ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵔⵔⴰⵣ ⴰⵎⴻⵇⵔⴰⵏ ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⵏ ⵜⵍⴰⵡⵉⵏ: ⵢⴻⵍⵀⴰ ⵓⵙⵡⵉⵔ ⵖⴻⴼ ⵍⴻⵃⵙⴰⴱ ⵏ ⵢⵉⵍⵉⵏⴷⵉ (ⴳⵧⵓⴳⴰⵎ)

ⵍⴻⵣⵣⴰⵢⴻⵔ – ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⵜⴻⴼⴼⴻⵖ ⴰⵙⵙ ⵏ ⵍⵃⴻⴷⴷ ⵙⴻⴳ ⵜⵓⵣⵣⵢⴰ ⵏ ⵓⵙⵙⴻⵡⵊⴻⴷ ⵏ ⵡⴰⵔⵔⴰⵣ ⴰⵎⴻⵇⵔⴰⵏ ⴰⵎⴰⴹⵍⴰⵏ ⵏ 2015 (ⵜⴰⴳⵔⴰⵡⵜ 3, ⵇ) ⴰⵢ ⵓⵔⴰⵔⴻⵏ ⴳⴰⵔ 3 ⴷ 5 ⵢⵓⵍⵢⵓ ⴷⴻⴳ ⵜⵣⴻⵖⵖⴰ ⵏ ⵛⵛⵔⴰⴳⴰ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ), ⴷ ⴰⵛⵓ ⴽⴰⵏ, ⵜⵓⵔⴰⵔ ⵅⵉⵔ ⵏ ⵓⵙⴻⴳⴳⴰⵙ ⵢⴻⵣⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴽⵓⵔⵜ ⵜⴰⵎⴰⴼⴰⴳⵜ (ⴼⴰⵠⴱ), ⵧⴽⴱⴰ ⴳⵧⵓⴳⴰⵎ.

« ⵎⴰⵣⴰⵍ ⵍⵃⴰⵍ ⴰⴽⴽⴻⵏ ⴰⴷ ⴷ-ⵏⴻⴳ ⵜⴰⵛⵔⴰⵡⵜ ⵜⴰⵜⴻⴽⵏⵉⵜ ⵜⴰⵏⴻⴳⴳⴰⵔⵓⵜ ⵖⴻⴼ ⵓⵜⵜⴻⴽⴽⵉ-ⵏⵏⴻⵖ. ⴷ ⴰⵛⵓ ⴽⴰⵏ, ⵣⴻⵎⵔⴻⵖ ⴰⴷ ⴷ-ⵉⵏⵉⵖ ⴷ ⴰⴽⴽⴻⵏ ⵢⴻⵍⵍⴰ-ⴷ ⵓⴼⴰⵔⴰ ⵖⴻⴼ ⵍⴻⵃⵙⴰⴱ ⵏ ⵓⵙⴻⴳⴳⴰⵙ ⵢⴻⵣⵔⵉⵏ ⴷⴻⴳ ⵓⵔ ⵏⴻⵙⵙⴰⵡⴻⴹ ⴰⴷ ⵏⴻⵔⴱⴻⵃ ⵓⵍⴰ ⴷ ⵢⵉⵡⴻⵜ ⵏ ⵜⴻⵎⵍⵉⵍⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴳⵧⵓⴳⴰⵎ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⴷ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⴷⴻⴳ ⴰⵔⴰ ⵜⴻⵜⵜⴻⴽⴽⵉ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⵏ ⵜⵍⴰⵡⵉⵏ ⴷⴻⴳ ⵡⴰⵔⵔⴰⵣ ⴰⵎⴻⵇⵔⴰⵏ ⴰⵎⴰⴹⵍⴰⵏ, ⵢⴻⵔⵏⴰ ⵜⴻⵙⵙⴰⵡⴻⴹ, ⴷⴻⴳ ⵜⴻⵥⵔⵉⴳⵜ-ⴰ, ⴰⴷ ⵜⴻⵔⵏⵓ ⵓⵙⵜⵕⴰⵍⵢⴰ ⵙⵏⴰⵜ ⵏ ⵜⵉⴽⴽⴰⵍ (3-0 ⴷ 3-2), ⵎⴰⵛⴰ ⵜⴻⵅⵚⴻⵔ 4 ⵏ ⵜⵉⴽⴽⴰⵍ: ⵎⴳⴰⵍ ⴽⴰⵣⴰⵅⵙⵜⴰⵏ ⵙ 3 ⵖⴻⵔ 0, ⵎⴳⴰⵍ ⴽⵓⴱⴰ ⵙ 3 ⵖⴻⵔ 0, ⵎⴳⴰⵍ ⵎⵉⴽⵙⵉⴽ ⵙ 3 ⵖⴻⵔ 2 ⴷ ⵎⴳⴰⵍ ⴽⴻⵏⵢⴰ ⵙ 3 ⵖⴻⵔ 2.

« ⴰⴽⴽⴻⵏ ⴰⵢ ⴷ-ⵏⵏⵉⵖ, ⵎⴰⵣⴰⵍ ⵍⵃⴰⵍ ⴰⴽⴽⴻⵏ ⴰⴷ ⵏⵇⴻⵢⵢⴻⵎ ⵜⵉⵖⴰⵡⵙⵉⵡⵉⵏ. ⵍⵍⴰⵏⵜ-ⴷ ⵜⵖⴰⵡⵙⵉⵡⵉⵏ ⵢⴻⵍⵀⴰⵏ, ⴷ ⵜⵉⵢⴰⴹ ⵓⵔ ⵉⵣⴰⴷⴻⵏ ⴰⵔⴰ, ⵍⴰⴷⵖⴰ ⴷⴻⴳ ⵓⵏⵢⴰ ⵏ ⵡⵓⵔⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵍⴻⵣⵣⴰⵢⴻⵔ ⵜⵓⴼⴽ ⵜⵓⵣⵣⵢⴰ ⵏ ⵓⵙⵙⴻⵡⵊⴻⴷ ⵏ ⵡⴰⵔⵔⴰⵣ ⴰⵎⴻⵇⵔⴰⵏ ⴰⵎⴰⴹⵍⴰⵏ ⵙ 7 ⵏ ⵜⴻⵏⵇⵉⴹⵉⵏ, ⴷ ⴰⵛⵓ ⴽⴰⵏ, ⵓⵔ ⵜⴻⵜⵜⵓⵔⴰⵔ ⴰⵔⴰ ⴰⵃⵔⵉⵛ ⴰⵏⴻⴳⴳⴰⵔⵓ ⵏ ⵜⴻⴳⵔⴰⵡⵜ ⵜⵉⵙ 3 ⴰⵔⴰ ⴷ-ⵢⵉⵍⵉⵏ ⴳⴰⵔ 11 ⴷ 12 ⵢⵓⵍⵢⵓ ⴷⴻⴳ ⵓⵙⵜⵕⴰⵍⵢⴰ, ⴷ ⵡⵉⵏ ⴷⴻⴳ ⴰⵔⴰ ⵜⵜⴻⴽⴽⵉⵏⵜ ⴽⴻⵏⵢⴰ, ⵒⵉⵔⵓ, ⴽⵓⵍⵓⵎⴱⵢⴰ ⴷ ⵓⵙⵜⵕⴰⵍⵢⴰ.

ⴰⵔⵔⴰⵣ ⴰⵎⴻⵇⵔⴰⵏ ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⵏ ⵜⵍⴰⵡⵉⵏ ⵜⵜⴻⴽⴽⴰⵏⵜ ⴷⴻⴳ-ⵙ 28 ⵏ ⵜⴻⵖⵍⴰⵎⵉⵏ ⴰⵢ ⵢⴻⴱⴹⴰⵏ ⵖⴻⴼ 3 ⵏ ⵜⴻⴳⵔⴰⵡⵉⵏ.

ⵍⴻⵣⵣⴰⵢⴻⵔ ⵜⵓⵔⴰⵔ ⴷⴻⴳ ⵜⴻⴳⵔⴰⵡⵜ ⵜⵉⵙ 3 ⴰⴽⴽⴻⴷ ⵎⵉⴽⵙⵉⴽ, ⴽⴻⵏⵢⴰ, ⵓⵙⵜⵕⴰⵍⵢⴰ, ⴽⴰⵣⴰⵅⵙⵜⴰⵏ, ⴽⵓⴱⴰ, ⴽⵓⵍⵓⵎⴱⵢⴰ ⴷ ⵒⵉⵔⵓ.

ⴷ ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵉⵔⴻⴱⵃⴻⵏ ⵜⴰⵥⵔⵉⴳⵜ ⵏ 2014.