ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⵇⴰⵙ ⵏ ⵡⴰⴵⴰⵡ ⵏ ⵢⵉⴼⴰⵔⵉⵙⴻⵏ ⵏ ⵍⴻⴱⵏⵉ ⴷⴻⴳ 5 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015

ⵍⴻⵣⵣⴰⵢⴻⵔ – ⴰⴵⴰⵡ ⵏ ⵢⵉⴼⴰⵔⵉⵙⴻⵏ ⵏ ⵍⴻⴱⵏⵉ ⵢⴻⵙⵇⴰⵎ-ⴷ 1,09 ⴷ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ ⴷⴻⴳ 5 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015, ⴷⴻⴳ ⵡⴰⴽⵓⴷ ⴷⴻⴳ ⴰⵙⴻⴳⴳⴰⵙ ⵢⴻⵣⵔⵉⵏ ⴷⴻⴳ ⵜⴰⵍⵍⵉⵜ-ⴰ, ⵢⴻⵙⵇⴰⵎ-ⴷ 1,59 ⴷ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ. ⵙ ⵡⴰⵢⴰ, ⴰⴵⴰⵡ ⵏ ⵢⵉⴼⴰⵔⵉⵙⴻⵏ ⵏ ⵍⴻⴱⵏⵉ ⵢⴻⵏⵇⴻⵙ ⵙ 31,17% ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⴷⵡⴰⵏⵜ ⵜⴰⴷⵣⴰⵢⵔⵉⵜ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⵓⵍⴰ ⴷ ⵜⴰⵙⵎⴻⴽⵜⴰ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵜⴻⵏⵇⴻⵙ ⵉⵎⵉ ⴷⴻⴳ 5 ⵏ ⵡⴰⵢⵢⵓⵔⴻⵏ ⵏ ⵓⵙⴻⴳⴳⴰⵙ-ⴰ ⵜⵜⵡⴰⴵⵡⴻⵏ-ⴷ 4,36 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵢⵉⴼⴰⵔⵉⵙⴻⵏ ⵏ ⵍⴻⴱⵏⵉ ⵢⵉⵍⵉ ⵉⵍⵉⵏⴷⵉ ⵜⵜⵡⴰⴵⵡⴻⵏ-ⴷ 4,76 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ. ⵙ ⵡⴰⵢⴰ, ⵜⴻⵏⵇⴻⵙ ⵜⴻⵙⵎⴻⴽⵜⴰ ⵙ 8,54% ⵖⴻⴼ ⵍⴻⵃⵙⴰⴱ ⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵜⵙⴻⵏⵙⴻⵍⴽⵉⵎⵜ ⴷ ⵜⴰⴷⴷⴰⴷⴰⵏⵉⵏ ⵏ ⵜⴻⴷⵡⴰⵏⵜ (ⵛⵏⵉⵙ). ⴰⵏⵇⴰⵙ ⵏ ⵡⴰⴵⴰⵡ ⵉⵃⵓⵣⴰ-ⴷ ⴰⴽⴽ ⵉⴼⴰⵔⵉⵙⴻⵏ: ⴰⵙⵉⵎⴰⵏ, ⴰⵙⵖⴰⵔ, ⵉⴼⴰⵔⵉⵙⴻⵏ ⵏ ⵜⵙⵉⵕⴰⵎⵉⵜ, ⵓⵣⵣⴰⵍ ⴷ ⵓⵏⴼⴻⴷ.

ⵜⴰⴼⴰⵜⵓⵕⵜ ⵏ ⵓⵙⵉⵎⴰⵏ (ⵒⵧⵔⵜⵍⴰⵏⴷ, ⴰⵍⵓⵎⵏⴰⵏ, ⵉⵎⴻⵙⵡⵉ…) ⵜⵓⵡⴻⴹ ⵖⴻⵔ 227,26 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⴰⵙⴻⴳⴳⴰⵙ-ⴰ ⵢⵉⵍⵉ ⴰⵙⴻⴳⴳⴰⵙ ⵢⴻⵣⵔⵉⵏ ⵜⴻⵍⵍⴰ 240,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ, ⴷⵖⴰ ⵜⴻⵏⵇⴻⵙ ⵙ 5,5%. ⵜⴰⵙⵎⴻⴽⵜⴰ ⵏ ⵓⵙⵉⵎⴰⵏ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵜⴻⵏⵇⴻⵙ ⵓⵍⴰ ⴷ ⵏⴻⵜⵜⴰⵜ ⵛⵡⵉⵟ ⵢⴻⵔⵏⴰ ⴰⵙⴻⴳⴳⴰⵙ-ⴰ ⵜⵜⵡⴰⴵⵡⴻⵏ-ⴷ 2,578 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵢⵉⵍⵉ ⴰⵙⴻⴳⴳⴰⵙ ⵢⴻⵣⵔⵉⵏ ⵜⵜⵡⴰⴵⵡⴻⵏ-ⴷ 2,635 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ (ⴷ ⴰⵏⵇⴰⵙ ⵏ 2,16%).

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵖⴰⵔ, ⵜⴰⴼⴰⵜⵓⵕⵜ ⵏ 5 ⵏ ⵡⴰⵢⵢⵓⵔⴻⵏ ⵏ ⵓⵙⴻⴳⴳⴰⵙ-ⴰ ⵜⴻⵙⵇⴰⵎ-ⴷ 275,7 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵢⵉⵍⵉ ⴰⵙⴻⴳⴳⴰⵙ ⵢⴻⵣⵔⵉⵏ ⵜⴻⵍⵍⴰ-ⴷ ⵙ 390,1 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (-29,33%).

ⵎⴰⵛⴰ ⴰⵏⵇⴰⵙ ⴰⵎⴻⵇⵔⴰⵏ ⵢⴻⵍⵍⴰ-ⴷ ⵍⴰⴷⵖⴰ ⴷⴻⴳ ⵡⴰⴵⴰⵡ ⵏ ⵡⵓⵣⵣⴰⵍ ⴷ ⵓⵏⴼⴻⴷ. ⴷⴻⴳ 5 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015, ⵜⵜⵡⴰⴵⵡⴻⵏ-ⴷ 567,4 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ ⵡⴰⴽⵓⴷ ⴷⴻⴳ ⵉⵍⵉⵏⴷⵉ ⵜⵓⵡⴻⴹ ⵜⴼⴰⵜⵓⵕⵜ ⵖⴻⵔ 921,73 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (-38,44%). ⵜⴰⴼⴰⵜⵓⵕⵜ ⵏ ⵢⵉⴼⴰⵔⵉⵙⴻⵏ ⵏ ⵜⵙⵉⵕⴰⵎⵉⵜ (ⴰⵍⴰⵊⵓⵕ, ⵜⵉⵎⴻⴷⵍⵉⵏ, ⵜⵉⴱⵍⴰⴹⵉⵏ ⴷ ⵜⵖⴰⵡⵙⵉⵡⵉⵏ ⵉⵛⵓⴱⴰⵏ ⴰⵢⴰ) ⵜⵓⵡⴻⴹ ⵖⴻⵔ 22,8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵢⵉⵍⵉ ⵉⵍⵉⵏⴷⵉ ⵜⴻⵙⵇⴰⵎ-ⴷ 35,8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ 5 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ ⵓⵙⴻⴳⴳⴰⵙ (-36,28%). ⴷⴻⴳ 2014, ⴰⴵⴰⵡ ⵏ ⵢⵉⴼⴰⵔⵉⵙⴻⵏ ⵏ ⵍⴻⴱⵏⵉ ⵢⵓⵡⴻⴹ ⵖⴻⵔ 3,65 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⵎⴰ ⴷⴻⴳ 2013, ⵜⴰⴼⴰⵜⵓⵕⵜ ⵜⴻⵙⵇⴰⵎ-ⴷ 3,43 ⵏ ⵢⵉⵎⴻⵍⵢⴰⵕⴻ,ⵏ ⵏ ⵢⵉⴷⵓⵍⴰⵕⴻⵏ (+6,4%). ⵉⴷⵓⴱⴰ ⵉⵏⴰⴳⴷⵓⴷⴻⵏ ⵜⵜⴳⴻⵏ ⵉⴼⴰⴷⴷⴻⵏ ⵉ ⵓⵙⵙⴻⵇⴷⴻⵛ ⵏ ⵢⵉⴼⴰⵔⵉⵙⴻⵏ ⵏ ⵍⴻⴱⵏⵉ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⴷⴻⴳ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵢⴻⵏⵇⴻⵙ ⵡⴰⴵⴰⵡ ⵏ ⵢⵉⴼⴰⵔⵉⵙⴻⵏ-ⴰ ⵙⴻⴳ ⵜⵎⵓⵔⴰ ⵏ ⵓⵣⵖⴰⵔ. ⵉ ⵍⵎⴻⵏⴷ ⵏ ⵡⴰⵢⴰ, ⴰⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ ⴷ ⵜⴻⵎⴷⵉⵏⵜ ⵢⴻⴼⴽⴰ-ⴷ, ⴷⴻⴳ ⴷⵓⵊⴻⵎⴱⴻⵕ, ⵢⵉⵡⴻⵜ ⵏ ⵍⴻⵡⵚⴰⵢⴰ ⵉ ⵢⵉⵎⴹⴻⴱⴱⵔⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵃⵔⵉⵛ-ⴰ ⵉ ⵍⵎⴻⵏⴷ ⵏ ⵓⵙⵎⴰⵍ ⵏ ⵙⵙⴻⵍⵄⴰ ⵜⴰⵖⴻⵍⵏⴰⵡⵜ ⵉ ⵓⵙⵙⴻⵏⵇⴻⵙ ⵏ ⵡⴰⴵⴰⵡ ⴷⴻⴳ ⵜⴰⵍⵍⵉⵜ-ⴰ ⴷⴻⴳ ⵜⴻⵏⵇⴻⵙ ⵙⵙⵓⵎⴰ ⵏ ⵓⵒⵉⵜⵕⵓⵍ. ⵍⴻⵡⵚⴰⵢⴰ-ⴰ ⵜⴻⴳⴷⴻⵍ ⵉ ⵢⵉⵏⴻⵙⵎⴰⵍⴻⵏ ⴰⵢ ⵍⴰ ⵉⴱⴻⵏⵏⵓⵏ ⵜⴰⵏⴻⵣⴷⵓⵖ ⵙ ⵢⵉⴷⵔⵉⵎⴻⵏ ⵏ ⵓⵡⴰⵏⴰⴽ (ⴷⴷⵓⵍⴰ) ⴰⴷ ⵙⵇⴻⴷⵛⴻⵏ ⵉⴼⴰⵔⵉⵙⴻⵏ ⵏ ⵍⴻⴱⵏⵉ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵎⴰ ⵢⴻⵍⵍⴰ ⵉⴼⴰⵔⵉⵙⴻⵏ-ⴰ ⵜⵜⵡⴰⵅⴷⴰⵎⴻⵏ ⴷⴻⴳ ⵍⴻⵣⵣⴰⵢⴻⵔ ⵢⴻⵔⵏⴰ ⵙⵄⴰⵏ ⵜⴰⵖⴰⵔⴰ ⴰⵎ ⵜⵉⵏ ⵏ ⵓⴼⴰⵔⵉⵙ ⴰⴱⴻⵕⵕⴰⵏⵉ.