Asebter amenzawi
Iɣlanen Yeddukklen « tecɣeb-iten » taluft n wid yenḍerren deg Yaman
GENEVE –Aseqqamu Unnig n Yiɣlanen Yeddukklen i yizerfan n umdan yenna-d d akken « yecɣeb-it mliḥ » uxṣar n tegnit talsant d yizerfan n umdan deg Yaman, d tagnit deg iɣarimen d nitni ay d amur ameqran seg teɣtas n taluft-a ay inekren deg Meɣres, ɣef wakken ay d-tenna Cecile Pouilly, taneṭṭaqt n Useqqamu-a deg yiwet n temlilit d tɣemsa ass n ttlata deg Geneve.
Deg ledwaṛ-a tineggura, iɣallen n temsisit taɛṛabt ay tenheṛ Tgelda tasaɛudit, kemmlen tiytiwin-nsen tigenwanin d yimenɣi deg unrar deg temnaḍin yemgerraden n Yaman, ɣef wakken ay d-tenna Pouilly.
ɣef leḥsab-nnes, taɣlamt n Useqqamu Unnig i yizerfan n umdan ay yellan deg unrar twala d akken akk idisan ay yettekkan deg taluift-a ttekkan deg urkaḍ n yizerfan n umdan d lqanun alsan agraɣlan.
Seg yidis niḍen, amur ameqran seg yibriden n ussiweḍ n lemɛawna reglen ɣef lǧal n ccwal n tgara-a, yerna yella lexṣaṣ d ameqran mliḥ deg yisafaren, ttawilat n tesnajya n llsas d userɣu.
« Nessutur, tikkelt niḍen, seg wakk idisan yettekkan deg taluft akken ad ḍemnen aqader n yizerfan n umdan d lqanun alsan agraɣlan, yerna ad gen akk ayen umi zemren akken ad ḥudden iɣarimen. Lqanun agraɣlan yettḥettim idisan yettekkan deg yimenɣi ad ǧǧen neɣ ad ssifessen aɛeddi uɛjil yerna war ugur n lemɛawna i yimdanen yeḥwaǧen », ɣef wakken ay d-tenna.
