ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵒⵒ ⴷ ⴰⴰⴷⵍ: ⴰⴼⵔⴰⵇ ⵏ 53.000 ⵍⴻⵕⵢⵓⵢ ⵏ ⵜⵓⴽⵛⵉ ⵏ ⵜⵏⴻⵣⴷⵓⵖⵜ ⵙⴻⴳ-ⴰ ⵖⴻⵔ ⴷⵓⵊⴻⵎⴱⴻⵕ ⵏ 2015

ⵍⴻⵣⵣⴰⵢⴻⵔ – ⴰⵣⴰⵍ ⵏ 53.000 ⵏ ⵍⴻⵕⵢⵓⵢ ⵏ ⵜⵓⴽⵛⵉ ⵏ ⵜⵏⴻⵣⴷⵓⵖⵜ ⴰⵔⴰ ⵢⴻⵜⵜⵡⴰⴼⴻⵔⵇⴻⵏ ⵙⴻⴳ-ⴰ ⵖⴻⵔ ⴷⵓⵊⴻⵎⴱⴻⵕ ⵏ 2015 ⵉ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⵖⴻⵔ ⵜⵏⴻⵣⴷⵓⵖⵜ ⵏ ⴰⴰⴷⵍ, ⵍⴰⴷⵖⴰ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⴳⴰⵔ 2001 ⴷ 2002, ⴷ ⵡⵉⴷ ⴷⴰⵖ ⴰⵢ ⵢⴻⵎⵎⴻⵕⴽⴰⵏ ⵖⴻⵔ ⵜⵏⴻⵣⴷⵓⵖⵜ ⵜⴰⵙⵎⴰⵍⴰⵏⵜ ⵜⴰⵏⴰⴳⴷⵓⴷⵜ (ⵍⵒⵒ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ ⴷ ⵓⵀⴻⵢⵢⵉ ⵏ ⵜⴻⵎⴷⵉⵏⵜ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ. « ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⵓⵙⴻⴳⴳⴰⵙ, ⴰⴷ ⵏⴻⴼⴽ, ⵎⴰ ⵓⵍⴰⵛ, 40.000 ⵖⴻⵔ 45.000 ⵏ ⵍⴻⵕⵢⵓⵢ ⵏ ⵜⵓⴽⵛⵉ ⵏ ⵜⵏⴻⵣⴷⵓⵖⵜ ⵉ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⴰⴰⴷⵍ. ⵏⴻⵣⵎⴻⵔ ⴷⴰⵖ ⴰⴷ ⵏⴻⴼⴽ, ⵎⴰ ⵓⵍⴰⵛ, ⴳⴰⵔ 7.000 ⴷ 8.000 ⵏ ⵍⴻⵕⵢⵓⵢ ⵏ ⵜⵓⴽⵛⵉ ⵏ ⵜⵏⴻⵣⴷⵓⵖⵜ ⵉ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⵍⵒⵒ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵕⴻⴳⴳⴻⵎ ⵎⴰⵙⵙ ⵜⴻⴱⴱⵧⵓⵏⴻ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⵏ ⵢⵉⵛⴰⵏⵟⵉⵢⴻⵏ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵜ ⴷⴻⴳ ⵍⴻⵣⵣⴰⵢⴻⵔ. ⵕⵕⴰⵢ ⵏ ⵜⵓⴽⵛⵉ ⵏ ⵜⵏⴻⵣⴷⵓⵖⵜ ⴷ ⵍⴽⴰⵖⴻⴹ ⴰⵢ ⴷ-ⵢⴻⵜⵜⵅⴻⴱⴱⵉⵔⴻⵏ ⵡⵉⵏ ⵢⴻⵎⵎⴻⵕⴽⴰⵏ ⵖⴻⴼ ⵓⵎⴽⴰⵏ ⴰⵏⴷⴰ ⴰⵔⴰ ⵜ-ⵉⴷ-ⵜⵚⴰⵃ ⵜⵏⴻⵣⴷⵓⵖⵜ, ⵓⴹⴹⵓⵏ ⵏ ⵓⵣⴰⴷⴰⵖ (ⵍⴱⴰⵟⵉⵎⴰ) ⴷ ⵡⵓⴹⴹⵓⵏ ⵏ ⵜⵎⵓⴷⵔⵓⵜ (ⵜⴰⵏⴻⵣⴷⵓⵖⵜ) ⴰⵔⴰ ⴰⵙ-ⵢⴻⵜⵜⵉⵏⴻⴼⴽⴻⵏ, ⵢⴻⵔⵏⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵀⵉⵍ ⴰⴰⴷⵍ, ⵍⴻⵕⵢⵓⵢ-ⴰ ⴰⴷ ⵜⵜⵓⵏⴻⴼⴽⴻⵏ ⵍⴰⴷⵖⴰ ⵉ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⴷⴻⴳ 2001 ⴷ 2002. « ⵜⵓⴽⵛⵉ ⵏ ⵜⵙⵓⵔⴰ ⴰⴷ ⴷ-ⵜⵉⵍⵉ ⵖⴻⴼ ⵍⴻⵃⵙⴰⴱ ⵏ ⵓⵡⵊⴰⴷ ⵏ ⵢⵉⵛⴰⵏⵟⵉⵢⴻⵏ (ⵏ ⴰⴰⴷⵍ ⴷ ⵍⵒⵒ) ⵙⴻⴳ ⵢⴻⵏⵏⴰⵢⴻⵔ 2016 ⴷ ⴰⵙⴰⵡⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴻⴱⴱⵧⵓⵏⴻ. ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵓⵅⴻⵍⵍⴻⵚ ⵏ ⵓⵃⵔⵉⵛ ⵡⵉⵙ ⵙⵉⵏ ⵏ ⵡⴰⵀⵉⵍ ⵏ ⴰⴰⴷⵍ 2 (2013), ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⵖⴻⵔ ⵡⴰⵀⵉⵍ-ⴰ ⴰⴷ ⴰⵙⴻⵏ-ⴷ-ⵖⵔⴻⵏ ⵙⴻⴳ ⵛⵜⴻⵎⴱⴻⵕ ⴷ ⴰⵙⴰⵡⴻⵏ ⴰⴽⴽⴻⵏ ⴰⴷ ⵅⴻⵍⵍⵚⴻⵏ. ⵎⴰⵙⵙ ⵜⴻⴱⴱⵧⵓⵏⴻ ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⵍⴰⵏⵜ ⵜⵙⴻⵇⵇⵓⵎⴰ ⴰⵢ ⵍⴰ ⵉⵅⴻⴷⴷⵎⴻⵏ ⵖⴻⴼ ⵛⵛⵓⵔⵓⴹ ⴰⵢ ⵢⴻⵙⵙⴻⴼⴽⴻⵏ ⴰⴷ ⵜⵜⵡⴰⵇⴰⴷⵔⴻⵏ ⵉ ⵓⵚⴻⵏⵏⴻⴼ ⵏ ⵡⵉⴷ ⵢⴻⵎⵎⴻⵕⴽⴰⵏ. « ⵉⵎⵉⵔ-ⴰ, ⵍⵍⴰⵏⵜ ⵙⵏⴰⵜ ⵏ ⵜⵙⴻⵇⵇⵓⵎⴰ ⴰⵢ ⵍⴰ ⵉⵅⴻⴷⴷⵎⴻⵏ ⴰⴽⴽⴻⵏ ⴰⴷ ⵚⴻⵏⵏⴼⴻⵏⵜ ⵡⵉⴷ ⵢⴻⵎⵎⴻⵕⴽⴰⵏ ⵢⴻⵔⵏⴰ ⴰⴷ ⵥⵔⴻⵏⵜ ⴰⵏⵡⴰ ⴰⵢ ⴷ ⴰⵎⴻⵣⵡⴰⵔⵓ, ⴰⵏⵡⴰ ⴰⵢ ⴷ ⵡⵉⵙ ⵙⵉⵏ ⴷ ⵡⴰⵏⵡⴰ ⴰⵢ ⴷ ⵡⵉⵙ ⴽⵔⴰⴹ. ⵢⴻⵙⵙⴻⴼⴽ ⴰⴷ ⴷ-ⵏⴰⴼ ⵛⵛⵓⵔⵓⴹ ⵏ ⵓⵚⴻⵏⵏⴻⴼ ⴰⵔⴰ ⵇⴻⴱⵍⴻⵏ ⴰⴽⴽ ⵎⴻⴷⴷⴻⵏ ⵢⴻⵔⵏⴰ ⵙ ⵚⵚⴼⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. « ⵍⵍⴰⵏ ⴽⵔⴰ ⵏ ⵛⵛⵓⵔⵓⴹ ⴰⵔⴰ ⵢⴰⴷⴼⴻⵏ ⴷⴻⴳ ⵍⴻⵃⵙⴰⴱ ⴰⵎ ⵡⵉⴷ ⵏ ⵓⵙⵎⴰⵔ ⵏ ⵢⵉⴽⴰⵔⴰⵎⴻⵏ, ⴰⵅⴻⵍⵍⴻⵚ, ⴰⵜⴳ. ⵍⵎⵓⴼⵉⴷ ⵏⴻⵜⵜⴰ ⵓⵔ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⴹⵍⴻⵎ ⵓⵍⴰ ⴷ ⵢⵉⵡⴻⵏ ⵙⴻⴳ ⵡⵉⴷ ⵢⴻⵎⵎⴻⵕⴽⴰⵏ ⴰⵎ ⵡⴰⴽⴽⴻⵏ ⵓⵔ ⵢⴻⵙⵙⴻⴼⴽ ⴰⴷ ⵏⴻⵙⵎⴻⵏⵢⵉⴼ ⵓⵍⴰ ⴷ ⵢⵉⵡⴻⵏ ⵏⵏⵉⴳ ⵡⵉⵢⴰⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴻⴱⴱⵧⵓⵏⴻ. ⵎⵉ ⴰⵔⴰ ⴷ-ⵙⵙⴻⴼⵔⵓⵏ ⵛⵛⵓⵔⵓⴹ ⵢⴻⵔⵏⴰ ⴰⴷ ⵜⵜⵡⴰⵚⴻⵏⵏⴼⴻⵏ ⵡⵉⴷ ⵢⴻⵎⵎⴻⵕⴽⴰⵏ, ⴰⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ ⵢⴻⵏⵏⴰ-ⴷ ⴷ ⴰⴽⴽⴻⵏ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⴰⴰⴷⵍ 2 ⴰⴷ ⴷ-ⵜⵜⵡⴰⵄⴻⵔⴹⴻⵏ ⵙ ⵉⵏⵜⴻⵔⵏⴻⵜ ⴰⴽⴽⴻⵏ ⴰⴷ ⵞⵞⴰⵕⴻⵏ ⵢⵉⵡⴻⵏ ⵏ ⵍⴽⴰⵖⴻⴹ ⵏ ⵓⵎⴻⵏⵏⵉ ⴷⴻⴳ ⴰⵔⴰ ⴷ-ⴱⴻⴷⵔⴻⵏ ⵉⵎⵓⴽⴰⵏ ⴷⴻⴳ ⵜⵜⵎⴻⵏⵏⵉⵏ ⴰⴷ ⵣⴻⴷⵖⴻⵏ, ⵢⴻⵔⵏⴰ ⴰⴷ ⵜⵜⵡⴰⵚⴻⵏⵏⴼⴻⵏ ⴰⴽⴽⴻⵏ ⵎⵢⴻⵣⵡⴰⵔⴻⵏ. ⵕⵕⴰⵢ ⴰⵏⴻⴳⴳⴰⵔⵓ ⵏ ⵜⵓⴽⵛⵉ ⵏ ⵜⵏⴻⵣⴷⵓⵖⵜ ⴰⴷ ⴷ-ⵉⴳⴻⵔ ⴷⴻⴳ ⵍⴻⵃⵙⴰⴱ ⵜⵓⵣⵡⵉⵔⵉⵏ ⵏ ⵡⵉⴷ ⵢⴻⵎⵎⴻⵕⴽⴰⵏ ⵍⴰⴷⵖⴰ ⵖⴻⴼ ⵍⴻⵃⵙⴰⴱ ⵏ ⵓⵚⴻⵏⵏⴻⴼ-ⵏⵙⴻⵏ ⴷⴻⴳ ⵡⵓⵎⵓⵖ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵢⴻⵙⵙⴰⵔⴰⵎ ⵉⵎⵓⴽⴰⵏ ⴰⵢ ⵉⵇⴻⵔⴱⴻⵏ ⵓⴳⴰⵔ ⵖⴻⵔ ⵜⴻⵎⴷⵉⵏⵉⵏ ⴰⴷ ⴷ-ⵚⴰⵃⴻⵏ ⵡⵉⴷ ⴰⵢ ⵢⴻⵜⵜⵡⴰⵚⴻⵏⵏⴼⴻⵏ ⴷ ⵉⵎⴻⵣⵡⵓⵔⴰ ⴷⴻⴳ ⵡⵓⵎⵓⵖ-ⴰ. ⵓⵇⴱⴻⵍ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏ ⵙⴻⴳ-ⴰ ⵖⴻⴼ ⵙⵏⴰⵜ ⵏ ⵍⴻⴷⵡⴰⵕ, ⴰⴷ ⴷ-ⵢⴻⴼⴼⴻⵖ ⵢⵉⵡⴻⵏ ⵏ ⵍⵇⴰⵏⵓⵏ ⴰⵔⴰ ⵢⴻⵙⵙⵉⴼⴻⵙⵙⴻⵏ ⵜⵉⵙⴻⴽⴽⵉⵔⵉⵏ ⵜⵉⴷⴻⴱⵍⴰⵏⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴽⵛⵉ ⵏ ⵜⵏⴻⵣⴷⵓⵖⵜ ⵜⴰⵏⵎⴻⵜⵜⵉⵜ. « ⵎⵉ ⴰⵔⴰ ⵢⴻⵜⵜⵡⴰⵙⵙⴻⴼⵄⴻⵍ ⵍⵇⴰⵏⵓⵏ-ⴰ, ⴰⵎⴷⴰⵏ ⴰⵢ ⵢⴻⴱⵖⴰⵏ ⴰⴷ ⴷ-ⵢⴰⵖ ⵜⴰⵏⴻⵣⴷⵓⵖⵜ ⵢⴻⵣⵎⴻⵔ ⴰⴷ ⵢⴻⵙⵙⵓⵜⴻⵔ ⵙⵔⵉⴷ ⵉ ⵧⵒⴳⵉ (ⵜⴰⵏⴰⵔⵉⵜ ⵏ ⵓⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ). ⵧⵒⴳⵉ ⴰⴷ ⵜⵇⴻⵢⵢⴻⵎ ⵜⴰⵏⴻⵣⴷⵓⵖⵜ-ⵏⵏⵉ ⴰⵇⴻⵢⵢⴻⵎ ⴰⵎⴻⵣⵡⴰⵔⵓ ⵙⴰⴽⴽⴻⵏ ⴰⴷ ⵜⴻⴼⴽ ⵉⴽⴰⵔⴰⵎⴻⵏ ⵖⴻⵔ ⵢⵉⵎⴻⵥⵍⴰ ⵏ ⵡⴰⴽⴰⵍ ⴰⴽⴽⴻⵏ ⴰⴷ ⵇⴻⵢⵢⵎⴻⵏ ⴰⵅⵅⴰⵎ-ⵏⵏⵉ ⴰⵇⴻⵢⵢⴻⵎ ⴰⵏⴻⴳⴳⴰⵔⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ. ⵎⴰⵙⵙ ⵜⴻⴱⴱⵧⵓⵏⴻ ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵖⴻⵔⵎⴰⵏⴻⵏ ⴰⵢ ⵢⴻⴱⵖⴰⵏ ⴰⴷ ⴷ-ⴰⵖⴻⵏ ⵉⵅⵅⴰⵎⴻⵏ-ⵏⵙⴻⵏ ⴰⴽⴽⴻⵏ « ⴰⴷ ⴼⴰⵕⵙⴻⵏ ⵜⴰⴳⵏⵉⵜ-ⴰ » ⵓⵇⴱⴻⵍ ⵜⴳⴰⵔⴰ ⵏ ⴷⵓⵊⴻⵎⴱⴻⵕ 2015, ⴰⵛⴽⵓ ⵜⴰⵎⵀⴻⵍⵜ-ⴰ (ⴰⵢ ⴷ-ⵢⴻⵍⵍⴰⵏ ⵢⴰⴳⵉ ⵙⵏⴰⵜ ⵏ ⵜⵉⴽⴽⴰⵍ) ⵓⵔ ⴷ-ⵜⴻⵜⵜⵡⴰⵄⴰⵡⴰⴷ ⴰⵔⴰ ⴷⴻⴼⴼⵉⵔ ⵜⴰⵍⵍⵉⵜ-ⴰ. ⴷⴻⴳ ⵜⴻⵔⵣⵉ-ⵏⵏⴻⵙ, ⵎⴰⵙⵙ ⵜⴻⴱⴱⵧⵓⵏⴻ ⵢⴻⴷⴷⴰ ⵢⵉⴷ-ⵙ ⵓⵡⴰⵍⵉ ⵏ ⵍⴻⵣⵣⴰⵢⴻⵔ ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⵢⴻⵔⵏⴰ ⵢⴻⵙⵙⴻⵔⵙ ⴰⵥⵔⵓ ⴰⵎⴻⵣⵡⴰⵔⵓ ⵉ ⵍⴻⴱⵏⵉ ⵏ 440 ⵏ ⵜⵏⴻⵣⴷⵓⵖⵉⵏ ⵜⵉⵙⵎⴰⵍⴰⵏⵉⵏ ⵜⵉⵏⴰⴳⴷⵓⴷⵉⵏ (ⵍⵒⵒ) ⴷⴻⴳ ⵄⵉⵏ ⵍⴱⴻⵏⵢⴰⵏ ⴷ 5.000 ⵏ ⵜⵏⴻⵣⴷⵓⵖⵉⵏ ⵏ ⴰⴰⴷⵍ ⴷⴻⴳ ⵔⵔⵖⴰⵢⴰ.

ⵉⵎⵓⵀⴰⵍ (ⵉⵅⴻⴷⴷⵉⵎⴻⵏ) ⵏ ⵍⴻⴱⵏⵉ ⵏ 440 ⵏ ⵜⵏⴻⵣⴷⵓⵖⵉⵏ ⵏ ⵍⵒⵒ ⴷⴻⴳ ⵄⵉⵏ ⵍⴱⴻⵏⵢⴰⵏ ⴱⴷⴰⵏ ⴷⴻⴳ ⵢⴻⵏⵏⴰⵢⴻⵔ ⵢⴻⵣⵔⵉⵏ ⵢⴻⵔⵏⴰ ⴰⴷ ⵇⵇⵉⵎⴻⵏ 29 ⵏ ⵡⴰⵢⵢⵓⵔⴻⵏ. ⴰⵙⴻⵏⴼⴰⵔ-ⴰ ⵢⴻⵡⵊⴻⴷ-ⴷ ⵙ 12%, ⵖⴻⴼ ⵍⴻⵃⵙⴰⴱ ⵏ ⵜⵙⴻⵏⵜⵓⵜ-ⵏⵏⴻⵙ ⵜⴰⵜⴻⴽⵏⵉⵜ. ⵎⴰ ⴷ ⴰⵙⴻⵏⴼⴰⵔ ⵏ 5.000 ⵏ ⵜⵏⴻⵣⴷⵓⵖⵉⵏ ⵏ ⴰⴰⴷⵍ ⵏ ⵔⵔⵖⴰⵢⴰ, ⴷ ⵜⴰⴽⴻⴱⴱⴰⵏⵉⵜ ⵜⴰⵟⴻⵔⴽⵉⵜ ⵏ ⴽⵓⵣⵓ ⴰⵢ ⴷ-ⵢⴻⵍⵀⴰⵏ ⴷ ⵍⴻⴱⵏⵉ-ⵏⵏⴻⵙ ⵙ ⵙⵙⵓⵎⴰ ⵏ 15,5 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵢⴻⵔⵏⴰ ⴰⴷ ⵢⴻⴹⴹⴻⴼ 28 ⵏ ⵡⴰⵢⵢⵓⵔⴻⵏ ⵖⴻⴼ ⵍⴻⵃⵙⴰⴱ ⵏ ⵜⵙⴻⵏⵜⵓⵜ-ⵏⵏⴻⵙ ⵜⴰⵜⴻⴽⵏⵉⵜ. ⴰⵙⴻⵏⴼⴰⵔ-ⴰ ⵢⴻⴱⴷⴰ-ⴷ ⴷⴻⴳ ⴼⵓⵕⴰⵕ ⵢⴻⵣⵔⵉⵏ ⵢⴻⵔⵏⴰ ⴰⵟⴰⵙ ⵏ ⵢⵉⵣⴰⴷⴰⵖⴻⵏ (ⵍⴱⴰⵟⵉⵎⴰⵜ) ⵏ 3 ⵏ ⵡⴰⵏⵏⴰⴳⴻⵏ ⴰⵢ ⴷ-ⵉⵡⴻⵊⴷⴻⵏ ⵢⴰⴳⵉ ⵙⴻⴳ-ⵙ.