ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵓⴼⵜ ⵏ ⵍⵉⴱⵢⴰ: ⴰⵎⵏⵉ ⵓⵕⵓⴼⵉ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ « ⴰⴱⴷⴰⴷ-ⵏⵏⴻⵙ ⵓⵎⵎⵉⴷ » ⵖⴻⵔ ⵢⵉⴷⵉⵙ ⵏ ⵜⴻⴱⴷⴰⵎⵎⴰⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ

ⴱⵔⵓⵅⴻⵍⵍⴻⵙ – ⴰⵎⵏⵉ ⵓⵕⵓⴼⵉ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ « ⴰⴱⴷⴰⴷ-ⵏⵏⴻⵙ ⵓⵎⵎⵉⴷ » ⵖⴻⵔ ⵢⵉⴷⵉⵙ ⵏ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴰⵢ ⵏⴻⵀⵀⵕⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴼⵔⵓⵏ ⵜⴰⵍⵓⴼⵜ ⵏ ⵍⵉⴱⵢⴰ, ⵙ ⵢⵉⵡⴻⵜ ⵏ ⵜⵏⴻⵖⵜⵓⵙⵜ ⴰⵢ ⵢⴻⵙⵄⴻⴷⴷⴰ ⵓⵎⵏⵉ-ⴰ ⴰⵙⵙ ⵏ ⵍⴻⵅⵎⵉⵙ ⵖⴻⴼ « ⵢⵉⵛⵇⵉⵔⵔⵡⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷⴻⴳ ⵓⴳⵎⵓⴹ ⴰⵍⴻⵎⵎⴰⵙ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷ ⵢⵉⴱⵔⵉⴷⴻⵏ ⵏ ⵓⵔⴽⴰⴷ ».

ⴷⴻⴳ ⵢⵉⵡⴻⵏ ⵏ ⵓⵍⵖⵓ ⴰⵢ ⴷ-ⵢⴻⵡⵡⴹⴻⵏ ⵖⴻⵔ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⴰⵎⵏⵉ ⵓⵕⵓⴼⵉ « ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴰⴱⴷⴰⴷ-ⵏⵏⴻⵙ ⵓⵎⵎⵉⴷ ⵖⴻⵔ ⵢⵉⴷⵉⵙ ⵏ ⵍⴻⵎⵛⴰⵡⵕⴰⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵢⴻⵙⵙⴻⴷⴷⴰⵢ ⴱⴻⵔⵏⴰⵔⴷⵉⵏⵧ ⵍⴻⵧⵏ, ⴰⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⴱⴰⵏ ⴽⵉ-ⵎⵧⵧⵏ), ⴰⴽⴽⴻⵏ ⴰⴷ ⴷ-ⴰⴼⴻⵏ ⵜⵉⴼⵔⴰⵜ ⵙ ⵍⴻⵎⵛⴰⵡⵕⴰⵜ ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷⴻⴳ ⵍⵉⴱⵢⴰ ».

ⴰⵎⵏⵉ ⵓⵕⵓⴼⵉ « ⵢⴻⵛⴽⴻⵕ-ⴷ ⵍⵎⴻⴵⵀⵓⴷ ⴰⵢ ⵜⴻⵜⵜⴻⴳ ⵍⴻⵣⵣⴰⵢⴻⵔ (…) ⴰⴽⴽⴻⵏ ⴰⴷ ⵜⴻⵙⵙⴻⴱⵖⴻⵙ ⵍⴻⵎⵛⴰⵡⵕⴰⵜ ⴳⴰⵔ ⵢⵉⵍⵉⴱⵉⵢⴻⵏ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵜⴷⵓⴽⵍⵉ ⵜⵓⵕⵓⴼⵉⵜ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵢⴻⵡⵊⴻⴷ ⴰⴷ ⵢⴻⴷⴷⴻⵎ ⵉⵃⴻⵣⵣⵉⴱⴻⵏ ⴰⵢⵢⴻⵙ ⴰⵔⴰ ⵢⴻⵃⵕⴻⵙ ⵡⵉⴷ ⴰⵢ ⵉⵔⴻⴳⵍⴻⵏ ⴰⴱⵔⵉⴷ ⵏ ⵍⴻⵎⵛⴰⵡⵕⴰⵜ, ⵙ ⵓⵇⴰⴷⴻⵔ ⵏ ⵜⵏⴻⵖⵜⵓⵙⵜ 2174 (2014) ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ».

ⴰⵎⵏⵉ ⵓⵕⵓⴼⵉ ⵢⴻⵏⵏⴰ-ⴷ ⴷⴻⴳ ⵓⴹⵔⵉⵙ-ⵏⵏⴻⵙ ⴷ ⴰⴽⴽⴻⵏ « ⵜⴰⴷⵓⴽⵍⵉ (ⵜⵓⵕⵓⴼⵉⵜ) ⵢⴻⵙⵙⴻⴼⴽ ⴰⴷ ⵜⵉⵍⵉ ⵜⴻⵡⵊⴻⴷ ⴰⴽⴽⴻⵏ ⴰⴷ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵜⵙⵓⴷⴰ ⵜⵉⵍⵉⴱⵉⵢⵉⵏ ⴰⴽⴽⴻⵏ ⴽⴰⵏ ⴰⵔⴰ ⴷ-ⵜⵉⵍⵉ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵢⴻⵔⵏⴰ ⴰⴷ ⵢⴻⵃⴱⴻⵙ ⵢⵉⵎⴻⵏⵖⵉ ».

ⴰⵎⵏⵉ ⵓⵕⵓⴼⵉ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ « ⵢⴻⵙⵙⴻⴼⴽ ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⵓⴽⴽⵙⴰ ⵏ ⵍⴻⵙⵍⴰⵃ, ⴰⴼⵙⴰⵅ ⴷ ⵓⵄⴰⵡⴻⴷ ⵏ ⵓⵙⵏⵓⵎⵎⴻⴷ ⵏ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵜ, ⴰⵎ ⵡⴰⴽⴽⴻⵏ ⴰⵔⴰ ⵜⴻⵜⵜⴻⴽⴽⵉ ⴷⴻⴳ ⵓⵙⵙⴻⵍⵀⵓ ⵏ ⵓⵃⵔⵉⵛ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴰⴽⴽⴻⵏ ⴽⴰⵏ ⴰⵔⴰ ⴷ-ⵢⴻⵜⵜⵡⴰⵙⵙⴻⴱⴷⴻⴷ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⵢⴻⵔⵏⴰ ⵙ ⵓⵙⵙⵓⵜⴻⵔ ⵏ ⵓⵏⴰⴱⴰⴹ-ⴰ, ⴷ ⴰⵛⵓ ⴽⴰⵏ, ⵜⴰⴷⵓⴽⵍⵉ ⵜⵓⵕⵓⴼⵉⵜ ⵜⴻⵜⵜⵄⴻⵢⵢⵉⵏ-ⴷ ⴷⴰⵖ ⴷ ⴰⴽⴽⴻⵏ ⵍⴻⵎⵎⴻⵔ ⴰⴷ ⵃⴻⴱⵙⴻⵏⵜ ⵍⴻⵎⵛⴰⵡⵕⴰⵜ ⵢⴻⵔⵏⴰ ⴰⴷ ⵜⴻⵔⵏⵓ ⵜⵎⴻⵙ ⵏ ⵢⵉⵎⴻⵏⵖⵉ ⵉⵎⵙⴻⵍⵍⴻⵃ, ⵜⴰⴷⵓⴽⵍⵉ ⵢⴻⵙⵙⴻⴼⴽ ⴰⴷ ⵜⵉⵍⵉ ⵜⴻⵡⵊⴻⴷ ⴰⴽⴽⴻⵏ ⴰⴷ ⴷ-ⵜⴳⴻⵔ ⵉⵎⴰⵏ-ⵏⵏⴻⵙ ⵉ ⵓⵃⵔⴰⵣ ⵏ ⵜⴰⵍⵡⵉⵜ ⴰⵢⵖⴻⴼ ⴰⵢ ⴷ-ⵉⵡⴻⵚⵚⴰ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵎⵏⵉ ⵓⵕⵓⴼⵉ « ⵢⴻⵙⵙⴻⵏⴼⴰⵍⵉ-ⴷ ⴰⵛⵖⴰⴱ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵅⵚⴰⵔ ⵏ ⵜⴻⴳⵏⵉⵜ ⵏ ⵜⵖⴻⵍⵍⵉⵙⵜ ⴷ ⵜⵉⵏ ⵏ ⵜⵎⴻⴷⴷⵓⵔⵜ ⴷⴻⴳ ⵍⵉⴱⵢⴰ, ⵢⴻⵔⵏⴰ ⵢⴻⵛⵖⴻⴱ-ⵉⵜⵜ ⵍⴰⴷⵖⴰ ⵓⵣⵔⴰⵄ ⵏ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⴷⴻⴳ ⵜⵎⵓⵔⵜ, ⴰⵎ ⵜⴻⴳⵔⴰⵡⵜ ⵏ ⵓⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ) ⴰⵢ ⵉⴼⵓⵕⵙⴻⵏ ⵉⵍⴻⵎ ⴰⵙⴻⵔⵜⵉ ⴷ ⵜⵎⴻⵔⵏⵉⵡⵜ ⵏ ⵢⵉⵎⴻⵏⵖⵉ ».

ⴰⵎⵏⵉ ⵓⵕⵓⴼⵉ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵓⵄⵊⵉⵍⴻⵏ ⵉ ⵓⵍⴻⵙⵙⴻⵙ ⴷ ⵓⵃⴱⴰⵙ ⵏ ⵜⴻⵣⵔⵉⵔⵜ ⵏ ⵜⵓⴷⴷⵙⵉⵡⵉⵏ ⵜⵉⵔⴻⴱⵔⴰⴱⵉⵏ ⴷⴻⴳ ⵡⴰⴽⴰⵍ ⵏ ⵍⵉⴱⵢⴰ ⵢⴻⵔⵏⴰ ⵜⴻⵛⵖⴻⴱ-ⵉⵜ ⵜⴻⴳⵏⵉⵜ ⵍⴰⴷⵖⴰ ⴷⴻⴳ ⵓⵏⵥⵓⵍ ⵏ ⵜⵎⵓⵔⵜ ⴰⵢ ⵢⴻⵇⵇⵍⴻⵏ ⴷ ⴰⵎⴽⴰⵏ ⴰⵢⵙⴻⴳ ⵇⴻⵍⵍⵄⴻⵏⵜ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ », ⴰⵎ ⵡⴰⴽⴽⴻⵏ ⵉ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵃⵔⴻⵣ ⵜⵓⵎⵎⴷⴰ ⴷ ⵜⴷⵓⴽⵍⵉ ⵏ ⵡⴰⴽⴰⵍ ⵏ ⵍⵉⴱⵢⴰ, « ⵓⵔ ⵢⴻⵣⵎⵉⵔⴻⵏ ⴰⴷ ⵜⵜⵡⴰⵃⴻⵔⵣⴻⵏ ⴰⵔⵎⴰ ⴷⴷⵓⴽⴽⵍⴻⵏ ⴰⴽⴽ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ».