ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⵜⴻⴷⴷⴰ ⵎⵍⵉⵃ ⵖⴻⵔ ⵙⴷⴰⵜ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⵜⵉⵀⵢⵓⴼⵉⵏ ⴷ ⵜⴻⵊⵔⵉⵎⵜ ⵢⵓⴷⴷⵙⴻⵏ

ⵍⴻⵣⵣⴰⵢⴻⵔ – ⵍⴻⵣⵣⴰⵢⴻⵔ ⵜⴳⴰ-ⴷ « ⵉⴳⵎⴰⴹ ⵉⴳⴻⵔⵔⵣⴻⵏ » ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⴰⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ ⴷ ⵙⵙⴻⵍⵄⴰ ⴷ ⵜⴻⵊⵔⵉⵎⵜ ⵢⵓⴷⴷⵙⴻⵏ ⴷⴻⴳ ⵙⴹⵉⵙ ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ ⵓⵙⴻⴳⴳⴰⵙ ⵏ 2015, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⴰⵙⵙ ⵏ ⵜⵜⵍⴰⵜⴰ ⵜⴻⵛⵔⴰⵡⵜ ⵏ 6 ⵏ ⵡⴰⵢⵢⵓⵔⴻⵏ ⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ⴷⴻⴳ ⵢⴻⵜⵜⴻⴽⴽⴰ ⵓⵍⴰ ⴷ ⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ.

« ⴷⴻⴳ ⵙⴹⵉⵙ (6) ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015, ⵍⵍⴰⵏ-ⴷ ⵢⵉⴳⵎⴰⴹ ⵉⴳⴻⵔⵔⵣⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⴰⵙⵙⴻⵜⵜⵉ ⵏ ⵙⵙⴻⵍⵄⴰ, ⴰⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ ⴷ ⵜⴻⵊⵔⵉⵎⵜ ⵢⵓⴷⴷⵙⴻⵏ ⵉⵎⵉ ⴰⵟⴰⵙ ⵏ ⵢⵉⵔⴻⴱⵔⴰⴱⴻⵏ ⴰⵢ ⵢⴻⵜⵜⵡⴻⵏⵖⴻⵏ ⵏⴻⵖ ⵜⵜⵡⴰⴹⴹⴼⴻⵏ, ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⵙⴷⴻⵔⵎⴻⵏ ⴰⵟⴰⵙ ⵏ ⵢⵉⵥⴻⴹⵡⴰⵏ ⵏ ⵓⵄⴰⵡⴻⵏ ⵏ ⵔⵔⴻⴱⵔⴰⴱ », ⵖⴻⴼ ⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⴷⴻⴳ ⵜⴰⵣⵡⴰⵔⴰ ⵜⴻⵛⵔⴰⵡⵜ-ⴰ ⴰⵢ ⴷ-ⵉⵀⴻⵢⵢⴰ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⵉⴳⵎⴰⴹ-ⴰ ⵉⴳⴻⵔⵔⵣⴻⵏ ⴷ ⵡⵉⴷ ⴰⵢ ⴷ-ⵉⵃⵓⵣⴰⵏ ⴷⴰⵖ « ⴰⵍⵇⴰⴹ ⵏ ⵡⴰⵟⴰⵙ ⵏ ⵍⴻⵙⵍⴰⵃ, ⵏ ⵜⴻⵀⵢⵓⴼⵉⵏ, ⵏ ⵓⵙⴻⵔⵖⵓ ⴷ ⵙⵙⴻⵍⵄⴰ ⵢⴻⵜⵜⵡⴰⴳⴻⴷⵍⴻⵏ », ⵢⴻⵔⵏⴰ ⴰⵢⴰ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ, ⵢⴻⵙⵙⴽⴰⵏⴰⵢ-ⴷ ⵍⴻⴱⵖⵉ ⵏ ⵜⵉⴷⴻⵜ ⵏ ⵓⵏⵣⴰⴹ ⵓⵏⵏⵉⴳ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴰⴽⴽⴻⵏ ⴰⴷ ⵢⴻⵔⴳⴻⵍ ⴰⴱⵔⵉⴷ ⵉ ⵢⵉⵎⴻⵙⴼⴻⵙⴷⴻⵏ ⴰⴽⴽⴻⵏ ⵓⵔ ⵜⵜⴰⵡⴹⴻⵏ ⴰⵔⴰ ⵖⴻⵔ ⵢⵉⵙⵡⴰⵏ-ⵏⵙⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴽⴰⵏⴰⵢ ⴰⵙⵡⵉⵔ ⵢⴻⵍⵀⴰⵏ ⴷⴻⴳ ⵜⵎⵓⵙⵙⵏⵉ ⵏ ⵚⵚⴻⵏⵄⴰ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵏ ⵜⵎⵓⵔⵜ ⴰⵢ ⵢⴻⵣⴳⴰⵏ ⵓⴽⵉⵏ ⵢⴻⵔⵏⴰ ⵡⴻⵊⴷⴻⵏ ⵉ ⵢⵉⵎⴻⵏⵖⵉ.

ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵜ-ⴰ, 102 ⵏ ⵢⵉⵔⴻⴱⵔⴰⴱⴻⵏ ⴰⵢ ⵢⴻⵜⵜⵡⴻⵏⵖⴻⵏ, ⵜⵜⵡⴰⴹⴹⴼⴻⵏ ⵏⴻⵖ ⵜⵓⴱⴻⵏ ⴷⴻⴳ ⵜⴰⵍⵍⵉⵜ-ⴰ, ⴳⴰⵔ-ⴰⵙⴻⵏ 66 ⵏ ⵢⵉⵔⴻⴱⵔⴰⴱⴻⵏ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ 1ⵓⵜ, 3 ⵏ ⵢⵉⵔⴻⴱⵔⴰⴱⴻⵏ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⵜⴰⴷⵉⵙⵜ ⵜⵉⵙ ⵙⵏⴰⵜ, 7 ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 3, 17 ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 4, 7 ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 5 ⴷ 2 ⵏ ⵢⵉⵔⴻⴱⵔⴰⴱⴻⵏ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵙⵉⵜ 6.

ⵜⵉⴳⵔⴰⵡⵉⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵙⵙⴰⵡⴹⴻⵏ ⴷⴰⵖ ⴰⴷ ⴷ-ⵍⴻⵇⴹⴻⵏ 150 ⵏ ⵍⴻⵙⵍⴰⵃⴰⵜ ⴳⴰⵔ-ⴰⵙⴻⵏ 74 ⵏ ⵍⴻⵙⵍⴰⵃⴰⵜ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ 1ⵓⵜ, ⵙⵉⵏ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 2, 21 ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 3, 9 ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 4, 8 ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 5 ⴷ 36 ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 6.

ⵜⴰⵛⵔⴰⵡⵜ-ⴰ ⵜⵅⴻⴱⴱⴻⵔ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴼⵙⵉⵏ 653 ⵏ ⵍⴱⵓⵎⴱⴰⵜ ⵢⴻⵔⵏⴰ ⴰⵎⵓⵔ ⴰⵎⴻⵇⵔⴰⵏ ⴷⴻⴳ ⵍⴱⵓⵎⴱⴰⵜ-ⴰ ⴷ ⵉⴳⴻⵏ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴰⵢ ⵜⴻⵏⵜ-ⵢⴻⴼⵙⵉⵏ, ⴳⴰⵔ-ⴰⵙⴻⵏⵜ 381 ⵏ ⵍⴱⵓⵎⴱⴰⵜ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ 1ⵓⵜ, 5 ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 2, 3 ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 3, 5 ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 4, 186 ⵏ ⵍⴱⵓⵎⴱⴰⵜ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 5 ⴷ 73 ⵏ ⵍⴱⵓⵎⴱⴰⵜ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 6.

ⵢⴻⵜⵜⵡⴰⵍⵇⴻⴹ-ⴷ ⴰⵟⴰⵙ ⵏ ⵔⵔⵚⴰⵚ, ⵜⴰⵢⵓⴳⴰ ⵏ ⵜⵙⴰⵜⵉⵏ, ⵉⵙⴰⵡⴰⵍⴻⵏ ⵏ ⵓⴼⵓⵙ, ⴰⵏⴰⴳⵔⴰⵡ ⵏ ⴳⵒⵙ ⴷ ⵜⵖⴰⵡⵙⵉⵡⵉⵏ ⵏⵉⵒⴷⴻⵏ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⴰⵟⴰⵙ ⵏ ⵜⵙⴻⴷⴷⴰⵔⵉⵢⵉⵏ ⵏ ⵢⵉⵔⴻⴱⵔⴰⴱⴻⵏ ⴰⵢ ⵢⴻⵜⵜⵡⴰⵙⴷⴻⵔⵎⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⵎⴳⴰⵍ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ, ⴰⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ⴹⴹⴼⴻⵏ 67 ⵏ ⵢⵉⵟⵓⵏⴻⵏ ⵏ ⵜⴻⵀⵢⵓⴼⵉⵏ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ ⴷⴻⴳ ⵜⴰⵍⵍⵉⵜ-ⴰ.

ⵙ ⵓⵊⴻⵎⵎⴰⵍ, ⵜⵜⵡⴰⴹⴹⴼⴻⵏ 760 ⵏ ⵢⵉⵎⴷⴰⵏⴻⵏ ⵏⴻⵖ ⵜⵜⵡⴻⵏⵖⴻⵏ ⴷⴻⴳ ⵜⴻⵎⵀⴰⵍ ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ, ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⴹⴹⴼⴻⵏⵜ 238 ⵏ ⵜⴽⴻⵕⵕⵓⵙⵉⵏ ⴷ 11 ⵏ ⵍⴻⵙⵍⴰⵃⴰⵜ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ.

ⵜⵓⴹⴹⴼⵉⵡⵉⵏ ⵜⵉⵎⴻⵇⵔⴰⵏⵉⵏ ⵏ ⵜⴻⵀⵢⵓⴼⵉⵏ ⵍⵍⴰⵏⵜ-ⴷ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ ⵙⵏⴰⵜ (ⵜⵍⴻⵎⵙⴰⵏ) ⵢⴻⵔⵏⴰ ⵜⵜⵡⴰⴹⴹⴼⴻⵏ ⴷⴻⴳ-ⵙⴻⵏⵜ ⵙ ⵓⵊⴰⵎⵎⴰⵍ ⵓⴳⴰⵔ ⵏ 44.117 ⵏ ⵢⵉⴽⵉⵍⵓⵜⴻⵏ ⵏ ⵜⴻⵀⵢⵓⴼⵉⵏ ⴷ 95 ⵏ ⵜⴽⴻⵕⵕⵓⵙⵉⵏ, ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⴹⴹⴼⴻⵏ ⵏⴻⵖ ⵜⵜⵡⴻⵏⵖⴻⵏ 235 ⵏ ⵢⵉⵎⴷⴰⵏⴻⵏ.

ⴰⵣⴰⵍ ⵏ 9.374,7 ⵏ ⵢⵉⴽⵉⵍⵓⵜⴻⵏ ⵏ ⵜⴻⵀⵢⵓⴼⵉⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 3, ⴷ 9.222,1 ⵏ ⵢⵉⴽⵉⵍⵓⵜⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 4.

ⵜⴻⵜⵜⵡⴰⴹⴹⴻⴼ ⴷⴰⵖ ⵜⴻⵙⵎⴻⴽⵜⴰ ⴷ ⵜⴰⵎⴻⵇⵔⴰⵏⵜ ⵏ ⵢⵉⵙⴰⴼⴰⵔⴻⵏ ⵏ ⵍⴻⵄⵇⴻⵍ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⵓⴳⴰⵔ ⵏ 1,5 ⴷ ⴰⵎⴻⵍⵢⵓⵏ ⵏ ⵍⵍⵉⵜⵔⴰⵜ ⵏ ⵓⵙⴻⵖⵔⵓ ⴷ 600 ⵏ ⵢⵉⵟⵓⵏⴻⵏ ⵏ ⵜⵓⵞⵞⵉⵜ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⵎⴳⴰⵍ ⵓⵙⵙⴻⵜⵜⵉ ⵏ ⵙⵙⴻⵍⵄⴰ ⴷ ⵜⴻⵊⵔⵉⵎⵜ ⵢⵓⴷⴷⵙⴻⵏ, 1.596.148 ⵏ ⵍⵍⵉⵜⵔⴰⵜ ⵏ ⵓⵙⴻⵔⵖⵓ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵜⴰⵍⵍⵉⵜ ⵏ ⴳⴰⵔ 1 ⵢⴻⵏⵏⴰⵢⴻⵔ ⴷ 30 ⵢⵓⵏⵢⵓ 2015 ⴷ 604.561 ⵏ ⵢⵉⴽⵉⵍⵓⵜⴻⵏ ⵏ ⵜⵓⵞⵞⵉⵜ ⴰⵢ ⵢⴻⵜⵜⵡⴰⴹⴹⴼⴻⵏ ⵙⴷⴰⵜ ⵜⵍⵉⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⵜⴻⵖⴱⴰⵍⵓⵜ-ⴰ.

ⵜⵓⴹⴹⴼⵉⵡⵉⵏ ⵜⵉⵎⴻⵇⵔⴰⵏⵉⵏ ⴰⴽⴽ ⵏ ⵜⵓⵞⵞⵉⵜ (522.515 ⵏ ⵢⵉⴽⵉⵍⵓⵜⴻⵏ) ⵍⵍⴰⵏⵜ-ⴷ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 6 ⴰⵏⴷⴰ ⴰⵢ ⴷ-ⵜⵜⵡⴰⵍⴻⵇⴹⴻⵏ 786 ⵏ ⵢⵉⵎⴰⴹⴹⴰⴼⴻⵏ ⵏ ⵢⵉⵎⵖⵓⵣⴻⵏ, 282 ⵏ ⵜⴽⴻⵕⵕⵓⵙⵉⵏ ⵢⴻⵔⵏⴰ ⵜⵜⵡⴰⴹⴹⴼⴻⵏ 1.041 ⵏ ⵢⵉⵎⵙⴻⵜⵜⵉⵢⴻⵏ ⴷ ⵢⵉⵏⵉⵖⵉⵢⴻⵏ.

ⵜⵉⵎⵀⴰⵍ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⵜⵜⵉ ⵏ ⵙⵙⴻⵍⵄⴰ ⴷ ⵜⴻⵊⵔⵉⵎⵜ ⵢⵓⴷⴷⵙⴻⵏ ⵙⵙⴰⵡⴹⴻⵏⵜ ⵖⴻⵔ ⵓⵍⵇⴰⴹ ⵏ 206 ⵏ ⵍⴻⵙⵍⴰⵃⴰⵜ, 812 ⵏ ⵢⵉⵎⴰⴹⴹⴰⴼⴻⵏ ⵏ ⵢⵉⵎⵖⵓⵣⴻⵏ ⴷ 666 ⵏ ⵜⴽⴻⵕⵕⵓⵙⵉⵏ ⴷⴻⴳ ⵜⴰⵍⵍⵉⵜ-ⴰ.

ⵜⴻⵜⵜⵡⴰⴹⴹⴻⴼ ⴷⴰⵖ ⵜⴻⵙⵎⴻⴽⵜⴰ ⴷ ⵜⴰⵎⴻⵇⵔⴰⵏⵜ ⵏ ⵜⵓⵔⵙⴰⴹ ⵏ ⵏⵏⵃⴰⵙ, ⵏ ⵢⵉⵙⴰⴼⴰⵔⴻⵏ ⴷ ⵢⵉⴼⴰⵔⵉⵙⴻⵏ ⵏ ⵓⴷⴰⵡⵉ, ⵏ ⵜⵉⵙⵙⵉⵜ, ⵏ ⵡⵓⵔⴻⵖ, ⵏ ⵢⵉⴼⴰⵔⵉⵙⴻⵏ ⴷⴻⴳ ⵢⴻⵅⵍⴻⴹ ⵡⵓⵔⴻⵖ, ⵏ ⴷⴷⴻⵅⵅⴰⵏ ⴷ ⵢⵉⴼⴰⵔⵉⵙⴻⵏ ⵏⵉⴹⴻⵏ ⴷⴻⴳ ⵜⴻⵎⵀⴰⵍ ⵢⴻⵎⴳⴻⵔⵔⴰⴷⴻⵏ.