ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴰⵔ ⴳⵀⵧⵓⵍ ⵉⴳⴻⵔ-ⴷ ⵜⵉⵖⵔⵉ ⵉ ⵜⵓⴽⵛⵉ ⵏ ⵡⴰⵣⴰⵍ ⵉ ⵜⵎⴻⵔⵔⵉⵜ ⵏ ⵍⵖⴰⵛⵉ

ⵍⴻⵣⵣⴰⵢⴻⵔ –ⴰⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ, ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⴰⵎⴰⵔ ⴳⵀⵧⵓⵍ, ⵉⴳⴻⵔ-ⴷ ⵜⵉⵖⵔⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵉ ⵢⵉⵔⴳⴰⵣⴻⵏ ⵏ ⵢⵉⵡⴻⵥⵍⴰ ⴰⴽⴽⴻⵏ ⴰⴷ ⵙⵙⴻⴼⵜⵉⵏ ⴷⴻⴳ ⵜⵎⴻⵔⵔⵉⵜ ⵏ ⵍⵖⴰⵛⵉ ⵍⴰⴷⵖⴰ ⵙ ⵍⴻⴱⵏⵉ ⵏ ⵢⵉⵙⴻⵏⵙⴰ ⵏ 2 ⴷ 3 ⵏ ⵢⵉⵜⵔⴰⵏ.

« ⵍⴻⴱⵏⵉ ⵏ ⵢⵉⵙⴻⵏⵙⴰ ⵏ 4 ⴷ 5 ⵏ ⵢⵉⵜⵔⴰⵏ ⴷ ⵜⴰⵖⴰⵡⵙⴰ ⵢⴻⵍⵀⴰⵏ ⵉ ⴽⵔⴰ ⵏ ⵚⵚⴻⵏⴼ ⵏ ⵢⵉⵎⴻⵛⵜⵓⵔⴰ, ⵎⴰⵛⴰ ⵢⴻⵙⵙⴻⴼⴽ ⴷⴰⵖ ⴰⴷ ⴷ-ⵢⵉⵍⵉ ⵓⵙⵙⴻⴼⵜⵉ ⴷⴻⴳ ⵜⵎⴻⵔⵔⵉⵜ ⵏ ⵍⵖⴰⵛⵉ ⵙ ⵍⴻⴱⵏⵉ ⵏ ⵢⵉⵙⴻⵏⵙⴰ ⵏ 2 ⴷ 3 ⵏ ⵢⵉⵜⵔⴰⵏ ⵉ ⵜⵡⴰⵛⵓⵍⵉⵏ ⵜⵉⴷⵣⴰⵢⵔⵉⵢⵉⵏ ⵏ ⵜⵙⴻⵔⴽⴻⵎⵜ ⵜⴰⵍⴻⵎⵎⴰⵙⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⵀⵧⵓⵍ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⵏ ⵓⵙⴻⵏⴼⴰⵔ ⵏ « ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ » ⴰⵢ ⵍⴰ ⵜⴱⴻⵏⵏⵓ ⵜⴽⴻⴱⴱⴰⵏⵉⵜ ⵏ ⴷⴻⵀⵍⵉ ⵢⴻⵍⵍⴰⵏ ⴷ ⴰⵃⵔⵉⵛ ⵙⴻⴳ ⵜⴻⴳⵔⴰⵡⵜ ⵏ ⴰⵔⵛⵧⴼⵉⵏⴰ.

ⴰⵏⴻⵖⵍⴰⴼ ⵢⴻⵏⵏⴰ-ⴷ ⵎⵉ ⵢⴻⵙⵙⴰⵡⴻⵍ ⴷ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⴰⵔⵛⵧⴼⵉⵏⴰ, ⴰⴱⴷⴻⵍⵧⵓⴰⵀⴰⴱ ⵔⴰⵀⵉⵎ, ⵢⴻⵔⵏⴰ ⵉⵡⴻⵀⵀⴰ ⴰⵡⴰⵍ-ⵏⵏⴻⵙ ⵉ ⵡⴰⴽⴽ ⵡⵉⴷ ⴰⵢ ⵉⵣⴻⵎⵔⴻⵏ ⴰⴷ ⵙⵙⴻⴼⵜⵉⵏ ⴷⴻⴳ ⵓⵃⵔⵉⵛ ⵏ ⵜⵎⴻⵔⵔⵉⵜ.

« ⵢⴻⵙⵙⴻⴼⴽ ⴰⴷ ⵏⴻⴷⴷⵓ ⵖⴻⵔ ⵜⵎⴻⵔⵔⵉⵜ ⵏ ⵍⵖⴰⵛⵉ. ⵢⴻⵙⵙⴻⴼⴽ ⴰⴷ ⴳⴳⵜⴻⵏ ⵢⵉⵙⴻⵏⴼⴰⵔⴻⵏ ⵏ ⵢⵉⵙⴻⵏⵙⴰ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⵍⴰⴷⵖⴰ ⵉⵙⴻⵏⵙⴰ ⵏ 3 ⵏ ⵢⵉⵜⵔⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ.

ⵍⴰ ⵢⴻⵜⵜⵡⴰⴱⵏⴰⵢ ⵢⵉⵡⴻⵏ ⵏ ⵓⵙⴰⴳⴻⵏ ⵏ ⵓⵃⴻⵡⵡⴻⵙ ⴰⵢ ⵉⵣⴻⵎⵔⴻⵏ ⴰⴷ ⵢⴰⵡⵉ 705 ⵏ ⵢⵉⵖⴻⵔⵔⵓⴱⴰ ⴷⴻⴳ « ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ », ⵢⴻⵔⵏⴰ ⴰⵙⴻⵏⴼⴰⵔ-ⴰ ⴰⴷ ⴷ-ⵢⴻⵏⴽⴻⵔ 12 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵣⵎⴻⵔ ⴰⴷ ⵢⴻⴹⴹⴻⴼ 24 ⵏ ⵡⴰⵢⵢⵓⵔⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵔⴰⵀⵉⵎ.

ⵎⴰⵙⵙ ⴳⵀⵧⵓⵍ ⵢⴻⵔⵣⴰ ⴷⴰⵖ, ⵖⴻⵔ ⵢⵉⴷⵉⵙ ⵏ ⵓⵡⴰⵍⵉ ⵏ ⵍⴻⵣⵣⴰⵢⴻⵔ ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⵖⴻⴼ ⵓⵛⴰⵏⵟⵉ ⵏ ⵓⵀⴻⵢⵢⵉ ⵏ ⵡⴰⵙⵉⴼ ⵏ ⵍⵃⴻⵕⵕⴰⵛ, ⵢⴻⵔⵏⴰ ⵢⴻⵥⵔⴰ ⴰⵎⴽⴰⵏ ⵓⵎⵉ ⵜⵜⵉⵏⵉⵏ « ⵜⵓⴷⴷⵎⴰ ⵏ ⵡⴰⵎⴰⵏ » ⴰⵏⴷⴰ ⴰⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⵢⴻⵙⵙⵓⵜⴻⵔ ⵍⴻⴱⵏⵉ ⵏ ⵓⵙⴰⴳⴻⵏ ⵏ ⵓⵃⴻⵡⵡⴻⵙ ⴰⵙⵎⵉ ⴰⵢ ⴷ-ⵢⴻⵔⵣⴰ ⵖⴻⴼ ⵓⵎⴽⴰⵏ-ⴰ ⴷⴻⴳ 30 ⵟⵓⴱⴻⵔ 2014.

ⴰⵙⴻⵏⴼⴰⵔ-ⴰ ⵜⴻⵍⵀⴰ-ⴷ ⵢⵉⴷ-ⵙ ⵜⴽⴻⴱⴱⴰⵏⵉⵜ ⵏ ⵓⵙⵙⴻⴼⵜⵉ ⴰⵙⴻⵏⵙⴰⵏ (ⵙⵉⵀ) ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵜⴻⵙⵙⴻⵡⵊⴻⴷ ⵙ ⵜⵖⴰⵡⵍⴰ ⴰⴽⴰⵔⴰⵎ ⴰⵜⴻⴽⵏⵉ ⵙ ⵡⴰⴽⴽ ⵜⵉⵣⵔⴰⵡⵉⵏ ⵢⴻⵙⵙⴻⴼⴽⴻⵏ ⵢⴻⵔⵏⴰ ⴰⴷ ⵜ-ⵜⴻⴼⴽ ⵉ ⵓⵖⵍⵉⴼ ⵙⴻⴳ-ⴰ ⵖⴻⴼ ⵡⴰⵢⵢⵓⵔ.

« ⴰⵙⴰⴳⴻⵏ ⵏ ⵓⵃⴻⵡⵡⴻⵙ ⵏ ⵡⴰⵙⵉⴼ ⵏ ⵍⵃⴻⵕⵕⴰⵛ ⴷ ⴰⵙⴻⵏⴼⴰⵔ ⴰⵎⴻⵣⵡⴰⵔⵓ ⵙⴻⴳ ⵚⵚⴻⵏⴼ-ⵏⵏⴻⵙ ⵢⴻⵔⵏⴰ ⵢⴻⵃⵡⴰⴵ ⴰⴷ ⴷ-ⵏⴻⵔⵔ ⵍⵡⴻⵍⵀⴰ-ⵏⵏⴻⵖ ⵖⴻⵔ-ⵙ. ⴰⴷ ⵏⴻⵅⴷⴻⵎ ⴰⴽⴽⴻⵏ ⴰⴷ ⴷ-ⵏⴻⵙⵙⴻⵎⵍⵉⵍ ⴰⴽⴽ ⵜⵉⴳⵏⴰⵜⵉⵏ ⵉⵡⴰⵜⴰⵏ ⴰⴽⴽⴻⵏ ⴰⴷ ⴷ-ⵏⴻⴱⴷⵓ ⵉⵎⵓⵀⴰⵍ (ⵉⵅⴻⴷⴷⵉⵎⴻⵏ) ⵏ ⵍⴻⴱⵏⵉ ⵖⴻⴼ ⵣⵉⴽ ⵍⵃⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⵀⵧⵓⵍ.

ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵜ ⵏ ⵜⴻⵣⵔⴰⵡⵜ, ⴰⵙⴰⴳⴻⵏ ⵏ ⵓⵃⴻⵡⵡⴻⵙ ⵏ ⵡⴰⵙⵉⴼ ⵏ ⵍⵃⴻⵕⵕⴰⵛ ⴰⵔⴰ ⵢⴻⵜⵜⵡⴰⴱⵏⵓⵏ 6 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵡⴰⵏⴷⴰ ⴰⵢ ⵉⵏⴻⵖⵖⴻⵍ ⵡⴰⵙⵉⴼ-ⴰ ⵖⴻⵔ ⵍⴻⴱⵃⴻⵕ (ⵙⴰⴱⵍⴻⵜⵜⴻⵙ) ⵣⴻⵎⵔⴻⵏ ⴰⴷ ⵃⴻⴱⵙⴻⵏ ⴷⴻⴳ-ⵙ ⴳⴰⵔ 80 ⴷ 100 ⵏ ⵢⵉⵖⴻⵔⵔⵓⴱⴰ ⵏ ⵓⵃⴻⵡⵡⴻⵙ.

ⵉⵎⵓⵀⴰⵍ ⵏ ⵓⵀⴻⵢⵢⵉ ⵏ ⵡⴰⵙⵉⴼ ⵏ ⵍⵃⴻⵕⵕⴰⵛ ⴷ ⵡⵉⴷ ⴰⵔⴰ ⵢⴻⵔⵔⴻⵏ ⴰⵙⵉⴼ-ⴰ ⵉⵡⴰⵜⴰ ⴰⴽⴽⴻⵏ ⴰⴷ ⵜⵜⴻⴷⴷⵓⵏ ⴷⴻⴳ-ⵙ ⵢⵉⵖⴻⵔⵔⵓⴱⴰ ⴷⴻⴳ 6 ⵏ ⵢⵉⴽⵉⵍⵓⵎⵉⵜⵔⴻⵏ ⵉⵎⴻⵣⵡⵓⵔⴰ-ⵏⵏⴻⵙ, ⴳⴰⵔ ⵙⴰⴱⵍⴻⵜⵜⴻ (ⴷⴻⴳ ⵃⵓⵙⵉⵏ ⴷⴰⵢ) ⵖⴻⵔ ⵜⵍⴻⴳⴳⵉⵜ ⵏ ⵓⴱⵔⵉⴷ ⴰⵎⴰⵣⵣⴰⵍ ⵏ ⵓⵏⵥⵓⵍ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⴰⴽⴽⴻⵏ ⴰⴷ ⵢⴻⵣⵎⴻⵔ ⵡⴰⵙⵉⴼ-ⴰ ⴰⴷ ⵢⴻⵙⵄⵓ ⴰⵏⴻⵛⵜ ⴰⵔⴰ ⵜ-ⵉⴷ-ⵉⵇⴰⵎⴻⵏ ⵏ ⵡⴰⵎⴻⵏ ⴰⴽⴽⴻⵏ ⴰⴷ ⵣⴻⵎⵔⴻⵏ ⴰⴷ ⵜⵜⴻⴷⴷⵓⵏ ⴷⴻⴳ-ⵙ ⵢⵉⵖⴻⵔⵔⵓⴱⴰ ⴷⴻⴳ ⵓⵏⴻⴱⴷⵓ, ⵜⴰⵎⴻⵀⵍⴰ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⵏ ⵜⵡⵉⵍⴰⵢⵜ ⵜⴻⵙⵙⴻⴼⵔⴰ ⵢⴰⴳⵉ ⴰⴷ ⴷ-ⵜⵙⴻⵔⵔⴻⵃ ⵉ 90.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ ⴷⴻⴳ ⵡⴰⵙⵙ ⵙⴻⴳ ⵡⴰⵎⴰⵏ ⵢⴻⵜⵜⵡⴰⵙⵙⵉⵣⴻⴷⴳⴻⵏ ⵏ ⵜⴻⵖⵙⴻⵔⵜ ⵏ ⴱⴻⵔⵔⴰⵇⵉ ⴰⵢ ⵢⴻⵙⵄⴰⵏ ⵜⴰⵣⵎⴻⵔⵜ ⵏ ⵓⵙⵙⵉⵣⴷⴻⴳ ⵉ 1,8 ⴷ ⴰⵎⴻⵍⵢⵓⵏ ⵏ ⵢⵉⵎⴻⵣⴷⴰⵖⴻⵏ. ⵉ ⵓⵙⵎⴻⴽⵜⵉ, ⴰⵃⵔⵧⵛ ⵡⵉⵙ ⵙⵉⵏ ⵏ ⵜⴻⵖⵙⴻⵔⵜ-ⴰ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵢⴻⵜⵜⵡⴰⵔⵥⴻⵎ ⴰⵙⵙ ⵏ ⵍⴻⵜⵏⵉⵢⴻⵏ.