ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵓⴱⴻⴷⴷⴻⵍ ⴰⵙⴻⵔⵜⵉ ⴷⴻⴳ ⴱⵓⵔⴽⵉⵏⴰ ⴼⴰⵙⵧ
ⵓⴰⴳⴰⴷⵓⴳⵓ – ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵜⵓⴽⴽⵉⵜ ⵜⴰⵙⴻⵔⵜⵉⵜ ⴷⴻⴳ ⴱⵓⵔⴽⵉⵏⴰ ⴼⴰⵙⵧ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵎⴻⵥⵍⵓ (ⵙⵙⴻⵔⴱⵉⵙ) ⵏ ⵓⵙⵙⴻⵍⵖⵓ ⵏ ⵓⵏⴰⴱⴰⴹ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵧⵓⴰⴳⴰⴷⵧⵓⴳⵧⵓ. ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵜⴰⴷⵓⴽⵜⵓⵔⵜ ⵏⴽⵧⵙⴰⵣⴰⵏⴰ ⴷⵍⴰⵎⵉⵏⵉ-ⵣⵓⵎⴰ, ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⵉⵖⴰⵍⵍⴻⵏ ⵏ ⵜⴻⵎⵃⴰⴷⴷⵉⵜ ⴷ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵜⵎⵓⵔⵜ ⵢⴻⵙⵙⴻⴼⴽ ⴰⴷ ⴽⵏⵓⵏ ⴷⴷⴰⵡ ⵕⵕⴰⵢ ⵏ ⵓⴷⴰⴱⵓ ⴰⵙⴻⵔⵜⵉ ⵢⴻⵔⵏⴰ ⴰⴷ ⵇⴰⴷⵔⴻⵏ ⴰⵡⴰⵏⴰⴽ (ⴷⴷⵓⵍⴰ) ⵏ ⵍⵇⴰⵏⵓⵏ.
ⵜⴻⵙⵎⴻⴽⵜⵉ-ⴷ ⴷⴰⵖ ⴷ ⴰⴽⴽⴻⵏ ⴰⵔⴽⴰⵡⴰⵍ ⴰⴼⵔⵉⵇⵉ ⵏ ⵜⵓⴳⴷⵓⵜ, ⵏ ⵜⴻⴼⵔⴰⵏⵉⵏ ⴷ ⵜⴻⵏⴱⴰⴹⵜ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵇⴰⴷⴻⵔ ⵢⴻⵔⵏⴰ ⴰⵔⴽⴰⵡⴰⵍ-ⴰ ⵜⴻⵙⵜⴻⵏⵢⴰ-ⵜ ⴱⵓⵔⴽⵉⵏⴰ ⴼⴰⵙⵧ ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵖⵉⵎⵉ ⴷ ⵢⵉⵡⴻⵏ ⵙⴻⴳ ⵡⴰⵍⵍⴰⵍⴻⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ.
ⵎⴰⵙⵙⴰ ⴷⵍⴰⵎⵉⵏⵉ-ⵣⵓⵎⴰ ⵜⴻⵙⵙⵓⵜⴻⵔ ⵙⴻⴳ ⵡⴰⴽⴽ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⵜⵙⴻⵔⵜⵉⵜ ⵏ ⴱⵓⵔⴽⵉⵏⴰ ⴼⴰⵙⵧ ⴰⴽⴽⴻⵏ ⴰⴷ ⵇⴰⴷⵔⴻⵏ ⵉⵎⴻⵏⵣⴰⵢⴻⵏ-ⴰ, ⴰⴷ ⵎⴻⵍⴽⴻⵏ ⵉⵎⴰⵏ-ⵏⵙⴻⵏ ⵢⴻⵔⵏⴰ ⵓⵔ ⵢⴻⵙⵙⴻⴼⴽ ⴰⴷ ⴳⴻⵏ ⴰⵛⴻⵎⵎⴰ ⵙⴻⴳ ⵡⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵙⴻⵡⵄⴻⵕ ⵜⵓⴽⴽⵉⵜ ⵜⴰⵙⴻⵔⵜⵉⵜ ⵢⴻⵔⵏⴰ ⴰⴷ ⵢⴻⵙⵙⵉⴷⴻⴼ ⵜⴰⵎⵓⵔⵜ ⴷⴻⴳ ⵛⵛⵡⴰⵍ.
ⵖⴻⴼ ⵍⴻⵃⵙⴰⴱ ⵏ ⵓⵍⵖⵓ-ⴰ, ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⴰⴷ ⵜⴻⵙⵙⴻⴹⵍⴻⵎ ⴰⴽⴽ ⵡⵉⴷ ⴰⵔⴰ ⵉⵔⴻⴳⵍⴻⵏ ⴰⴱⵔⵉⴷ ⵉ ⵜⵓⴽⴽⵉⵜ ⵜⴰⵙⴻⵔⵜⵉⵜ ⵢⴻⵔⵏⴰ ⵜⴳⴻⵔ-ⴷ ⵜⵉⵖⵔⵉ ⵜⵓⵄⵊⵉⵍⵜ ⵉ ⵡⴰⴽⴽ ⵉⴷⵉⵙⴰⵏ ⵉⴱⵓⵔⴽⵉⵏⴰⴱⵉⵢⴻⵏ ⴰⴽⴽⴻⵏ ⴰⴷ ⵉⵍⵉⵏ ⴷ ⵉⵎⴰⵙⴰⵢⴻⵏ ⵢⴻⵔⵏⴰ ⴰⴷ ⵙⵙⵓⴼⴼⵖⴻⵏ ⴰⵙⵙⵉⵔⴻⵎ ⵏ ⵓⴱⴻⴷⴷⴻⵍ ⴰⵎⴻⵍⵡⵉ ⵏ ⵟⵓⴱⴻⵔ 2014 ⵖⴻⵔ ⵜⵉⴷⴻⵜ.
ⵎⴰⵙⵙⴰ ⴷⵍⴰⵎⵉⵏⵉ-ⵣⵓⵎⴰ ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵜⵄⴻⵡⵡⴻⵍ ⴰⴷ ⵜⴽⴻⵎⵎⴻⵍ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵜⵓⴽⴽⵉⵜ ⵜⴰⵙⴻⵔⵜⵉⵜ ⴷⴻⴳ ⴱⵓⵔⴽⵉⵏⴰ ⴼⴰⵙⵧ ⵢⴻⵔⵏⴰ ⴰⴷ ⵜⴽⴻⵎⵎⴻⵍ ⴰⴷ ⵜⴻⵙⵙⵉⴼⵙⵉⵙ ⵜⵉⵖⴰⵡⵙⵉⵡⵉⵏ ⴰⴽⴽⴻⵏ ⴰⴷ ⴷ-ⵉⵍⵉⵏⵜ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ ⴷ ⵓⵎⵏⵉ ⴷⴻⴳ ⵟⵓⴱⴻⵔ ⵏ 2015.
ⵓⴳⴰⵔ ⵏ 8 ⵏ ⵡⴰⵢⵢⵓⵔⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵢⴻⵃⴽⴻⵎ ⵓⴷⴰⴱⵓ ⵏ ⵜⵓⴽⴽⵉⵜ ⵜⴰⵎⵓⵔⵜ ⵏ ⴱⵓⵔⴽⵉⵏⴰ ⴼⴰⵙⵧ, ⵢⴻⵔⵏⴰ ⴷ ⵏⴻⵜⵜⴰ ⴰⵢ ⴷ ⴰⴷⴰⴱⵓ ⴰⵢ ⴷ-ⵢⴻⴼⵔⵓⵔⵉⵏ ⴷⴻⴼⴼⵉⵔ ⵜⵓⵜⵜⵢⴰ-ⵏⵏⵉ ⴰⵢ ⵢⴻⵙⵙⴻⵖⵍⵉⵏ ⴱⵍⴰⵉⵙⴻ ⵛⵧⵎⵒⴰⵧⵔé (3 ⵏ ⵡⴰⵢⵢⵓⵔⴻⵏ ⵓⵇⴱⴻⵍ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ ⴷ ⵓⵎⵏⵉ ⵏ 2014). ⴷ ⴰⵛⵓ ⴽⴰⵏ, ⵜⴰⴳⵏⵉⵜ ⵜⵛⴻⵡⵡⴻⵍ ⵎⵍⵉⵃ ⴳⴰⵔ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴳⴻⵏⵙⴻⵙ-ⴰⴽⵏⴰⵏⴻⵔ ⵢⴰⵛⵧⵓⴱⴰ ⵉⵙⴰⴰⵛ ⵣⵉⴷⴰ, ⴷ ⵢⵉⵙⴻⵔⴷⴰⵙⴻⵏ ⵉⵇⴱⵓⵔⴻⵏ ⵏ ⵜⵄⴻⵙⵙⴰⵙⵜ ⵏ ⵓⵙⴻⵍⵡⴰⵢ ⴰⵢ ⵍⴰ ⵢⴻⵙⵙⵓⵜⵓⵔⴻⵏ ⴰⴷ ⵢⴻⵜⵜⵉⵅⴻⵔ ⵣⵉⴷⴰ.
ⵜⴰⴳⵏⵉⵜ-ⴰ ⵜⵃⴻⵜⵜⴻⵎ ⴰⵙⴻⵍⵡⴰⵢ ⵏ ⵜⵓⴽⴽⵉⵜ, ⵎⵉⵛⵀⴻⵍ ⴽⴰⴼⴰⵏⴷⵧ, ⴰⴷ ⴷ-ⵢⴻⴱⴷⵓ ⴰⵎⵛⵉⵡⴻⵕ ⴳⴰⵔ ⵢⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⴰⴽⴽⴻⵏ ⴰⴷ ⵜⴻⴼⵔⵓ ⵜⴰⵍⵓⴼⵜ-ⴰ.
