Asebter amenzawi

Lezzayer tenna-d d akken amtawa ɣef yimiɣes n Iṛan yudef deg umezruy

LEZZAYER – Lezzayer tumar (tefṛeḥ) ass n ttlata s umtawa ay yettwastenyan gar Iṛan d Tegrawt n 5+1 ɣef wahil imiɣes n Iṛan, yerna tenna-d d akken amtawa-a d « amezruyan », ɣef wakken ay d-yettwabder deg ulɣu n uɣlif n tɣawsiwin n uzɣar.

« Lezzayer tumar (tefṛeḥ) s ustenyi n umtawa amezruyan, ass-a, gar Tegduda Tislaman n Iṛan d Tegrawt n 5+1, ɣef wahil imiɣes n Iṛan deffir lemcawṛat tiweɛṛanin ay yeḍḍfen acḥal n yiseggasen », ɣef wakken ay d-terna teɣbalut-a.

« Wa d rrbeḥ ameqran i tdiplumatit d umciweṛ, yerna amtawa-a d afran s wazal-nnes i lmend n talwit d tɣellist (laman) tagraɣlant imi ay d-yerẓem abrid i urkad d tneflit i tmura d yiɣerfan n temnaḍt », ɣef wakken ay d-tenna teɣbalut-a.

Amɣiwan agraɣlan « yessefk ad d-yagem seg umedya-a ameqran akken ad yesserbeḥ lmeǧhud n tukksa n leslaḥat imiɣsen, aḥbas n uzraɛ-nsen d usteɛṛef s uzref n tmura akken ad sqedcent taẓwert timiɣest i yiswan imelwiyen i lfayda n tneflit », ɣef wakken ay d-yenna ulɣu-a.

Lezzayer « thenna » akk idisan ay yettekkan deg usserbeḥ n lemcawṛat-a, yerna tger-d tiɣri i yidisan-a akken « ad xedmen i lmend n ussefɛel » n umtawa-a ay yettwastenyan, am wakken ay « tɛawed twekked-d abdad-nnes ɣer yidis n lmeǧhud n umɣiwan agraɣlan i lmend n tukksa n leslaḥ (imiɣes) yerna tessaram amtawa-a ad yettekki deg tukksa n leslaḥ-a seg umaḍal akken ma yella », ɣef wakken ay tt-id-yextem ulɣu-a.