ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴽⵓⵔⵜ ⵏ ⵓⴹⴰⵔ: ⵎⵧⵓⵔⴰⴷ ⵎⴻⴳⵀⵏⵉ ⵢⴻⵇⴱⴻⵍ ⴰⴷ ⵢⵓⵔⴰⵔ ⵖⴻⵔ ⵛⵙ ⵇⵙⴻⵏⵟⵉⵏⴰ
ⵇⵙⴻⵏⵟⵉⵏⴰ – ⴰⵎⴰⵔⵉⵔ ⴰⴳⵔⴰⵖⵍⴰⵏ ⴰⵇⴱⵓⵔ ⵎⵧⵓⵔⴰⴷ ⵎⴻⴳⵀⵏⵉ ⵢⴻⵏⵏⴰ-ⴷ « ⵉⵀ » ⵉ ⵢⵉⵎⴹⴻⴱⴱⵔⴻⵏ ⵏ ⵛⵙ ⵇⵙⴻⵏⵟⵉⵏⴰ ⵢⴻⵔⵏⴰ ⵢⴻⵇⴱⴻⵍ ⴰⴷ ⵢⵓⵔⴰⵔ ⴷⴻⴳ ⵜⴻⵖⵍⴰⵎⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵜⴻⵖⵍⴰⵎⵜ-ⴰ, ⵔⴰⴼⴰⴰ ⴱⴻⵏⴷⵧⵓⴽⵀⴰⵏⴻ, ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
ⴰⵎⴰⵔⵉⵔ-ⴰ ⴰⵇⴱⵓⵔ ⵏ ⵜⴻⵖⵍⴰⵎⵜ ⵏ ⵍⴰⵣⵉⵧ ⵏ ⵕⵓⵎⴰ ⵢⴻⵙⵙⵓⵜⴻⵔ, ⴰⵙⵙ ⵏ ⵍⵊⴻⵎⵄⴰ ⵢⴻⵣⵔⵉⵏ, ⴽⵔⴰ ⵏ ⵡⵓⵙⵙⴰⵏ ⴰⴽⴽⴻⵏ ⴰⴷ ⵉⵅⴻⵎⵎⴻⵎ ⵖⴻⴼ ⵡⴰⵎⴻⴽ ⴰⵔⴰ ⵢⴻⴷⴷⴻⵔ ⴷⴻⴳ ⵜⴻⵎⴷⵉⵏⵜ ⵏ ⵇⵙⴻⵏⵟⵉⵏⴰ ⵢⴻⵔⵏⴰ ⴰⴷ ⵢⴻⴼⵔⵓ ⴽⵔⴰ ⵏ ⵍⴻⵛⵖⴰⵍ ⵓⴷⵎⴰⵡⴰⵏⴻⵏ.
ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴱⴻⵏⴷⵧⵓⴽⵀⴰⵏⴻ, ⵎⵧⵓⵔⴰⴷ ⵎⴻⴳⵀⵏⵉ ⴰⴷ ⵢⴻⵇⵇⴻⵍ ⵖⴻⵔ ⵇⵙⴻⵏⵟⵉⵏⴰ ⵙⴻⴳ-ⴰ ⵖⴻⴼ ⴽⵔⴰ ⵏ ⵡⵓⵙⵙⴰⵏ ⴰⴽⴽⴻⵏ ⴰⴷ ⵢⴻⴳ ⵜⵉⵔⵣⵉ ⵜⴰⵙⵏⴰⵊⵢⴰⵏⵜ, ⵙⴰⴽⴽⵉⵏ ⴰⴷ ⵢⴻⵙⵜⴻⵏⵢⵉ ⵍⴻⵄⵇⴻⴷ-ⵏⵏⴻⵙ ⵏ ⵙⵉⵏ ⵏ ⵢⵉⵙⴻⴳⴳⴰⵙⴻⵏ.
ⴰⵎⴰⵔⵉⵔ-ⴰ ⴰⵎⴰⵢⵏⵓ ⵢⴻⵣⴳⴻⵍ ⵜⴰⵏⵏⴰⵏⵜ ⵏ ⵄⵉⵏ ⴷⴷⵕⴰⵀⴻⵎ ⴷⴻⴳ ⵜⵓⵏⴻⵙ ⴷⴻⴳ ⵜⴻⵜⵜⴻⴽⴽⴰ ⵜⴻⵖⵍⴰⵎⵜ ⵏ ⵇⵙⴻⵏⵟⵉⵏⴰ, ⴷ ⴰⵛⵓ ⴽⴰⵏ, ⴰⴷ ⵢⴻⵃⴷⴻⵕ ⴷⴻⴳ ⵜⴰⵏⵏⴰⵏⵜ ⴰⵔⴰ ⵢⴻⴱⴷⵓⵏ ⴷⴻⴳ 27 ⵢⵓⵍⵢⵓ ⴷⴻⴳ ⵎⴻⵕⵕⵓⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵜⴻⵖⵍⴰⵎⵜ-ⴰ.
