Asebter amenzawi

Amni: tiɣimit n tefsut n 2015 sɛeddan deg-s aṭas n yisenfaren n lqanun

LEZZAYER – Tiɣimit n tefsut n Umni ad tfak ass n ttlata, yerna yella-d deg-s usɛeddi n waṭas n yisenfaren n lqanun ay d-gan akken ad sǧehden leqwanin deg waṭas n yinurar. Yiwen seg-sen d asenfar n lqanun ay yettbeddilen yerna yessmad lqanu n uɛaqeb deg wayen yerzan aḥuddu n tmeṭṭut seg wakk leṣnaf n tekriḍt d usenfar n lqanun ay yettbeddilen yerna yessmad lewṣaya n 2003 yeqqnen ɣer yilugan imuta n waǧaw d ussiǧew n sselɛa.

Sɛeddan daɣ isenfaren niḍen n lqanun am usenfar n lqanun ay d-yessefrayen ilugan imuta yeqqnen ɣer temsafga taɣarimt, yettwabeddlen yerna yettwassmed, d usenfar n lqanun yeqqnen ɣer uḥuddu n yigerdan.

Asenfar n lqanun yeqqnen ɣer yirmuden d ssuq n udlis sɛeddant-tt daɣ texxamin n umni deg snat yid-sen deg tɣimit-a ay d-yebdan deg 2 Meɣres yezrin.

Tiɣimit n tefsut d tin deg sɛeddan daɣ 3 n yisenfaren niḍen n lqanun, nitni d asenfar n lqanun yettbeddilen yerna yessmad lqanun uḍḍun 04-86 yeqqnen ɣer usnulfu n tzalɣi taserdasit, asenfar n lqanun yeqqnen ɣer usnulfu n tzalɣi n tebɣest taserdasit d usenfar n lqanun n usnulfu n tzalɣi n uttekki n Yigen aɣelnaw aɣerfan deg ṭṭradat n 1967 d 1973 deg Ugmuḍ Alemmas.

Deg tɣimit-a n tefsut, sqerdcen 18 n yisenfaren n lqanun, gar-asen 9 rsen yagi deg tnarit (lbiru) n Ugraw aɣerfan aɣelnaw.

Gar leqwanin-a yella usenfar n lqanun yeqqnen ɣer uslagan n umard i useggas n 2012, asenfar n lqanun yettbeddilen yerna yessmad lqanun n ṣṣyada d tkessawt n yiselman, asenfar n lqanun yeqqnen ɣer yimenɣi mgal usserwel n sselɛa d usenfar niḍen yeqqnen ɣer uwehhi deg unadi ussnan d tneflit taknussnant.

Gar yisenfaren niḍen ay ssersen deg tnarit n Ugraw aɣerfan aɣelnaw, yella usenfar n lqanun yeqqnen ɣer tdawsa, win yeqqnen ɣer ussuddes n tkebbaniyin tidamsanin tinagdudin, asenfar niḍen yeqqnen ɣer udellel d usenfar n lqanun yeqqnen ɣer uwehhi n ussegmi aɣelnaw.