Asebter amenzawi
Lezzayer tedda mliḥ ɣer sdat deg yimenɣi mgal rrebrab, tihyufin d tejrimt yuddsen
LEZZAYER – Lezzayer tga-d « igmaḍ igerrzen » deg yimenɣi mgal rrebrab, assetti n tehyufin d sselɛa d tejrimt yuddsen deg sḍis n wayyuren imezwura n useggas n 2015, ɣef wakken ay d-tebder ass n ttlata tecrawt n 6 n wayyuren n yiɣallen n tɣellist deg yettekka ula d Igen aɣelnaw aɣerfan.
« Deg sḍis (6) n wayyuren imezwura n 2015, llan-d yigmaḍ igerrzen deg wayen yerzan imenɣi mgal rrebrab, assetti n sselɛa, assetti n tehyufin d tejrimt yuddsen imi aṭas n yirebraben ay yettwenɣen neɣ ttwaḍḍfen, am wakken ay ttwasdermen aṭas n yiẓeḍwan n uɛawen n rrebrab », ɣef akken ay d-tebder deg tazwara tecrawt-a ay d-iheyya uɣlif n temḥaddit taɣelnawt.
Igmaḍ-a igerrzen d wid ay d-iḥuzan daɣ « alqaḍ n waṭas n leslaḥ, n tehyufin, n userɣu d sselɛa yettwagedlen », yerna aya, ɣef leḥsab n teɣbalut-a, yesskanay-d lebɣi n tidet n Unzaḍ unnig n Yigen aɣelnaw aɣerfan akken ad yergel abrid i yimesfesden akken ur ttawḍen ara ɣer yiswan-nsen, am wakken ay d-yesskanay aswir yelhan deg tmussni n ṣṣenɛa n yiɣallen imsellḥen n tmurt ay yezgan ukin yerna wejden i yimenɣi.
ɣef leḥsab n tecrawt-a, 102 n yirebraben ay yettwenɣen, ttwaḍḍfen neɣ tuben deg tallit-a, gar-asen 66 n yirebraben deg Temnaḍt taserdasit 1ut, 3 n yirebraben deg Temnaḍt tasertadist tis snat, 7 deg Temnaḍt taserdasit tis 3, 17 deg temnaḍt taserdasit tis 4, 7 deg Temnaḍt taserdasit tis 5 d 2 n yirebraben deg Temnaḍt taserdasit sit 6.
Tigrawin n Yigen aɣelnaw aɣerfan ssawḍen daɣ ad d-leqḍen 150 n leslaḥat gar-asen 74 n leslaḥat deg Temnaḍt taserdasit 1ut, sin deg Temnaḍt taserdasit tis 2, 21 deg temnaḍt taserdasit tis 3, 9 deg Temnaḍt taserdasit tis 4, 8 deg Temnaḍt taserdasit tis 5 d 36 deg Temnaḍt taserdasit tis 6.
Tacrawt-a txebber-d, seg yidis niḍen, d akken iɣallen n tɣellist (laman) fsin 653 n lbumbat yerna amur ameqran deg lbumbat-a d igen aɣerfan aɣelnaw ay tent-yefsin, gar-asent 381 n lbumbat deg Temnaḍt taserdasit 1ut, 5 deg temnaḍt taserdasit tis 2, 3 deg Temnaḍt taserdasit tis 3, 5 deg Temnaḍt taserdasit tis 4, 186 n lbumbat deg Temnaḍt taserdasit tis 5 d 73 n lbumbat deg Temnaḍt taserdasit tis 6.
Yettwalqeḍ-d aṭas n rrṣaṣ, tayuga n tsatin, isawalen n ufus, anagraw n GPS d tɣawsiwin nipden, ɣef leḥsab n teɣbalut-a ay d-yernan d akken aṭas n tseddariyin n yirebraben ay yettwasdermen.
Deg wayen yerzan imenɣi mgal ussetti n tehyufin, aɣlif n temḥaddit taɣelnawt yenna-d d akken iɣallen n tɣellist ḍḍfen 67 n yiṭunen n tehyufin deg temnaḍin yemgerraden n tmurt deg tallit-a.
S ujemmal, ttwaḍḍfen 760 n yimdanen neɣ ttwenɣen deg temhal n yimenɣi mgal ussetti n tehyufin, am wakken ay ttwaḍḍfent 238 n tkeṛṛusin d 11 n leslaḥat, ɣef leḥsab n teɣbalut-a.
Tuḍḍfiwin timeqranin n tehyufin llant-d deg temnaḍt Taserdasit tis snat (Tlemsan) yerna ttwaḍḍfen deg-sent s ujammal ugar n 44.117 n yikiluten n tehyufin d 95 n tkeṛṛusin, am wakken ay ttwaḍḍfen neɣ ttwenɣen 235 n yimdanen.
Azal n 9.374,7 n yikiluten n tehyufin ay yettwaḍḍfen deg Temnaḍt taserdasit tis 3, d 9.222,1 n yikiluten ay yettwaḍḍfen deg Temnaḍt taserdasit tis 4.
Tettwaḍḍef daɣ tesmekta d tameqrant n yisafaren n leɛqel deg temnaḍin yemgerraden n tmurt, ɣef wakken ay d-yenna uɣlif n temḥaddit taɣelnawt.
Ugar n 1,5 d amelyun n llitrat n useɣru d 600 n yiṭunen n tuččit ay yettwaḍḍfen deg tmura yemgerraden n tmurt.
Deg wayen yerzan imenɣi mgal ussetti n sselɛa d tejrimt yuddsen, 1.596.148 n llitrat n userɣu ay yettwaḍḍfen deg tallit n gar 1 Yennayer d 30 Yunyu 2015 d 604.561 n yikiluten n tuččit ay yettwaḍḍfen sdat tlisa, ɣef wakken ay d-tebder teɣbalut-a.
Tuḍḍfiwin timeqranin akk n tuččit (522.515 n yikiluten) llant-d deg Temnaḍt taserdasit tis 6 anda ay d-ttwaleqḍen 786 n yimaḍḍafen n yimɣuzen, 282 n tkeṛṛusin yerna ttwaḍḍfen 1.041 n yimsettiyen d yiniɣiyen.
Timhal ay d-yellan i lmend n yimenɣi mgal ussetti n sselɛa d tejrimt yuddsen ssawḍent ɣer ulqaḍ n 206 n leslaḥat, 812 n yimaḍḍafen n yimɣuzen d 666 n tkeṛṛusin deg tallit-a.
Tettwaḍḍef daɣ tesmekta d tameqrant n tursaḍ n nnḥas, n yisafaren d yifarisen n udawi, n tissit, n wureɣ, n yifarisen deg yexleḍ wureɣ, n ddexxan d yifarisen niḍen deg temhal yemgerraden.
