ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵡⵙⴻⵄ ⵓⵙⴻⵍⵎⴻⴷ ⵏ ⵜⵎⴰⵣⵉⵖⵜ ⵖⴻⵔ ⵙⵏⴰⵜ ⵏ ⵜⵎⴻⵔⵡⵉⵏ ⵏ ⵜⵡⵉⵍⴰⵢⵉⵏ ⴷⴻⴳ ⵓⵙⴻⴳⴳⴰⵙ ⴷ-ⵉⵜⴻⴷⴷⵓⵏ
ⵜⵉⵣⵉ ⵡⴻⵣⵣⵓ- ⵜⴰⵏⴻⵖⵍⴰⴼⵜ ⵓⵙⴻⴳⵎⵉ ⴰⵖⴻⵍⵏⴰⵡ (ⵎⴻⵏ) ⵜⵀⴻⴳⴳⴰ-ⴷ ⴰⵙⴻⵡⵙⴻⵄ ⵓⵙⴻⵍⵎⴻⴷ ⵏ ⵜⵎⴰⵣⵉⵖⵜ ⵢⴻⵍⵍⴰⵏ ⵜⵓⵔⴰ ⴷⵉ 11 ⵏ ⵜⵡⵉⵍⴰⵢⵉⵏ ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ-ⵉⵜ ⵖⴻⵔ ⵙⵏⴰⵜ ⵏ ⵜⵎⴻⵔⵡⵉⵏ (20) ⵏ ⵜⵡⵉⵍⴰⵢⵉⵏ, ⴷⴻⴳ ⵓⵙⴻⴳⴳⴰⵙ ⴰⵖⵓⵔⴱⵉⵣ ⴷ-ⵉⵜⴻⴷⴷⵓⵏ, ⴰⴽⴽⴰ ⵉⴷ-ⵜⴻⵏⵏⴰ, ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⴷⵉ ⵜⵉⵣⵉ ⵡⴻⵣⵣⵓ, ⵜⴰⵎⴹⴻⴱⴱⴻⵕⵜ ⵜⴰⵎⴻⵣⵡⴰⵔⵓⵜ ⵏ ⵡⴻⵃⵔⵉⵛ ⵓⵙⴻⴳⵎⵉ ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ.
ⵜⴻⵎⵎⴻⵙⵍⴰⵢ-ⴷ ⵍⴰⵡⴰⵏ ⵏ ⵢⵉⵡⴻⵏ ⵓⵙⴰⵔⴰⴳ ⴷ ⵢⵉⵎⴰⵡⵍⴰⵏ ⵉⵙⴰⵍⵍⴻⵏ ⴷ-ⵢⴻⵍⵍⴰⵏ ⴰⵍⵎⴻⵏⴷ ⵏ ⵜⵎⴰⵖⵕⴰ ⵉ ⵡⵉⴷ ⴷ-ⵢⵓⴼⵔⴰⵔⴻⵏ ⴷⴻⴳ ⵢⵉⴽⴰⵢⴰⴷⴻⵏ ⵏ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ ⴷⵉ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ, ⵜⴰⵏⴻⵖⵍⴰⴼⵜ ⵜⴻⵏⵏⴰ-ⴷ ⴱⴻⵍⵍⵉ ⵉⵏⴻⵎⵀⴰⵍⴻⵏ ⵏ ⵜⵡⵉⵍⴰⵢⵉⵏ ⵓⵙⴻⴳⵎⵉ ⴰⵖⴻⵍⵏⴰⵡ ⵜⵜⵡⴰⵅⴻⴱⴱⵕⴻⵏ ⵙ ⵡⴰⵢⴰⴳⵉ. " ⵙⵙⵓⵜⵔⴻⵖ ⴰⵙⴻⴳⴳⴰⵙ-ⴰⴳⵉ ⵙⴻⴳ ⵢⵉⵏⴻⵎⵀⴰⵍⴻⵏ ⵓⵙⴻⴳⵎⵉ ⴰⴽⴽⴻⵏ ⴰⴷ ⵔⵏⵓⵏ ⵍⴰⵄⵜⴰⴱ ⵉ ⵢⵉⵎⴰⵏ-ⵏⵙⴻⵏ ⴰⴽⴽⴻⵏ ⴰⴷ ⵏⴻⵙⵙⴻⵎⵖⴻⵕ ⵜⴰⵊⵓⵎⵎⴰ ⵏ ⵓⵙⴻⵍⵎⴻⴷ ⵏ ⵜⵎⴰⵣⵉⵖⵜ ⵙⵉ 11 ⵏ ⵜⵡⵉⵍⴰⵢⵉⵏ ⵖⴻⵔ 20",ⵉⴷ-ⵜⵡⴻⴽⴽⴻⴷ.
ⵜⴰⵙⴻⵇⵇⴰⵎⵓⵜⵜ ⵢⴻⵎⵎⴻⵣⴷⵉⵏ ⴳⴻⵔ ⵡⴻⵖⵍⵉⴼ ⵓⵙⴻⴳⵎⵉ ⴰⵖⴻⵍⵏⴰⵡ ⴰⴽⴽ ⴷ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ ⴷ-ⵢⴻⵜⵜⴱⴰⴷⴷⴻⵏ ⴰⵍⵎⴻⵏⴷ ⵏ ⵢⵉⵙⵡⵉ-ⵢⴰⴳⵉ ⴷⴻⴳ ⵍⵍⴰⵏ ⵉⵎⴹⴻⴱⴱⵕⴻⵏ ⵏ ⵡⴻⵙⵡⵉⵔ ⵄⵍⴰⵢⴻⵏ ⵜⴻⵜⵜⵓⴽⴻⵍⵍⴻⴼ ⴰⴽⴽⴻⵏ ⴰⴷ ⴷ-ⵜⴰⴼⵉ "ⵜⵉⴼⵔⴰⵜⵉⵏ ⵜⵉⵙⴻⴳⴰⵡⵜⵉⵡⵉⵏ ⴰⴽⴽⴻⵏ ⵜⵓⵜⵍⴰⵢⵜ-ⴰⴳⵉ ⵜⴰⵖⴻⵍⵏⴰⵡⵜ ⴰⴷ ⵜⴰⴼ ⴰⵎⴹⵉⵇ-ⵉⵙ ⴷⴻⴳ ⵜⵙⵓⴷⵓⵜ ⵓⵙⴻⴳⵎⵉ ⴰⵖⴻⵍⵏⴰⵡ", ⵉ ⵜⴽⴻⵎⵎⴻⵍ ⵜⴻⵏⵏⴰ.
ⴰⵙⵏⵓⵍⴼⵓ ⵏ ⵉⵎⴻⴹⴻⵇⴰⵏ ⵉ ⵓⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴰⴷ ⴷ-ⵢⵉⵍⵉ ⴰⵍⵎⴻⵏⴷ ⵓⵙⵓⵜⴻⵔ ⵏ ⵜⵡⵉⵍⴰⵢⵉⵏ ⵙⵖⵓⵔ ⵉⵏⴻⵎⵀⴰⵍⴻⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⴰⵎⴹⴰⵏ-ⴰⴳⵉ ⵓⵔ ⵢⴻⵜⵜⵡⴰⵃⴱⴰⵙ ⴰⵍⵎⴻⵏⴷ ⵓⵙⵓⵜⴻⵔ ⵏⴻⵖ ⵍⴻⴱⵖⵉ ⵏ ⵜⵏⴻⴱⴷⴰⵍⵜ ⵎⴰⵛⴰ ⵖⴻⴼ ⵍⴰⵃⵚⴰⴱ ⵓⵙⵓⵜⴻⵔ ⵏ ⵜⴰⵎⵉⵡⵉⵏ, ⵉⴷ-ⵜⵡⴻⴽⴽⴻⴷ.
