Asebter amenzawi

Aneɣlaf n tɣawsiwin n uzɣar n Kurya n Unẓul ad d-yeg tirzi n uxeddim ɣer Lezzayer

LEZZAYER – Aneɣlaf n tɣawsiwin n uzɣar n Tegduda n Kurya (Kurya n Unẓul), Yun Byung-se, ad d-yeg tirzi n umahil (axeddim) ɣef Lezzayer usan n laṛebɛa d lexmis s uneɛruḍ n uneɣlaf n uwana, aneɣlaf n tɣawsiwin n uzɣar d umyalel agraɣlan, Ramtane Lamamra, ɣef wakken ay d-yenna yiwen n ulɣu n uɣlif. Tirzi-a n sin n wussan tudef deg ukatar n usseǧhed n umciweṛ aserti n uswir unnig gar snat-a n tmura, ɣef wakken ay d-tenna teɣbalut-a. Ad tili daɣ terzi-a d tagnit tamaynut ara faṛsen yimḍebbren idzayriyen d wid n Kurya n Unẓul akken ad d-ssukken tiṭ ɣef wassaɣen ucriken yerna ad mbaddalen timuɣliwin ɣef temsal n nnfeɛ ucrik yerzan tamnaḍt d umaḍal. Aneɣlaf n tɣawsiwin n uzɣar n Kurya n Unẓul ad d-teddu yid-s tmagla d tameqrant yerna ad awal d yimyagren ara d-yilin gar sin-a n yidisan d wid ara ireẓmen abrid i ussalqey d unewweɛ n umyalel (amɛawen) gar snat-a n tmura s ṛṛuḥ n tseɣrut-nni n ticcurka tasuddsant ay yettwastenyan gar yiselwayen n Lezzayer d Kurya n Unẓul deg 2006, ɣef wakken ay d-yenna uɣlif.