ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵒⵧⵍⵉⵙⴰⵔⵉⵧ ⵜⴻⵛⴽⴻⵕ-ⴷ ⵜⴰⴳⵔⴰⵖⵍⴰⵏⵜ ⵜⴰⵏⴻⵎⵍⴰⵢⵜ ⵉⵎⵉ ⴰⵢ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⴼⴻⵔⵔⵓ ⵓⵄⴷⵉⵍ ⵏ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ
ⵏⵢⵓ ⵢⵓⵔⴽ – ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⵜⴻⵛⴽⴻⵕ-ⴷ ⴰⵄⴻⵡⵡⴻⵍ ⵏ ⵓⵙⴻⵇⵇⴰⵎⵓ ⵏ ⵜⴻⴳⵔⴰⵖⵍⴰⵏⵜ ⵜⴰⵏⴻⵎⵍⴰⵢⵜ ⴰⴽⴽⴻⵏ ⴰⴷ ⵜⴻⵅⴷⴻⵎ ⵉ ⵍⵎⴻⵏⴷ ⵏ ⴼⴻⵔⵔⵓ ⴰⵎⴻⵍⵡⵉ ⵢⴻⵔⵏⴰ ⴷ ⴰⴷⵓⵎⴰⵏ ⵉ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵔⵏⴰ ⵜⵓⵎⴰⵔ (ⵜⴻⴼⵕⴻⵃ) ⵉⵎⵉ ⴰⵢ ⵢⴻⵜⵜⵡⴰⴷⴷⴻⵎ ⵓⵕⴰⴱⵓⵍ ⵏ ⵜⵓⵖⴷⴰⴹⵜ ⵏ ⵜⵓⴷⴷⵙⴰ-ⴰ ⵖⴻⴼ ⵡⴰⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⴰⵚⴻⵃⵔⴰⵡⵉ ⵏ ⵓⵙⵙⴻⵍⵖⵓ.
ⴰⵙⴻⵇⵇⴰⵎⵓ ⵏ ⵜⴻⴳⵔⴰⵖⵍⴰⵏⵜ ⵜⴰⵏⴻⵎⵍⴰⵢⵜ ⵢⴻⵎⵍⴰⵍ ⴷⴻⴳ ⵏⴻⵡ ⵢⵧⵔⴽ (ⴷⴻⴳ ⵓⵅⵅⴰⵎ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) ⵙⴻⴳ 5 ⵖⴻⵔ 7 ⵢⵓⵍⵢⵓ 2015, ⵢⴻⵔⵏⴰ ⵢⴻⵙⵄⴻⴷⴰ ⵙ ⵓⵏⴻⵎⵣⴻⵍ ⴰⵕⴰⴱⵓⵍ ⵏ ⵜⵓⵖⴷⴰⴹⵜ ⵏ ⵜⵓⴷⴷⵙⴰ-ⴰ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ, ⴷ ⴰⵕⴰⴱⵓⵍ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ « ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⴱⴷⴻⴷ ⵙ ⵜⵉⴷⴻⵜ ⵖⴻⵔ ⵢⵉⴷⵉⵙ ⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ (ⵎⵉⵏⵓⵔⵙⵧ) ⴰⴽⴽⴻⵏ ⴰⴷ ⵜⴼⴰⴽ ⵛⵛⵖⴻⵍ-ⵏⵏⴻⵙ ⴰⴳⴻⵊⴷⴰⵏ ⴷⴻⴳ ⵜⵎⵓⵔⵜ-ⴰ, ⵢⴻⵔⵏⴰ ⵛⵛⵖⴻⵍ-ⴰ ⵏⴻⵜⵜⴰ ⴷ ⴰⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ-ⴰ ⴷⴻⴳ ⴰⵖⵔⴻⴼ ⴰⵚⴻⵃⵔⴰⵡⵉ ⴰⴷ ⵢⴻⵙⵙⴻⵇⴷⴻⵛ ⴰⵣⵔⴻⴼ-ⵏⵏⴻⵙ ⵉ ⵓⴳⴳⵓⵛⵛⴻⵍⵎⴰⵏ, ⵢⴻⵔⵏⴰ ⴷ ⵡⵉⵏ ⴽⴰⵏ ⴰⵢ ⴷ ⴰⴱⵔⵉⴷ ⴰⵡⵃⵉⴷ ⵉ ⴼⴻⵔⵔⵓ ⵏ ⵜⴰⵍⵓⴼⵜ-ⴰ ». ⴰⵕⴰⴱⵓⵍ-ⴰ ⵜⵇⴻⴷⴷⴻⵎ-ⵉⵜ-ⵉⴷ ⵎⴰⵙⵙⴰ ⵛⴰⵔⵎⴰ ⵛⵀⴰⵛⵧⵏ ⵢⴻⵍⵍⴰⵏ ⴷ ⵜⴰⵎⴰⵙⵍⴰⴹⵜ ⵏ ⵓⵙⵍⴻⵎⴽⵎⴰⵏ ⵏ ⵓⴽⴰⴱⴰⵔ ⴰⵏⴻⵎⵍⴰⵢ ⵏ ⵢⵉⵅⴻⴷⴷⴰⵎⴻⵏ ⵏ ⵙⵒⴻⵏⵢⵓⵍ (ⵒⵙⵧⴻ), ⴷ ⵜⴰⵏⴻⵖⵍⴰⴼⵜ ⵜⴰⵇⴱⵓⵔⵜ ⵏ ⵜⴻⵎⵃⴰⴷⴷⵉⵜ ⵏ ⵙⵒⴻⵏⵢⵓⵍ, ⴷ ⵜⴰⵙⴻⵍⵡⴰⵢⵜ ⵏ ⵓⵙⴻⵇⵇⴰⵎⵓ ⵉ ⵓⴳⵔⴰⴽⴰⵍ ⵏ ⵜⴻⴳⵔⴰⵖⵍⴰⵏⵜ ⵜⴰⵏⴻⵎⵍⴰⵢⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⴻⴽⴽⴰ ⴷⴻⴳ ⵓⵇⴻⴷⴷⴻⵎ-ⴰ ⵓⵏⵎⴰⵀⴰⵍ ⵊⵓⴰⵏ ⴰⵏⵜⵧⵏⵉⵧ ⵢⴰⵏⴻⵙ, ⴰⵎⴰⵔⵓ ⴰⵇⴱⵓⵔ ⵏ ⵓⵡⴰⵏⴰⴽ ⵏ ⵙⵒⴻⵏⵢⵓⵍ, ⴰⵢ ⵉⵏⴻⵀⵕⴻⵏ ⵜⵓⵖⴷⴰⴹⵜ-ⴰ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ. ⵛⵀⴰⵛⵧⵏ ⴷ ⵢⴰⵏⴻⵙ ⵙⵎⴻⴽⵜⵉⵏ-ⴷ, ⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵕⴰⴱⵓⵍ-ⴰ ⴷⴻⴳ ⵜⴰⵣⵡⴰⵔⴰ, ⴷ ⴰⴽⴽⴻⵏ ⵜⵓⵖⴷⴰⴹⵜ ⵏ ⵜⴻⴳⵔⴰⵖⵍⴰⵏⵜ ⵜⴰⵏⴻⵎⵍⴰⵢⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴷ ⴰⴹⴼⴰⵔ ⵏ ⵢⵉⵡⴻⵏ ⵏ ⵕⵕⴰⵢ ⴰⵢ ⵢⴻⴷⴷⴻⵎ ⵓⵙⵡⵉⵔ ⵏ ⵜⴻⴳⵔⴰⵖⵍⴰⵏⵜ ⵜⴰⵏⴻⵎⵍⴰⵢⵜ ⴷⴻⴳ ⵛⴰⵒⴻ ⵜⵧⵡⵏ (ⵜⴰⴼⵔⵉⵇⵜ ⵏ ⵓⵏⵥⵓⵍ), ⴷ ⵕⵕⴰⵢ « ⴰⵢ ⴷ-ⵉⵡⴻⴽⴽⴷⴻⵏ ⵙ ⵍⴵⴻⵀⴷ ⴰⴱⴷⴰⴷ ⵏ ⵜⴻⴳⵔⴰⵖⵍⴰⵏⵜ ⵜⴰⵏⴻⵎⵍⴰⵢⵜ ⵖⴻⵔ ⵢⵉⴷⵉⵙ ⵏ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ, ⵢⴻⵔⵏⴰ ⵢⴻⵙⵙⴰⵥⴻⵔ ⵜⵓⴹⴹⴼⴰ ⴰⵢ ⵜⴻⴹⴹⴻⴼ ⵎⴻⵕⵕⵓⴽ ⴰⴽⴰⵍ ⴰⵚⴻⵃⵔⴰⵡⵉ ⴷ ⵓⵎⵃⴰⵇ ⵏ ⵢⵉⵎⴻⵣⴷⴰⵖⴻⵏ-ⵏⵏⴻⵙ ».
ⴰⵕⴰⴱⵓⵍ-ⴰ ⵢⴻⴳⵍⴻⵎ-ⴷ ⴰⴽⴰⵜⴰⵔ ⵏ ⵜⵓⵖⴷⴰⴹⵜ-ⵏⵏⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵜⵉⴷⵢⴰⵏⵉⵏ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⵎⵙⴰⵍⵜ ⵏ ⵜⵎⵓⵔⵜ-ⴰ ⴷ ⵜⵉⵏ ⵢⴻⵇⵇⵏⴻⵏ ⵖⴻⵔ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ, ⵢⴻⵔⵏⴰ ⴰⴷ ⵜⴻⴼⵔⵓ ⵙ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⴼⴻⵔⵔⵓ ⵏ ⵓⵣⴻⴽⴽⴰ-ⵏⵏⴻⵙ. ⵏⵏⵉⴳ ⵡⴰⵢⴰ, ⴰⵕⴰⴱⵓⵍ-ⴰ ⵉⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵛⵛⵖⴻⵍ ⴰⴳⴻⵊⴷⴰⵏ ⵏ ⵎⵉⵏⵓⵔⵙⵧ ⵏⴻⵜⵜⴰ ⴷ ⴰⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⵉ ⵓⴳⴳⵓⵛⵛⴻⵍⵎⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ.
ⴰⵕⴰⴱⵓⵍ-ⴰ ⵢⴻⴱⴷⴻⵔ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵜⵓⵔⴰⵔ ⴷⴷⵓⵕ ⵙ ⵡⴰⵣⴰⵍ-ⵏⵏⴻⵙ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⵓⵜⴻⵔ ⴰⴷ ⵢⴻⵜⵜⵓⵏⴻⴼⴽ ⵡⴰⵣⴰⵍ ⵉ « ⵓⵙⵙⵓⵎⴻⵔ (ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ) ⵉ ⵓⵙⴷⵓⵇⵇⴻⵙ ⵏ ⵍⵎⴻⵊⵀⵓⴷ ⴰⴷⵉⵒⵍⵓⵎⴰⵜⵉ ⵉ ⵓⵏⴰⴷⵉ ⵖⴻⴼ ⴼⴻⵔⵔⵓ ⴰⵎⴻⵍⵎⵉ ⵉ ⵜⴻⴳⵏⵉⵜ-ⴰ ⴷⴻⴳ ⵢⴻⵃⴱⴻⵙ ⴽⵓⵍⵍⴻⵛ. ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵢⴻⵙⵙⴻⴼⴽ ⴰⴷ ⵜⵓⵔⴰⵔ ⴷⴷⵓⵕ ⵉⴱⴻⵏⵏⵓⵏ ⴷⴻⴳ ⵓⵏⴰⴷⵉ ⵏ ⴼⴻⵔⵔⵓ ⵉ ⵜⴰⵍⵓⴼⵜ-ⴰ ». ⵖⴻⴼ ⵍⴻⵃⵙⴰⴱ ⵏ ⵜⴻⴼⵜⴰⵔ-ⴰ, « ⵜⴰⴳⵔⴰⵖⵍⴰⵏⵜ ⵜⴰⵏⴻⵎⵍⴰⵢⵜ ⵢⴻⵙⵙⴻⴼⴽ ⴰⴷ ⵜⴻⵙⵙⴻⴵⵀⴻⴷ ⵓⴳⴰⵔ ⴰⵄⴻⵡⵡⴻⵍ-ⵏⵏⴻⵙ ⵉ ⵓⵅⴻⴷⴷⵉⵎ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵔⵏⴰ ⴰⴷ ⵜⴻⵙⵙⵉⵡⴻⵍ ⴷ ⵜⵙⵓⴷⴰ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⵢⴻⵎⴳⴻⵔⵔⴰⴷⴻⵏ, ⴷ ⵜⵓⴷⴷⵙⵉⵡⵉⵏ ⴰⵢ ⵢⴻⵜⵜⴻⴽⴽⴰⵏ, ⴰⴽⴽⴻⵏ ⴰⴷ ⴷ-ⵜⵇⴻⴷⴷⴻⵎ ⵜⵉⵎⵓⵖⵍⵉⵡⵉⵏ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵔⵏⴰ ⴰⴷ ⴷ-ⵜⴻⵙⵙⴽⴻⵏ ⵍⴻⴱⵖⵉ-ⵏⵏⴻⵙ ⵉ ⵓⴽⴻⵎⵎⴻⵍ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ) ⴷ ⵓⵃⴻⵜⵜⴻⵜ ⵏ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⵅⴷⴻⵎ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵜⵉⴼⵔⴰⵜ ⵜⵓⵖⴷⵉⵎⵜ ⵢⴻⵔⵏⴰ ⴷ ⵜⴰⴷⵓⵎⴰⵏⵜ ⵉ ⵜⴰⵍⵓⴼⵜ-ⴰ ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⴰⵢⵢⴻⵙ ⵙⵜⴻⵄⵕⴼⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ».
ⵜⴰⵎⴰⴳⵍⴰ ⵜⴰⵚⴻⵃⵔⴰⵡⵉⵜ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵖⵉⵎⵉⵢⵉⵏ ⵏ ⵓⵙⴻⵇⵇⴰⵎⵓ ⵏ ⵜⴻⴳⵔⴰⵖⵍⴰⵏⵜ ⵜⴰⵏⴻⵎⵍⴰⵢⵜ (ⴷ ⵜⵓⴷⴷⵙⴰ ⴰⵢ ⴷ-ⵢⴻⵙⴳⴻⵔⵡⴻⵏ ⵉⴽⴰⴱⴰⵔⴻⵏ ⵉⵏⴻⵎⵍⴰⵢⴻⵏ, ⵉⵏⴻⵎⵍⴰⵢⴻⵏ-ⵉⵎⴻⴳⴷⴰ ⴷ ⵡⵉⴷ ⵏ ⵢⵉⵅⴻⴷⴰⵎⴻⵏ ⵏ ⵓⵎⴰⴹⴰⵍ), ⵢⴻⵏⵀⴻⵕ-ⵉⵜⵜ ⵎⵧⵀⴰⵎⴻⴷ ⵙⵉⴷⴰⵜⵉ, ⴰⵎⴰⵙⵍⴰⴹ ⵏ ⵜⵎⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⴰⵏⴻⵖⵍⴰⴼ ⴰⵏⴻⵙⵎⵉⴳⴰⵍ ⵉ ⵜⵓⵕⵓⴼⵜ. ⵙⴷⴻⴼⴼⵉⵔ ⵎⴰ ⵙⵄⴻⴷⴷⴰⵏ ⴰⵕⴰⴱⵓⵍ-ⵏⵏⵉ ⵏ ⵜⵓⵖⴷⴰⴹⵜ ⵙ ⵓⵏⴻⵎⵣⴻⵍ, ⵎⴰⵙⵙ ⵙⵉⴷⴰⵜⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⵓⵎⴰⵔ (ⵢⴻⴼⵕⴻⵃ) ⵙ ⵡⴰⵣⴰⵍ ⴰⵢ ⵜⴻⴼⴽⴰ ⵜⴻⴳⵔⴰⵖⵍⴰⵏⵜ ⵜⴰⵏⴻⵎⵍⴰⵢⵜ ⵉ ⵓⴼⴰⴽⵉ ⵏ ⵓⵙⵙⴻⵀⵔⴻⵙ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴷ ⵓⵄⴻⵡⵡⴻⵍ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵜⵎⵓⵔⵜ-ⴰ. « ⴰⵍⴰ ⵜⵓⵎⴻⵔⵜ ⴰⵔⴰ ⵏⵓⵎⴰⵔ ».
