Asebter amenzawi

"4.400 n wussan deg tillas »: asaru aspenyuli ɣef wayen ay tesɛedda tṣeḥrawit Sakina Dejd Ahlou deg lḥebs

SARAQUSṬA (Spenyul) – Lḥif ay iɛeddan ɣef tmenast taṣeḥrawit n yizerfan n umdan, Sakina Djed Ahlou, deg leḥbas n tuḍḍfa tameṛṛukit d asentel n yiwen n usaru afetraw ay d-iɛeddan seg melmi kan deg temdint n SARAQUSṬA (Spenyul), d win umi semman « Sakina Djed Ahlou, 4.400 n wussan deg tillas ».

Asaru-a tga-t-id Laura Sipan, yerna ifures-it-d usanay urugwayi n uɛawen n Uneẓruf Utrim. Sɛeddan-t-id s uḥdaṛ n tmeɣnast Sakina, yerna yekcef-d lḥif ay iɛeddan ɣef tmeɣnas-a taṣeḥrawit deg leḥbas imeṛṛukiyen, ladɣa aɛetteb d yir tikli ay sɛeddan fell-as.

Afetraw-a yekcef-d daɣ azbu d tebɣest n Sakina, yellan daɣ d taselwayt n unmager n yimal n tmeṭṭut taṣeḥrawit, imi taneɣmast-a tessaweḍ ad tebded deg wudem n lbaṭel ay iɛeddan fell-as deg leḥbas imeṛṛukiyen yerna teḍḍef deg yimenzayen-nnes, am wakken ay tennuɣ ɣef temsalt n tmurt d uɣref-nnes s teɣzef n tallit-nni deg tettwaḥbes deg leḥbas n Uneẓruf Utrim, ladɣa deg lḥebs n Carcel Negra, anda ay tettwaɛetteb ama deg tfekka-nnes, ama deg lbal-nnes yerna tɛeddan fell-as.

I lmend n waya, Sakina teḥka-d ɣef kra n tarrayin tiweḥciyin ay sseqdacen yixeddamen n leḥbas imeṛṛukiyen, gar-asent « imeḥbas ttwaɛellaqen seg yiɣef-nsen yerna ttwaten, neɣ ttwaɛellaqen seg yiḍarren-nsen yerna iɣef-nsen ad iɛelleq d akessar ». Tarrayt-a taneggarut semman-as yixeddamen n lḥebs tarrayt n « uyaziḍ ikenfen », ɣef wakken ay d-tenna Sakina. Sdeffir n wacḥal n yiseggasen n uḥbas deg leḥbas imeṛṛukiyen, « d tallit taweɛṛant akk deg tmeddurt-nnes », ɣef wakken ay d-tenna Sakina, ass-a tenna-d d akken tumar (tefṛeḥ) imi ay as-d-bran d acu kan, tilelli-nnes « tettɣimi-d ur temmid ara » ɣef leḥsab-nnes, imi targit n uzarug n Yiṣeḥrawiyen werɛad ur teffiɣ ɣer tidet.