ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵇⵇⴻⵍ-ⴷ ⵛⵛⵡⴰⵍ ⵖⴻⵔ ⴱⵓⵔⵓⵏⴷⵉ ⵓⵍⴰ ⵎⴰ ⵜⵉⴼⵔⴰⵏⵉⵏ ⵜⵜⵡⴰⵡⴻⵅⵅⵔⴻⵏⵜ

ⴱⵓⵊⵓⵎⴱⵓⵔⴰ – ⵜⴰⵣⵖⵉⵏⵜ ⵜⴰⵙⴻⵔⵜⵉⵜ ⴰⵢ ⵉⵃⵓⵣⴰⵏ ⴱⵓⵔⵓⵏⴷⵉ ⵜⴻⵔⵏⴰ ⵜⵉⵎⵖⵓⵔ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴼⴼⵉⵔ ⵎⴰ ⵓⴼⴰⵏ-ⴷ ⴰⵎⴽⴰⵏ ⵏ ⵜⵓⴼⴼⵔⴰ ⵏ ⵍⴻⵙⵍⴰⵃ ⴷⴻⴳ ⵡⴰⴽⵓⴷ ⴷⴻⴳ ⵍⴰ ⵜⴻⵜⵜⴽⴻⵎⵎⵉⵍ ⵜⴻⴽⵔⵉⴹⵜ ⴷⴻⴳ ⵓⴳⴰⴼⴰ ⵏ ⵜⵎⵓⵔⵜ, ⵓⵍⴰ ⵎⴰ ⵜⵉⴼⵔⴰⵏⵉⵏ ⵏ ⵜⵙⴻⵍⵡⵉⵜ ⵜⵜⵡⴰⵡⴻⵅⵅⵔⴻⵏⵜ. ⵎⴰ ⴷ ⴰⴱⴷⴰⵎⵎⴰⵙ ⴰⵎⴰⵢⵏⵓ ⴰⴷ ⵢⴻⴷⴷⵓ ⴰⵙⵙ ⵏ ⵜⵜⵍⴰⵜⴰ ⵖⴻⵔ ⴱⵓⵊⵓⵎⴱⵓⵔⴰ ⴰⴽⴽⴻⵏ ⴰⴷ ⵢⴻⵄⵔⴻⴹ ⴰⴷ ⴷ-ⵢⴰⴼ ⵜⵉⴼⵔⴰⵜ ⵉ ⵜⴻⴳⵏⵉⵜ-ⴰ. ⵜⴰⵣⵖⵉⵏⵜ-ⴰ ⵜⴻⵟⵟⴻⵔⴹⴻⵇ-ⴷ ⴰⵙⵎⵉ ⴰⴷ ⵜⴻⵜⵜⵡⴰⵙⵙⴻⵏⵚⴻⴱ ⴷⴻⴳ ⵜⴳⴰⵔⴰ ⵏ ⵢⴻⴱⵔⵉⵔ ⵢⴻⵣⵔⵉⵏ ⵜⵉⵎⵎⴰⵣⵡⴻⵔⵜ ⵏ ⵓⵙⴻⵍⵡⴰⵢ ⵒⵉⴻⵔⵔⴻ ⵏⴽⵓⵔⵓⵏⵣⵉⵣⴰ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ ⵉ ⵜⵉⴽⴽⴻⵍⵜ ⵜⵉⵙ 3, ⵢⴻⵔⵏⴰ ⴷ ⴰⵢⴰ ⴰⵢ ⴷ-ⵢⴻⵙⵏⴻⴽⵔⴻⵏ ⴰⵎⵓⵙⵙⵓ ⴰⵖⴻⵔⴼⴰⵏ ⵏ ⵜⵎⴻⵙⴱⴰⵏⵉⵢⵉⵏ ⴰⵎ ⵡⴰⴽⴽⴻⵏ ⴰⵢ ⵄⴻⵔⴹⴻⵏ ⴽⵔⴰ ⵢⵉⵎⴹⴻⴱⴱⵔⴻⵏ ⴰⴷ ⴳⴻⵏ ⵜⵓⵜⵜⵢⴰ ⴷⴻⴳ ⵜⵍⴻⵎⵎⴰⵙⵜ ⵏ ⵎⴰⵢⵓ.

ⵓⴳⴰⵔ ⵏ 70 ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⵜⴻⴽⵔⵉⴹⵜ-ⴰ ⴰⵢ ⵢⴻⵙⵙⴰⵡⴹⴻⵏ ⴷⴰⵖ 150.000 ⵏ ⵢⵉⴱⵓⵔⵓⵏⴷⵉⵢⴻⵏ ⴰⴷ ⵔⴻⵡⵍⴻⵏ ⵖⴻⵔ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⵜⵉⵊⵉⵔⴰⵜⵉⵏ). ⵜⴰⴽⵔⵉⴹⵜ ⵜⴻⵇⵇⴻⵍ-ⴷ…ⵜⵜⵡⴰⵃⴻⴱⵙⴻⵏ ⵎⴻⴷⴷⴻⵏ ⵢⴻⵔⵏⴰ ⵢⴻⵜⵜⵡⴰⴹⴹⴻⴼ ⵍⴻⵙⵍⴰⵃ ⴷⴻⴳ ⴽⵔⴰ ⵏ ⵢⵉⵎⵓⴽⴰⵏ. ⵜⵜⵡⴰⴹⴹⴼⴻⵏ ⴰⵣⴰⵍ ⵏ 100 ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⵡⴰⵜⵜⴻⵀⵎⴻⵏ ⵍⵍⴰⵏ ⵙⴻⴳ ⵢⵉⵖⴻⵡⵡⴰⵖⴻⵏ, ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⴹⴹⴼⴻⵏ 30 ⵏ ⵢⵉⴱⴻⵛⴽⵉⴹⴻⵏ ⵏ ⵓⵏⵟⴰⴳ ⴷⴻⴳ ⵜⴳⴰⵔⴰ ⵏ ⴷⴷⵓⵕⵜ ⵢⴻⵣⵔⵉⵏ ⴷⴻⴳ ⵙⵏⴰⵜ ⵏ ⵜⴻⵎⵀⴰⵍ ⵢⴻⵎⴳⴻⵔⵔⴰⴷⴻⵏ ⴷⴻⴳ ⴱⵓⵔⵓⵏⴷⵉ, ⵢⴻⵔⵏⴰ ⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵓⴳⴰⴷⴻⵏ ⵍⴻⵎⵎⴻⵔ ⴰⴷ ⵜⴻⵔⵏⵓ ⴰⴷ ⵜⴰⵖ ⵜⵎⴻⵙ ⵎⵉ ⴰⵔⴰ ⴷ-ⵇⴻⵔⵔⴱⴻⵏⵜ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ.

ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⵓⵍⴰ ⵏ ⵜⴻⵎⵙⵓⵍⵜⴰ ⴷ ⵜⴻⴷⴱⴻⵍⵜ, ⵍⴻⵙⵍⴰⵃ-ⵏⵏⵉ - ⴷⴻⴳ ⵍⵍⴰⵏ 30 ⵏ ⵢⵉⴱⴻⵛⴽⵉⴹⴻⵏ ⵏ ⵓⵏⵟⴰⴳ ⵏ ⵚⵚⴻⵏⴼ ⵏ ⴽⴰⵍⴰⵛⵀⵏⵉⴽⵧⵠ ⴷ 38 ⵏ ⵢⵉⵙⴻⵞⵞⴰⵕⴻⵏ –ⵢⴻⵜⵜⵡⴰⴹⴹⴻⴼ-ⴷ ⴷⴻⴳ ⵢⵉⵡⴻⵜ ⵏ ⵜⵉⵖⵉⵍⵜ ⴷⴻⴳ ⵜⵏⴻⴱⴹⵉⵜ ⵏ ⵎⵓⵢⵉⵏⴳⴰ, ⴰⵣⴰⵍ ⵏ 280 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⴰⴼⴰ-ⴰⴳⵎⵓⴹⴰⵏ ⵏ ⵜⵎⴰⵏⴻⵖⵜ ⴱⵓⵊⵓⵎⴱⵓⵔⴰ, ⵢⴻⵔⵏⴰ ⵜⴰⵎⵙⵓⵍⵜⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⴰ ⴷ ⵜⴰⵙⵎⴻⴽⵜⴰ ⵜⴰⵎⴻⵇⵔⴰⵏⵜ ⵏ ⵍⴻⵙⵍⴰⵃ.

ⴰⵃⵔⵉⵛ ⵙⴻⴳ ⵍⴻⵙⵍⴰⵃ-ⴰ –ⵉⵙⴻⵞⵞⴰⵕⴻⵏ ⴷ 10 ⵏ ⵢⵉⴱⴻⵛⴽⵉⴹⴻⵏ ⵏ ⴽⴰⵍⴰⵛⵀⵏⵉⴽⵧⵠ- ⵓⴼⴰⵏ-ⵜ ⴷⴻⴳ ⵢⵉⵡⴻⵏ ⵏ ⵓⵎⵓⵟⵓ-ⴰⵟⴰⴽⵙⵉ ⵢⴻⵔⵏⴰ ⵜⴼⴰⵇ-ⴰⵙ ⵢⵉⵡⴻⵏ ⵏ ⵜⴻⴳⵔⴰⵡⵜ ⵏ ⵏ ⵢⵉⵍⴻⵎⵥⵉⵢⴻⵏ ⵏ ⵓⴽⴰⴱⴰⵔ ⵏ ⵓⴷⴰⴱⵓ (ⵛⵏⴷⴷ-ⴼⴷⴷ), ⴷ ⵜⵉⵏ ⵓⵎⵉ ⵜⵜⵉⵏⵉⵏ ⵉⵎⴱⵧⵏⴻⵔⴰⴽⵓⵔⴻ. ⵜⴰⵎⵙⵓⵍⵜⴰ ⵜⴻⴼⵔⴻⴹ ⵜⴰⵎⵏⴰⴹⵜ ⵏ ⵜⵉⵖⵉⵍⵜ-ⵏⵏⵉ ⵢⴻⵔⵏⴰ ⵜⴻⵔⵏⴰ ⵜⵓⴼⴰ-ⴷ « 20 ⵏ ⵢⵉⴱⴻⵛⴽⵉⴹⴻⵏ ⵏⵉⴹⴻⵏ ⵏ ⵚⵚⴻⵏⴼ-ⵏⵏⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴱⴱⴰⴹⵜ ⵏ ⵎⵓⵢⵉⵏⴳⴰ, ⴰⵍⵉⵏⴻ ⵎⴰⵏⵉⵔⴰⵜⵓⵏⴳⴰ, ⴰⵎ ⵡⴰⴽⴽⴻⵏ ⴰⵢ ⵜⴻⴹⴹⴻⴼ ⵜⴻⵎⵙⵓⵍⵜⴰ ⴰⵣⴰⵍ ⵏ 30 ⵏ ⵢⵉⵎⴻⵖⵏⴰⵙⴻⵏ ⵏ ⵜⴻⵏⵎⴻⴳⵍⴰ ⵉⵇⴻⵔⴱⴻⵏ ⵖⴻⵔ ⴰⴳⴰⵜⵀⵧⵏ ⵔⵡⴰⵙⴰ ⴰⵢ ⵜⵜⵡⴰⵍⵉⵏ ⴷ ⵏⴻⵜⵜⴰ ⴰⵢ ⴷ ⵉⵎⴹⴻⴱⴱⴻⵔ ⴰⴳⴻⵊⴷⴰⵏ ⴷⴻⴳ ⵜⴻⵏⵎⴻⴳⵍⴰ ⵎⴳⴰⵍ ⵓⵙⴻⵍⵡⴰⵢ ⵏⴽⵓⵔⵓⵏⵣⵉⵣⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, 12 ⵏ ⵢⵉⵎⵙⴻⵍⵍⵃⴻⵏ ⴰⵢ ⵢⴻⵜⵜⵡⴻⵏⵖⴻⵏ ⴷⴻⴳ ⵢⵉⵎⴻⵏⵖⵉⵢⴻⵏ ⵎⴳⴰⵍ ⵢⵉⴳⴻⵏ ⴰⴱⵓⵔⵓⵏⴷⵉ ⴳⴰⵔ ⵍⵊⴻⵎⵄⴰ ⴷ ⵍⵃⴻⴷⴷ ⴷⴻⴳ ⵜⵏⴻⴱⴹⵉⵢⵉⵏ ⵜⵉⵏⴰⵔⴰⴳⵉⵏ (ⵜⵉⵊⵉⵔⴰⵜⵉⵏ) ⵏ ⴽⴰⵢⴰⵏⵣⴰ ⴷ ⵛⵉⴱⵉⵜⵧⴽⴻ (ⴷⴻⴳ ⵓⴳⴰⴼⴰ ⴷ ⵓⴳⴰⴼⴰ-ⵓⵜⵔⵉⵎ), ⴷ ⵜⵉⵏⴻⴱⴹⵉⵢⵉⵏ ⴰⵢ ⵜⴻⴱⴹⴰ ⵜⴻⵥⴳⵉ ⵏ ⴽⵉⴱⵉⵔⴰ ⴰⵢ ⵢⴻⵍⵍⴰⵏ ⴷ ⴰⵎⴽⴰⵏ ⵏ ⵜⵓⴼⴼⵔⴰ ⵉ ⵢⵉⵖⴻⵡⵡⴰⵖⴻⵏ ⴷⴻⴳ ⵓⵎⴳⴰⵔⵓ ⴰⵖⴰⵔⵉⵎ.

ⴷ ⵜⴰⴳⵔⴰⵡⵜ ⴰⵢ ⵉⵄⴻⵔⴹⴻⵏ ⴰⴷ ⵜⴻⴳ ⵜⵓⵜⵜⵢⴰ, ⴷⴻⴳ ⵜⵍⴻⵎⵎⴰⵙⵜ ⵏ ⵎⴰⵢⵓ, ⵎⴳⴰⵍ ⵓⵙⴻⵍⵡⴰⵢ ⵏⴽⵓⵔⵓⵏⵣⵉⵣⴰ ⴰⵢ ⴷ-ⵢⴻⵔⵔⴰⵏ ⴰⵏⵟⴰⴳ-ⴰ (ⵎⴳⴰⵍ ⵢⵉⵙⴻⵔⴷⴰⵙⴻⵏ) ⵖⴻⴼ ⵢⵉⵙⴻⵎ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⴼⴻⵙⵢⴰⵏ ⵓⵏⵏⵉⴳ ⵏ ⵜⴻⵎⵙⵓⵍⵜⴰ, ⵢⴻⵔⵏⴰ ⴰⵃⵜⴰⵛ ⵢⴻⵙⵙⴰⵡⴻⴹ ⵖⴻⵔ ⵜⵓⴹⴹⴼⴰ ⵏ 80 ⵏ ⵢⵉⵎⴷⴰⵏⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ-ⴰ.

ⴷⴻⴳ ⵜⴻⴳⵏⵉⵜ-ⴰ, ⵍⵍⴰⵏⵜ ⴷⴰⵖ ⴷⴷⵉⵄⴰⵢⴰⵜ ⵓⵙⵙⴰⵏ-ⴰ ⴷ ⴰⴽⴽⴻⵏ ⵍⴰ ⴷ-ⵜⵜⴰⴷⴼⴻⵏⵜ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⵙⴻⴳ ⵜⵎⵓⵔⴰ ⵜⵉⵏⴰⵔⴰⴳⵉⵏ ⵖⴻⵔ ⵜⴻⵎⵏⴰⴹⵜ-ⴰ, ⵍⴰⴷⵖⴰ ⵉⵎⵉ ⵜⴰ ⴷ ⵜⴰⵎⵏⴰⴹⵜ ⴰⵢ ⵉⵇⴻⵔⴱⴻⵏ ⵖⴻⵔ ⵜⵍⵉⵙⴰ ⵏ ⵕⵡⴰⵏⴷⴰ ⴷ ⵜⴰⵏⵣⴰⵏⵢⴰ.

ⵉⵎⵡⴻⴽⴽⴻⵍ ⵓⵏⵏⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵣⴻⵉⴷ ⵔⴰ’ⴰⴷ ⴰⵍ-ⵀⵓⵙⵙⴻⵉⵏⵉ ⵉⴳⴻⵔ-ⴷ ⵙⴻⴳ ⵎⴻⵍⵎⵉ ⴽⴰⵏ ⵜⵉⵖⵔⵉ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵉ ⵓⵏⴰⴱⴰⴹ ⴰⴱⵓⵔⵓⵏⴷⵉ ⴰⴽⴽⴻⵏ ⴰⴷ ⵢⴻⴽⴽⴻⵙ ⵡⴰⵔ ⵍⴻⵄⴹⵉⵍ ⵍⴻⵙⵍⴰⵃ ⵉ ⵢⵉⵍⴻⵎⵥⵉⵢⴻⵏ ⵏ ⵓⴽⴰⴱⴰⵔ ⵏ ⵓⴷⴰⴱⵓ (ⵜⵉⵎⵍⵉⵛⵉⵏ ⵏ ⵉⵎⴱⵧⵏⴻⵔⴰⴽⵓⵔⴻ) ⴰⴽⴽⴻⵏ ⵓⵔ ⵜⴻⵟⵟⴻⵔⴹⵉⵇ ⴰⵔⴰ « ⵜⴻⴽⵔⵉⴹⵜ ⴰⵔⴰ ⵢⴻⴳⵍⵓⵏ ⵙ ⵜⵎⴻⴷⴷⵓⵔⵉⵏ ».

ⴰⵍ-ⵀⵓⵙⵙⴻⵉⵏⵉ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ « ⴰⵟⴰⵙ ⵏ ⵜⵎⴻⵏⵖⵉⵡⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵙⵉⵏ-ⴰ ⵏ ⵡⴰⵢⵢⵓⵔⴻⵏ ⵉⵏⴻⴳⴳⵓⵔⴰ, ⵢⴻⵔⵏⴰ ⴰⵎⵓⵔ ⴰⵎⴻⵇⵔⴰⵏ ⴷⴻⴳ-ⵙⴻⵏⵜ ⴷ ⵉⵏⵟⴰⴳⴻⵏ ⵎⴳⴰⵍ ⵢⵉⵎⴻⵙⴱⴰⵏⵉⵢⴻⵏ ⴷ ⵢⵉⵎⵃⵉⴷⴷⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ. ⵡⵉⴷ ⴰⵢ ⵍⴰ ⵢⴻⵜⵜⴻⵎⵎⵖⴻⵏ ⴼⴻⵍⵍ-ⴰⵙⴻⵏ ⴷ ⵉⵎⴰⵙⵍⴰⴹⴻⵏ ⵏ ⵉⵎⴱⵧⵏⴻⵔⴰⴽⵓⵔⴻ ⴷ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ». ⵜⴰⴼⵔⴰⵏⵜ ⵏ ⵜⵙⴻⵍⵡⵉⵜ ⵜⴻⵜⵜⵡⴰⵡⴻⵅⵅⴻⵔ ⵖⴻⵔ 21 ⵢⵓⵍⵢⵓ==

ⵉⵎⵉ ⴰⵢ ⵍⴰ ⵜⵜⴽⴻⵎⵎⵉⵍⴻⵏⵜ ⵎⴳⴰⵍ ⵜⵉⵎⵎⴰⵣⵡⴻⵔⵜ ⵏ ⵓⵙⴻⵍⵡⴰⵢ ⵏⴽⵓⵔⵓⵏⵣⵉⵣⴰ, ⴰⵏⴻⴳⴳⴰⵔⵓ-ⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⴷ ⵜⴻⵜⵜⵡⴰⵡⴻⵅⵅⴻⵔ ⵜⵓⵣⵣⵢⴰ ⵜⴰⵎⴻⵣⵡⴰⵔⵓⵜ ⵏ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ. « ⵜⴰⴼⵔⴰⵏⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵢ ⵢⴻⵜⵜⵡⴰⵙⵙⴻⴼⵔⴰⵏ, ⵏⴰⵇⴰⵍ, ⵉ 15 ⵢⵓⵍⵢⵓ 2015, ⵜⴻⵜⵜⵡⴰⵡⴻⵅⵅⴻⵔ ⵖⴻⵔ 21 ⵢⵓⵍⵢⵓ 2015. »

ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵢⴻⵜⵜⵡⴰⵍⵉ ⴷ ⴰⴽⴽⴻⵏ ⵜⴰⴳⵏⵉⵜ ⵏ ⵢⵉⵎⵉⵔ-ⴰ ⴷⴻⴳ ⴱⵓⵔⵓⵏⴷⵉ ⵓⵔ ⵜⵡⴰⵜⴰ ⴰⴽⴽⴻⵏ ⴰⴷ ⴷ-ⵉⵍⵉⵏⵜ ⴷⴻⴳ-ⵙ ⵜⴻⴼⵔⴰⵏⵉⵏ ⴷⴻⴳ ⵢⴻⵍⵍⴰ ⵍⴰⵎⴰⵏ. ⵉⴷⵓⴱⴰ ⵏ ⴱⵓⵔⵓⵏⴷⵉ, ⵙⴻⴳ ⵢⵉⴷⵉⵙ-ⵏⵙⴻⵏ, ⵙⵄⵓⵥⵥⴳⴻⵏ ⵖⴻⴼ ⵜⴻⵖⵔⵉ ⵏ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵉ ⵓⵡⴻⵅⵅⴻⵔ ⵏ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ, ⵢⴻⵔⵏⴰ ⴷ ⴰⴽⴰⴱⴰⵔ ⵏ ⵛⵏⴷⴷ-ⴼⴷⴷ ⵏ ⵓⵙⴻⵍⵡⴰⵢ ⵏⴽⵓⵔⵓⵏⵣⵉⵣⴰ ⴰⵢ ⵜⴻⵏⵜ-ⵉⵔⴻⴱⵃⴻⵏ.

ⵜⴰⵏⵎⴻⴳⵍⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⵖⵓⵏⵣⴰ ⴰⴽⴽ ⵜⵉⴼⵔⴰⵏⵉⵏ-ⴰ ⴰⵢ ⴷ-ⵢⴻⴱⴷⴰⵏ ⵙ ⵜⵉⴷ ⵏ ⵓⵎⵏⵉ ⴷ ⵜⵖⵉⵡⴰⵏⵉⵏ ⴷⴻⴳ 29 ⵢⵓⵏⵢⵓ ⵢⴻⵔⵏⴰ ⴰⴷ ⴽⴻⵎⵎⵍⴻⵏⵜ ⵙ ⵜⵉⴷ ⵏ ⵜⵙⴻⵍⵡⵉⵜ. ⴰⴱⴷⴰⵎⵎⴰⵙ ⵏ ⵍⴻⵎⵛⴰⵡⵕⴰⵜ ⴰⴷ ⵢⴻⴷⴷⵓ ⴰⵙⵙ ⵏ ⵜⵜⵍⴰⵜⴰ ⵖⴻⵔ ⴱⵓⵊⵓⵎⴱⵓⵔⴰ==

ⵙⴻⴳ ⵜⴰⵎⴰ ⵏⵉⴹⴻⵏ, ⴰⵙⴻⵍⵡⴰⵢ ⵏ ⵓⴳⴰⵏⴷⴰ, ⵢⵧⵡⴻⵔⵉ ⵎⵓⵙⴻⵠⴻⵏⵉ, ⴰⵢ ⴷ-ⵙⴻⵎⵎⴰⵏⵜ ⵜⵎⵓⵔⴰ ⵏ ⵜⴻⵎⵏⴰⴹⵜ ⴷ ⴰⴱⴷⴰⵎⵎⴰⵙ ⴰⵎⴰⵢⵏⵓ ⴷⴻⴳ ⵍⴻⵎⵛⴰⵡⵕⴰⵜ ⵉ ⴼⴻⵔⵔⵓ ⵜⴻⵣⵖⵉⵏⵜ ⵜⴰⵙⴻⵔⵜⵉⵜ ⴷⴻⴳ ⴱⵓⵔⵓⵏⴷⵉ, ⴰⴷ ⵢⴰⵡⴻⴹ ⴰⵙⵙ ⵏ ⵜⵜⵍⴰⵜⴰ ⵖⴻⵔ ⴱⵓⵊⵓⵎⴱⵓⵔⴰ.

ⴰⵎⵖⵉⵡⴰⵏ ⵏ ⵜⴻⴼⵔⵉⵇⵜ ⵏ ⵓⴳⵎⵓⴹ ⵉⵙⴻⵎⵎⴰ-ⴷ ⴷⴷⵓⵕⵜ ⵢⴻⵣⵔⵉⵏ ⵢⵧⵡⴻⵔⵉ ⵎⵓⵙⴻⵠⴻⵏⵉ ⴷ ⴰⴱⴷⴰⵎⵎⴰⵙ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵜⴻⵣⵖⵉⵏⵜ-ⴰ. ⴰⵎⵖⵉⵡⴰⵏ-ⴰ ⵢⴻⵃⵕⴻⵙ ⴱⵓⵔⵓⵏⴷⵉ ⴰⵎ ⵓⵎⵓⵔ ⴰⵎⴻⵇⵔⴰⵏ ⵙⴻⴳ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵜⵡⴻⵅⵅⴻⵔ ⵜⵉⴼⵔⴰⵏⵉⵏ ⵏ ⵜⵙⴻⵍⵡⵉⵜ, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⵙⵙⴰⵡⴹⴻⵏ ⵜⴰⵎⵓⵔⵜ-ⴰ ⴰⴷ ⵜⴻⵏⵜ-ⵜⵡⴻⵅⵅⴻⵔ ⵖⴻⵔ 21 ⵢⵓⵍⵢⵓ. ⴰⵏⴻⵟⵟⴰⵇ ⵏ ⵜⴻⵎⵙⵉⵙⵉⵜ ⵏ ⵢⵉⵎⵣⵉⵔⴳⴻⵏ ⵏ ⴰⵎⵉⵣⴻⵔⵧ ⵢ’ⴰⴱⴰⵔⵓⵏⴷⵉ, ⴼⵔⴰⵏçⵧⵉⵙ ⴱⵉⵣⵉⵎⴰⵏⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⴻⵍⵡⴰⵢ ⵏ ⵓⴳⴰⵏⴷⴰ, ⵢⵧⵡⴻⵔⵉ ⴽⴰⴳⵓⵜⴰ ⵎⵓⵙⴻⵠⴻⵏⵉ « ⵡⴻⵔⵄⴰⴷ ⵓⵔ ⴷ-ⵢⴻⵙⵙⴻⵎⵍⴰⵍ ⴰⵔⴰ ⴰⴽⴽ ⵉⴷⵉⵙⴰⵏ ⴰⵢ ⵔⵣⴰⵏⵜ ⵜⴻⴼⵔⴰⵏⵉⵏ-ⴰ ⴰⴽⴽⴻⵏ ⵢⴰⵍ ⵢⵉⵡⴻⵏ ⴰⴷ ⵉⵙⴻⵍ ⵉ ⵡⴰⵢⴻⴹ ».

« ⴰⵙⴻⵍⵡⴰⵢ ⵎⵓⵙⴻⵠⴻⵏⵉ ⵢⴻⵜⵜⵡⴰⵙⴻⵎⵎⴰ-ⴷ ⴰⴽⴽⴻⵏ ⴰⴷ ⵢⵉⵍⵉ ⴷ ⴰⴱⴷⴰⵎⵎⴰⵙ ⴳⴰⵔ ⵢⵉⴷⵉⵙⴰⵏ ⵢⴻⵜⵜⴻⴽⴽⴰⵏ. ⴰⵔ ⴰⵙⵙ-ⴰ, ⵡⴻⵔⵄⴰⴷ ⵓⵔ ⵜⴻⵏ-ⵉⴷ-ⵢⴻⵙⵙⴻⵎⵍⴰⵍ ⴰⵔⴰ. ⵙ ⵡⴰⵢⴰ, ⵓⵔ ⵏⵡⴰⵍⴰ ⴰⵔⴰ ⴰⵎⴻⴽ ⴰⵢ ⵏⴻⵣⵎⴻⵔ ⴰⴷ ⴷ-ⵏⴻⵙⵙⴻⴼⵔⵓ ⴰⵣⴻⵎⵣ-ⴰ ⵡⴰⵔ ⵎⴰ ⵏⴻⵙⵍⴰ ⵉ ⵜⴻⵏⵎⴻⴳⵍⴰ ⵢⴻⵔⵏⴰ ⵡⴰⵔ ⵎⴰ ⵏⴻⵜⵜⴻⴽⴽⴰ ⴷⴻⴳ ⵓⵙⵙⵉⴼⵙⴻⵙ-ⴰ ⴰⵢⵖⴻⴼ ⵢⴻⵜⵜⵡⴰⵡⴻⴽⴽⴻⵍ ⵓⵙⴻⵍⵡⴰⵢ ⵏ ⵓⴳⴰⵏⴷⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ-ⵏⵏⵉ.

ⵙⵖⵓⵔ ⵔⴰⴼⵉⴽ ⵛⵀⵉⴱⴰⵏⴻ