ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⴳⴳⴰⵙ ⴷⴻⴼⴼⵉⵔ ⵜⵓⵎⵎⵖⴰ ⵜⵉⵙⵕⴰⵢⵉⵍⵉⵜ, ⵉⵎⴻⵣⴷⴰⵖⴻⵏ ⵏ Ɣⴻⵣⵣⴰ ⴰⵜⵏⵉ ⴷⴻⴳ ⵜⴻⴳⵏⵉⵜ ⵏ ⵜⵡⴰⵖⵉⵜ

ⵍⴻⵣⵣⴰⵢⴻⵔ – ⵉⵎⴻⵣⴷⴰⵖⴻⵏ ⵏ Ɣⴻⵣⵣⴰ, ⵢⴻⵍⵍⴰⵏ ⴷ ⵜⴰⵎⵏⴰⴹⵜ ⵜⵉⴳⴻⵍⵍⵉⵍⵜ ⵢⴻⵔⵏⴰ ⵜⴻⵞⵞⵓⵕ ⴷ ⵍⵖⴰⵛⵉ, ⵎⴰⵣⴰⵍ-ⵉⵜⴻⵏ ⵏⴹⴻⵔⵔⴻⵏ ⵙⴻⴳ ⵜⴻⵔⴳⵓⵍⵜ ⴰⵢ ⴷ-ⵜⵃⴻⵜⵜⴻⵎ ⴼⴻⵍⵍ-ⴰⵙⴻⵏ ⵉⵙⵕⴰⵢⵉⵍ 9 ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⵢⴻⵔⵏⴰ ⴰⴼⵎⵉⴹⵉ ⵏ ⵜⵔⴻⴱⴱⴰⵡⵜ (ⵚⵚⵓⵎⴰⵊ) ⴷⴻⴳ ⵜⴻⵎⵏⴰⴹⵜ-ⴰ ⴷ ⵢⵉⵡⴻⵏ ⵙⴻⴳ ⵢⵉⵎⴻⵇⵔⴰⵏⴻⵏ ⴰⴽⴽ ⴷⴻⴳ ⵓⵎⴰⴹⴰⵍ, ⵎⴰ ⴷ ⵜⴰⴳⵏⵉⵜ ⵏ ⵡⴰⵟⴰⵙ ⵏ ⵎⴻⴷⴷⴻⵏ ⵜⵓⵡⴻⴹ ⵖⴻⵔ ⵓⵙⵡⵉⵔ ⵏ ⵜⵡⴰⵖⵉⵜ, ⴰⵙⴻⴳⴳⴰⵙ ⵙⴷⴻⴼⴼⵉⵔ ⵎⴰ ⵎⵎⵖⴻⵏ ⵢⵉⵙⴻⵔⴷⴰⵙⴻⵏ ⵉⵙⵕⴰⵢⵉⵍⵉⵢⴻⵏ ⴼⴻⵍⵍ-ⴰⵙⴻⵏ ⴷⴻⴳ ⵢⵓⵍⵢⵓ ⵏ 2014.

ⵜⴰⵔⴳⵓⵍⵜ-ⴰ ⴰⵢ ⴷ-ⵢⴻⵜⵜⵡⴰⵃⴻⵜⵜⵎⴻⵏ ⴷⴻⴳ ⵢⵓⵏⵢⵓ ⵏ 2006, ⵜⵓⴷⴻⴼ ⴰⵙⴻⴳⴳⴰⵙ-ⵏⵏⴻⵙ ⵡⵉⵙ 9, ⵜⴻⵅⵏⴻⵇ ⵉⵎⴻⵣⴷⴰⵖⴻⵏ ⵏ Ɣⴻⵣⵣⴰ ⵢⴻⵔⵏⴰ ⵙⵉⵎⴰⵍ ⵍⴰ ⵜⴻⵜⵜⴽⴻⵎⵎⵉⵍ ⵍⴰ ⵜⴳⴻⵍⵍⵓ ⵙ ⵜⵎⴻⴷⴷⵓⵔⵉⵏ ⵏ ⵎⴻⴷⴷⴻⵏ ⴰⵢ ⵢⴻⴷⴷⵔⴻⵏ ⴷⴻⴳ ⵜⴻⴳⵏⵉⵜ ⵏ ⵜⵡⴰⵖⵉⵜ. ⵉ ⵓⵙⵎⴻⴽⵜⵉ, 1,8 ⴷ ⴰⵎⴻⵍⵢⵓⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ Ɣⴻⵣⵣⴰ ⵢⴻⵔⵏⴰ ⵏⴹⴻⵔⵔⴻⵏ ⵎⵍⵉⵃ ⵙⴻⴳ ⵡⴰⵙⵎⵉ ⴰⵢ ⵜⵄⴻⴷⴷⴰⵏ ⴼⴻⵍⵍ-ⴰⵙⴻⵏ ⵢⵉⵙⴻⵔⴷⴰⵙⴻⵏ ⵉⵙⵕⴰⵢⵉⵍⵉⵢⴻⵏ ⴰⵙⴻⴳⴳⴰⵙ ⵢⴻⵣⵔⵉⵏ. ⵉⵎⴹⴰⵏⴻⵏ ⴰⵔⴰ ⴷ-ⵏⴻⴼⴽ ⵙⵡⴰⴷⴷⴰ-ⴰ ⵜⵜⵡⴰⴷⴷⵎⴻⵏ-ⴷ ⵙⴻⴳ ⵓⵕⴰⴱⵓⵍ ⵏ 14 ⵢⵓⵏⵢⵓ 2015 ⵢⴻⵔⵏⴰ ⵙⵙⴽⴰⵏⴰⵢⴻⵏ-ⴷ ⵉⵅⴻⵚⵚⴰⵔⴻⵏ ⴰⵢⵢⴻⵙ ⴰⵢ ⴷ-ⵜⴻⴳⵍⴰ ⵜⴻⵔⴳⵓⵍⵜ-ⴰ:

ⵖⴻⴼ ⵍⴻⵃⵙⴰⴱ ⵏ ⵜⴱⴰⵏⴽⴰ ⵜⴰⵎⴰⴹⵍⴰⵏⵜ, ⵜⴰⵔⴳⵓⵍⵜ-ⴰ ⵜⴰⵇⴻⵙⵃⴰⵏⵜ ⵜⴻⵙⵙⴻⵏⵇⴻⵙ ⴰⴼⴰⵔⵉⵙ ⴰⴳⴻⵏⵙⵉ ⴰⵣⴻⴳⵣⴰⵡ (ⵒⵉⴱ) ⵏ Ɣⴻⵣⵣⴰ ⵙ 50% ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⵍⵍⴰ ⵓⵜⵄⴻⴷⴷⵉ ⴰⵙⴻⵔⴷⴰⵙⵉ ⵏ ⵓⵏⴻⴱⴷⵓ ⵢⴻⵣⵔⵉⵏ, ⵢⴻⵔⵏⴰ ⵜⴰⵎⵏⴰⴹⵜ-ⴰ ⵜⴻⵇⵇⴻⵍ ⵓⵔ ⵜⴻⵙⵙⴰⴵⴰⵡ ⴰⵛⴻⵎⵎⴰ ⵖⴻⵔ ⵓⵣⵖⴰⵔ. ⴰⴼⵎⵉⴹⵉ ⵏ ⵜⵔⴻⴱⴱⴰⵡⵜ (ⵚⵚⵓⵎⴰⵊ) ⵢⵓⵡⴻⴹ ⵖⴻⵔ 44%, ⵉⵄⴻⴷⴷⴰ ⵉ 60% ⵖⴻⵔ ⵢⵉⵍⴻⵎⵥⵉⵢⴻⵏ ⵢⴻⵔⵏⴰ « ⵓⵍⴰⵛ ⵛⵛⴻⴽ, ⴷ ⵏⴻⵜⵜⴰ ⴰⵢ ⴷ ⴰⴼⵎⵉⴹⵉ ⴰⵎⴻⵇⵔⴰⵏ ⴰⴽⴽ ⴷⴻⴳ ⵓⵎⴰⴹⴰⵍ », ⵖⴻⴼ ⵍⴻⵃⵙⴰⴱ ⵏ ⵜⴱⴰⵏⴽⴰ ⵜⴰⵎⴰⴹⵍⴰⵏⵜ. ⵏⵏⵉⴳ ⵡⴰⵢⴰ, 80% ⵙⴻⴳ ⵢⵉⵎⴻⵣⴷⴰⵖⴻⵏ ⵏ ⵡⴰⴽⴰⵍ ⵏ Ɣⴻⵣⵣⴰ ⴰⵢ ⵢⴻⴷⴷⵔⴻⵏ ⵙ ⵍⴻⵎⵄⴰⵡⵏⴰ ⵜⴰⴳⵔⴰⵖⵍⴰⵏⵜ, ⵢⴻⵔⵏⴰ ⵓⴳⴰⵔ ⵏ 40% ⵙⴻⴳ-ⴻⵏ ⴷⴷⵔⴻⵏ ⴷⴷⴰⵡ ⵓⵎⵏⴰⵕ ⵏ ⵍⴻⵅⵚⴰⵚ.

ⵜⴻⵜⵜⵡⴰⵃⵕⴻⵙ ⵜⵍⴻⵍⵍⵉ ⵏ ⵜⵉⴽⵍⵉ ⵏ ⵢⵉⵎⴷⴰⵏⴻⵏ

ⵖⴻⴼ ⵍⴻⵃⵙⴰⴱ ⵏ ⵓⵕⴰⴱⵓⵍ ⵏ 2015, 535 ⵏ ⵢⵉⵎⵓⴹⵉⵏⴻⵏ ⵉⴼⴰⵍⴻⵙⵟⵉⵏⵉⵢⴻⵏ, ⴳⴰⵔ-ⴰⵙⴻⵏ 86 ⵏ ⵢⵉⴳⴻⵔⴷⴰⵏ, ⵓⵎⵉ ⵓⵔ ⴷ-ⵢⴻⵜⵜⵓⵏⴻⴼⴽ ⴰⵔⴰ ⵜⵜⴻⵙⵔⵉⵃ ⴰⴽⴽⴻⵏ ⴰⴷ ⴷⴰⵡⵉⵏ ⴱⴻⵕⵕⴰ ⵉ Ɣⴻⵣⵣⴰ ⴷⴻⴳ 2014. 160 ⵏ ⵢⵉⵎⵓⴹⵉⵏⴻⵏ ⵏⵉⴹⴻⵏ, ⴳⴰⵔ-ⴰⵙⴻⵏ 16 ⵏ ⵢⵉⴳⴻⵔⴷⴰⵏ, ⵓⵎⵉ ⵓⵔ ⴷ-ⵢⴻⵜⵜⵓⵏⴻⴼⴽ ⴰⵔⴰ ⵜⵜⴻⵙⵔⵉⵃ ⴷⴻⴳ 2015.

ⴰⵣⴰⵍ ⵏ 550 ⵏ ⵢⵉⵏⴻⵍⵎⴰⴷⴻⵏ ⵓⵎⵉ ⵓⵔ ⴷ-ⵢⴻⵜⵜⵓⵏⴻⴼⴽ ⴰⵔⴰ ⵜⵜⴻⵙⵔⵉⵃ ⴰⴽⴽⴻⵏ ⴰⴷ ⵄⴻⴷⴷⵉⵏ ⵉ ⵜⴻⵏⵇⵉⴹⵜ ⵏ ⵓⵄⴻⴷⴷⵉ ⵏ ⴱⴻⵉⵜ ⵀⴰⵏⵧⵓⵏ (ⴻⵔⴻⵣ) ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⵜⵉⵣⵔⴰⵡⵉⵏ-ⵏⵙⴻⵏ ⴷⴻⴳ ⵜⴻⵙⴷⴰⵡⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⵙⴻⴳ 2014 ⴰⵔ ⴰⵙⵙ-ⴰ. ⵏⵏⵉⴳ ⵡⴰⵢⴰ, ⴰⵣⴰⵍ ⵏ 30.000 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⴳⴰⵔ-ⴰⵙⴻⵏ ⵍⵍⴰⵏ ⵢⵉⵎⵓⴹⵉⵏⴻⵏ ⴷ ⵢⵉⵏⴻⵍⵎⴰⴷⴻⵏ, ⴰⵢ ⵎⴰⵣⴰⵍ ⵜⵜⵕⴰⵊⵓⵏ ⴰⴷ ⵄⴻⴷⴷⵉⵏ ⵖⴻⵔ ⵎⴰⵚⴻⵔ ⵙⴻⴳ ⵜⴻⵏⵇⵉⴹⵜ ⵏ ⵓⵄⴻⴷⴷⵉ ⵏ ⵔⴰⴼⴰⵀ ⵢⴻⵍⵍⴰⵏ ⴷ ⵜⴰⵏⵇⵉⴹⵜ ⵏ ⵓⵄⴻⴷⴷⵉ ⵜⴰⵡⵃⵉⴷⵜ ⵏ Ɣⴻⵣⵣⴰ ⵓⵔ ⵢⴻⵍⵍⵉⵏ ⴷⴷⴰⵡ ⵓⴷⴰⴱⵓ ⵏ ⵉⵙⵕⴰⵢⵉⵍ.

ⵍⵃⴻⵕⵙ ⵖⴻⴼ ⵓⵙⵙⵉⴷⴻⴼ ⵏ ⵜⵜⴰⵡⵉⵍ ⵏ ⵍⴻⴱⵏⵉ

ⵉⵙⵕⴰⵢⵉⵍ ⵜⴻⵃⵕⴻⵙ ⵎⵍⵉⵃ ⴰⴵⴰⵡ ⵏ ⵜⵜⴰⵡⵉⵍⴰⵜ ⵏ ⵍⴻⴱⵏⵉ ⵖⴻⵔ Ɣⴻⵣⵣⴰ, ⵢⴻⵔⵏⴰ ⴳⴰⵔ ⵜⵜⴰⵡⵉⵍⴰⵜ-ⴰ ⵢⴻⵍⵍⴰ ⵓⴳⴻⵔⵔⴰⵛ ⴷ ⵢⵉⵊⴷⵉ, ⵉⴼⴻⴳⴳⴰⴳⴻⵏ ⵏ ⵡⵓⵣⵣⴰⵍ ⴷ ⵓⵙⵉⵎⴰⵏ, ⴷ ⵜⵉⵖⴰⵡⵙⵉⵡⵉⵏ ⴰⵢ ⵢⴻⵙⵙⴻⴼⴽⴻⵏ ⵉ ⵓⵄⴰⵡⴻⴷ ⵏ ⵍⴻⴱⵏⵉ ⵏ ⵜⴻⵎⵏⴰⴹⵜ-ⴰ ⵙⴷⴻⴼⴼⵉⵔ ⵎⴰ ⵜⵄⴻⴷⴷⴰⵏ ⴼⴻⵍⵍ-ⴰⵙ ⵢⵉⵙⴻⵔⴷⴰⵙⴻⵏ ⵉⵙⵕⴰⵢⵉⵍⵉⵢⴻⵏ ⴷⴻⴳ ⵓⵏⴻⴱⴷⵓ ⵢⴻⵣⵔⵉⵏ. ⴰⴼⵎⵉⴹⵉ ⵏ ⵡⴰⴷⴰⴼ ⵏ ⵜⵜⴰⵡⵉⵍⴰⵜ ⵏ ⵍⴻⴱⵏⵉ ⵢⵓⵡⴻⴹ ⵖⴻⵔ 0,2%, ⵢⴻⵔⵏⴰ ⵙ ⵓⵏⵢⴰ ⴰⵎ ⵡⴰ, Ɣⴻⵣⵣⴰ ⵜⴻⵃⵡⴰⴵ ⵓⴳⴰⵔ ⵏ ⵍⵇⴻⵔⵏ ⴰⴽⴽⴻⵏ ⴰⴷ ⵜⵄⴰⵡⴻⴷ ⴰⴷ ⵜⴻⵜⵜⵡⴰⴱⵏⵓ. ⵉ ⵓⵙⵎⴻⴽⵜⵉ, ⴰⵜⵄⴻⴷⴷⵉ ⵉⵙⵕⴰⵢⵉⵍⵉ ⵖⴻⴼ ⵜⴻⵎⵏⴰⴹⵜ-ⴰ ⵢⴻⴳⵍⴰ ⵙ ⵜⵎⴻⴷⴷⵓⵔⵜ ⵏ 2.200 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵢⴻⵔⵏⴰ ⵢⴻⵙⵙⴻⴷⵔⴻⵎ ⵇⵔⵉⴱ ⴰⴽⴽ ⵜⵉⴷⵓⵎⵚⵓⴽⵉⵡⵉⵏ ⵏ Ɣⴻⵣⵣⴰ.

ⴷⴰⵖ, 17.600 ⵏ ⵜⵡⴰⵛⵓⵍⵉⵏ ⴰⵢ ⵎⴰⵣⴰⵍ ⵓⵔ ⵙⵄⵉⵏⵜ ⵉⵅⵅⴰⵎⴻⵏ ⵉⵎⵉ ⴰⵢ ⴰⵙⴻⵏ-ⵜⵜⵡⴰⵙⴷⴻⵔⵎⴻⵏ ⵢⵉⵅⵅⴰⵎⴻⵏ-ⵏⵙⴻⵏ ⴷⴻⴳ ⵜⵓⵎⵎⵖⴰ ⵜⵉⵙⵕⴰⵢⵉⵍⵉⵜ ⵏ 2014.

ⵍⵃⴻⵕⵙ ⵖⴻⴼ ⵢⵉⵚⴻⵢⵢⴰⴷⴻⵏ ⵏ ⵢⵉⵙⴻⵍⵎⴰⵏ

ⵉⵚⴻⵢⵢⴰⴷⴻⵏ ⵏ ⵢⵉⵙⴻⵍⵎⴰⵏ ⵙⵄⴰⵏ ⵜⵜⴻⵙⵔⵉⵃ ⴰⴷ ⵙⴱⴻⵄⴷⴻⵏ ⴽⴰⵏ 6 ⵏ ⵢⵉⵎⵉⵍⴻⵏ ⴷⴻⴳ ⵍⴻⴱⵃⴻⵕ, ⵢⵉⵍⵉ ⵜⴰⵎⵏⴰⴹⵜ ⵏ ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ ⴷⴻⴳ-ⵙ 20 ⵏ ⵢⵉⵎⵉⵍⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⴱⴷⴻⵔ ⴷⴻⴳ ⵢⵉⵎⵜⴰⵡⴰⵢⴻⵏ ⵏ ⵧⵙⵍⵧ ⵏ 1993. ⵜⴰⴳⵔⵉⵡⴰ ⵜⵉⵙⵕⴰⵢⵉⵍⵉⵜ ⵜⴻⴹⴹⴻⴼ 58 ⵏ ⵢⵉⵚⴻⵢⵢⴰⴷⴻⵏ ⵙⴷⴰⵅⴻⵍ ⵜⴰⵍⴰⵙⵜ-ⵏⵏⵉ ⵏ 6 ⵏ ⵢⵉⵎⵉⵍⴻⵏ ⴷⴻⴳ 2014, ⵢⴻⵔⵏⴰ ⵜⴻⴹⴹⴻⴼ 13 ⵏⵉⴹⴻⵏ ⴷⴻⴳ 4 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015.

ⴰⵣⴰⵍ ⵏ 1.400 ⵏ ⵢⵉⵟⵓⵏⴻⵏ ⵏ ⵢⵉⵙⴻⵍⵎⴰⵏ ⴰⵢ ⵢⴻⵜⵜⵡⴰⵅⵚⴰⵔⴻⵏ ⵢⴰⵍ ⴰⵙⴻⴳⴳⴰⵙ ⵖⴻⴼ ⵍⴵⴰⵍ ⵏ ⵍⵃⴻⵕⵙ ⵖⴻⴼ ⵜⴻⵎⵏⴰⴹⵜ ⵏ ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ ⴷⴻⴳ Ɣⴻⵣⵣⴰ, ⵢⴻⵔⵏⴰ ⴷ ⴰⵢⴰ ⴰⵢ ⴰⵙ-ⵢⴻⵙⵙⴻⵅⵚⴰⵔⴻⵏ 26 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵉ ⵜⴷⴰⵎⵙⴰ ⵏ Ɣⴻⵣⵣⴰ ⵢⴰⵍ ⴰⵙⴻⴳⴳⴰⵙ.

ⴰⴷⵔⴰⵎ ⵏ ⵜⴷⴰⵎⵙⴰ ⵏ Ɣⴻⵣⵣⴰ

72% ⵙⴻⴳ ⵍⵍⵓⵣⵉⵏⴰⵜ ⵏ Ɣⴻⵣⵣⴰ ⴰⵢ ⵉⵖⴻⵍⵇⴻⵏ ⵙⴻⴳ 2007 ⵖⴻⴼ ⵍⴵⴰⵍ ⵏ ⵍⵃⴻⵕⵙ ⴰⵇⴻⵙⵃⴰⵏ ⴰⵢ ⴷ-ⵢⴻⵍⵍⴰⵏ ⵖⴻⴼ ⵡⴰⴵⴰⵡ ⵏ ⵙⵙⴻⵍⵄⴰ ⵙⴻⴳ ⵓⵣⵖⴰⵔ, ⵢⴻⵔⵏⴰ ⵇⵔⵉⴱ ⵓⵍⴰⵛ ⴰⴽⴽ ⴰⵢⴻⵏ ⴰⵢ ⵍⴰ ⵙⵙⴰⴵⴰⵡⴻⵏ ⵙⴻⴳ Ɣⴻⵣⵣⴰ. ⴰⵙⵙⵉⴵⴻⵡ ⵢⴻⵏⴳⴻⵔ ⵇⵔⵉⴱ ⴰⴽⴽ ⴷⴻⴳ Ɣⴻⵣⵣⴰ ⵢⴻⵔⵏⴰ ⴰⵅⴻⴷⴷⵉⵎ ⵏ ⵍⵍⵓⵣⵉⵏⴰⵜ ⵢⴻⵏⵇⴻⵙ ⵙ 60%. ⵉⴼⴻⵍⵍⴰⵃⴻⵏ ⴰⵢ ⵢⴻⵙⵄⴰⵏ ⴰⴽⴰⵍ ⴷⴻⴳ « ⵜⴻⵎⵏⴰⴹⵜ ⵏ ⵡⴰⴷⴰⴼ ⵢⴻⵜⵜⵡⴰⵍⴻⵙⵙⴻⵙⴻⵏ » (ⴰⵛⵛⴻⵙⵙ ⵔⴻⵙⵜⵔⵉⵛⵜⴻⴷ ⴰⵔⴻⴰⵙ, ⴰⵔⴰ), ⵍⴰⴷⵖⴰ ⴰⴽⴰⵍ ⴰⵢ ⵉⴱⴻⵄⴷⴻⵏ 300 ⵏ ⵢⵉⵎⵉⵜⵔⴻⵏ ⵖⴻⴼ ⵓⵖⵔⴰⴱ ⵉⵙⵕⴰⵢⵉⵍⵉ, ⵢⴻⵜⵜⵡⴰⴳⴷⴻⵍ-ⴰⵙⴻⵏ ⴰⴷ ⴰⴷⴼⴻⵏ ⵖⴻⵔ ⵡⴰⴽⴰⵍ-ⵏⵙⴻⵏ, ⵢⴻⵔⵏⴰ ⵡⵉⵏ ⴰⵔⴰ ⵥⵔⴻⵏ ⴷⵉⵏ ⵢⵉⵙⴻⵔⴷⴰⵙⴻⵏ ⵉⵙⵕⴰⵢⵉⵍⵉⵢⴻⵏ, ⴰⴷ ⵇⴻⵔⵔⵙⴻⵏ ⴼⴻⵍⵍ-ⴰⵙ ⴰⴽⴽⴻⵏ ⴰⴷ ⵜ-ⵏⵖⴻⵏ. ⵢⵓⵖ ⵍⵃⴰⵍ, 35% ⵙⴻⴳ ⵡⴰⴽⴰⵍ ⵉⵚⴻⵍⵃⴻⵏ ⵉ ⵜⴼⴻⵍⵍⴰⵃⵜ ⴷⴻⴳ Ɣⴻⵣⵣⴰ ⵢⴻⵣⴳⴰ-ⴷ ⴷⴻⴳ ⵜⴻⵎⵏⴰⴹⵉⵏ ⵜⵉⵎⵉⵀⴰⵡⵉⵏ ⴷⴻⴳ ⵣⴻⵎⵔⴻⵏ ⴰⴷ ⵜⵜⵡⴻⵏⵖⴻⵏ ⵢⵉⴼⴰⵍⴻⵙⵟⵉⵏⵉⵢⴻⵏ.

ⴰⴷⵔⴰⵎ ⵏ ⵜⵜⴰⵡⵉⵍⴰⵜ ⵏ ⵓⴼⵔⴰⵇ ⴷ ⵓⵙⵙⵉⵣⴷⴻⴳ ⵏ ⵡⴰⵎⴰⵏ

ⵜⴰⵙⴼⵉⴼⵜ ⵏ Ɣⴻⵣⵣⴰ ⵓⵔ ⵜⴻⵙⵄⵉ ⴰⵔⴰ ⵜⵉⵖⴱⵓⵍⴰ ⵜⵉⴳⴰⵎⴰⵏⵉⵏ ⵢⴻⵔⵏⴰ ⵙⴻⴳ ⵣⵉⴽ ⴰⵢ ⵜⵜ-ⵅⵓⵚⵚⴻⵏ ⵡⴰⵎⴰⵏ. ⵉⵖⵍⴰⵏⴻ ⵢⴻⴷⴷⵓⴽⴽⵍⴻⵏ ⵄⴻⵢⵢⵏⴻⵏ-ⴷ ⵢⴰⴳⵉ ⴷ ⴰⴽⴽⴻⵏ ⵜⴰⵎⵏⴰⴹⵜ-ⴰ ⴰⴷ ⵜⴻⵇⵇⴻⵍ « ⵓⵔ ⵢⴻⵣⵎⵉⵔ ⵡⵉⵏ ⴰⵔⴰ ⵢⴻⴷⴷⵔⴻⵏ ⴷⴻⴳ-ⵙ » ⵙⴻⴳ-ⴰ ⵖⴻⴼ ⵙⴻⵎⵎⵓⵙ ⵏ ⵢⵉⵙⴻⴳⴳⴰⵙⴻⵏ –ⵢⴻⵔⵏⴰ ⴰⵎⴳⴰⵔⵓ ⵏ 2014 ⵢⴻⵙⵙⴻⴷⵔⴻⵎ ⴰⴽⴽ ⵜⴰⵎⵏⴰⴹⵜ ⵜⴰⵎⴳⵓⵔⴰⵏⵜ ⴰⵢ ⵢⴻⵍⵍⴰⵏ, ⵢⴰⴳⵉ, ⵎⴻⵥⵥⵉⵢⴻⵜ. ⵙⴷⴻⴼⴼⵉⵔ ⵎⴰ ⵢⴻⵜⵜⵡⴰⴹⴹⴻⴼ ⵡⴰⴽⴰⵍ ⵏ Ɣⴻⵣⵣⴰ, ⴰⵣⴳⴻⵏ ⵙⴻⴳ ⵡⴰⴽⴰⵍ ⴰⵢ ⵉⵚⴻⵍⵃⴻⵏ ⵉ ⵜⴼⴻⵍⵍⴰⵃⵜ ⴷ 85% ⵙⴻⴳ ⵜⴻⵖⴱⵓⵍⴰ ⵏ ⵢⵉⵙⴻⵍⵎⴰⵏ ⵇⵇⵍⴻⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵓⵔ ⵣⵎⵉⵔⴻⵏ ⴰⴷ ⴰⵡⴹⴻⵏ ⵖⴻⵔ-ⵙⴻⵏⵜ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵕⴰⴱⵓⵍ ⵏ 2012).

ⵏⵏⵉⴳ ⵡⴰⵢⴰ, 90 ⵏ ⵢⵉⵎⴻⵍⵢⵓⵏⴻⵏ ⵏ ⵍⵍⵉⵜⵔⴰⵜ ⵏ ⵡⴰⵎⴰⵏ ⵢⵓⵎⵙⴻⵏ (ⵢⴻⵔⵏⴰ ⵜⵜⵡⴰⵙⴻⴽⴽⵔⴻⵏ ⴰⵙⴻⴽⴽⴻⵔ ⵓⵔ ⵢⴻⵎⵎⵉⴷⴻⵏ ⴰⵔⴰ) ⴰⵢ ⵢⴻⵜⵜⴻⵏⵖⴰⵍⴻⵏ ⵙⴻⴳ Ɣⴻⵣⵣⴰ ⵖⴻⵔ ⵢⵉⵍⴻⵍ ⴰⴳⵔⴰⴽⴰⵍ ⵖⴻⴼ ⵍⴵⴰⵍ ⵏ ⵓⴳⵣⴰⵎ ⵏ ⵜⵔⵉⵙⵉⵜⵉ ⴷ ⵍⴻⵅⵚⴰⵚ ⵏ ⵜⵜⴰⵡⵉⵍⴰⵜ ⵏ ⵍⴻⴱⵏⵉ ⴷ ⵜⵛⴻⵇⵇⵓⴼⵉⵏ ⵏ ⵓⴱⴻⴷⴷⴻⵍ ⵉ ⵜⵎⴰⵛⵉⵏⵉⵏ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵢⵓⵎⵙⴻⵏ. 97% ⵙⴻⴳ ⵡⴰⵎⴰⵏ ⴰⵢ ⵢⴻⵜⵜⵡⴰⴼⵔⴰⵇⴻⵏ ⴷⴻⴳ ⵓⵥⴻⴹⴹⴰ ⵏ ⵜⵖⵉⵡⴰⵏⵜ ⵓⵔ ⵚⵍⵉⵃⴻⵏ ⴰⵔⴰ ⵉ ⵜⵉⵙⵙⵉⵜ.

ⵜⵉⵍⵖⴰ-ⴰ ⵜⵜⵡⴰⵍⴻⵇⴹⴻⵏⵜ-ⴷ ⵙⴻⴳ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⴷⴰⵡⵙⴰ ⴷⴻⴳ 24 ⵎⴰⵢⵓ 2015, ⵙⴻⴳ ⵓⵖⵍⵉⴼ ⴰⴼⴰⵍⴻⵙⵟⵉⵏⵉ ⵏ ⵜⵖⴰⵡⵙⵉⵡⵉⵏ ⵜⵉⵖⴰⵔⵉⵎⵉⵏ ⴷⴻⴳ 2 ⵢⵓⵏⵢⵓ 2015 ⴷ ⵜⵏⴰⵔⵉⵜ ⵏ ⵓⵙⵙⴻⵎⵢⵓⴷⴷⴻⵙ ⵏ ⵜⵖⴰⵡⵙⵉⵡⵉⵏ ⵜⴰⵍⵙⴰⵏⵉⵏ (ⵧⵛⵀⴰ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⵙⵖⵓⵔ ⴼⴰⵜⵉⵀⴰ ⴽⵀⴰⵍⴻⴼ