ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵛⴰⵔⴻ ⵜⴻⴱⴷⴻⵔ-ⴷ 5 ⵏ ⵢⵉⴱⵔⵉⴷⴻⵏ ⴰⵔⴰ ⵢⴻⴵⴵⴻⵏ ⵍⴻⵣⵣⴰⵢⴻⵔ ⴰⴷ ⵜⵏⴻⵡⵡⴻⵄ ⵜⴰⴷⴰⵎⵙⴰ-ⵏⵏⴻⵙ

ⵍⴻⵣⵣⴰⵢⴻⵔ – ⵜⴰⵡⵉⵏⴻⵙⵜ ⵏ ⵜⵉⴳⴰⵡⵜ ⴷ ⵓⵅⴻⵎⵎⴻⵎ ⵖⴻⴼ ⵜⴽⴻⴱⴱⴰⵏⵉⵜ (ⵛⴰⵔⴻ) ⵜⴻⴱⴷⴻⵔ-ⴷ ⴰⵙⵙ ⵏ ⵜⵍⴰⵜⴰ 5 ⵏ ⵢⵉⴱⵔⵉⴷⴻⵏ ⴰⵔⴰ ⵢⴻⴵⴵⴻⵏ ⴰⴷ ⴷ-ⵢⵉⵍⵉ ⵓⵏⴻⵡⵡⴻⵄ ⴷⴻⴳ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵢⴻⵔⵏⴰ ⴰⴷ ⵜⴻⵏⵇⴻⵙ ⵜⴰⴳⴻⵍⵜ ⵖⴻⵔ ⵢⵉⵙⴻⵔⵖⴰ (ⴰⵒⵉⵜⵕⵓⵍ ⴷ ⵍⴳⴰⵣ).

ⵎⵧⵓⵍⵧⵓⴷ ⵀⴻⴷⵉⵔ, ⴰⵢ ⴷ-ⵢⴻⵙⵙⴰⵡⵍⴻⵏ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵓⵙⴽⴰⵙⵉ ⵖⴻⴼ « ⵜⵙⴻⵎⵎⴻⵙⴽⴰⵍ ⵜⵉⴷⴰⵎⵙⴰⵏⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵉⵍⵉⵏⵜ ⵙ ⵜⵖⴰⵡⵍⴰ ⴰⴽⴽⴻⵏ ⵓⵔ ⴷ-ⵜⴻⵜⵜⵉⵍⵉ ⵜⴻⵣⵖⵉⵏⵜ », ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵏⵇⴰⵙ ⵏ ⵙⵙⵓⵎⴰ ⵏ ⵓⵒⵉⵜⵕⵓⵍ ⵢⴻⴱⴷⴰ ⵍⴰ ⴷ-ⵉⴳⴻⵍⵍⵓ ⵙ ⵍⴰⵜⴻⵕ ⵖⴻⴼ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵉⵎⵉ ⴰⵢ ⵜⴻⴱⴷⴰ ⵜⵎⵓⵔⵜ ⵍⴰ ⵜⴻⵜⵜⵚⴻⵔⵔⵉⴼ ⵏⵏⵉⴳ ⵡⴰⵏⴻⵛⵜ ⴰⵢ ⵍⴰ ⴷ-ⵜⴻⵙⵙⴰⴷⴰⴼ, ⵢⴻⵔⵏⴰ ⴰⵎⴳⴻⵔⵔⴰⴷ-ⴰ ⵢⴻⵣⵎⴻⵔ ⴰⴷ ⵢⴰⵡⴻⴹ ⵖⴻⵔ 51% ⴷⴻⴳ ⵜⴳⴰⵔⴰ ⵏ 2015. ⵉ ⵓⵙⵎⴻⴽⵜⵉ, ⵎⴰⵙⵙ ⵀⴻⴷⵉⵔ ⴷ ⴰⴷⴻⵎⵎⴰⵙ ⵢⴻⵔⵏⴰ ⴷ ⴰⵎⴰⵙⵍⴰⴹ ⵙⴻⴳ ⵛⴰⵔⴻ.

ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⵍⴻⵖⵔⴰⵎⴰ ⴰⵢ ⴷ-ⵢⴻⵜⵜⴰⴷⴼⴻⵏ ⵙⴻⴳ ⵓⵒⵉⵜⵕⵓⵍ ⵜⴻⵣⵎⴻⵔ ⴰⴷ ⵜⴻⵏⵇⴻⵙ ⵙ 33%, ⵓⵍⴰ ⵎⴰ ⵉⴷⵔⵉⵎⴻⵏ ⴰⵢ ⴷ-ⵢⴻⵜⵜⴻⴽⴽⴻⵏ ⵙⴻⴳ ⵍⴻⵖⵔⴰⵎⴰ ⴰⴷ ⵔⵏⵓⵏ, ⴰ ⵡⵉⵏ ⵢⵓⴼⴰⵏ, ⵙ 33% ⴷⴻⴳ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ ⵎⴰ ⵢⴻⵍⵍⴰ ⵙⵙⵓⵎⴰ ⵏ ⵓⵒⵉⵜⵕⵓⵍ ⵜⴻⵇⵇⵉⵎ ⴰⴽⴽⴻⵏ ⴰⵢ ⵜⴻⵍⵍⴰ ⵉⵎⵉⵔ-ⴰ, ⵖⴻⴼ ⵍⴻⵃⵙⴰⴱ ⵏ ⵓⵛⴰⵔⵉ ⴰⵢ ⴷ-ⵉⴳⴰ ⵎⴰⵙⵙ ⵀⴻⴷⵉⵔ ⵙ ⵓⵙⵙⴻⵇⴷⴻⵛ ⵏ ⵜⴰⴷⴷⴰⴷⴰⵏⵉⵏ ⵜⵓⵏⵚⵉⴱⵉⵏ.

ⴷⴻⴳ ⵜⴻⴳⵏⵉⵜ ⴰⵎ ⵜⴰ, ⵉⴷⵓⴱⴰ ⵉⵣⵓⵢⴰⵣ ⵢⴻⵙⵙⴻⴼⴽ ⴰⴷ ⴷ-ⵙⵙⴻⵣⴳⴻⵏ ⵙ ⵜⵖⴰⵡⵍⴰ ⵜⴰⵙⴻⵔⵜⵉⵜ ⵜⴰⴷⴰⵎⵙⴰⵏⵜ ⵏ ⵜⵎⵓⵔⵜ ⴰⴽⴽⴻⵏ ⵓⵔ ⴷ-ⵜⴻⵜⵜⵉⵍⵉ ⴰⵔⴰ ⵜⴻⵣⵖⵉⵏⵜ ⵜⴰⴷⴰⵎⵙⴰⵏⵜ. ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵎⴰⵙⵙ ⵀⴻⴷⵉⵔ ⵢⴻⵙⵙⵓⵎⴻⵔ-ⴷ 5 ⵏ ⵢⵉⴱⵔⵉⴷⴻⵏ ⴰⵔⴰ ⵢⴻⴵⴵⴻⵏ ⴰⴷ ⴷ-ⵢⵉⵍⵉ ⵓⵏⴻⵡⵡⴻⵄ ⴷⴻⴳ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.

ⵖⴻⴼ ⵍⴻⵃⵙⴰⴱ-ⵏⵏⴻⵙ, « ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵏⵇⴻⵙ ⵓⵄⴰⵡⴻⵏ ⴷⴻⴳ ⵙⵙⵓⵎⴰⵜ ⵏ ⵢⵉⵙⴻⵔⵖⴰ ⵛⵡⵉⵟ, ⵛⵡⵉⵟ, ⵢⴻⵔⵏⴰ ⵉⴷⵔⵉⵎⴻⵏ ⵏ ⵢⵉⴱⵓⵔⵚⵢⵓⵏⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵡⴻⵀⵀⵉⵏ ⵉ ⵡⵉⴷ ⴰⵢ ⵜⴻⵏ-ⵢⴻⵃⵡⴰⴵⴻⵏ ⵙ ⵜⵉⴷⴻⵜ, ⵉⴷⵔⵉⵎⴻⵏ ⵏ ⵢⵉⵙⵙⴻⴼⵜⵉⵢⴻⵏ ⵉⵏⴰⴳⴷⵓⴷⴻⵏ ⵢⴻⵙⵙⴻⴼⴽ ⴰⴷ ⴷ-ⵜⵜⵡⴰⴳⵎⴻⵏ ⵙⴻⴳ ⵜⴻⵖⴱⵓⵍⴰ ⵢⴻⵎⴳⴻⵔⵔⴰⴷⴻⵏ ⵢⴻⵔⵏⴰ ⴰⴷ ⵢⴻⵜⵜⵡⴰⵙⵙⴻⵇⴷⴻⵛ ⵙⵙⵓⵇ ⵏ ⵜⴻⴷⵔⵉⵎⵜ ⴷ ⵜⴱⴰⵏⴽⵉⵡⵉⵏ ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⴱⵖⴻⵙ ⵓⵙⵙⴻⴼⵜⵉ ⵓⵙⵔⵉⴷ ⴰⴱⴻⵕⵕⴰⵏⵉ, ⴰⴷ ⵢⴻⵜⵜⵡⴰⵙⵙⴻⵍⵀⵓ ⵓⵏⴻⵣⵡⵓ ⵏ ⵢⵉⵡⴻⵥⵍⴰ ⵢⴻⵔⵏⴰ ⴰⴷ ⵜⴻⵇⵇⴻⵍ ⵜⵎⵓⵔⵜ ⵜⵊⴻⴱⴱⴻⴷ-ⴷ ⴰⵙⵙⴻⴼⵜⵉ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴷ-ⵜⴻⴳ ⵜⵎⵓⵔⵜ ⵍⵇⴰⵏⵓⵏ ⴰⵎⴰⵢⵏⵓ ⵏ ⵓⵙⵙⴻⴼⵜⵉ ⵢⴻⵔⵏⴰ, ⴷⴻⴳ ⵜⴳⴰⵔⴰ, ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵍⵀⵓ ⵢⴻⵔⵏⴰ ⴰⴷ ⵢⴻⵜⵜⵡⴰⵙⵙⴻⵜⵔⴻⵔ ⵓⵙⵙⵓⴷⴷⴻⵙ ⵏ ⵜⵏⴻⵣⵣⵓⵜ ⵜⴰⴱⴻⵕⵕⴰⵏⵉⵜ ».

ⵉⴷⵎⵔⵉⵎⴻⵏ ⴰⵢ ⵉⵡⴻⵊⴷⴻⵏ ⴷ ⵜⵓⴽⴽⵙⴰ ⵏ ⴹⴹⵍⴰⴱⴰ ⵏ ⵜⵎⵓⵔⵜ ⴷ ⵙⵏⴰⵜ ⵏ ⵜⵖⴰⵡⵙⵉⵡⵉⵏ ⵢⴻⵍⵀⴰⵏ ⴰⵢ ⵢⴻⵙⵙⴻⴼⴽ ⴰⴷ ⵜⴻⵏ-ⵜⴼⴰⵕⴻⵙ ⵍⴻⵣⵣⴰⵢⴻⵔ ⴰⴽⴽⴻⵏ « ⴰⴷ ⴷ-ⵜⴻⴱⴷⵓ ⴰⵏⴻⵡⴻⵄ-ⴰ, ⵎⴰⵛⴰ ⵢⴻⵙⵙⴻⴼⴽ ⴰⴷ ⵜⴻⵅⴷⴻⵎ ⵙ ⵜⵖⴰⵡⵍⴰ ⵢⴻⵔⵏⴰ ⴷⴻⴳ ⵓⵏⵔⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵙⴻⵍⵡⴰⵢ ⵛⴰⵔⴻ, ⵙⵍⵉⵎ ⴰⵜⵀⵎⴰⵏⵉ, ⵉⵃⴻⵜⵜⴻⵜ-ⴷ ⴷⴻⴳ ⵜⴳⴻⵔⵎⴰⵏⵜ-ⵏⵏⴻⵙ ⴷ ⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⴷ-ⵢⴻⵇⵇⴻⵍ ⵍⴰⵎⴰⵏ ⴳⴰⵔ ⵜⴻⴷⴱⴻⵍⵜ ⵜⴰⴷⵣⴰⵢⵔⵉⵜ ⴷ ⵢⵉⵎⴻⴳⴳⵉⵢⴻⵏ ⵉⴷⴰⵎⵙⴰⵏⴻⵏ ⵢⴻⵔⵏⴰ ⴰⴷ ⵎⵄⴰⵡⴰⵏⴻⵏ ⴰⴽⴽⴻⵏ ⴰⴷ ⵙⴼⴻⵄⵍⴻⵏ ⵜⵉⵙⵓⴷⴷⵙⵉⵏ ⵏ ⵜⵏⴻⴼⵍⵉⵜ ⴷ ⵓⵏⵏⴻⵔⵏⵉ ».

eg yidis niḍen, yessumer-d uselway n CARE ad d-rren ttesriḥ i tkebbaniyin akken ad d-ḍebbrent idrimen seg ssuq agraɣlan akken ad tenqes teɛkemt d umihi ɣef tbankiwin n tmurt.