Asebter amenzawi

Asewseɛ uselmed n tmaziɣt ɣer snat n tmerwin n twilayin deg useggas d-iteddun

TIZI WEZZU- Taneɣlaft usegmi aɣelnaw (MEN) thegga-d asewseɛ uselmed n tmaziɣt yellan tura di 11 n twilayin akken ad tessiweḍ-it ɣer snat n tmerwin (20) n twilayin, deg useggas aɣurbiz d-iteddun, akka id-tenna, ass n ttlata tameddit di Tizi Wezzu, tamḍebbeṛt tamezwarut n weḥric usegmi Nouria Benghebrit.

Temmeslay-d lawan n yiwen usarag d yimawlan isallen d-yellan almend n tmaɣṛa i wid d-yufraren deg yikayaden n taggara n useggas di twilayt n Tizi Wezzu, taneɣlaft tenna-d belli inemhalen n twilayin usegmi aɣelnaw ttwaxebbṛen s wayagi. " ssutreɣ aseggas-agi seg yinemhalen usegmi akken ad rnun laɛtab i yiman-nsen akken ad nessemɣeṛ tajumma n uselmed n tmaziɣt si 11 n twilayin ɣer 20",id-twekked.

Taseqqamutt yemmezdin ger weɣlif usegmi aɣelnaw akk d useqqamu unnig n timmuzɣa d-yettbadden almend n yiswi-yagi deg llan imḍebbṛen n weswir ɛlayen tettukellef akken ad d-tafi "tifratin tisegawtiwin akken tutlayt-agi taɣelnawt ad taf amḍiq-is deg tsudut usegmi aɣelnaw", i tkemmel tenna.

Asnulfu n imeḍeqan i uselmed n tmaziɣt ad d-yili almend usuter n twilayin sɣur inemhalen usegmi aɣelnaw, amḍan-agi ur yettwaḥbas almend usuter neɣ lebɣi n tnebdalt maca ɣef laḥṣab usuter n tamiwin, id-twekked.