ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⵓⵔⵓⵏⴷⵉ: ⴰⴽⴰⴱⴰⵔ ⵏ ⵓⴷⴰⴱⵓ ⵢⴻⵔⴱⴻⵃ ⵜⵉⴼⵔⴰⵏⵉⵏ, ⴰⵙⴻⵇⵇⴰⵎⵓ ⵏ ⵍⴰⵎⴰⵏ ⵢⴻⵎⵍⴰⵍ ⴰⴽⴽⴻⵏ ⴰⴷ ⵢⴻⴼⵔⵓ ⵜⴰⴳⵏⵉⵜ

ⵍⴻⵣⵣⴰⵢⴻⵔ – ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵎⵍⴰⵍ ⴰⵙⵙ ⵏ ⵍⴻⵅⵎⵉⵙ, ⵢⵉⵡⴻⵏ ⵡⴰⵙⵙ ⴷⴻⴼⴼⵉⵔ ⵎⴰ ⵢⴻⵔⴱⴻⵃ ⵓⴽⴰⴱⴰⵔ ⵏ ⵓⴷⴰⴱⵓ ⴷⴻⴳ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ ⴷⴻⴳ ⴱⵓⵔⵓⵏⴷⵉ ⴷⴻⴳ ⴰⵢ ⴷ-ⵜⴻⵍⵍⴰ ⵜⴻⵣⵖⵉⵏⵜ ⵜⴰⵙⴻⵔⵜⵉⵜ ⴷ ⵜⴰⵎⴻⵇⵔⴰⵏⵜ ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵒⵉⴻⵔⵔⴻ ⵏⴽⵓⵔⵓⵏⵣⵉⵣⴰ ⴷ ⴰⴽⴽⴻⵏ ⴰⴷ ⵢⴰⵍⴻⵙ ⴰⴷ ⴷ-ⵢⴻⵙⵙⴻⵔⵙ ⵉⵎⴰⵏ-ⵏⵏⴻⵙ ⵖⴻⵔ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ, ⵢⵉⵍⵉ ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵍⴰ ⴷ-ⵢⴻⵙⵙⵓⵜⵓⵔ ⴰⴷ ⵜⵜⵡⴰⵡⴻⵅⵅⵔⴻⵏⵜ ⵜⴻⴼⵔⴰⵏⵉⵏ-ⵏⵏⵉ.

15-ⵏⵏⵉ ⵏ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⵜⵙⴻⵏ ⴰⴷ ⵡⴻⴽⴽⵍⴻⵏ ⵜⵉⵙⵓⴷⴰ ⵜⵉⵎⵏⴰⴹⴰⵏⵉⵏ ⴰⵎ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵓⵎⵖⵉⵡⴰⵏ ⵏ ⵜⴻⴼⵔⵉⵇⵜ ⵏ ⵓⴳⵎⵓⴹ ⴰⴽⴽⴻⵏ ⴰⴷ ⴼⵔⵓⵏ ⵜⴰⵎⵙⴰⵍⵜ ⵏ ⴱⵓⵔⵓⵏⴷⵉ. ⵉⵎⵉⵔ-ⴰ, ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⴷ ⵢⴻⴳ ⵜⵉⵎⵍⵉⵍⵉⵜ ⴰⴽⴽⴻⵏ ⴰⴷ ⵉⵥⴻⵔ ⵙⴰⵏⴷⴰ ⴰⵢ ⵢⵓⵡⴻⴹ ⵛⵛⵖⴻⵍ ⴷ ⵜⵓⵖⴷⴰⴹⵜ ⵏ ⵜⴻⴼⵔⴰⵏⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵜⵎⵓⵔⵜ-ⴰ ⵢⵉⵡⴻⵏ ⵡⴰⵙⵙ ⴷⴻⴼⴼⵉⵔ ⵎⴰ ⵢⴻⴼⴼⴻⵖ-ⴷ ⵢⵉⵙⴰⵍⵉ ⴷ ⴰⴽⴽⴻⵏ ⴰⴽⴰⴱⴰⵔ ⵏ ⵓⴷⴰⴱⵓ, ⵛⵏⴷⴷ-ⴼⴷⴷ, ⵢⴻⵔⴱⴻⵃ ⴷⴻⴳ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ.

ⵛⵏⴷⴷ-ⴼⴷⴷ ⵢⴻⵔⴱⴻⵃ-ⴷ 77 ⵏ ⵢⵉⵎⵓⴽⴰⵏ ⵙⴻⴳ ⴳⴰⵔ 100 ⴷⴻⴳ ⵓⴳⵔⴰⵡ ⴰⵖⴻⵍⵏⴰⵡ, ⵖⴻⴼ ⵍⴻⵃⵙⴰⴱ ⵏ ⵜⵙⴻⵇⵇⴰⵎⵓⵜ ⵜⴰⴼⵔⴰⵏⴰⵏⵜ ⵜⴰⵖⴻⵍⵏⴰⵡⵜ ⵜⵉⵎⵣⵉⵔⴻⴳⵜ (ⵛⴻⵏⵉ).

ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵏⵏⴰⵏ-ⴷ, ⴰⵙⵙ ⵏ ⵍⴻⵅⵎⵉⵙ, ⴷ ⴰⴽⴽⴻⵏ ⵜⵉⴼⵔⴰⵏⵉⵏ ⵏ ⵓⵎⵏⵉ ⴷ ⵜⵖⵉⵡⴰⵏⵜ ⵏ ⵡⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⴱⵓⵔⵓⵏⴷⵉ ⵍⵍⴰⵏⵜ-ⴷ « ⴷⴻⴳ ⵜⴻⴳⵏⵉⵜ ⵓⵔ ⵉⵡⴰⵜⴰⵏ ⴰⵔⴰ ⵉ ⵓⵙⵙⵓⴷⴷⴻⵙ ⵏ ⵜⴻⴼⵔⴰⵏⵉⵏ ⵜⵉⵍⴻⵍⵍⵉⵢⵉⵏ, ⵜⵉⴷ ⴷⴻⴳ ⵢⴻⵍⵍⴰ ⵍⴰⵎⴰⵏ ⵢⴻⵔⵏⴰ ⵙⴷⵓⴽⴽⵓⵍⴻⵏⵜ ⴰⴽⴽ ⵉⴷⵉⵙⴰⵏ ».

ⴷⴻⴳ ⵜⴻⴳⵔⴰⵢⵜ-ⵏⵏⴻⵙ « ⵜⴰⵎⴻⵣⵡⴰⵔⵓⵜ », ⵜⵓⵖⴷⴰⴹⵜ ⵏ ⵡⴰⵏⵏⴰⵢ ⵏ ⵜⴻⴼⵔⴰⵏⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴻⵏⵏⴰ-ⴷ ⴷ ⴰⴽⴽⴻⵏ « ⵜⴻⵍⵍⴰ-ⴷ ⵜⴻⴳⵏⵉⵜ ⵏ ⵜⵓⴳⴷⵉ ⴷ ⵓⵙⵙⵉⴳⴻⴷ » ⵢⴻⵔⵏⴰ ⵜⴻⵍⵍⴰ-ⴷ ⵜⴻⴽⵔⵉⴹⵜ ⴷⴻⴳ ⴱⵓⵊⵓⵎⴱⵓⵔⴰ ⴰⵎⴰ ⵓⵇⴱⴻⵍ ⵜⴻⴼⵔⴰⵏⵉⵏ-ⵏⵏⵉ, ⴰⵎⴰ ⵎⵉ ⴷ-ⵍⵍⴰⵏⵜ.

« ⵜⵉⵍⴻⵍⵍⵉⵢⵉⵏ ⵏ ⵍⵍⵙⴰⵙ ⵏ ⵓⵜⵜⴻⴽⴽⵉ, ⵏ ⵓⵎⵙⴻⴳⵔⴰⵡ, ⵏ ⵡⴰⵡⴰⵍ, ⵏ ⵜⵎⵓⵖⵍⵉ ⴷ ⵓⵙⵙⴻⵍⵖⵓ ⵜⵜⵡⴰⵃⴻⵕⵙⴻⵏⵜ ⵢⴻⵔⵏⴰ ⵙⵉⵎⴰⵍ ⵉⴽⴻⵎⵎⴻⵍ ⵓⵃⵕⴰⵙ-ⵏⵙⴻⵏⵜ ⴷⴻⴳ ⵜⴰⵍⵍⵉⵜ-ⵏⵏⵉ ⵏ ⵜⵃⴻⵎⵍⴰ ⵏ ⵜⴻⴼⵔⴰⵏⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵏⴰⵢⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ. « ⵍⵍⴰⵏⵜ-ⴷ ⵜⴻⴷⵢⴰⵏⵉⵏ ⵏ ⵜⴻⴽⵔⵉⴹⵜ ⴰⵎ ⵡⴰⴽⴽⴻⵏ ⴰⵢ ⵟⵟⴻⵔⴹⵇⴻⵏⵜ ⵍⴱⵓⵎⴱⴰⵜ ⵎⵉ ⵍⵍⴰⵏⵜ ⵜⵜⵉⵍⵉⵏⵜ-ⴷ ⵜⴻⴼⵔⴰⵏⵉⵏ-ⵏⵏⵉ ».

ⵜⵓⵖⴷⴰⴹⵜ ⵏ ⵡⴰⵏⵏⴰⵢ ⴰⵢ ⴷ-ⵢⵓⵙⴰⵏ ⴷⴻⴳ 1 ⵢⴻⵏⵏⴰⵢⴻⵔ ⵢⴻⵣⵔⵉⵏ ⵖⴻⵔ ⵜⵎⵓⵔⵜ-ⴰ, ⵜⴻⵏⵏⴰ-ⴷ ⴷ ⴰⴽⴽⴻⵏ « ⵜⴻⵜⵜⵡⴰⵃⵕⴻⵙ ⵜⵍⴻⵍⵍⵉ ⵏ ⵜⵖⴻⵎⵙⴰ ⵢⴻⵔⵏⴰ ⵜⵜⵡⴰⵔⴻⴽⴹⴻⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵜⵍⴻⵍⵍⵉⵢⵉⵏ ⵏ ⵍⵍⵙⴰⵙ ».

ⵖⴻⴼ ⵍⴻⵃⵙⴰⴱ ⵏ ⵓⵕⴰⴱⵓⵍ-ⴰ ⵏ 9 ⵏ ⵢⵉⵙⴻⴱⵜⴰⵔ, ⴰⵍⴰ ⴰⴽⴰⴱⴰⵔ ⵏ ⵓⴷⴰⴱⵓ ⴷ ⵢⵉⵎⵙⵉⵙⴰⵏ-ⵏⵏⴻⵙ ⴰⵢ ⵢⴻⵙⵙⴰⵡⴹⴻⵏ ⴰⴷ ⴳⴻⵏ ⵜⴰⵃⴻⵎⵍⴰ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⵢⴻⵔⵏⴰ ⵉⴽⴰⴱⴰⵔⴻⵏ ⵏ ⵜⴻⵏⵎⴻⴳⵍⴰ « ⵓⵔ ⴷ-ⴱⴰⵏⴻⵏ ⴰⵔⴰ ⴰⵟⴰⵙ ».

ⵖⴻⴼ ⵍⴵⴰⵍ ⵏ ⵡⵓⵏⵊⵓⴳⴻⵏ ⴰⵢ ⵢⴻⵔⵙⴻⵏ ⴷⴻⴳ ⵓⴱⵔⵉⴷ ⵏ ⵜⵍⴻⵍⵍⵉ ⵏ ⵜⵖⴻⵎⵙⴰ, ⵖⴻⴼ ⵍⴻⵃⵙⴰⴱ ⵏ ⵜⵓⵖⴷⴰⴹⵜ-ⴰ, « ⵉⵙⴰⵍⴰⵏ ⵖⴻⴼ ⵜⵃⴻⵎⵍⴰ-ⴰ ⵃⵓⵣⴰⵏ-ⴷ ⵙ ⵡⴰⵟⴰⵙ ⵍⴻⵛⵖⴰⵍ ⴰⵢ ⵉⴳⴰ ⵓⴽⴰⴱⴰⵔ ⵏ ⵓⴷⴰⴱⵓ ».

ⴷ ⴰⵛⵓ ⴽⴰⵏ, ⴰⵏⴰⴱⴰⴹ ⵏ ⴱⵓⵔⵓⵏⴷⵉ ⵢⵓⵎⴰⵔ (ⵢⴻⴼⵕⴻⵃ) ⵙ ⵜⴻⴼⵔⴰⵏⵉⵏ-ⴰ ⵏ ⵜⵖⵉⵡⴰⵏⵜ ⴰⵢ ⴷ-ⵢⴻⵍⵍⴰⵏ « ⴷⴻⴳ ⵍⵄⴰⴼⵢⴰ », ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵓⵍⴰ ⴷ ⵜⵉⴼⵔⴰⵏⵉⵏ ⵏ ⵜⵙⴻⵍⵡⵉⵜ ⴰⵢ ⴷ-ⵢⴻⵜⵜⴻⴷⴷⵓⵏ ⴰⴷ ⴷ-ⵉⵍⵉⵏⵜ ⴷⴻⴳ ⵜⴻⴳⵏⵉⵜ ⴰⵎ ⵜⴰ.

ⵍⴰ ⴷ-ⵜⵜⵇⴻⵔⵔⵉⴱⴻⵏⵜ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ==

ⵜⵉⴼⵔⴰⵏⵉⵏ ⵏ ⵜⵙⴻⵍⵡⵉⵜ ⵏ ⴱⵓⵔⵓⵏⴷⵉ ⴷ ⵏⵉⵜⴻⵏⵜⵉ ⴰⵢ ⴷ ⴰⵙⵓⵔⵉⴼ ⵡⵉⵙ ⵙⵉⵏ ⴷⴻⴳ ⵜⴻⴼⵔⴰⵏⵉⵏ ⵜⵉⵎⵓⵜⴰ ⵏ ⵜⵎⵓⵔⵜ-ⴰ, ⴷ ⴰⵛⵓ ⴽⴰⵏ, ⵇⵔⵉⴱ ⴰⴽⴽ ⵜⵉⵎⵓⵔⴰ ⵏ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ, ⵜⵉⴷ ⵏ ⵓⵎⵖⵉⵡⴰⵏ ⵏ ⵜⴻⴼⵔⵉⵇⵜ ⵏ ⵓⴳⵎⵓⴹ ⴷ ⵜⵉⴷ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵏ ⵜⴷⵓⴽⵍⵉ ⵜⵓⵕⵓⴼⵉⵜ, ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⵙⵓⵜⵔⴻⵏ ⵙⴻⴳ ⵓⵏⴰⴱⴰⴹ ⵏ ⴱⵓⵔⵓⵏⴷⵉ ⴰⴷ ⵉⵡⴻⵅⵅⴻⵔ ⵜⵉⴼⵔⴰⵏⵉⵏ-ⴰ ⵖⴻⴼ ⵍⴵⴰⵍ ⵏ ⵜⴻⴳⵏⵉⵜ ⵓⵔ ⵉⵡⴰⵜⴰⵏ ⴰⵔⴰ ⴰⴽⴽⴻⵏ ⴰⴷ ⴷ-ⵉⵍⵉⵏⵜ.

ⵎⴰⵛⴰ ⴱⵓⵊⵓⵎⴱⵓⵔⴰ ⵡⴻⵔⵄⴰⴷ ⵓⵔ ⵜⴻⵇⴱⵉⵍ ⴰⵔⴰ ⴰⵙⵙⵓⵜⴻⵔ ⵏ ⵓⵎⵖⵉⵡⴰⵏ ⵏ ⵜⴻⴼⵔⵉⵇⵜ ⵏ ⵓⴳⵎⵓⴹ ⴰⴽⴽⴻⵏ ⴰⴷ ⵜⵡⴻⵅⵅⴻⵔ ⵜⵉⴼⵔⴰⵏⵉⵏ ⵏ ⵜⵙⴻⵍⵡⵉⵜ ⵙⴻⴳ 15 ⵖⴻⵔ 30 ⵢⵓⵍⵢⵓ.

ⴰⴷⴰⴱⵓ ⴰⴱⵓⵔⵓⵏⴷⵉ ⵉⵡⴻⵅⵅⴻⵔ ⵢⴰⴳⵉ ⵙ ⴽⵔⴰ ⵏ ⵡⵓⵙⵙⴰⵏ ⵜⵉⴼⵔⴰⵏⵉⵏ ⵏ ⵓⵎⵏⵉ ⴷ ⵜⵖⵉⵡⴰⵏⵉⵏ, ⴷ ⴰⵛⵓ ⴽⴰⵏ, ⵢⵓⴳⵉ ⴰⴷ ⵢⴻⵔⵏⵓ ⴰⴷ ⵜⴻⵏⵜ-ⵉⵡⴻⵅⵅⴻⵔ, ⵉⵎⵉ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵓⵔ ⵢⴻⴱⵖⵉ ⴰⵔⴰ ⴰⴷ ⴷ-ⵢⵉⵍⵉ ⵢⵉⵍⴻⵎ ⴷⴻⴳ ⵜⵙⵓⴷⴰ ⵏ ⵜⵎⵓⵔⵜ, ⴰⵛⴽⵓ ⵜⴰⵙⴻⵍⵡⵉⵜ ⵏ ⵒⵉⴻⵔⵔⴻ ⵏⴽⵓⵔⵓⵏⵣⵉⵣⴰ ⴰⴷ ⵜⴼⴰⴽ ⴷⴻⴳ 26 Ɣⵓⵛⵜ.

ⵉⵎⵉ ⴰⵢ ⵢⴻⵙⵙⵖⴻⵔ ⵓⴷⴰⴱⵓ ⵏ ⴱⵓⵔⵓⵏⴷⵉ ⵉⵖⴻⴼ-ⵏⵏⴻⵙ, ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵙ ⵍⴻⴽⵎⴰⵍ-ⵏⵏⴻⵙ ⵢⴻⵊⴱⴻⴷ ⵉⵎⴰⵏⴰⵢⴻⵏ-ⵏⵏⴻⵙ ⵏ ⵜⴻⴼⵔⴰⵏⵉⵏ, ⵎⴻⵏⵖⵉⵔ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵜⴻⵏⵏⴰ-ⴷ ⴷ ⴰⴽⴽⴻⵏ ⵉⴳⵎⴰⴹ ⵏ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ ⵓⵔ ⵢⴻⵍⵍⵉ ⴷⴻⴳ-ⵙⴻⵏ ⵍⴰⵎⴰⵏ, ⵢⴻⵔⵏⴰ ⵜⴻⵙⵙⵓⵜⴻⵔ ⴷ ⴰⴽⴽⴻⵏ ⴰ ⵡⵉⵏ ⵢⴻⴱⵖⵓⵏ ⵢⴻⵔⴱⴻⵃ ⵜⵉⴼⵔⴰⵏⵉⵏ ⵏ ⵜⵙⴻⵍⵡⵉⵜ , ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⵡⴰⵙⵙⴻⴱⴷⴻⴷ « ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ » ⴰⵔⴰ ⴷ-ⵢⴻⵙⴳⴻⵔⵡⴻⵏ « ⴰⵎⴰ ⵡⵉⴷ ⴰⵢ ⵢⴻⵜⵜⴻⴽⴽⴰⵏ, ⴰⵎⴰ ⵡⵉⴷ ⵓⵔ ⵢⴻⵜⵜⴻⴽⴽⴰⵏ ⴷⴻⴳ ⵜⴻⴼⵔⴰⵏⵉⵏ ».

ⵜⴰⵍⵓⴼⵜ-ⴰ ⵏ ⴱⵓⵔⵓⵏⴷⵉ ⵜⴻⵏⴽⴻⵔ ⴰⵙⵎⵉ ⴰⵢ ⴷ-ⵢⴻⵏⵏⴰ ⵓⴷⴰⴱⵓ ⵙ ⵡⵓⴷⴻⵎ ⵓⵏⵚⵉⴱ ⴷ ⴰⴽⴽⴻⵏ ⴰⵙⴻⵍⵡⴰⵢ ⵏⴽⵓⵔⵓⵏⵣⵉⵣⴰ ⴰⴷ ⴷ-ⵢⴻⵙⵙⴻⵔⵙ ⵉⵎⴰⵏ-ⵏⵏⴻⵙ ⵜⵉⴽⴽⴻⵍⵜ ⵏⵉⴹⴻⵏ ⵖⴻⵔ ⵜⴻⴼⵔⴰⵏⵉⵏ ⵉ ⵜⵙⴻⵍⵡⵉⵜ ⵜⵉⵙ 3, ⵢⵉⵍⵉ ⵏⴻⵜⵜⴰ ⵢⴻⵜⵜⵡⴰⴼⵔⴻⵏ ⵢⴰⴳⵉ ⴷⴻⴳ 2005 ⴷ 2010. ⴰⵢⴰ ⵜⵡⴰⵍⴰ-ⵜ ⵜⴻⵏⵎⴻⴳⵍⴰ ⵉⵅⵓⵍⴻⴼ ⵜⴰⵎⴻⵏⴹⴰⵡⵜ ⴷ ⵓⵎⵜⴰⵡⴰ ⵏ ⴰⵔⵓⵙⵀⴰ ⴰⵢ ⵉⴼⵓⴽⴻⵏ ⵟⵟⵔⴰⴷ ⴰⵖⴰⵔⵉⵎ ⵏ ⴱⵓⵔⵓⵏⴷⵉ ⴰⵢ ⴷ-ⵢⴻⵍⵍⴰⵏ ⴳⴰⵔ 1993 ⴷ 2006 ⵢⴻⵔⵏⴰ ⵢⴻⴳⵍⴰ ⵙ 300.000 ⵏ ⵜⵎⴻⴷⴷⵓⵔⵉⵏ.

ⵜⵉⵎⵎⴰⵣⵡⴻⵔⵜ ⵏ ⵓⵙⴻⵍⵡⴰⵢ ⵏⴽⵓⵔⵓⵏⵣⵉⵣⴰ ⵜⴻⵙⵙⴻⵏⴽⴻⵔ-ⴷ ⵢⵉⵡⴻⵏ ⵏ ⵓⵎⵓⵙⵙⵓ ⴰⵖⴻⵔⴼⴰⵏ, ⵎⴰⵛⴰ ⵉⵎⵙⵓⵍⵜⴰ ⵎⴻⵃⵇⴻⵏ-ⵜ ⵙ ⵢⵉⵖⵉⵍ. ⵎⴰ ⵓⵍⴰⵛ, 70 ⵏ ⵎⴻⴷⴷⴻⵏ ⴰⵢ ⵢⴻⵎⵎⵓⵜⴻⵏ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⴱⴷⴰ ⵜⴰⵍⵓⴼⵜ-ⴰ, ⵢⴻⵔⵏⴰ 158.000 ⵏ ⵢⵉⴱⵓⵔⵓⵏⴷⵉⵢⴻⵏ ⴰⵢ ⵉⵔⴻⵡⵍⴻⵏ ⵖⴻⵔ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⵜⵉⵊⵉⵔⴰⵜⵉⵏ).

ⴰⵎⵖⵉⵡⴰⵏ ⴰⴳⵔⴰⵖⵍⴰⵏ, ⵍⴰⴷⵖⴰ ⵜⵉⵎⵓⵔⴰ ⵏ ⵜⴻⵎⵏⴰⴹⵜ, ⵓⵍⴰ ⴷ ⵏⵉⵜⴻⵏⵜⵉ ⵏⴻⴽⵔⴻⵏ ⴷⴻⴳ-ⵙⴻⵏⵜ ⵟⵟⵔⴰⴷⴰⵜ, ⵜⵜⵡⴻⵏⵖⴻⵏ ⴷⴻⴳ-ⵙⴻⵏⵜ ⴰⵟⴰⵙ ⵏ ⵎⴻⴷⴷⴻⵏ ⵢⴻⵔⵏⴰ ⵔⴻⵡⵍⴻⵏ ⵖⴻⵔ-ⵙⴻⵏⵜ ⴰⵟⴰⵙ ⵏ ⵢⵉⵣⵔⵓⵣⴰⵖ ⴷⴻⴳ 20 ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ, ⵢⴻⵔⵏⴰ ⴷ ⴰⵢⴰ ⴰⵢ ⵜⴻⵏⵜ-ⵢⴻⵙⵙⴰⴳⴷⴻⵏ ⵙⴻⴳ ⵜⴻⴽⵔⵉⴹⵜ-ⴰ ⵜⴰⵎⴻⵇⵔⴰⵏⵜ ⴰⵢ ⵉⵏⴻⴽⵔⴻⵏ ⴷⴻⴳ ⴱⵓⵔⵓⵏⴷⵉ.