ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Yaman: aḥbas-nni n yimenɣi yettwarkeḍ kra kan n tsaɛtin deffir ma yella-d

ⵢⴰⵎⴰⵏ: ⴰⵃⴱⴰⵙ-ⵏⵏⵉ ⵏ ⵢⵉⵎⴻⵏⵖⵉ ⵢⴻⵜⵜⵡⴰⵔⴽⴻⴹ ⴽⵔⴰ ⴽⴰⵏ ⵏ ⵜⵙⴰⵄⵜⵉⵏ ⴷⴻⴼⴼⵉⵔ ⵎⴰ ⵢⴻⵍⵍⴰ-ⴷ

ⵚⴻⵏⵄⴰ – ⴰⵃⴱⴰⵙ—ⵏⵏⵉ ⵏ ⵢⵉⵎⴻⵏⵖⵉ ⴰⵢ ⴷ-ⵢⴻⴱⴷⴰⵏ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵢⴰⵎⴰⵏ ⵢⴻⴹⴹⴻⴼ ⴽⴰⵏ ⴽⵔⴰ ⵏ ⵜⵙⴰⵄⵜⵉⵏ ⵢⴻⵔⵏⴰ ⴷⵉⵏⴷⵉⵏ ⴽⴰⵏ ⵉⵄⴰⵡⴻⴷ ⵢⴻⵏⴽⴻⵔ ⵢⵉⵎⴻⵏⵖⵉ ⴷ ⴰⵎⴻⵇⵔⴰⵏ ⴰⵎ ⵡⴰⴽⴽⴻⵏ ⴰⵢ ⴱⴷⴰⵏⵜ ⵜⵢⵉⵡⵉⵏ ⵜⵉⴳⴻⵏⵡⴰⵏⵉⵏ ⵏ ⵜⴻⵎⵙⵉⵙⵜ ⵜⴰⵄⵕⴰⴱⵜ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⵏ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⵎⴳⴰⵍ ⵢⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ.

ⴰⵃⴱⴰⵙ-ⴰ ⵏ ⵢⵉⵎⴻⵏⵖⵉ ⵢⴻⴱⴷⴰ ⵖⴻⴼ 11ⵙ59 ⵏ ⵢⵉⴹ ⵙ ⵡⴰⴽⵓⴷ ⴰⴷⵉⴳⴰⵏ ⵢⴻⵔⵏⴰ ⵢⴻⵍⵍⴰ ⵢⴻⵙⵙⴻⴼⴽ ⴰⴷ ⵢⴻⴹⴹⴻⴼ ⴰⵔⵎⴰ ⴷ ⵜⴰⴳⵔⴰ ⵏ ⵡⴰⵢⵢⵓⵔ ⵏ ⵔⴻⵎⴹⴰⵏ (17 ⵢⵓⵍⵢⵓ), ⴷ ⴰⵛⵓ ⴽⴰⵏ, ⴰⴽⴽⴻⵏ ⴽⴰⵏ ⴰⵢ ⴷ-ⵢⴻⴱⴷⴰ ⵓⵃⴱⴰⵙ-ⴰ, ⵢⴻⵜⵜⵡⴰⵔⴽⴻⴹ ⴷⴻⴳ ⵡⴰⵟⴰⵙ ⵏ ⵜⴻⵎⵏⴰⴹⵉⵏ ⵏ ⵜⵎⵓⵔⵜ, ⵍⴰⴷⵖⴰ ⴷⴻⴳ ⵓⵏⵥⵓⵏ ⴷⴻⴳ ⵢⴻⵏⴽⴻⵔ ⵟⵟⵔⴰⴷ ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵢⴰ.

ⴷⴻⴳ ⵢⵉⴹ ⵏ ⵍⵃⴻⴷⴷ ⴷ ⵍⴻⵜⵏⵉⵢⴻⵏ, ⵎⵎⵓⵜⴻⵏ, ⵎⴰ ⵓⵍⴰⵛ, 10 ⵏ ⵢⵉⵖⴻⵔⵎⴰⵏⴻⵏ ⵙ ⵜⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⵏ ⵜⴻⵎⵙⵉⵙⵉⵜ ⵢⴻⵍⵍⴰⵏ ⴷⴷⴰⵡ ⵓⴹⴻⴱⴱⴻⵔ ⴰⵙⴰⵄⵓⴷⵉ ⵎⴳⴰⵍ ⵜⵎⴰⵏⴻⵖⵜ ⵚⴻⵏⵄⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⴻⵖⴱⵓⵍⴰ ⵜⵉⵙⴻⵔⴷⴰⵙⵉⵢⵉⵏ.

ⵉⵙⴰⴼⴰⴳⴻⵏ ⵏ ⵜⴻⵎⵙⵉⵙⵉⵜ ⵡⵜⴻⵏ ⴰⵟⴰⵙ ⵙⴻⴳ ⵜⴻⵏⵇⵉⴹⵉⵏ ⴷⴻⴳ ⵍⵍⴰⵏ ⵢⵉⵃⵓⵜⵉⵢⴻⵏ ⴷⴻⴳ ⵢⵉⴳⵎⴰⵎⴻⵏ ⵏ ⵓⴳⴰⴼⴰ ⵏ ⵄⴰⴷⴻⵏ, ⵜⴰⵎⴷⵉⵏⵜ ⵜⵉⵙ ⵙⵏⴰⵜ ⴷⴻⴳ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⴰⵙⴻⵔⴷⴰⵙⵉ ⵢⴻⵍⵍⴰⵏ ⴷ ⵓⵏⴰⴱⴰⴹ, ⵢⴻⵔⵏⴰ ⴷ ⴰⵢⴰ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴷ ⴰⴽⴽⴻⵏ ⴰⵃⴱⴰⵙ-ⴰ ⵏ ⵢⵉⵎⴻⵏⵖⵉ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵓⵔ ⵢⴻⵔⴱⵉⵃ ⴰⵔⴰ.

ⵢⴻⵍⵍⴰ-ⴷ ⵡⴰⵢⴰ ⵓⵍⴰ ⵎⴰ ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⴷⵓⴽⵍⵉ ⵜⵓⵕⵓⴼⵉⵜ ⴳⵔⴻⵏ-ⴷ ⵜⵉⵖⵔⵉ ⵉ « ⵓⵃⴱⴰⵙ ⵏ ⵜⴻⵎⵀⴰⵍ ⵜⵉⵙⴻⵔⴷⴰⵙⵉⵢⵉⵏ » ⴷ « ⵓⵇⴰⴷⴻⵔ » ⵏ ⵓⵃⴱⴰⵙ-ⴰ ⵉ ⵓⵙⵙⵉⴼⵙⴻⵙ ⵏ ⵓⵙⵙⵉⵡⴻⴹ ⵓⵄⵊⵉⵍ ⵏ ⵍⴻⵎⵄⴰⵡⵏⴰ ⵖⴻⵔ ⵡⴰⴽⴽ ⵜⵉⵎⵏⴰⴹⵉⵏ ⵏ ⵢⴰⵎⴰⵏ ».

ⴰⴽⴻⵎⵎⴻⵍ ⵏ ⵢⵉⵎⴻⵏⵖⵉ ⴷ ⵓⵔⴽⴰⴹ ⵏ ⵓⵃⴱⴰⵙ

ⵛⵡⵉⵟ ⵓⵇⴱⴻⵍ ⵎⴰ ⵢⴻⴱⴷⴰ ⵓⵃⴱⴰⵙ-ⵏⵏⵉ ⵏ ⵢⵉⵎⴻⵏⵖⵉ ⵉ ⵍⵎⴻⵏⴷ ⵏ ⵓⵄⴰⵡⴻⵏ ⵏ ⵡⵉⴷ ⵢⴻⵏⴹⴻⵔⵔⴻⵏ, ⵜⴻⵍⵍⴰ-ⴷ ⵢⴰⴳⵉ ⵜⴻⴳⵏⵉⵜ ⵏ ⵜⵓⴳⴷⵉ ⴷ ⵛⵛⴻⴽ ⴳⴰⵔ ⵙⵉⵏ-ⵏⵏⵉ ⵏ ⵢⵉⴷⵉⵙⴰⵏ ⴰⵢ ⵢⴻⵎⵅⴰⵚⴰⵎⴻⵏ. ⵉⵎⴹⴻⴱⴱⴻⵔ ⵏ ⵢⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ ⵢⴻⵏⵏⴰ-ⴷ ⴷ ⴰⴽⴽⴻⵏ ⵓⵔ ⵢⴻⵙⵄⵉ ⴰⵔⴰ ⴰⵙⵙⵉⵔⴻⵎ ⴰⵎⴻⵇⵔⴰⵏ ⴷⴻⴳ ⵔⵔⴱⴻⵃ ⵏ ⵓⵃⴱⴰⵙ-ⴰ ⵏ ⵢⵉⵎⴻⵏⵖⵉ ⵢⴻⵔⵏⴰ ⵢⴻⵙⴱⴰⴱⴱ ⴰⵢⴰ ⵉ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⴰⵢ ⵍⴰ ⵢⴻⵙⵙⴻⴷⴷⴰⵢⴻⵏ ⵜⵉⵢⵉⵜⵉⵡⵉⵏ-ⵏⵏⵉ ⵜⵉⴳⴻⵏⵡⴰⵏⵉⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵓⵍⴰ ⴷ ⴰⵏⴰⴱⴰⴹ ⴰⵢⴰⵎⴰⵏⵉ ⵢⴻⴷⴷⴰⵏ ⴷ ⵢⵉⵙⴰⵄⵓⴷⵉⵢⴻⵏ ⵢⴻⵍⵍⴰ ⵢⴻⵙⵄⴰ ⵛⵛⴻⴽ ⴷⴻⴳ ⵓⵇⴰⴷⴻⵔ ⵏ ⵓⵃⴱⴰⵙ-ⴰ ⵙⴻⴳ ⵢⵉⴷⵉⵙ ⵏ ⵢⵉⵖⴻⵡⵡⴰⵖⴻⵏ.

ⵜⴰⵎⵙⵉⵙⵉⵜ ⵜⴰⵄⵕⴰⴱⵜ ⵜⴻⵏⵏⴰ-ⴷ ⴷ ⴰⴽⴽⴻⵏ « ⵓⵔ ⵜⵜ-ⵜⴻⵔⵣⵉ ⴰⵔⴰ ⵜⴻⵎⵙⴰⵍⵜ ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ, ⴰⵛⴽⵓ ⵉⵃⵓⵜⵉⵢⴻⵏ ⵓⵔ ⴷ-ⴼⴽⵉⵏ ⴰⵔⴰ ⴽⵔⴰ ⵏ ⵍⵄⴰⵀⴻⴷ » ⴰⴽⴽⴻⵏ ⴰⴷ ⵜ-ⵇⴰⴷⵔⴻⵏ.

ⵜⴰⵎⵙⵉⵙⵉⵜ ⵜⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ « ⵓⵔ ⵜⵜ-ⵉⴷ-ⵢⵓⵡⵉⴹ ⴰⵔⴰ ⴰⵙⵙⵓⵜⴻⵔ ⵏ ⵓⵏⴰⴱⴰⴹ ⵓⵣⵔⵉⴼ » ⵏ ⵓⵙⴻⵍⵡⴰⵢ ⴰⵢⴰⵎⴰⵏⵉ ⵏ ⵎⴰⵙⵙ ⵀⴰⴷⵉ ⴰⴱⴷ ⵔⴰⴱⴱⵧ ⵉ ⵓⵇⴰⴷⴻⵔ ⵏ ⵓⵃⴱⴰⵙ-ⴰ, ⴰⵎ ⵡⴰⴽⴽⴻⵏ ⵓⵔ ⵜⴻⵎⵍⴰⵍ ⴰⵔⴰ ⴷ ⵢⵉⴳⴻⵏⵙⴰⵙⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵜⴻⵙⵙⴻⵎⵢⵓⴷⴷⴻⵙ ⴰⵃⴱⴰⵙ-ⴰ.

ⵙ ⵡⴰⵢⴰ, ⵢⴻⵟⵟⴻⵔⴹⴻⵇ ⵢⵉⵎⴻⵏⵖⵉ ⴷ ⴰⵎⴻⵇⵔⴰⵏ ⵙⴻⴳ ⵡⴰⵙⵙ ⵏ ⵍⵊⴻⵎⵄⴰ ⴳⴰⵔ ⵢⵉⵃⵓⵜⵉⵢⴻⵏ ⴷ ⵢⵉⵖⴰⵍⵍⴻⵏ ⵏ « ⵓⵣⴱⵓ » ⵢⴻⴷⴷⴰⵏ ⴷ ⵓⵏⴰⴱⴰⴹ ⴷⴻⴳ ⵀⴰⴱⴱⴰⵏⴻ, ⴷⴻⴳ ⵓⴳⴰⴼⴰ ⵏ ⵜⵏⴻⴱⴹⵉⵜ ⵏ ⵛⵀⴰⴱⵡⴰ (ⴷⴻⴳ ⵓⵏⵥⵓⵍ ⵏ ⵜⵎⵓⵔⵜ), ⴷ ⵡⵉⵏ ⴰⵢ ⵢⴻⴳⵍⴰⵏ ⵙ 21 ⵏ ⵜⵎⴻⴷⴷⵓⵔⵉⵏ ⴷ 36 ⵏ ⵡⵓⵄⵔⵉⵇⴻⵏ.

ⴰⵙⵙ ⵏ ⵍⴻⵜⵏⵉⵢⴻⵏ, ⵉⵙⴰⴼⴰⴳⴻⵏ ⵏ ⵜⴻⵎⵙⵉⵙⵉⵜ ⵡⵜⴻⵏ, ⵓⵇⴱⴻⵍ ⵜⴼⴻⵊⵔⵉⵜ, ⵢⵉⵡⴻⵏ ⵏ ⵓⵣⴰⴷⴰⵖ ⵏ ⵜⵉⵊⵊⴻⵏⵢⴻⵕⵜ ⵜⴰⵙⴻⵔⴷⴰⵙⵉⵜ ⴷⴻⴳ ⵙⴰⵍⵡⴰⵏⴻ, ⴷⴻⴳ ⵜⵎⴰⵏⴻⵖⵜ ⵚⴻⵏⵄⴰ, ⵢⴻⵔⵏⴰ ⵜⵉⵢⵉⵜⴰ-ⴰ ⵜⴻⵙⵡⴰⵖ ⵉⵅⵅⴰⵎⴻⵏ ⴰⵢ ⴷ-ⵉⵇⴻⵔⴱⴻⵏ ⵖⴻⵔ-ⵙ ⴰⵎ ⵡⴰⴽⴽⴻⵏ ⴰⵢ ⵢⴻⴳⵍⴰ ⵡⴰⵢⴰ ⵙ ⵜⵎⴻⴷⴷⵓⵔⵜ ⵏ 10 ⵏ ⵢⵉⵖⴰⵔⵉⵎⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ ⵜⴻⵖⴱⵓⵍⴰ ⵜⵉⵙⵏⴰⵊⵢⴰⵏⵉⵏ.

ⵉⴹⴻⵍⵍⵉ-ⵏⵏⵉ, ⵉⵙⴰⴼⴰⴳⴻⵏ ⵏ ⵜⴻⵎⵙⵉⵙⵉⵜ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⴰⵙⴰⵄⵓⴷⵉ ⵎⵎⵖⴻⵏ-ⴷ ⵖⴻⴼ ⵢⵉⵎⵓⴽⴰⵏ ⴷⴻⴳ ⵍⵍⴰⵏ ⵢⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ ⵢⴻⵔⵏⴰ ⵡⵜⴻⵏ, ⴷⴻⴳ ⵜⴼⴻⵊⵔⵉⵜ, ⵉⵎⵙⴻⵀⵔⴰⵡⴻⵏ ⵏ ⵢⵉⵖⴻⵡⵡⴰⵖⴻⵏ ⴷⴻⴳ ⵙⴰⴰⴷⴰ, ⴰⵎⵎⴰⵙ-ⵏⵙⴻⵏ ⴷⴻⴳ ⵓⴳⴰⴼⴰ ⵏ ⵜⵎⵓⵔⵜ, ⴷ ⵢⵉⵎⵓⴽⴰⵏ ⵏⵉⴹⴻⵏ ⴷⴻⴳ ⵓⵏⵥⵓⵍ ⵏ ⵜⵎⴰⵏⴻⵖⵜ ⵚⴻⵏⵄⴰ ⴷ ⵜⴻⵎⵏⴰⴹⵜ ⵏ ⵡⴰⵀⴰⵜ ⴷⴻⴳ ⵜⴻⵎⵏⴰⴹⵜ ⵜⴰⵏⵥⵓⵍⴰⵏⵜ ⵏ ⵍⴰⵀⵊ (ⴷⴻⴳ ⵓⵏⵥⵓⵍ), ⴷ ⵜⵉⵢⵉⵜⵉⵡⵉⵏ ⴷⴻⴳ 11 ⵏ ⵢⵉⵃⵓⵜⵉⵢⴻⵏ ⴷ 6 ⵏ ⵢⵉⵙⴻⵔⴷⴰⵙⴻⵏ ⵢⴻⴷⴷⴰⵏ ⴷ ⵓⵏⴰⴱⴰⴹ ⴰⵢ ⵢⴻⵎⵎⵓⵜⴻⵏ ⴷⴻⴳ ⵔⴰⵙ ⴰⵎⵔⴰⵏⴻ, ⴷⴻⴳ ⵓⵜⴰⵔⴰⵎ ⵏ ⵄⴰⴷⴻⵏ, ⵖⴻⴼ ⵍⴻⵃⵙⴰⴱ ⵏ ⵓⵊⵉⵏⵉⵕⴰⵍ ⴼⴰⴷⵊⵍ ⵀⴰⵙⵙⴰⵏ.

ⵍⴻⵎⵄⴰⵡⵏⴰ ⵜⴻⵃⴱⴻⵙ ⴷⴻⴳ ⵓⴱⵔⵉⴷ

ⵉⵖⵍⴰⵏⴻ ⵢⴻⴷⴷⵓⴽⴽⵍⴻⵏ ⵙⵙⵓⴼⴼⵖⴻⵏ-ⴷ ⵉⵙⴰⵍⵉ ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ ⴰⵙⵙ ⵏ ⵍⴻⵅⵎⵉⵙ, ⵢⴻⵔⵏⴰ ⵏⵏⴰⵏ-ⴷ ⴷ ⴰⴽⴽⴻⵏ ⴰⴽⴽ ⵉⴷⵉⵙⴰⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵢⵉⵎⴻⵏⵖⵉ ⴼⴽⴰⵏ-ⴷ ⴹⴹⵎⴰⵏⴰ ⴰⴽⴽⴻⵏ ⴰⴷ ⵇⴰⴷⵔⴻⵏ ⴰⵃⴱⴰⵙ-ⴰ, ⴷⴻⴳ ⵡⴰⴽⵓⴷ ⴷⴻⴳ ⵜⵉⵏⴻⴳⴳⵉⵡⵉⵏ ⵏ ⵍⴻⵎⵄⴰⵡⵏⴰ ⵍⵍⴰⵏⵜ ⵄⴻⵡⵡⵍⴻⵏⵜ ⴰⴷ ⴼⴰⵕⵙⴻⵏⵜ ⵜⴰⴳⵏⵉⵜ-ⵏⵏⵉ ⴰⴽⴽⴻⵏ ⴰⴷ ⵙⵙⵉⵡⴹⴻⵏⵜ ⵍⴻⵎⵄⴰⵡⵏⴰ ⵉ ⵢⵉⵎⴻⵣⴷⴰⵖⴻⵏ ⵢⴻⴷⴷⵔⴻⵏ ⴷⴻⴳ ⵢⵉⵎⵓⴽⴰⵏ ⵢⴻⵏⴹⴻⵔⵔⴻⵏ ⴰⵟⴰⵙ ⴰⴽⴽ.

ⴰⵙⵙ ⵏ ⵙⵙⴻⴱⵜ, ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⴷⴰⵡⵙⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⵍⴻⵎⵎⴻⵔ ⴰⵃⴱⴰⵙ-ⵏⵏⵉ ⵏ ⵢⵉⵎⴻⵏⵖⵉ ⴰⴷ ⵉⴷⵓⵎ, ⴰⴷ ⵜⴰⵣⴻⵏ ⵜⵜⴰⵡⵉⵍ ⴷ ⵢⵉⵙⴰⴼⴰⵔⴻⵏ ⵉ 9 ⵏ ⵜⴻⵎⵏⴰⴹⵉⵏ ⵜⵉⵢⴰⵎⴰⵏⵉⵢⵉⵏ ⴷⴻⴳ ⵓⵍⴰⵛ ⴰⴽⴽ ⵜⵜⴰⵡⵉⵍ ⵏ ⵓⴷⴰⵡⵉ.

ⴰⵀⵉⵍ ⴰⵎⴰⴹⵍⴰⵏ ⵏ ⵜⵓⵞⵞⵉⵜ, ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵙⵄⴰ ⵙⵉⵏ ⵏ ⵢⵉⵖⴻⵔⵔⵓⴱⴰ ⵉⵄⴻⴱⴱⴰⵏ ⴷ ⵓⵞⵞⵉ ⴷ ⵓⵙⴻⵔⵖⵓ, ⵍⴰ ⵜⵜⵕⴰⵊⵓⵏ ⴷⴻⴳ ⵍⴻⴱⵃⴻⵕ ⵙⴷⴰⵜ ⵜⴻⵎⴷⵉⵏⵜ ⵏ ⵄⴰⴷⴻⵏ, ⵢⴻⵔⵏⴰ ⵢⴻⵍⵍⴰ ⵢⴻⴹⵎⴻⵄ ⴰⴷ ⴷ-ⵢⴻⵙⵙⵉⵡⴻⴹ ⵙⵙⴻⵍⵄⴰ-ⴰ ⴰⴽⴽⴻⵏ ⴰⴷ ⵜⴻⵜⵜⵡⴰⴼⵔⴻⵇ ⵉ ⵡⵓⴳⴰⵔ ⵏ 2 ⵏ ⵢⵉⵎⴻⵍⵢⵓⵏⴻⵏ ⵏ ⵎⴻⴷⴷⴻⵏ.

Ɣⴻⴼ ⵍⴵⴰⵍ ⵏ ⵍⵇⴻⵍⵍⴰ ⵏ ⵜⵖⴻⵍⵍⵉⵙⵜ, ⵜⵉⵏⴻⴳⴳⵉⵡⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵓⵔ ⴷ-ⵙⵔⵉⵙⴻⵏⵜ ⴰⵔⴰ ⵙⵙⴻⵍⵄⴰ-ⵏⵙⴻⵏⵜ ⴷⴻⴳ ⵄⴰⴷⴻⵏ ⵢⴻⵔⵏⴰ ⵉⵖⴻⵔⵔⵓⴱⴰ-ⵏⵙⴻⵏⵜ ⴰⵜⵏⵉ ⵎⴰⵣⴰⵍ-ⵉⵜⴻⵏ ⴷⴻⴳ ⵜⵍⴻⵎⵎⴰⵙⵜ ⵏ ⵍⴻⴱⵃⴻⵕ.

ⵎⴰ ⴷ ⵉⵃⵓⵜⵉⵢⴻⵏ, ⴹⴹⴼⴻⵏ-ⴷ « ⴷⴻⴳ ⵓⵏⴻⴽⵛⵓⵎ ⵏ ⵓⴳⴰⴼⴰ ⵏ ⵄⴰⴷⴻⵏ » ⵢⵉⵡⴻⵜ ⵏ ⵜⵙⴻⴳⵍⵉⵜ ⵏ 50 ⵢⵉⴽⴰⵎⵢⵓⵏⴻⵏ ⵏ ⵍⴻⵎⵄⴰⵡⵏⴰ ⴰⵢ ⴷ-ⵢⵓⵙⴰⵏ ⵙⴻⴳ ⵜⴻⵎⴷⵉⵏⵜ ⵜⴰⵙⴰⴳⵏⴰⵏⵜ ⵏ ⵀⵧⴷⴻⵉⴷⴰ (ⴷⴻⴳ ⵓⵜⴰⵔⴰⵎ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⴷⵏⴰⵏⴻ ⴰⵍ-ⴽⴰⴼ, ⴰⵏⴻⵟⵟⴰⵇ ⵏ ⵓⵎⴰⵣⴷⴰⵢ ⵏ ⵓⵄⴰⵡⴻⵏ.

ⵜⴰⴳⵏⵉⵜ ⵏ ⵎⴻⴷⴷⴻⵏ ⴷⴻⴳ ⵢⴰⵎⴰⵏ ⵙⵉⵎⴰⵍ ⵍⴰ ⵜⴻⵙⵙⴰⴳⴰⴷ. 80% ⵙⴻⴳ ⵢⵉⵎⴻⵣⴷⴰⵖⴻⵏ ⵏ ⵜⵎⵓⵔⵜ ⵃⵡⴰⴵⴻⵏ ⵍⴻⵎⵄⴰⵡⵏⴰ ⵏⴻⵖ ⴰⵃⵓⴷⴷⵓ, ⵢⴻⵔⵏⴰ ⵓⴳⴰⵔ ⵏ 10 ⵏ ⵢⵉⵎⴻⵍⵢⵓⵏⴻⵏ ⴰⵢ ⵉⵅⵓⵚⵚⴻⵏ ⵓⵞⵞⵉ ⵏⴻⵖ ⴰⵎⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

(ⵙⵖⵓⵔ ⵏⴰⵔⵉⵎⴰⵏⴻ ⴱⴻⵍⵀⴰⵛⴻⵏⴻ)