ⵢⴻⵔⵏⴰ ⵢⴻⵜⵜⵡⴰⵙⵙⵎⴻⴷ, ⴷ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵓⵃⵓⴷⴷⵓ ⵏ ⵢⵉⴳⴻⵔⴷⴰⵏ.

ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵢⵉⵔⵎⵓⴷⴻⵏ ⴷ ⵙⵙⵓⵇ ⵏ ⵓⴷⵍⵉⵙ ⵙⵄⴻⴷⴷⴰⵏⵜ-ⵜⵜ ⴷⴰⵖ ⵜⴻⵅⵅⴰⵎⵉⵏ ⵏ ⵓⵎⵏⵉ ⴷⴻⴳ ⵙⵏⴰⵜ ⵢⵉⴷ-ⵙⴻⵏ ⴷⴻⴳ ⵜⵖⵉⵎⵉⵜ-ⴰ ⴰⵢ ⴷ-ⵢⴻⴱⴷⴰⵏ ⴷⴻⴳ 2 ⵎⴻⵖⵔⴻⵙ ⵢⴻⵣⵔⵉⵏ.

ⵜⵉⵖⵉⵎⵉⵜ ⵏ ⵜⴻⴼⵙⵓⵜ ⴷ ⵜⵉⵏ ⴷⴻⴳ ⵙⵄⴻⴷⴷⴰⵏ ⴷⴰⵖ 3 ⵏ ⵢⵉⵙⴻⵏⴼⴰⵔⴻⵏ ⵏⵉⴹⴻⵏ ⵏ ⵍⵇⴰⵏⵓⵏ, ⵏⵉⵜⵏⵉ ⴷ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵜⵜⴱⴻⴷⴷⵉⵍⴻⵏ ⵢⴻⵔⵏⴰ ⵢⴻⵙⵙⵎⴰⴷ ⵍⵇⴰⵏⵓⵏ ⵓⴹⴹⵓⵏ 04-86 ⵢⴻⵇⵇⵏⴻⵏ ⵖⴻⵔ ⵓⵙⵏⵓⵍⴼⵓ ⵏ ⵜⵣⴰⵍⵖⵉ ⵜⴰⵙⴻⵔⴷⴰⵙⵉⵜ, ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵓⵙⵏⵓⵍⴼⵓ ⵏ ⵜⵣⴰⵍⵖⵉ ⵏ ⵜⴻⴱⵖⴻⵙⵜ ⵜⴰⵙⴻⵔⴷⴰⵙⵉⵜ ⴷ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵓⵙⵏⵓⵍⴼⵓ ⵏ ⵜⵣⴰⵍⵖⵉ ⵏ ⵓⵜⵜⴻⴽⴽⵉ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷⴻⴳ ⵟⵟⵔⴰⴷⴰⵜ ⵏ 1967 ⴷ 1973 ⴷⴻⴳ ⵓⴳⵎⵓⴹ ⴰⵍⴻⵎⵎⴰⵙ.

ⴷⴻⴳ ⵜⵖⵉⵎⵉⵜ-ⴰ ⵏ ⵜⴻⴼⵙⵓⵜ, ⵙⵇⴻⵔⴷⵛⴻⵏ 18 ⵏ ⵢⵉⵙⴻⵏⴼⴰⵔⴻⵏ ⵏ ⵍⵇⴰⵏⵓⵏ, ⴳⴰⵔ-ⴰⵙⴻⵏ 9 ⵔⵙⴻⵏ ⵢⴰⴳⵉ ⴷⴻⴳ ⵜⵏⴰⵔⵉⵜ (ⵍⴱⵉⵔⵓ) ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ.

ⴳⴰⵔ ⵍⴻⵇⵡⴰⵏⵉⵏ-ⴰ ⵢⴻⵍⵍⴰ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵓⵙⵍⴰⴳⴰⵏ ⵏ ⵓⵎⴰⵔⴷ ⵉ ⵓⵙⴻⴳⴳⴰⵙ ⵏ 2012, ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵜⵜⴱⴻⴷⴷⵉⵍⴻⵏ ⵢⴻⵔⵏⴰ ⵢⴻⵙⵙⵎⴰⴷ ⵍⵇⴰⵏⵓⵏ ⵏ ⵚⵚⵢⴰⴷⴰ ⴷ ⵜⴽⴻⵙⵙⴰⵡⵜ ⵏ ⵢⵉⵙⴻⵍⵎⴰⵏ, ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⵔⵡⴻⵍ ⵏ ⵙⵙⴻⵍⵄⴰ ⴷ ⵓⵙⴻⵏⴼⴰⵔ ⵏⵉⴹⴻⵏ ⵢⴻⵇⵇⵏⴻⵏ ⵖⴻⵔ ⵓⵡⴻⵀⵀⵉ ⴷⴻⴳ ⵓⵏⴰⴷⵉ ⵓⵙⵙⵏⴰⵏ ⴷ ⵜⵏⴻⴼⵍⵉⵜ ⵜⴰⴽⵏⵓⵙⵙⵏⴰⵏⵜ.

ⴳⴰⵔ ⵢⵉⵙⴻⵏⴼⴰⵔⴻⵏ ⵏⵉⴹⴻⵏ ⴰⵢ ⵙⵙⴻⵔⵙⴻⵏ ⴷⴻⴳ ⵜⵏⴰⵔⵉⵜ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵢⴻⵍⵍⴰ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵜⴷⴰⵡⵙⴰ, ⵡⵉⵏ ⵢⴻⵇⵇⵏⴻⵏ ⵖⴻⵔ ⵓⵙⵙⵓⴷⴷⴻⵙ ⵏ ⵜⴽⴻⴱⴱⴰⵏⵉⵢⵉⵏ ⵜⵉⴷⴰⵎⵙⴰⵏⵉⵏ ⵜⵉⵏⴰⴳⴷⵓⴷⵉⵏ, ⴰⵙⴻⵏⴼⴰⵔ ⵏⵉⴹⴻⵏ ⵢⴻⵇⵇⵏⴻⵏ ⵖⴻⵔ ⵓⴷⴻⵍⵍⴻⵍ ⴷ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵓⵡⴻⵀⵀⵉ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ.