Asebter amenzawi

Ugar n 27.000 n tḥuna ara ireẓmen deg lɛid tameẓyant

LEZZAYER – S ujemmal, 27.114 n tḥuna ara ireẓmen akken ad ḍemnent assenzi n tuččit deg sin n wussan n lɛid tameẓyant, ɣef wakken ay d-yenna yiwen n yimḍebber n uɣlif n tnezzut i Tnegga n Yisalan n Lezzayer.

Gar tḥuna-a llant 4.506 n tneɣrumin, 15.791 n tḥuna n tuččit tamatut, n lxeḍra d lfakya, 6.417 n tḥuna n yimeẓla (ssrabes) yemgerraden d 400 n tyunin n ufares gar-asent 133 n lluzinat n ukeffay, 235 n tessyar n uwren d 32 n lluzinat n waman n tqerɛunt.

Nnig waya, 2.010 n yimeggiyen n ussefqed ara d-yeffɣen ɣer unrar akken ad ɛassen tiḥuna-a. Ahil-a n urẓam n tḥuna deg lɛid yebda-d deg 2013.

« Ad nɛaqeb s teqseḥ wid ara irekḍen lqanun-a war ma tella-d tsebba n tidet ara asen-yekksen ur reẓẓmen ara tiḥuna-nsen », ɣef wakken ay d-yenna uneɣlaf n tnezzut (ttjaṛa), Amara Benyounes deg yiwet n tseɣrut i Tnegga n Yisalan n Lezzayer. Lqanun n ccuruḍ n tnezzut (ttjaṛa) yenna-d d akken win ara irekḍen aya ad as-tettwaɣleq tḥanut-nnes ayyur yerna ad ixelleṣ lexḍeyya n gar 30.000 d 200.000 n yidinaṛen.