ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴰⵎⴰⵎⵔⴰ ⵢⴻⴼⴽⴰ ⵜⴰⴱⵕⴰⵜ ⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉ ⵓⵙⴻⵍⵡⴰⵢ ⴰⵜⵓⵏⵙⵉ
ⵍⴻⵣⵣⴰⵢⴻⵔ –ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵢⴻⴼⴽⴰ ⴰⵙⵙ ⵏ ⵜⵜⵍⴰⵜⴰ ⵉ ⵓⵙⴻⵍⵡⴰⵢ ⴰⵜⵓⵏⵙⵉ ⴱⴻⵊⵉ ⵛⴰⵉⴷ ⴻⵙⵙⴻⴱⵙⵉ ⵢⵉⵡⴻⵜ ⵏ ⵜⴻⴱⵕⴰⵜ ⵏ ⵓⵙⴻⵍⵡⴰⵢ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⴷⴻⴳ ⵓⴽⴰⵜⴰⵔ ⵏ ⵓⵎⵛⵉⵡⴻⵕ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
ⵎⴰⵙⵙ ⵍⴰⵎⴰⵎⵔⴰ ⵢⴻⴼⴽⴰ ⵜⴰⴱⵕⴰⵜ-ⴰ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵓⵙⴻⵍⵡⴰⵢ ⴰⵜⵓⵏⵙⵉ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵜⴻⵔⵣⵉ-ⵏⵏⴻⵙ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ) ⴰⵢ ⵉⴳⴰ ⵓⵙⵙⴰⵏ ⵏ 13 ⴷ 14 ⵢⵓⵍⵢⵓ ⵖⴻⴼ ⵜⵓⵏⴻⵙ, ⴷ ⵜⵉⵔⵣⵉ ⴰⵢ ⵢⵓⴷⴼⴻⵏ ⵏ ⵓⴽⴰⵜⴰⵔ ⵏ « ⵓⵎⵛⵉⵡⴻⵕ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵜⴻⴳⵏⵉⵜ-ⴰ ⵜⵓⵣⵣⵉⴳⵜ ⴷ ⵢⵉⵛⵔⵉⵇⵇⵔⵡⴻⵏ ⴰⵢ ⴷ-ⵉⵃⴻⵜⵜⴻⵎ ⵔⵔⴻⴱⵔⴰⴱ, ⵔⵏⵓ ⵖⴻⵔ ⵡⴰⵢⴰ ⵜⴰⴳⵏⵉⵜ ⴷⴻⴳ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵎⴰⴳⵉⵍ ⵉ ⵓⵙⵙⴻⴵⵀⴻⴷ ⵏ ⵡⴰⵙⵙⴰⵖⴻⵏ ⵓⵛⵔⵉⴽⴻⵏ ⴷ ⵓⵙⵙⵓⴳⴳⴻⵜ ⵏ ⵓⵙⵙⴻⵎⵢⵓⴷⴷⴻⵙ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵜⵉⵢⵙⴻⵜⵎⴰⵜⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.
ⴰⵎⵢⴰⴳⴻⵔ-ⴰ ⵢⴻⴵⴵⴰ ⵙⵉⵏ-ⴰ ⵏ ⵢⵉⴷⵉⵙⴰⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ « ⵡⴰⵟⴰⵙ ⵏ ⵜⴻⵎⵙⴰⵍ ⵏ ⵍⵍⵙⴰⵙ ⵢⴻⵙⵄⴰⵏ ⵏⵏⴼⴻⵄ ⵓⵛⵔⵉⴽ ».
ⵎⴰⵙⵙ ⵍⴰⵎⴰⵎⵔⴰ ⵢⴻⵎⵎⵓⴳⴻⵔ-ⵉⵜ ⵢⵉⵖⴻⴼ ⵏ ⵓⵏⴰⴱⴰⴹ ⴰⵜⵓⵏⵙⵉ, ⵀⴰⴱⵉⴱ ⴻⵙⵙⵉⴷ ⵢⴻⵔⵏⴰ ⵢⴻⵙⵙⴰⵡⴻⵍ ⴷⴰⵖ ⴷ ⵓⵎⵜⵉⵍ-ⵏⵏⴻⵙ ⴰⵜⵓⵏⵙⵉ, ⵜⴰⵉⴻⴱ ⴱⴰⵛⵛⵧⵓⵛⵀⴻ. ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴻⵎⵙⴰ, ⵎⴰⵙⵙ ⵍⴰⵎⴰⵎⵔⴰ ⵢⴻⵏⵏⴰⵏ-ⴷ ⴷ ⴰⴽⴽⴻⵏ « ⵍⴻⵣⵣⴰⵢⴻⵔ ⵜⴻⴱⴷⴻⴷ ⵢⴻⵔⵏⴰ ⵜⴻⵎⵙⴻⵜⵍⴻⵍ ⴷ ⵜⵓⵏⴻⵙ ⴷⴻⴳ ⵜⴻⴳⵏⵉⵜ-ⴰ ⵜⴰⵡⴻⵄⵕⴰⵏⵜ, ⵍⴰⴷⵖⴰ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵍⵍⴰ ⵜⵅⴰⵣⴰⴱⵉⵜ-ⵏⵏⵉ ⵜⴰⵔⴻⴱⵔⴰⴱⵜ ⵜⵓⵛⵎⵉⵜ ⴰⵢ ⵉⵃⵓⵣⴰⵏ ⵜⴰⵎⴷⵉⵏⵜ ⵏ ⵙⵓⵙⴰ ».
ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵍⴻⵣⵣⴰⵢⴻⵔ ⵉⵄⴻⵣⵣⴰ, ⴷⴰⵖ, ⵉⵎⴹⴻⴱⴱⵔⴻⵏ ⵉⵜⵓⵏⵙⵉⵢⴻⵏ ⵢⴻⵔⵏⴰ ⵢⴻⵙⴻⵏⴼⴰⵍⵉ-ⴰⵙⴻⵏ-ⴷ ⴰⴱⴷⴰⴷ ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵍⵎⴻⴵⵀⵓⴷ ⴷ ⵓⵙⴼⴻⵍ ⴰⵢ ⵜⵜⴰⴽⴼⴻⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷ ⵢⵉⴳⴻⵏ ⵏ ⵜⵓⵏⴻⵙ », ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « ⴰⵖⵔⴻⴼ ⴰⵜⵓⵏⵙⵉ ⵢⴻⵣⵎⴻⵔ ⴰⴷ ⵢⴻⵚⴱⴻⵔ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⵎⴳⴰⵍ ⵔⵔⴻⴱⵔⴰⴱ ».
« ⵔⵔⴻⴱⵔⴰⴱ ⵍⴰⴱⵓⴷⴷ ⴰⴷ ⵢⴻⵜⵜⵡⴻⵔⵏⵓ ⴰⵛⴽⵓ ⴰⵢⴰ ⴷ ⵜⴰⵖⴰⵡⵙⴰ ⵢⴻⵅⴹⴰⵏ ⴰⵣⴰⵍⴻⵏ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵍⴰⵎⴰⵎⵔⴰ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ « ⵓⵍⴰⵛ ⴷ ⴰⵛⵓ ⵏ ⵜⵎⴰⵔⴰ ⴰⵢ ⵢⴻⵔⵔⴰⵏ ⵉ ⵓⵙⵙⴻⵇⴷⴻⵛ ⵏ ⵜⴻⴽⵔⵉⴹⵜ ⵏⴻⵖ ⵉ ⵓⵃⴻⵜⵜⴻⵎ ⵏ ⴽⵔⴰ ⵏ ⵜⵎⵓⵖⵍⵉ ⵖⴻⴼ ⵓⵎⵓⵔ ⴰⵎⴻⵇⵔⴰⵏ ⵙⴻⴳ ⵓⵖⵔⴻⴼ ⴰⵎⴰ ⴷⴻⴳ ⵜⵓⵏⴻⵙ, ⴰⵎⴰ ⴷⴻⴳ ⵍⴻⵣⵣⴰⵢⴻⵔ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⵍⴰⵎⴰⵎⵔⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⵇⴻⵔⴷⴻⵛ-ⵏⵏⴻⵙ ⴷ ⵢⵉⵎⴹⴻⴱⴱⵔⴻⵏ ⵉⵜⵓⵏⵙⵉⵢⴻⵏ ⵢⴻⴵⴵⴰ-ⵜ « ⴰⴷ ⵢⴻⵎⴱⴰⴷⴷⴻⵍ ⵜⵉⵎⵓⵖⵍⵉⵡⵉⵏ ⵖⴻⴼ ⵜⴻⵎⵙⴰⵍ ⵢⴻⵔⵣⴰⵏ ⵜⴰⵙⴻⵔⵜⵉⵜ, ⵜⴰⵖⴻⵍⵍⵉⵙⵜ ⴷ ⵜⴷⴰⵎⵙⴰ, ⴰⴷ ⴷ-ⵢⴻⵙⵙⵓⴽⴽ ⵜⵉⵟ ⵢⴻⵔⵏⴰ ⴰⴷ ⵉⵇⴻⵢⵢⴻⵎ ⵍⵎⴻⴵⵀⵓⴷ ⵓⵛⵔⵉⴽ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⵎⵢⵓⴷⴷⴻⵙ ⵢⴻⵜⵜⴽⴻⵎⵎⵉⵍⴻⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ. »
« ⵉⴷⵉⵡⴻⵏⵏⵉⵢⴻⵏ ⵃⵓⵣⴰⵏ-ⴷ ⴷⴰⵖ ⵜⵉⴼⵔⴰⵜⵉⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵉⵍⵉⵏⵜ ⵉ ⵜⵍⵓⴼⴰ, ⵍⴰⴷⵖⴰ ⵜⴰⵍⵓⴼⵜ ⵏ ⵍⵉⴱⵢⴰ ⴰⵢ ⵜⴻⴱⵖⴰ ⵍⴻⵣⵣⴰⵢⴻⵔ ⴰⴷ ⵜⵜ-ⵜⴻⴼⵔⵓ ⵙ ⵜⵙⴻⵔⵜⵉⵜ ⵢⴻⵔⵏⴰ ⵡⴰⵔ ⵎⴰ ⴳⵔⴻⵏⵜ-ⴷ ⵜⵎⵓⵔⴰ ⵜⵉⴱⴻⵕⵕⴰⵏⵉⵢⵉⵏ ⵉⵎⴰⵏ-ⵏⵙⴻⵏⵜ ⵙ ⵢⵉⵙⴻⵔⴷⴰⵙⴻⵏ-ⵏⵙⴻⵏⵜ ».
ⵎⴰⵙⵙ ⵍⴰⵎⴰⵎⵔⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ « ⵓⴼⵔⴰⵔⴻⵏ-ⴷ ⵢⴻⵔⵏⴰ ⴷ ⵉⵇⴱⵓⵔⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⴷ ⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⴷ-ⵏⴰⴼ ⵜⵜⴰⵡⵉⵍⴰⵜ ⵉⵎⴳⴻⵔⵔⵣⴻⵏ ⴰⴽⴽ ⵉ ⵓⵙⵙⴻⴱⴷⴻⴷ ⵏ ⵜⵉⵛⵛⵓⵔⴽⴰ ⵜⴰⵙⵓⴷⴷⵙⴰⵏⵜ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ».
ⵎⴰⵙⵙ ⵍⴰⵎⴰⵎⵔⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵜⵜⵡⴰⵙⵙⴻⵇⵏⴻⵄ ⴷ ⴰⴽⴽⴻⵏ ⵜⵉⵖⵉⵎⵉⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵏ ⵜⵙⴻⵇⵇⴰⵎⵓⵜ ⵜⵓⵅⵍⵉⴹⵜ ⵏ ⵓⵎⵢⴰⵍⴻⵍ (ⴰⵎⵄⴰⵡⴻⵏ) ⴰⵔⴰ ⴷ-ⵢⵉⵍⵉⵏ ⴷⴻⴳ ⵟⵓⴱⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴷ ⴷ-ⴼⵔⵓⵔⵉⵏ ⵙⴻⴳ-ⵙⴻⵏ « ⵢⵉⴳⵎⴰⴹ ⵢⴻⵍⵀⴰⵏ ⵢⴻⵔⵏⴰ ⴷ ⵡⵉⴷ ⴰⵔⴰ ⵢⴻⵙⴵⴻⵀⴷⴻⵏ ⴰⵎⵢⴰⵍⴻⵍ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.
