ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Ddula tɛewwel ad teg ayen iwatan akken ad d-teqqel lɛafya ɣer Tɣerdayt

ⵜⴰƔⴻⵔⴷⴰⵜ – ⴰⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵖⴻⵔⴷⴰⵢⵜ ⴷ ⴰⴽⴽⴻⵏ ⴰⵡⴰⵏⴰⴽ (ⴷⴷⵓⵍⴰ) ⵉⵄⴻⵡⵡⴻⵍ ⴰⴽⴽⴻⵏ ⴰⴷ ⵢⴻⴷⴷⴻⵏ ⵉⵃⴻⵣⵣⵉⴱⴻⵏ ⵉⵡⴰⵜⴰⵏ ⴰⴽⴽⴻⵏ ⴰⴷ ⵉⴼⴰⴽ ⴰⴽⴽ ⵍⴻⵚⵏⴰⴼ ⵏ ⵜⴻⴽⵔⵉⴹⵜ ⴷⴻⴳ ⵜⴻⵎⵏⴰⴹⵜ-ⴰ ⵢⴻⵔⵏⴰ ⴰⴷ ⴷ-ⵢⴻⵔⵔ ⵍⵄⴰⴼⵢⴰ ⴷ ⵜⴰⵍⵡⵉⵜ ⴷⴻⴳ-ⵙ.

ⵎⴰⵙⵙ ⵙⴻⵍⵍⴰⵍ ⵢⴻⵏⵏⴰ-ⴷ ⴰⵢⴰ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴰⵢ ⵉⴳⴰ ⴷ ⵢⵉⵎⴰⵙⵍⴰⴹⴻⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ, ⵓⴷⵎⴰⵡⴻⵏ ⵢⴻⵜⵜⵡⴰⵙⵙⵏⴻⵏ ⴷ ⵢⵉⵎⴰⵙⵏⴰⴳⴻⵏ (ⵍⵄⵓⵇⵇⴰⵍ) ⵏ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ, ⵢⴻⵔⵏⴰ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⴰⴷ ⵢⴻⵙⵙⴻⵃⴱⵉⴱⴻⵔ ⵖⴻⴼ ⵓⵙⵙⴻⴼⵄⴻⵍ ⵏ ⵢⵉⵃⴻⵣⵣⵉⴱⴻⵏ ⴰⵢ ⵢⴻⴷⴷⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉ ⵍⵎⴻⵏⴷ ⵏ ⵢⵉⵔⵉⵔⵉ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ), ⵜⴰⵍⵡⵉⵜ ⴷ ⵓⵎⵜⴰⵡⴰ ⴰⵏⵎⴻⵜⵜⵉ ⴷⴻⴳ ⵜⴻⵎⵏⴰⴹⵜ ⵏ ⵜⵖⴻⵔⴷⴰⵢⵜ ⴰⵢ ⵢⴻⵍⵍⴰⵏ, ⵣⵉⴽ, ⴷ « ⴰⵎⴻⴷⵢⴰ ⵏ ⵓⵎⵜⴰⵡⴰ ⴰⵏⵎⴻⵜⵜⵉ ⴰⵢⵢⴻⵙ ⵜⴻⵍⵍⴰ ⵜⴻⵜⵜⵣⵓⵅⵅⵓ ⵍⴻⵣⵣⴰⵢⴻⵔ ».

ⴰⵏⴻⵖⵍⴰⴼ ⴰⵎⴻⵏⵣⵓ ⵢⴻⵙⵎⴻⴽⵜⵉ-ⴷ, ⵙ ⵜⴻⵡⵣⴻⵍ, ⵉⵃⴻⵣⵣⵉⴱⴻⵏ ⴰⵢ ⵢⴻⴷⴷⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵎⴻⵏⵣⴰⴹ ⵏ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 4 ⵢⴻⵜⵜⵡⴰⴽⴻⵍⵍⴻⴼ ⴰⴽⴽⴻⵏ « ⴰⴷ ⵢⴻⴹⴼⴻⵔ ⵍⴻⵛⵖⴰⵍ ⵏ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵜⵖⴻⵍⵍⵉⵙⵜ ⴷ ⵢⵉⴷⵓⴱⴰ ⵉⴷⵉⴳⴰⵏⴻⵏ ⴰⴽⴽⴻⵏ ⴰⴷ ⴷ-ⵔⵔⴻⵏ ⵍⵄⴰⴼⵢⴰ ⵢⴻⵔⵏⴰ ⴰⴷ ⵃⴻⵔⵣⴻⵏ ⵜⴰⵖⴻⵍⵍⵉⵙⵜ ⵏ ⵢⵉⵎⴷⴰⵏⴻⵏ ⴷ ⵡⴰⵢⵍⴰ-ⵏⵙⴻⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ ».

ⵎⴰⵙⵙ ⵙⴻⵍⵍⴰⵍ ⵉⴳⴻⵔ-ⴷ ⵜⵉⵖⵔⵉ ⵉ ⵡⴰⴽⴽ ⵜⵉⵎⴻⵜⵜⵉ ⵜⴰⵖⴰⵔⵉⵎⵜ, ⴰⵎⵓⵙⵙⵓ ⵏ ⵜⵉⴷⴷⵓⴽⵍⵉⵡⵉⵏ ⴷ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ ⴰⴷ ⵙⴷⵓⴽⴽⵍⴻⵏ ⵉⵖⴰⵍⵍⴻⵏ-ⵏⵙⴻⵏ ⴰⴽⴽⴻⵏ « ⴰⴷ ⵔⴻⴳⵍⴻⵏ ⴰⴱⵔⵉⴷ ⵉ ⵡⵉⴷ ⴰⵢ ⵢⴻⴱⵖⴰⵏ ⴰⴷ ⵙⵡⴰⵖⴻⵏ ⵜⴰⴷⵓⴽⵍⵉ ⵜⴰⵖⴻⵍⵏⴰⵡⵜ ».

« ⵍⴻⵣⵣⴰⵢⴻⵔ ⴷ ⵢⵉⵡⴻⵜ ⵢⴻⵔⵏⴰ ⵜⴻⴷⴷⵓⴽⴽⴻⵍ, ⵓⵔ ⵜⴱⴻⴹⴹⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵜⴰⵍⴰⵙⵜ-ⴰ ⵓⵔ ⵢⴻⵙⵙⴻⴼⴽ ⴰⴷ ⵜⵜ-ⵉⵄⴻⴷⴷⵉ ⵢⵉⵡⴻⵏ ⵢⴻⵔⵏⴰ ⴰⵖⵔⴻⴼ ⴰⴷⵣⴰⵢⵔⵉ ⵢⴻⵥⵔⴰ ⴰⵣⴰⵍ ⴰⵢ ⵉⵅⴻⵍⵍⴻⵚ ⴰⴽⴽⴻⵏ ⴰⴷ ⵢⴻⵙⵍⴻⵍⵍⵉ ⵜⴰⵎⵓⵔⵜ-ⵏⵏⴻⵙ ⵙⴻⴳ ⵓⵙⵙⴻⵀⵔⴻⵙ ⵢⴻⵔⵏⴰ ⴰⴷ ⵢⴻⵃⵔⴻⵣ ⵜⴰⴷⵓⴽⵍⵉ ⵏ ⵡⴰⴽⴰⵍ-ⵏⵏⴻⵙ.

ⴰⵎⴻⵏⵣⴰⴹ ⵏ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 4 ⵜⵜⵓⵏⴻⴼⴽⴻⵏⵜ-ⴰⵙ ⴰⴽⴽ ⵜⵣⴻⵎⵎⴰⵔ, ⵙ ⵓⵇⴰⴷⴻⵔ ⵏ ⵍⴻⵇⵡⴰⵏⵉⵏ ⵏ ⵜⴻⴳⴷⵓⴷⴰ, ⴰⴽⴽⴻⵏ ⴰⴷ ⴷ-ⵢⴻⵔⵔ ⵍⵄⴰⴼⵢⴰ. ⴷⵖⴰ ⵜⴻⵜⵜⵡⴰⴳⴷⴻⵍ ⵜⵓⴼⴼⵖⴰ ⴷⴻⴳ ⵢⵉⴹ, ⵢⴻⵔⵏⴰ ⵜⵜⵡⴰⴳⴻⴷⵍⴻⵏ ⵜⵎⴻⵙⴱⴰⵏⵉⵢⵉⵏ ⴷ ⵢⵉⵎⵙⴻⴳⵔⴰⵡⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ.

ⴰⵏⴻⵖⵍⴰⴼ ⴰⵎⴻⵏⵣⵓ ⵉⴳⴻⵔ-ⴷ ⵜⵉⵖⵔⵉ ⵉ ⵡⴰⴽⴽ ⵉⵃⵔⵉⵛⴻⵏ ⵏ ⵜⵎⴻⵜⵜⵉ ⴷⴻⴳ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ ⴰⴽⴽⴻⵏ ⴰⴷ ⵎⵄⴰⵡⴰⵏⴻⵏ ⵉ ⵓⵃⵔⴰⵣ ⵏ ⵍⵄⴰⴼⵢⴰ ⴷ ⵜⵓⵇⵇⵍⴰ ⵏ ⵜⴰⵍⵡⵉⵜ ⴷ ⵍⴻⵀⵏⴰ ⵖⴻⵔ ⵜⴻⵎⵏⴰⴹⵜ-ⴰ.

« ⵏⴻⴽⴽⵏⵉ ⴰⴽⴽ ⴷ ⵉⴷⵣⴰⵢⵔⵉⵢⴻⵏ, ⵢⴻⵙⵙⴻⴼⴽ ⴰⴷ ⵏⴻⴷⴷⴻⵔ ⵍⵡⴰⵃⵉⴷ ⴷⴻⴳ ⵓⵎⵙⴻⴼⵀⴰⵎ ⵢⴻⵔⵏⴰ ⴰⴷ ⵏⴻⵙⵙⴻⵃⴱⵉⴱⴻⵔ ⵖⴻⴼ ⵜⴻⴳⵎⴰⵜ ⴷ ⵓⵎⵇⴰⴷⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.

ⴰⵏⴻⵖⵍⴰⴼ ⴰⵎⴻⵏⵣⵓ ⴷⴷⴰⵏ ⵢⵉⴷ-ⵙ, ⴷⴻⴳ ⵜⴻⵔⵣⵉ-ⴰ, ⵓⵏⴻⵖⵍⴰⴼ ⵏ ⵜⴻⵖⴷⴻⵎⵜ, ⴰⵎⴻⵏⵣⴰⴹ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⴷ ⵓⵎⴻⵏⵣⴰⴹ ⵏ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 4, ⵢⴻⵔⵏⴰ ⵢⴻⵏⵏⴰ-ⴷ, ⴷⴻⴳ ⵜⴻⵔⵣⵉ-ⴰ ⴷ ⴰⴽⴽⴻⵏ « ⴰⵡⴰⵏⴰⴽ ⴰⴷ ⵢⴻⵙⵙⴻⴼⵄⴻⵍ ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵙ ⵜⵉⴷⴻⵜ ⵢⴻⵔⵏⴰ ⵙ ⵍⴻⵡⵄⴰⵕⴰ ⴰⴽⴽⴻⵏ ⴰⴷ ⵉⴼⴰⴽ ⵓⵔⴽⴰⴹ ⵏ ⵍⵇⴰⵏⵓⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ, ⵍⴰⴷⵖⴰ ⴰⵜⵄⴻⴷⴷⵉ ⵖⴻⴼ ⵜⵖⴻⵍⵍⵉⵙⵜ ⵏ ⵢⵉⵎⴷⴰⵏⴻⵏ ⴷ ⵡⴰⵢⵍⴰ ».

ⵎⴰⵙⵙ ⵙⴻⵍⵍⴰⵍ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⴷⴷⵓⵕ ⵏ ⵓⵏⴰⴱⴰⴹ ⵏⴻⵜⵜⴰ ⴷ ⴰⴹⵎⴰⵏ ⴷ ⵓⵙⵙⴻⵃⴱⵉⴱⴻⵔ ⵖⴻⴼ ⵓⵔⴽⴰⴷ ⵏ ⵜⵎⵓⵔⵜ ⴷ ⵜⵏⴻⴼⵍⵉⵜ ⵜⴰⴷⴰⵎⵙⴰⵏⵜ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵢⵉⵎⴻⵣⴷⴰⵖⴻⵏ ⵏ ⵜⵖⴻⵔⴷⴰⵢⵜ ⴰⴽⴽⴻⵏ ⴰⴷ ⴹⴻⴼⵔⴻⵏ ⴰⴱⵔⵉⴷ ⵏ ⵜⴻⵙⵏⴰⴳⵜ ⴷ ⵓⵎⵙⴻⴼⵀⴰⵎ ⴰⴽⴽⴻⵏ ⴰⴷ ⴼⵔⵓⵏ ⵜⴰⵍⵓⴼⵜ-ⴰ.

ⵓⵇⴱⴻⵍ ⴰⵢⴰ, ⴰⵏⴻⵖⵍⴰⴼ ⴰⵎⴻⵏⵣⵓ ⵢⴻⵙⵙⴻⵍⵡⵉ, ⵎⵉ ⵢⵓⵡⴻⴹ ⵖⴻⵔ ⵜⵖⴻⵔⴷⴰⵢⵜ, ⵖⴻⵔ ⵢⵉⴷⵉⵙ ⵏ ⵢⵉⴷⵓⴱⴰ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵇⴻⵢⵢⴻⵎ ⵏ ⵜⴻⴳⵏⵉⵜ ⵏ ⵜⵖⴻⵍⵍⵉⵙⵜ ⴷⴻⴳ ⵜⵡⵉⵍⴰⵢⵜ ⵙ ⵓⵃⴷⴰⵕ ⵏ ⵢⵉⵖⴻⴼ ⵏ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 4.

ⵜⵉⵔⵣⵉ ⵏ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵖⴻⴼ ⵜⵖⴻⵔⴷⴰⵢⵜ, ⵜⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴼⵄⴻⵍ ⵏ ⵢⵉⵖⵜⴰⵙⴻⵏ ⴰⵢ ⵢⴻⴷⴷⴻⵎ ⴰⵙⵙ ⵏ ⵍⴰⵕⴻⴱⵄⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵎⵉ ⵉⴳⴰ ⵜⵉⵎⵍⵉⵍⵉⵜ ⵜⵓⵄⵊⵉⵍⵜ ⵖⴻⴼ ⵜⴻⴳⵏⵉⵜ ⴷⴻⴳ ⵜⴻⵍⵍⴰ ⵜⵖⴻⵔⴷⴰⵢⵜ, ⴷ ⵜⵉⵎⵍⵉⵍⵉⵜ ⴷⴻⴳ ⵉⵖⴻⴼ ⵏ ⵜⵎⵓⵔⵜ ⵉⵡⴻⵚⵚⴰ ⴰⵏⴻⵖⵍⴰⴼ ⴰⵎⴻⵏⵣⵓ « ⴰⴷ ⵢⴻⵙⵙⴻⵃⴱⵉⴱⴻⵔ, ⵖⴻⴼ ⵢⵉⴷⵉⵙ ⵏ ⵓⵏⴻⵖⵍⴰⴼ ⵏ ⵜⴻⵖⴷⴻⵎⵜ, ⴰⴽⴽⴻⵏ ⵛⵛⵕⴻⵄ ⴰⴷ ⴷ-ⵢⴻⵍⵀⵓ ⵙ ⵜⵉⴷⴻⵜ ⵢⴻⵔⵏⴰ ⵙ ⵍⴻⵡⵄⴰⵕⴰ ⴷ ⵡⴰⴽⴽ ⵉⵔⴽⴰⴹⴻⵏ ⵏ ⵍⵇⴰⵏⵓⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵜⵄⴻⴷⴷⵉ ⵖⴻⴼ ⵜⵖⴻⵍⵍⵉⵙⵜ ⵏ ⵢⵉⵎⴷⴰⵏⴻⵏ ⴷ ⵡⴰⵢⵍⴰ ».

ⵎⴰⵙⵙ ⵙⴻⵍⵍⴰⵍ ⵢⵓⵡⴻⵢ ⵢⵉⴷ-ⵙ ⵢⵉⵡⴻⵜ ⵏ ⵜⵎⴰⴳⵍⴰ ⴷⴻⴳ ⵢⴻⵍⵍⴰ ⵓⵏⴻⵖⵍⴰⴼ ⵏ ⵜⴻⵖⴷⴻⵎⵜ, ⵜⴰⵢⴻⴱ ⵍⵧⵓⵀ, ⴷ ⵓⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵢⵉⴳⴻⵏ, ⴰⵎⴻⵏⵣⴰⴹ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ, ⴰⵀⵎⴻⴷ ⴱⵧⵓⵙⵜⵉⵍⴰ.

ⵉ ⵓⵙⵎⴻⴽⵜⵉ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴷ ⵜⵎⴻⵣⴷⴰⵢⵉⵏ ⵜⵉⴷⵉⴳⴰⵏⵉⵏ, ⵏⵧⵓⵔⵔⴻⴷⵉⵏⴻ ⴱⴻⴷⵧⵓⵉ, ⵢⴻⵔⵣⴰ ⵢⴰⴳⵉ ⴰⵙⵙ ⵏ ⵍⴰⵕⴻⴱⵄⴰ ⵖⴻⴼ ⵜⵖⴻⵔⴷⴰⵢⵜ ⵖⴻⵔ ⵢⵉⴷⵉⵙ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴰⵊⵉⵏⵉⵕⴰⵍ-ⴰⵎⴰⵊⵓⵕ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ, ⴷ ⵢⵉⵖⴻⴼ ⵏ ⵢⵉⵖⴰⵍⵍⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ, ⴰⵊⵉⵏⵉⵕⴰⵍ ⴱⵧⵓⴱⴰ ⵎⴻⵏⴰⴷ.