ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵔⵏⴰ ⵡⴰⴵⴰⵡ ⵏ ⵢⵉⵔⴷⴻⵏ ⴷ ⵜⴻⵎⵥⵉⵏ ⵙⴻⴳ ⵜⵎⵓⵔⴰ ⵏ ⴱⴻⵕⵕⴰ ⴷⴻⴳ 5 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015

ⵍⴻⵣⵣⴰⵢⴻⵔ – ⴰⴵⴰⵡ ⵏ ⵢⵉⵎⴻⵏⴷⵉ (ⵉⵔⴷⴻⵏ, ⵜⵉⵎⵥⵉⵏ ⴷ ⵓⴽⴱⴰⵍ) ⵢⵓⵡⴻⴹ ⵖⴻⵔ 1,65 ⴷ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ ⴷⴻⴳ ⵙⴻⵎⵎⵓⵙ ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015, ⵢⵉⵍⵉ ⴷⴻⴳ 2014, ⴰⴵⴰⵡ ⴷⴻⴳ ⵙⴻⵎⵎⵓⵙ ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵢⴻⵙⵇⴰⵎ-ⴷ 1,45 ⴷ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ. ⵙ ⵡⴰⵢⴰ, ⴰⴵⴰⵡ ⵢⴻⵔⵏⴰ ⵙ 14,04% ⴰⵙⴻⴳⴳⴰⵙ-ⴰ ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⴷⵡⴰⵏⵜ ⵜⴰⴷⵣⴰⵢⵔⵉⵜ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⵜⴰⵙⵎⴻⴽⵜⴰ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵜⵓⵡⴻⴹ ⵖⴻⵔ 4,99 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴳⴰⵔ ⵢⴻⵏⵏⴰⵢⴻⵔ ⴷ ⵎⴰⵢⵓ ⵢⴻⵣⵔⵉⵏ, ⵢⵉⵍⵉ ⴷⴻⴳ 2014, 4,87 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵉ ⵜⴰⵍⵍⵉⵜ-ⵏⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵙⵙⴻⵍⵖⵓ ⴷ ⵜⴰⴷⴷⴰⴷⴰⵏⵉⵏ ⵏ ⵜⴻⴷⵡⴰⵏⵜ (ⵛⵏⵉⵙ).

ⵜⴰⴼⴰⵜⵓⵕⵜ ⵏ ⵡⴰⴵⴰⵡ ⵏ ⵢⵉⵔⴷⴻⵏ ⵜⵓⵡⴻⴹ ⵖⴻⵔ 1,15 ⴷ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ, ⵢⵉⵍⵉ ⴰⵙⴻⴳⴳⴰⵙ ⵢⴻⵣⵔⵉⵏ, ⵜⵜⵡⴰⴵⵡⴻⵏ-ⴷ 975,11 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵏ ⵢⵉⵔⴷⴻⵏ ⴷⴻⴳ ⵜⴰⵍⵍⵉⵜ-ⵏⵏⵉ. ⵙ ⵡⴰⵢⴰ, ⴰⴵⴰⵡ ⵏ ⵢⵉⵔⴷⴻⵏ ⵢⴻⵔⵏⴰ ⵙ 18,56%.

ⵓⵍⴰ ⴷ ⵜⴰⵙⵎⴻⴽⵜⴰ ⵏ ⵢⵉⵎⴻⵏⴷⵉ ⵜⴻⵔⵏⴰ, ⵉⵎⵉ ⴰⵢ ⴷ-ⵜⵜⵡⴰⴵⵡⴻⵏ 3,66 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵢⵉⵎⴻⵏⴷⵉ ⵙ ⵓⵊⴻⵎⵎⴰⵍ, ⵢⵉⵍⵉ ⴰⵙⴻⴳⴳⴰⵙ ⵢⴻⵣⵔⵉⵏ ⵜⵜⵡⴰⴵⵡⴻⵏ-ⴷ 3,66 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴷⴻⴳ ⵜⴰⵍⵍⵉⵜ-ⵏⵏⵉ ⵏ ⴳⴰⵔ ⵢⴻⵏⵏⴰⵢⴻⵔ ⴷ ⵎⴰⵢⵓ. ⵙ ⵡⴰⵢⴰ, ⵜⴰⵙⵎⴻⴽⵜⴰ ⵏ ⵡⴰⴵⴰⵡ ⵜⴻⵔⵏⴰ ⵙ 21,34%.

ⵜⵜⵡⴰⴵⵡⴻⵏ-ⴷ 435,98 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵏ ⵢⵉⵔⴷⴻⵏ ⵉⵇⵓⵔⴰⵏⴻⵏ (886.764 ⵏ ⵢⵉⵟⵓⵏⴻⵏ), ⵢⵉⵍⵉ ⴷⴻⴳ 2014, ⵜⵜⵡⴰⴵⵡⴻⵏ-ⴷ 281,98 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (723.935 ⵏ ⵢⵉⵟⵓⵏⴻⵏ). ⵙ ⵡⴰⵢⴰ, ⴰⵣⴰⵍ ⵏ ⵡⴰⴵⴰⵡ ⵏ ⵢⵉⵔⴷⴻⵏ ⵉⵇⵓⵔⴰⵏⴻⵏ ⵢⴻⵔⵏⵣⴰ ⵙ 54,61%.

ⵜⴰⴼⴰⵜⵓⵕⵜ ⵏ ⵡⴰⴵⴰⵡ ⵏ ⵢⵉⵔⴷⴻⵏ ⵉⵍⴻⵇⵇⴰⵇⴻⵏ ⵜⴻⵙⵇⴰⵎ-ⴷ 720,15 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (2,77 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ, ⵢⵉⵍⵉ ⵉⵍⵉⵏⴷⵉ ⵜⴻⵙⵇⴰⵎ-ⴷ 693,12 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (2,29 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ) ⴳⴰⵔ ⵢⴻⵏⵏⴰⵢⴻⵔ ⴷ ⵎⴰⵢⵓ. ⴰⵣⴰⵍ ⵏ ⵡⴰⴵⴰⵡ ⵏ ⵢⵉⵔⴷⴻⵏ ⵉⵍⴻⵇⵇⴰⵇⴻⵏ ⵢⴻⵔⵏⴰ ⵙ 4% ⵢⴻⵔⵏⴰ ⵜⴰⵙⵎⴻⴽⵜⴰ-ⵏⵏⴻⵙ ⵜⴻⵔⵏⴰ ⵙ 21%.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴽⴱⴰⵍ (ⵣⵣⴻⵔⵔⵉⵄⴰ ⴷ ⵡⴰⵢⴻⵏ ⵏⵉⴹⴻⵏ), ⵜⵜⵡⴰⴵⵡⴻⵏ-ⴷ 398,47 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (1,93 ⴷ ⴰⵎⴻⵍⵢⵓⵏ ⵏ ⵢⵉⵟⵓⵏⴻⵏ), ⵢⵉⵍⵉ ⴷⴻⴳ 5 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2014, ⵜⵜⵡⴰⴵⵡⴻⵏ-ⴷ 394,27 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (1,56 ⴷ ⴰⵎⴻⵍⵢⵓⵏ ⵏ ⵢⵉⵟⵓⵏⴻⵏ), ⵢⴻⵔⵏⴰ ⴰⵣⴰⵍ ⵏ ⵡⴰⴵⴰⵡ-ⴰ ⵢⴻⵔⵏⴰ ⵙ 1,07%.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵥⵉⵏ, ⵍⴻⵣⵣⴰⵢⴻⵔ ⵜⵓⴵⴻⵡ-ⴷ 96,34 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (396.830 ⵏ ⵢⵉⵟⵓⵏⴻⵏ), ⵢⵉⵍⵉ ⴷⴻⴳ 5 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2014, ⵜⵜⵡⴰⴵⵡⴻⵏ-ⴷ 78,36 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (286.098 ⵏ ⵢⵉⵟⵓⵏⴻⵏ). ⵙ ⵡⴰⵢⴰ, ⴰⵣⴰⵍ ⵏ ⵡⴰⴵⴰⵡ ⵏ ⵜⴻⵎⵥⵉⵏ ⵢⴻⵔⵏⴰ ⵙ 23%.

ⴷⴻⴳ 2014, ⵜⴰⴼⴰⵜⵓⵕⵜ ⵏ ⵡⴰⴵⴰⵡ ⵏ ⵢⵉⵎⴻⵏⴷⵉ ⵜⵓⵡⴻⴹ ⵖⴻⵔ 3,54 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ, ⵢⴻⵔⵏⴰ ⵜⴻⵔⵏⴰ ⵙ 12% ⵖⴻⴼ ⵍⴻⵃⵙⴰⴱ ⵏ 2013.

ⴰⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ ⴷ ⵜⵏⴻⴼⵍⵉⵜ ⵏ ⵜⵎⵓⵔⵜ, ⴰⴱⴷⴻⵍⴽⴰⴷⴻⵔ ⴽⴰⴷⵉ, ⵢⴻⵏⵏⴰ-ⴷ, ⵙⴻⴳ ⵎⴻⵍⵎⵉ ⴽⴰⵏ, ⵎⵉ ⴷ-ⵜⴻⴱⴷⴰ ⵜⵃⴻⵎⵍⴰ ⵏ ⵜⵎⴻⴳⵔⴰ ⴷ ⵓⵙⵙⴻⵔⵡⴻⵜ, ⴷ ⴰⴽⴽⴻⵏ ⵓⵍⴰ ⵎⴰ ⵜⴰⴳⵏⵉⵜ ⵏ ⵜⴻⴳⵏⴻⵡⵜ ⵜⴻⵍⵍⴰ-ⴷ ⴷⵉⵔⵉ-ⵜⵜ ⴰⵙⴻⴳⴳⴰⵙ-ⴰ, ⵍⵖⴻⵍⵍⴰ ⵏ ⵢⵉⵎⴻⵏⴷⵉ ⴰⴷ ⵜⴰⵡⴻⴹ, ⵍⴻⵎⵎⴻⵔ ⴷ ⵍⴻⴱⵖⵉ, ⵖⴻⵔ 43 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵏⵟⴰⵔⴻⵏ, ⵢⵉⵍⵉ ⴷⴻⴳ 2014, ⵜⴻⴼⴽⴰ-ⴷ 35 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵏⵟⴰⵔⴻⵏ. ⵙ ⵡⴰⵢⴰ, ⵍⵖⴻⵍⵍⴰ ⵏ ⵢⵉⵎⴻⵏⴷⵉ ⴰⴷ ⵜⴻⵔⵏⵓ ⵙ 20%.

ⵜⴰⵃⴻⵎⵍⴰ ⵏ ⵜⵎⴻⴳⵔⴰ ⴷ ⵓⵙⵙⴻⵔⵡⴻⵜ ⵏ ⵓⵙⴻⴳⴳⴰⵙ-ⴰ ⴰⴷ ⴷ-ⵜⵃⴰⵣ ⵜⴰⵊⵓⵎⵎⴰ ⵜⴰⵎⴰⵜⵓⵜ ⵏ 3,3 ⵏ ⵢⵉⵎⴻⵍⵢⵓⴻⵏ ⵏ ⵢⵉⵇⴻⵟⵟⴰⵔⴻⵏ, ⴳⴰⵔ-ⴰⵙⴻⵏ 1,5 ⴷ ⴰⵎⴻⵍⵢⵓⵏ ⵏ ⵢⵉⵇⴻⵟⵟⴰⵔⴻⵏ ⵉ ⵢⵉⵔⴷⴻⵏ ⵉⵇⵓⵔⴰⵏⴻⵏ, ⴰⵎⴻⵍⵢⵓⵏ ⵏ ⵢⵉⵇⴻⵟⵟⴰⵔⴻⵏ ⵉ ⵜⴻⵎⵥⵉⵏ, 600.000 ⵏ ⵢⵉⵇⴻⵟⵟⴰⵔⴻⵏ ⵉ ⵢⵉⵔⴷⴻⵏ ⵉⵍⴻⵇⵇⴰⵇⴻⵏ ⴷ 100.000 ⵏ ⵢⵉⵇⴻⵟⵟⴰⵔⴻⵏ ⵉ ⵓⵥⴻⴽⴽⵓⵏ.

ⵉⴷⵓⴱⴰ ⵉⵏⴰⴳⴷⵓⴷⴻⵏ ⴱⵖⴰⵏ ⴰⴷ ⵔⵏⵓⵏ ⴰⴼⴰⵔⴻⵙ ⵏ ⵢⵉⵎⴻⵏⴷⵉ ⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ 69,9 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵏⵟⴰⵔⴻⵏ ⴷⴻⴳ 2019.

ⵜⵉⵎⴻⵔⵏⵉⵡⵜ-ⴰ ⵏ ⵍⵖⴻⵍⵍⴰ ⴰⴷ ⴷ-ⵜⵉⵍⵉ ⵍⴰⴷⵖⴰ ⵙ ⵜⵎⴻⵔⵏⵉⵡⵜ ⵏ ⵜⵊⵓⵎⵎⴰ ⵏ ⵡⴰⴽⴰⵍ ⴰⵢ ⵍⴰ ⵢⴻⵜⵜⵡⴰⵙⵙⵡⴰⵢⴻⵏ. ⵢⵓⵖ ⵍⵃⴰⵍ, ⴰⵙⵙⵡⴰⵢ ⵢⴻⵔⵏⴰ ⵉⵃⵓⵣⴰ-ⴷ ⴰⵎⴻⵍⵢⵓⵏ ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ ⴷⴻⴳ ⵙⴼⵓⵍⵍⵓⵃⴻⵏ ⵉⵎⴻⵏⴷⵉ. ⵏⵏⵉⴳ ⵡⴰⵢⴰ, ⵢⴻⵔⵏⴰ ⴷⴰⵖ ⵓⵙⵙⴻⵇⴷⴻⵛ ⵏ ⵍⴻⵖⴱⴰⵔ, ⵏ ⵣⵣⴻⵔⵔⵉⵄⴰⵜ ⵢⴻⵜⵜⵡⴰⵙⵍⴻⴽⵏⴻⵏ ⴷ ⵜⵎⴰⵛⵉⵏⵉⵏ ⵏ ⵜⴼⴻⵍⵍⴰⵃⵜ.