Asebter amenzawi
El Ghazi lexmis di Luxembourg ad yeḥḍeṛ di temlilit usewjed uxeddim d tɣawsiwin timettanin
LEZZAYER- Aneɣlaf uxeddim, usemhel akk d ṭṭmana tamettanit, Mohamed El Ghazi, ad yettekki ass n laxmis di Luxembourg i yiwen unejmuɛ akk d yineɣlafen n tdukkli turubit yettukelfen s usemhel (imeḍqan uxeddim) akk tɣawsiwin timettanin, id-iwekked ass n larebɛa yiwen n wulɣu n weɣlif.
Mas El Ghazi ad yaḥḍeṛ anejmuɛ-agi s wencad n wemtil-is aneɣlaf uxeddim, usemhel akk d tdamsa tanmettant d lemɛwna d Duché amuqqran n Luxembourg, imi d tamurt-agi i yellan si yulyu 2015 d taselwayt n tdukli turubit.
Anejmuɛ ad d-yili ɣef yidis n lecɣal n useqqamu "Axeddim akk d tsertit tanmettant" n yineɣlafen n tdukli turubit d-yelhan s uxeddim, asemhel d tɣawsiwin timettanin, ad yeḥḍeṛ daɣen aneɣlaf atunsi usileɣ asenmahal akk d usemhel, aneɣlaf ameṛṛuki usemhel akk d tɣawsiwin timettanin, akk d unemhal amatu n lbiru ageraɣlan uxeddim, agensas n tbanka turubit, anmazul uselway n tbanka tamaḍlant yerzan tamnaḍt usammer alemmas akk d tefriqt ugafa akk d umaray amatu n tdukli i yill agerakal, id-tenna teɣbalut-agi.
Ameslay ad d-yili ɣef wembaddal n "wayen akk yettwaxedmen di tmura-yagi, deg wayen yerzan asnerni imukan uxeddim ladɣa i yelmeẓyen akk d usnerni deg weswir-nsen akk d tmusni akken ad yishil usexdem-nsen".
Timlilit ad tekfu s yiwen usarag akk d yimawlan isallen ara yexdem uneɣlaf aliksumburi, taseqqamutt turubit akk d kṛaḍ n yineɣlafen n tefriqt ugafa, id-tenna daɣen teɣbalut-agi.
