ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵙⵙ ⴱⴻⴷⵧⵓⵉ ⵉⵡⴻⵚⵚⴰ ⵉⵡⴰⵍⵉⵢⴻⵏ ⴰⴽⴽⴻⵏ ⴰⴷ ⴷ-ⵍⵀⵓⵏ ⵙ ⵓⵙⵙⴻⵍⵀⵓ ⵏ ⵜⵓⴷⴻⵔⵜ ⵏ ⵢⴰⵍ ⴰⵙⵙ ⵏ ⵢⵉⵎⴻⵣⴷⴰⵖⴻⵏ

ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴷ ⵜⵎⴻⵣⴷⴰⵢⵉⵏ ⵜⵉⴷⵉⴳⴰⵏⵉⵏ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⵢⴻⴼⴽⴰ ⵍⴻⵡⵚⴰⵢⴰⵜ ⵉ ⵢⵉⵡⴰⵍⵉⵢⴻⵏ ⴰⴽⴽⴻⵏ ⴰⴷ ⴷ-ⵍⵀⵓⵏ ⴷ ⵡⴰⴽⴽ ⵓⴷⵎⴰⵡⴻⵏ ⵢⴻⵔⵣⴰⵏ ⴰⵙⵙⴻⵍⵀⵓ ⵏ ⵜⵓⴷⴻⵔⵜ ⵏ ⵢⴰⵍ ⴰⵙⵙ ⵏ ⵎⴻⴷⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⵓⵖⵍⵉⴼ.

ⵍⴻⵡⵚⴰⵢⴰ ⵜⴰⵎⴻⵣⵡⴰⵔⵓⵜ ⵜⴻⵔⵣⴰ ⴰⵃⴻⵣⵣⴻⴱ ⵎⴳⴰⵍ ⵡⴰⴹⴹⴰⵏⴻⵏ ⴰⵢ ⵉⵏⴻⵟⵟⴹⴻⵏ ⴷ ⵢⵉⵎⵉⵀⵉⵜⴻⵏ ⵏ ⵜⴷⴰⵡⵙⴰ, ⵍⴰⴷⵖⴰ ⵉⵎⵉ ⴰⵢ ⵢⴻⵔⵏⴰ ⵓⵣⵖⴰⵍ ⴷⴻⴳ ⵓⵏⴻⴱⴷⵓ ⵢⴻⵔⵏⴰ ⵍⴰ ⴷ-ⵢⴻⵜⵜⵉⵍⵉ ⵓⵙⵙⴻⵡⵊⴻⴷ ⵉ ⵜⵓⵇⵇⵍⴰ ⵖⴻⵔ ⵓⵖⴻⵔⴱⴰⵣ ⴷⴻⴳ 2015-2016.

ⴰⵏⴻⵖⵍⴰⴼ ⵢⴻⵙⵎⴻⴽⵜⵉ-ⴰⵙⴻⵏ-ⴷ ⵉ ⵢⵉⵡⴰⵍⵉⵢⴻⵏ ⴷ ⴰⴽⴽⴻⵏ ⵢⴰⵍ ⴰⵃⴻⵣⵣⵉⴱ ⵢⴻⵙⵙⴻⴼⴽ ⴰⴷ ⴷ-ⵜⴻⴷⴷⵓ ⵢⵉⴷ-ⵙ ⵜⵙⴻⵔⵜⵉⵜ ⵏ ⵜⴻⵖⵡⴰⵍⵜ ⴰⵔⴰ ⵢⴻⵙⵃⵓⵍⴼⵓⵏ ⵎⴻⴷⴷⴻⵏ ⵖⴻⴼ ⵢⵉⵎⵉⵀⵉⵜⴻⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ ⵢⴻⵔⵏⴰ ⴰⴷ ⴰⵙ-ⵜⴻⴳ ⵉⴼⴰⴷⴷⴻⵏ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵃⴻⵣⵣⴻⴱ ⵎⴳⴰⵍ ⵢⵉⵎⵉⵀⵉⵜⴻⵏ-ⴰ ⴷ ⵡⴰⴹⴹⴰⵏⴻⵏ ⵉⵏⴻⵟⵟⴹⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵇⵇⵍⴰ ⵖⴻⵔ ⵓⵖⴻⵔⴱⴰⵣ ⵏ 2015-2016, ⴰⵏⴻⵖⵍⴰⴼ ⵢⴻⴱⴷⴻⵔ-ⴷ ⵍⵎⴻⴵⵀⵓⴷ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⴼⴰⴽⵉ ⵏ ⵍⴻⴱⵏⵉ ⵏ ⵢⵉⵖⴻⵔⴱⴰⵣⴻⵏ ⴷ ⵜⴻⵙⴷⴰⵡⵉⵢⵉⵏ. ⴷ ⴰⵛⵓ ⴽⴰⵏ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏ « ⵢⴻⵍⵍⴰ-ⴷ ⵓⵄⴻⴹⴹⴻⵍ ⴷ ⵍⴻⵅⵚⴰⵚ » ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⴰⴽⴽⴻⵏ ⴰⴷ ⴷ-ⴼⴰⴽⴻⵏ ⵜⵉⴷⵓⵎⵚⵓⴽⵉⵡⵉⵏ ⴷⴻⴳ ⵡⴰⴽⵓⴷ ⴰⴽⴽⴻⵏ ⴰⴷ ⵎⵎⴰⴳⵔⴻⵏ ⴰⵎⴹⴰⵏ ⵏ ⵢⵉⵏⴻⵍⵎⴰⴷⴻⵏ ⵉⵎⴰⵢⵏⵓⵜⴻⵏ.

ⵉⵡⴻⵚⵚⴰ ⴷⴰⵖ ⵉⵎⴻⵥⵍⴰ (ⵙⵙⵔⴰⴱⴻⵙ) ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⴷⴷⵎⴻⵏ ⴰⴽⴽ ⵉⵃⴻⵣⵣⵉⴱⴻⵏ ⵉⵡⴰⵜⴰⵏ ⴰⴽⴽⴻⵏ ⴰⴷ ⵜⴻⵡⵡⵍⴻⵏ ⵉⵖⴻⵔⴱⴰⵣⴻⵏ ⴷ ⵜⴻⵙⴷⴰⵡⵉⵢⵉⵏ ⴰⴽⴽⴻⵏ ⴽⴰⵏ ⴰⵔⴰ ⴼⴰⴽⴻⵏ ⵙ ⵍⴻⴱⵏⵉ, ⴰⵎ ⵡⴰⴽⴽⴻⵏ ⴰⵔⴰ ⴼⴰⴽⴻⵏ ⵉⵎⵓⵀⴰⵍ (ⵉⵅⴻⴷⴷⵉⵎⴻⵏ) ⵏ ⵓⵚⴻⴳⴳⴻⵎ ⵏ ⵢⵉⵖⴻⵔⴱⴰⵣⴻⵏ ⴰⵢ ⵎⴰⵣⴰⵍ ⵍⴰ ⵜⵜⵡⴰⵚⴻⴳⴳⴰⵎⴻⵏ ⵓⵇⴱⴻⵍ ⵎⴰ ⵢⴻⴱⴷⴰ-ⴷ ⵓⵙⴻⴳⴳⴰⵙ ⴰⵖⵓⵔⴱⵉⵣ.

ⵎⴰ ⴷ ⵍⴻⵡⵚⴰⵢⴰ ⵜⵉⵙ ⴽⵔⴰⴹⵜ (3) ⴷ ⴰⵜⴻⵡⵡⴻⵍ ⵏ ⵢⵉⵖⴻⵔⴱⴰⵣⴻⵏ ⵉⵎⴻⵏⵣⴰ ⵙ ⵓⵙⵙⴻⵃⵎⵓ, ⵉⵎⵉ ⴰⵟⴰⵙ ⵙⴻⴳ ⵢⵉⵖⴻⵔⴱⴰⵣⴻⵏ ⴰⵢ ⵢⴻⵣⴳⴰⵏ ⴷⴻⴳ ⵜⵎⵓⵔⵜ ⵓⵔ ⵙⵄⵉⵏ ⴰⵔⴰ ⵍⴳⴰⵣ, ⵢⴻⵔⵏⴰ ⵍⴻⵅⵚⴰⵚ ⵏ ⵓⵙⵙⴻⵃⵎⵓ ⵢⴻⵜⵜⴹⵓⵔⵔⵓ ⵉⴱⴰⵍⵎⵓⴷⴻⵏ ⴷⴻⴳ ⵜⴻⴳⵔⴻⵙⵜ (ⵛⵛⴻⵜⵡⴰ).

ⵍⴻⵡⵚⴰⵢⴰ ⵜⵉⵙ ⴽⵓⵥⴻⵜ (4) ⵏⴻⵜⵜⴰⵜ ⴷ ⴰⵙⵙⵓⴷⴷⴻⵙ ⵏ ⵢⵉⵎⵓⵔⴰⵙ ⴷ ⵓⵙⵙⴻⴷⵀⵓ ⵉ ⵢⵉⴳⴻⵔⴷⴰⵏ ⴷ ⵢⵉⵍⴻⵎⵥⵉⵢⴻⵏ. ⵍⴻⵡⵚⴰⵢⴰ-ⴰ ⵜⴻⵜⵜⵓⵏⴻⴼⴽ ⵉ ⵢⵉⵎⴹⴻⴱⴱⵔⴻⵏ ⵏ ⵜⵡⵉⵍⴰⵢⵉⵏ ⵏ ⵢⵉⵔⵉ ⵏ ⵍⴻⴱⵃⴻⵕ ⵢⴻⵔⵏⴰ ⵢⴻⵔⵣⴰ ⴰⵜⵀⴻⵍⵍⵉ « ⴰⵎⴻⵍⵍⵉⵍ » ⵙ ⵢⵉⴳⴻⵔⴷⴰⵏ ⴷ ⵢⵉⵍⴻⵎⵥⵉⵢⴻⵏ ⴷⴻⴳ ⵜⴰⵍⵍⵉⵜ ⵏ ⵓⵏⴻⴱⴷⵓ ⵏ 2015 ⵙ ⵓⵙⵙⴻⵡⵊⴻⴷ ⵏ ⵡⴰⴽⴽ ⵜⵜⴰⵡⵉⵍⴰⵜ ⴷ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⴰⵢ ⵢⴻⵙⵙⴻⴼⴽⴻⵏ.

ⵍⴻⵡⵚⴰⵢⴰ ⵜⵉⵙ ⵙⴹⵉⵙⴻⵜ (6) ⵜⴻⵔⵣⴰ ⴰⵙⵙⴻⵡⵊⴻⴷ ⵏ ⵜⴰⵍⵍⵉⵜ ⵏ ⵓⵎⵡⴰⵏ (ⵍⴻⵅⵔⵉⴼ) ⴷ ⵜⴻⴳⵔⴻⵙⵜ. ⴷⴻⴳ ⵓⴽⴰⵜⴰⵔ ⵏ ⵓⵃⴻⵣⵣⴻⴱ ⵖⴻⴼ ⵢⵉⵎⵉⵀⵉⵜⴻⵏ ⴰⵔⴰ ⴷ-ⵢⴻⴽⴽⴻⵏ ⵙⴻⴳ ⵢⵉⵔ ⵍⵃⴰⵍ ⵏ ⵜⴻⴳⵏⴻⵡⵜ ⴷⴻⴳ ⵙⵏⴰⵜ-ⴰ ⵏ ⵜⵙⴻⵎⵀⵓⵢⵉⵏ, ⵢⴻⵔⵏⴰ ⵉ ⵍⵎⴻⵏⴷ ⵏ ⵓⵃⵔⴰⵣ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵎⴻⴷⴷⴻⵏ, ⵏ ⵡⴰⵢⵍⴰ ⴷ ⵓⵙⴳⴰⵍⴻⴼ ⴰⵏⴰⴳⴷⵓⴷ, ⴰⵏⴻⵖⵍⴰⴼ ⵉⵡⴻⵚⵚⴰ ⵉⵡⴰⵍⵉⵢⴻⵏ ⴰⴷ ⴷⴷⵎⴻⵏ ⴰⴽⴽ ⵉⵃⴻⵣⵣⵉⴱⴻⵏ ⵢⴻⵙⵙⴻⴼⴽⴻⵏ ⵙ ⵓⵙⴷⵓⵇⵇⴻⵙ ⵏ ⵜⴻⴳⵔⴰⵡⵉⵏ ⵏ ⵓⵄⴰⵡⴻⵣ ⴷ ⵓⵃⴻⵣⵣⴻⴱ ⵜⵉⴷⵉⴳⴰⵏⵉⵏ ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴳⴻⵔⵎⴰⵏⵜ ⴷⴻⴳ ⵢⵉⴱⵔⵉⴷⴻⵏ ⴷ ⵜⴻⵎⴷⵉⵏⵉⵏ.

ⵎⴰ ⴷ ⵍⴻⵡⵚⴰⵢⴰ ⵜⵉⵙ ⵙⴹⵉⵙⴻⵜ ⵜⴻⵔⵣⴰ ⴰⵙⵙⴻⴼⵔⴻⴽ ⵏ ⵜⴻⵎⵇⴻⴱⵔⵉⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⵉⵣⴷⴻⴳ, ⴰⵚⴻⴳⴳⴻⵎ ⴷ ⵓⵙⵙⴻⵎⵖⴻⵔ-ⵏⵙⴻⵏⵜ. ⴰⵏⴻⵖⵍⴰⴼ ⵢⴻⵙⵙⵓⵜⴻⵔ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⵙⴻⴳ ⵢⵉⵡⴰⵍⵉⵢⴻⵏ ⴰⴷ ⴷ-ⴼⴽⴻⵏ ⵓⵇⴱⴻⵍ 23 ⵢⵓⵍⵢⵓ 2015 ⵉⵕⴰⴱⵓⵍⴻⵏ ⵢⴻⵜⵜⵡⴰⴼⴻⵚⵚⵍⴻⵏ ⵖⴻⴼ ⵍⴻⵡⵚⴰⵢⴰⵜ-ⴰ ⴷ ⵢⵉⵃⴻⵣⵣⵉⴱⴻⵏ ⴰⵢ ⵢⴻⵜⵜⵡⴰⴷⴷⵎⴻⵏ ⵉ ⵍⵎⴻⵏⴷ ⵏ ⵡⴰⵢⴰ.

ⴷⴻⴳ ⵜⴳⴰⵔⴰ, ⴰⵏⴻⵖⵍⴰⴼ ⵢⴻⵙⵎⴻⴽⵜⵉ-ⴷ ⵉⵡⴰⵍⵉⵢⴻⵏ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵙⵃⴻⵕⵙⴻⵏ ⴰⴽⴽⴻⵏ ⴰⴷ ⴼⴰⴽⴻⵏ ⵍⴻⵛⵖⴰⵍ-ⴰ ⴷⴻⴳ ⵡⴰⴽⵓⴷ ⴰⵢ ⴰⵙⴻⵏ-ⵢⴻⵜⵜⵓⵏⴻⴼⴽⴻⵏ., ⴰⵎ ⵡⴰⴽⴽⴻⵏ ⴰⵢ ⴰⵙⴻⵏ-ⴷ-ⵉⴳⴻⵔ ⵜⵉⵖⵔⵉ ⴰⴽⴽⴻⵏ ⴰⴷ ⴷ-ⵜⵜⵅⴻⴱⴱⵉⵔⴻⵏ ⵖⴻⴼ ⵡⵓⴳⵓⵔⴻⵏ ⴰⵢ ⴷ-ⵜⵜⴻⵎⵍⵉⵍⵉⵏ ⴷⴻⴳ ⵓⵙⵙⴻⴼⵄⴻⵍ ⵏ ⵢⵉⵃⴻⵣⵣⵉⴱⴻⵏ-ⴰ ⴰⴽⴽⴻⵏ ⴰⴷ ⴹⴻⵎⵏⴻⵏ ⴰⵎⴻⵥⵍⵓ ⴰⵏⴰⴳⴷⵓⴷ ⵉⴳⴻⵔⵔⵣⴻⵏ ⵢⴻⵔⵏⴰ ⴰⴷ ⵙⵙⴻⵍⵀⵓⵏ ⵜⴰⴳⵏⵉⵜ ⵏ ⵜⵎⴻⴷⴷⵓⵔⵜ ⵏ ⵎⴻⴷⴷⴻⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.