ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵜⵜⵡⴰⴱⵏⵓⵏⵜ ⵓⴳⴰⵔ ⵏ 100 ⵏ ⵜⴻⵖⵙⴰⵔ ⵉ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵢⵓⵎⵙⴻⵏ ⴷⴻⴳ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ – ⵍⴻⵣⵣⴰⵢⴻⵔ ⴰⴷ ⵜⴻⵙⵄⵓ, ⵙ ⵓⵊⴻⵎⵎⴰⵍ, 272 ⵏ ⵜⴻⵖⵙⴰⵔ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵢⵓⵎⵙⴻⵏ ⴳⴰⵔ ⵓⵙⴻⴳⴳⴰⵙ-ⴰ ⴷ 2019, ⴷⴻⴳ ⵡⴰⴽⵓⴷ ⴷⴻⴳ ⴰⵙⵙ-ⴰ ⵜⴻⵙⵄⴰ ⴽⴰⵏ 166 ⵢⴻⵔⵏⴰ ⵍⴻⴱⵏⵉ ⵏ ⵡⵓⴳⴰⵔ ⵏ ⵜⴻⵖⵙⴰⵔ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵢⵓⵎⵙⴻⵏ ⴷ ⴰⵢⴻⵏ ⴰⵔⴰ ⵉⴹⴻⵎⵏⴻⵏ ⵜⴰⵎⴻⴷⴷⵓⵔⵜ ⵢⴻⵍⵀⴰⵏ ⵓⴳⴰⵔ ⵉ ⵎⴻⴷⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵓⵏⴻⵖⵍⴰⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴷ ⵜⵡⴻⵏⵏⴰⴹⵜ, ⴰⴱⴷⴻⵍⵧⵓⴰⵀⴰⴱ ⵏⵧⵓⵔⵉ.

« ⵍⴻⵣⵣⴰⵢⴻⵔ ⵜⵄⴻⵡⵡⴻⵍ ⴰⴷ ⵜⴻⵙⵙⴻⵍⵀⵓ ⵜⴰⴳⵏⵉⵜ ⵏ ⵜⵎⴻⴷⴷⵓⵔⵜ ⵏ ⵎⴻⴷⴷⴻⵏ ⵢⴻⵔⵏⴰ ⵉ ⵍⵎⴻⵏⴷ ⵏ ⵡⴰⵢⴰ ⴰⵢ ⵍⴰ ⵜⴻⵙⵙⴻⴼⵔⴰⵢ ⵜⵎⵓⵔⵜ ⴰⴷ ⵜⴻⵙⵙⴻⵎⵖⴻⵔ ⵜⵉⵣⴻⵎⵎⴰⵔ-ⵏⵏⴻⵙ ⴷⴻⴳ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵢⵓⵎⵙⴻⵏ ⵙ ⵍⴻⴱⵏⵉ ⵏ 100 ⵏ ⵜⴻⵖⵙⴰⵔ ⵜⵉⵎⴰⵢⵏⵓⵜⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵉ ⵍⵎⴻⵏⴷ ⵏ ⵓⵔⵥⴰⵎ ⵏ ⵓⵃⵔⵉⵛ ⵡⵉⵙ ⵙⵉⵏ ⵏ ⵜⴻⵖⵙⴻⵔⵜ ⵏ ⵄⵉⵏ ⵍⴱⴻⵏⵢⴰⵏ, ⴷⴻⴳ ⵓⵜⴰⵔⴰⵎ (ⵍⵖⴻⵔⴱ) ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⴰⵏⴻⵖⵍⴰⴼ ⵢⴻⵔⵥⴻⵎ ⴷⴰⵖ ⴰⵃⵔⵉⵛ ⵡⵉⵙ ⵙⵉⵏ ⵏ ⵜⴻⵖⵙⴻⵔⵜ ⵏ ⴱⴻⵔⵔⴰⵇⵉ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵙⵡⵉ ⵏ ⵜⵉⴽⵍⵉ-ⴰ ⵏⴻⵜⵜⴰ « ⴷ ⴼⴻⵔⵔⵓ ⵏ ⵡⵓⴳⵓⵔⴻⵏ ⵏ ⵡⴰⵎⴰⵏ ⵢⵓⵎⵙⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⵔⴰ ⵢⴻⵙⵙⵉⵡⴹⴻⵏ ⵖⴻⵔ ⵓⵙⵡⵉⵔ ⴷⴻⴳ ⵓⵔ ⵜⴻⵜⵜⴹⴻⵢⵢⵉⵔ ⴰⵔⴰ ⴰⴽⴽ ⴰⵎⴰⵏ ⵢⵓⵎⵙⴻⵏ ⴷⴻⴳ ⵓⴳⴰⵎⴰ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⵡⴰⵀⵉⵍ-ⴰ ⵏ ⵙⴻⵎⵎⵓⵙ ⵏ ⵢⵉⵙⴻⴳⴳⴰⵙⴻⵏ ».

ⵜⴰⵖⵙⴻⵔⵜ ⵏ ⴱⴻⵔⵔⴰⵇⵉ ⴰⴷ ⵜⴻⵇⵇⴻⵍ, ⵙⴻⴳ-ⴰ ⵖⴻⴼ 2 ⵏ ⵡⴰⵢⵢⵓⵔⴻⵏ (ⵎⵉ ⴰⵔⴰ ⴼⴰⴽⴻⵏ ⵢⵉⵏⴻⵄⵔⵓⴹⴻⵏ ⵉⵜⴻⴽⵏⵉⵢⴻⵏ), ⵜⴻⵙⵄⴰ ⵜⴰⵣⵎⴻⵔⵜ ⵏ ⵓⵙⵙⴻⵉⵣⴷⴻⴳ ⵏ ⵡⴰⵎⴰⵏ ⵉ 1,8 ⴷ ⴰⵎⴻⵍⵢⵓⵏ ⵏ ⵢⵉⵎⴻⵣⴷⴰⵖⴻⵏ ⴷⴻⴳ ⵡⴰⴽⵓⴷ ⴷⴻⴳ ⴰⵙⵙ-ⴰ, ⵜⴻⵙⵄⴰ ⵜⴰⵣⵎⴻⵔⵜ ⵏ ⵓⵙⵙⵉⵣⴷⴻⴳ ⵉ 900.000 ⵏ ⵢⵉⵎⴻⵣⴷⴰⵖⴻⵏ. ⴰⴽⵜⵓⵎ ⵏ ⵜⴻⵖⵙⴻⵔⵜ-ⴰ, ⴰⵙⵙ-ⴰ, 150.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵏⴻⵏ (ⵎ3) ⴷⴻⴳ ⵡⴰⵙⵙ ⵢⴻⵔⵏⴰ ⴰⴷ ⵜⴰⵡⴻⴹ ⵖⴻⵔ 300.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ (ⵎ3) ⵙⴻⴳ-ⴰ ⵖⴻⴼ ⵙⵉⵏ ⵏ ⵡⴰⵢⵢⵓⵔⴻⵏ.

ⵎⴰ ⴷ ⵜⴰⵖⵙⴻⵔⵜ ⵏ ⵄⵉⵏ ⵍⴱⴻⵏⵢⴰⵏ ⴰⵢ ⵢⴻⵙⵄⴰⵏ ⵜⴰⵣⵎⴻⵔⵜ ⵏ ⵓⵙⵙⵉⵣⴷⴻⴳ ⵉ 250.000 ⵏ ⵢⵉⵎⴻⵣⴷⴰⵖⴻⵏ, ⴰⴷ ⵜⴰⵡⴻⴹ ⵖⴻⵔ ⵜⴻⵣⵎⴻⵔⵜ ⵏ ⵓⵙⵙⵉⵣⴷⴻⴳ ⵉ 500.000 ⵏ ⵢⵉⵎⴻⵣⴷⴰⵖⴻⵏ, ⵢⴻⵔⵏⴰ ⴰⴷ ⵜⴰⵡⴻⴹ ⵖⴻⵔ ⵓⴽⵜⵓⵎ ⵏ 100.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ ⴷⴻⴳ ⵡⴰⵙⵙ.

ⴰⴽⴽⴻⵏ ⴰⴷ ⵢⴻⴼⵔⵓ ⵡⵓⴳⵓⵔ ⵏ ⵓⵙⵙⴻⵏⵖⴻⵍ ⵏ ⵡⴰⵎⴰⵏ ⵢⵓⵎⵙⴻⵏ ⴷⴻⴳ ⵢⵉⵙⴰⴼⴻⵏ ⴷ ⵍⴻⴱⵃⴻⵕ, ⵢⴻⵙⵙⴻⴼⴽ ⴰⴷ ⵜⵜⵡⴰⵙⵙⵉⵣⴻⴷⴳⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵢ ⴷ-ⵉⵃⴻⵜⵜⴻⵜⴻⵏ ⴷ ⴰⴽⴽⴻⵏ ⵉⵙⴻⵏⴼⴰⵔⴻⵏ ⴰⵢ ⴷ-ⵉⵡⴻⵊⴷⴻⵏ ⴷⴻⴳ ⴱⴻⵔⵔⴰⵇⵉ ⴷ ⵄⵉⵏ ⵍⴱⴻⵏⵢⴰⵏ ⵜⵜⴻⴽⴽⴰⵏ ⴷⴻⴳ ⵢⵉⵙⵡⵉ-ⴰ.

ⴷⴻⴳ ⵜⴻⵔⵣⵉ-ⵏⵏⴻⵙ, ⴰⵏⴻⵖⵍⴰⴷⴼ ⵢⴻⵔⵥⴻⵎ ⴷⴰⵖ ⴰⵇⴰⴷⵓⵙ ⴰⵙⴻⴳⵔⴰⵡ ⴰⴳⴻⵔⵖⵉⵡⴰⵏ ⵏ ⵙⵉⴷⵉ ⵎⵃⴻⵎⵎⴻⴷ ⵢⴻⵙⵄⴰⵏ 2,7 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵜⴻⵖⵣⴻⴼ ⵢⴻⵔⵏⴰ ⴷ ⵡⵉⵏ ⴰⵢ ⴷ-ⵉⴱⴻⴷⴷⵓⵏ ⴰⴱⵔⵉⴷ-ⵏⵏⴻⵙ ⵙⴻⴳ ⵓⵣⵏⵉⵇ ⵏ ⴱⵧⵓⴳⴰⵔⴰ, ⴷⴻⴳ ⵍⴻⴱⵢⴰⵔ. ⴰⵇⴰⴷⵓⵙ-ⴰ ⴰⵙⴻⴳⵔⴰⵡ ⴷ ⵡⵉⵏ ⴰⵔⴰ ⵢⴻⵙⵙⴰⵣⵣⴰⵍⴻⵏ ⴰⵎⴰⵏ ⵏ ⵓⴳⴻⴼⴼⵓⵔ ⴰⴽⴽⴻⵏ ⵓⵔ ⴷ-ⵜⵜⴳⴻⵏ ⴰⵔⴰ ⵉⵃⴻⵎⵎⴰⵍⴻⵏ ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ.