ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⴷ ⵜⴰⵛⵔⵉⴽⵜ « ⵙ ⵡⴰⵣⴰⵍ-ⵏⵏⴻⵙ » ⵏ ⴽⵓⵔⵢⴰ ⵏ ⵓⵏⵥⵓⵍ ⴷⴻⴳ ⵜⴻⴼⵔⵉⵇⵜ (ⴰⵏⴻⵖⵍⴰⴼ ⴰⴽⵓⵔⵉ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ)

ⵍⴻⵣⵣⴰⵢⴻⵔ – ⵍⴻⵣⵣⴰⵢⴻⵔ ⴷ ⵜⴰⵛⵔⵉⴽⵜ « ⵙ ⵡⴰⵣⴰⵍ-ⵏⵏⴻⵙ » ⵏ ⴽⵓⵔⵢⴰ ⵏ ⵓⵏⵥⵓⵍ ⴷⴻⴳ ⵜⴻⴼⵔⵉⵇⵜ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵜⴻⴳⴷⵓⴷⴰ ⵏ ⴽⵓⵔⵢⴰ, ⵢⵓⵏ ⴱⵢⵓⵏⴳ-ⵙⴻ.

« ⵍⴻⵣⵣⴰⵢⴻⵔ ⴷ ⵜⴰⵛⵔⵉⴽⵜ-ⵏⵏⴻⵖ ⴰⵢ ⵢⴻⵙⵄⴰⵏ ⴰⵣⴰⵍ ⴷⴻⴳ ⵜⴻⴼⵔⵉⵇⵜ ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⵓⵔⵜ ⵜⴰⴼⵔⵉⵇⵉⵜ ⵜⴰⵡⵃⵉⴷⵜ ⵡⵓⴽⵓⴷ ⵏⴻⵙⵄⴰ ⵜⴰⵙⵓⴷⴷⴻⵙⵜ ⵏ ⵜⵉⵛⵛⵓⵔⴽⴰ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵜⵖⴻⵎⵙⴰ ⵎⴰⵙⵙ ⴱⵢⵓⵏⴳ-ⵙⴻ ⵎⵉ ⴷ-ⵢⵓⵡⴻⴹ ⵖⴻⵔ ⵓⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵀⵧⵓⴰⵔⵉ ⴱⵧⵓⵎⴻⴷⵉⴻⵏⴻ.

ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⴽⵓⵔⵢⴰ ⵏ ⵓⵏⵥⵓⵍ ⵢⴻⵏⵏⴰ-ⴷ, ⴷⴻⴳ ⵜⴻⴳⵏⵉⵜ-ⴰ, ⴷ ⴰⴽⴽⴻⵏ ⵢⴻⵙⵙⴰⵔⴰⵎ ⴰⴷ ⴷ-ⵢⴻⵔⵣⵓ ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵖⴻⴼ ⴽⵓⵔⵢⴰ ⵏ ⵓⵏⵥⵓⵍ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⵙⵏⴻⵔⵏⵉⵏ ⴰⵎⵢⴰⵍⴻⵍ (ⴰⵎⵄⴰⵡⴻⵏ) ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⴱⵢⵓⵏⴳ-ⵙⴻ ⵢⴻⵛⴽⴻⵕ-ⴷ ⴷⴷⵓⵕ ⴰⵢ « ⵢⴻⵙⵄⴰⵏ ⴰⵣⴰⵍ » ⴰⵢ ⵢⴻⵜⵜⵓⵔⴰⵔ ⵎⴰⵙⵙ ⵍⴰⵎⴰⵎⵔⴰ ⴷⴻⴳ ⵜⴻⴼⵔⵉⵇⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⴽⵓⵔⵢⴰ ⵏ ⵓⵏⵥⵓⵍ « ⴼⴰⵣⴻⵏ ».

ⵎⴰⵙⵙ ⴱⵢⵓⵏⴳ-ⵙⴻ ⵢⴻⵎⵎⵓⴳⴻⵔ-ⴷ ⵎⴰⵙⵙ ⵍⴰⵎⴰⵎⵔⴰ ⵎⵉ ⴷ-ⵢⵓⵡⴻⴹ ⵖⴻⵔ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⵜⵉⵔⵣⵉ ⵏ ⵎⴰⵙⵙ ⴱⵢⵓⵏⴳ-ⵙⴻ ⵖⴻⴼ ⵍⴻⵣⵣⴰⵢⴻⵔ ⴰⴷ ⵜⴻⴹⴹⴻⴼ ⵙⵉⵏ ⵏ ⵡⵓⵙⵙⴰⵏ ⵢⴻⵔⵏⴰ ⵜⵓⴷⴻⴼ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴵⵀⴻⴷ ⵏ ⵓⵎⵛⵉⵡⴻⵕ ⴰⵙⴻⵔⵜⵉ ⵏ ⵓⵙⵡⵉⵔ ⵓⵏⵏⵉⴳ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.

ⴰⴷ ⵜⵉⵍⵉ ⴷⴰⵖ ⵜⴻⵔⵣⵉ-ⴰ ⴷ ⵜⴰⴳⵏⵉⵜ ⵜⴰⵎⴰⵢⵏⵓⵜ ⴰⵔⴰ ⴼⴰⵕⵙⴻⵏ ⵢⵉⵎⴹⴻⴱⴱⵔⴻⵏ ⵉⴷⵣⴰⵢⵔⵉⵢⴻⵏ ⴷ ⵡⵉⴷ ⵏ ⴽⵓⵔⵢⴰ ⵏ ⵓⵏⵥⵓⵍ ⴰⴽⴽⴻⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵡⴰⵙⵙⴰⵖⴻⵏ ⵓⵛⵔⵉⴽⴻⵏ ⵢⴻⵔⵏⴰ ⴰⴷ ⵎⴱⴰⴷⴷⴰⵍⴻⵏ ⵜⵉⵎⵓⵖⵍⵉⵡⵉⵏ ⵖⴻⴼ ⵜⴻⵎⵙⴰⵍ ⵏ ⵏⵏⴼⴻⵄ ⵓⵛⵔⵉⴽ ⵢⴻⵔⵣⴰⵏ ⵜⴰⵎⵏⴰⴹⵜ ⴷ ⵓⵎⴰⴹⴰⵍ.

ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⴽⵓⵔⵢⴰ ⵏ ⵓⵏⵥⵓⵍ ⴰⴷ ⴷ-ⵜⴻⴷⴷⵓ ⵢⵉⴷ-ⵙ ⵜⵎⴰⴳⵍⴰ ⴷ ⵜⴰⵎⴻⵇⵔⴰⵏⵜ ⵢⴻⵔⵏⴰ ⴰⴷ ⴰⵡⴰⵍ ⴷ ⵢⵉⵎⵢⴰⴳⵔⴻⵏ ⴰⵔⴰ ⴷ-ⵢⵉⵍⵉⵏ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ ⴷ ⵡⵉⴷ ⴰⵔⴰ ⵉⵔⴻⵥⵎⴻⵏ ⴰⴱⵔⵉⴷ ⵉ ⵓⵙⵙⴰⵍⵇⴻⵢ ⴷ ⵓⵏⴻⵡⵡⴻⵄ ⵏ ⵓⵎⵢⴰⵍⴻⵍ (ⴰⵎⵄⴰⵡⴻⵏ) ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵙ ⵕⵕⵓⵃ ⵏ ⵜⵙⴻⵖⵔⵓⵜ-ⵏⵏⵉ ⵏ ⵜⵉⵛⵛⵓⵔⴽⴰ ⵜⴰⵙⵓⴷⴷⵙⴰⵏⵜ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴳⴰⵔ ⵢⵉⵙⴻⵍⵡⴰⵢⴻⵏ ⵏ ⵍⴻⵣⵣⴰⵢⴻⵔ ⴷ ⴽⵓⵔⵢⴰ ⵏ ⵓⵏⵥⵓⵍ ⴷⴻⴳ 2006, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ.