ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⴷ ⴽⵓⵔⵢⴰ ⵏ ⵓⵏⵥⵓⵍ ⴱⵖⴰⵏⵜ ⴰⴷ ⵙⵙⴰⵍⵉⵏⵜ ⴰⵙⵡⵉⵔ ⵏ ⵡⴰⵙⵙⴰⵖⴻⵏ-ⵏⵙⴻⵏⵜ

ⵍⴻⵣⵣⴰⵢⴻⵔ – ⵍⴻⵣⵣⴰⵢⴻⵔ ⴷ ⴽⵓⵔⵢⴰ ⵏ ⵓⵏⵥⵓⵍ ⴱⵖⴰⵏⵜ ⴰⴷ ⵙⵙⴰⵍⵉⵏ-ⵜ ⴰⵙⵙⴰⵖⴻⵏ-ⵏⵙⴻⵏⵜ « ⵖⴻⵔ ⵓⵙⵡⵉⵔ ⴷ ⵉⵎⵉⵏⴻⴳ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵍⴻⵣⵣⴰⵢⴻⵔ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⴽⵓⵔⵢⴰ ⵏ ⵓⵏⵥⵓⵍ, ⵢⵓⵏ ⴱⵢⵓⵏⴳ-ⵙⴻ.

« ⵙⴷⴻⴼⴼⵉⵔ ⵎⴰ ⵡⵡⵉⵖ-ⴷ ⴰⵡⴰⵍ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⵏⴻⵖⵍⴰⴼ ⴰⵎⴻⵏⵣⵓ ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵏⵃⵓⵍⴼⴰ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵏⴻⵙⵙⴰⵍⵉ ⴰⵙⵙⴰⵖⴻⵏ-ⵏⵏⴻⵖ ⵖⴻⵔ ⵓⵙⵡⵉⵔ ⴷ ⵉⵎⵉⵏⴻⴳ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵜⵖⴻⵎⵙⴰ ⵎⴰⵙⵙ ⴱⵢⵓⵏⴳ-ⵙⴻ ⵎⵉ ⵉⴼⵓⴽ ⵓⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⴳⴰⵔ-ⴰⵙ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.

ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⵔⵣⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵖⴻⴼ ⴽⵓⵔⵢⴰ ⵏ ⵓⵏⵥⵓⵍ ⴷⴻⴳ 2003, « ⴰⵙⵙⴰⵖⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵓⵔ ⵃⴱⵉⵙⴻⵏ ⴰⵔⴰ ⵙⴻⴳ ⵓⵏⵏⴻⵔⵏⵉ », ⵢⴻⵔⵏⴰ « ⴷⴻⴳ 2006, ⵏⴻⵎⵙⴻⴼⵀⴰⵎ ⴰⴽⴽⴻⵏ ⴰⴷ ⴷ-ⵏⴻⴳ ⴰⵎⵜⴰⵡⴰ ⴰⵙⵓⴷⴷⵙⴰⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ». « ⴷ ⵏⴻⴽⴽ ⵙ ⵜⵉⵎⵎⴰⴷ-ⵉⵏⵓ ⴰⵔⴰ ⴷ-ⵢⴻⵍⵀⵓⵏ ⵙ ⵓⴹⴼⴰⵔ ⵏ ⵓⵎⵄⴰⵡⴻⵏ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵢⴻⵄⵔⴻⴹ-ⴷ ⴰⵎⵜⵉⵍ-ⵏⵏⴻⵙ ⴰⴷⵣⴰⵢⵔⵉ ⴰⴽⴽⴻⵏ ⴰⴷ ⵢⴻⵔⵣⵓ ⵖⴻⴼ ⴽⵓⵔⵢⴰ ⵏ ⵓⴳⴰⴼⴰ ⵓⵇⴱⴻⵍ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ. ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⵙ ⵓⵃⴷⴰⵕ ⵏ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ. ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⴽⵓⵔⵢⴰ ⵏ ⵓⵏⵥⵓⵍ ⵢⴻⴱⴷⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⵜⵉⵔⵣⵉ ⵏ ⵙⵉⵏ ⵏ ⵡⵓⵙⵙⴰⵏ ⵖⴻⴼ ⵍⴻⵣⵣⴰⵢⴻⵔ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴵⵀⴻⴷ ⵏ ⵓⵎⵛⵉⵡⴻⵕ ⴰⵙⴻⵔⵜⵉ ⵏ ⵓⵙⵡⵉⵔ ⵓⵏⵏⵉⴳ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.