Asebter amenzawi

Takurt n uḍar: Mourad Meghni yeqbel ad yurar ɣer CS Qsenṭina

QSENṬINA – Amarir agraɣlan aqbur Mourad Meghni yenna-d « ih » i yimḍebbren n CS Qsenṭina yerna yeqbel ad yurar deg teɣlamt-a, ɣef wakken ay d-yenna uneṭṭaq n teɣlamt-a, Rafaa Bendoukhane, i Tnegga n Yisalan n Lezzayer.

Amarir-a aqbur n teɣlamt n Lazio n Ṛuma yessuter, ass n ljemɛa yezrin, kra n wussan akken ad ixemmem ɣef wamek ara yedder deg temdint n Qsenṭina yerna ad yefru kra n lecɣal udmawanen.

ɣef leḥsab n Mass Bendoukhane, Mourad Meghni ad yeqqel ɣer Qsenṭina seg-a ɣef kra n wussan akken ad yeg tirzi tasnajyant, sakkin ad yestenyi leɛqed-nnes n sin n yiseggasen.

Amarir-a amaynu yezgel tannant n Ɛin Ddṛahem deg Tunes deg tettekka teɣlamt n Qsenṭina, d acu kan, ad yeḥdeṛ deg tannant ara yebdun deg 27 Yulyu deg Meṛṛuk, ɣef wakken ay d-yenna uneṭṭaq n teɣlamt-a.