ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴰⵎⴰⵏ: ⴰⴷⴰⴱⵓ ⵉⵄⴰⵡⴻⴷ ⵢⴻⴹⴹⴻⴼ ⵜⴰⵎⵏⴰⴹⵜ ⵏ ⵄⴰⴷⴻⵏ (ⴰⵏⴻⵖⵍⴰⴼ ⴰⵎⴻⵏⵣⵓ ⵉⵎⴻⵏⵏⴻⵊⵍⵉ)

ⵔⵉⵢⴰⴹ - ⴰⵏⴻⵖⵍⴰⴼ ⴰⵎⴻⵏⵣⵓ ⴰⵢⴰⵎⴰⵏⵉ ⴰⵢ ⵢⴻⵏⵏⴻⵊⵍⴰⵏ ⵖⴻⵔ ⵔⵉⵢⴰⴹ, ⴽⵀⴰⵍⴻⴷ ⴱⴰⵀⴰⵀ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⵏⴻⴱⴹⵉⵜ ⵏ ⵄⴰⴷⴻⵏ « ⵜⴻⵜⵜⵡⴰⵙⵍⴻⵍⵍⵉ » ⵙⴷⴻⴼⴼⵉⵔ 4 ⵏ ⵡⴰⵢⵢⵓⵔⴻⵏ ⵏ ⵢⵉⵎⴻⵏⵖⵉ ⴷⴻⴳ ⵓⵏⵥⵓⵍ ⵏ ⵢⴰⵎⴰⵏ. « ⴰⵏⴰⴱⴰⴹ ⵢⴻⵜⵜⵅⴻⴱⴱⵉⵔ-ⴷ ⴷ ⴰⴽⴽⴻⵏ ⵜⴰⵏⴻⴱⴹⵉⵜ ⵏ ⵄⴰⴷⴻⵏ ⵜⴻⵜⵜⵡⴰⵙⵍⴻⵍⵍⵉ ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵍⵄⵉⴷ ⵜⴰⵎⴻⵥⵢⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⴷⴻⴳ ⵓⵙⴻⴱⵜⴻⵔ-ⵏⵏⴻⵙ ⵏ ⴼⴰⵛⴻⴱⵧⵧⴽ. « ⴰⴷ ⵏⴻⵅⴷⴻⵎ ⴰⴽⴽⴻⵏ ⴰⴷ ⴷ-ⵏⴻⵔⵔ ⵜⵓⴷⴻⵔⵜ ⴰⴽⴽⴻⵏ ⵜⴻⵍⵍⴰ ⴷⴻⴳ ⵄⴰⴷⴻⵏ ⴷ ⵡⴰⴽⴽ ⵜⵉⵎⴷⵉⵏⵉⵏ ⵢⴻⵜⵜⵡⴰⵙⵍⴻⵍⵍⵉⵏ, ⵢⴻⵔⵏⴰ ⴰⴷ ⴷ-ⵏⴻⵔⵔ ⴰⵎⴰⵏ ⴷ ⵜⵔⵉⵙⵉⵜⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⵉⵖⴰⵍⵍⴻⵏ ⵏ ⵓⵏⴰⴱⴰⴹ ⵥⴻⴷⵎⴻⵏ, ⴰⵙⵙ ⵏ ⵜⵜⵍⴰⵜⴰ, ⵖⴻⴼ ⵜⴻⵎⴷⵉⵏⵜ ⵏ ⵄⴰⴷⴻⵏ, ⵢⴻⵔⵏⴰ ⴷ ⵡⵉⵏ ⴰⵢ ⴷ ⴰⵥⴷⴰⵎ ⴰⵎⴻⵣⵡⴰⵔⵓ ⵙⴻⴳ ⵡⴰⵙⵎⵉ ⴰⵢ ⵜⵜ-ⵓⴷⴼⴻⵏⵜ ⵜⴻⵎⵍⵉⵛⵉⵏ ⵏ ⵓⵎⵓⵙⵙⵓ ⵏ ⴰⵏⵙⴰⵔⵓⴰⵍⵍⴰⵀ (ⵉⵃⵓⵜⵉⵢⴻⵏ) ⴷⴻⴳ ⵎⴻⵖⵔⴻⵙ, ⴷ ⴰⵢⴻⵏ ⴰⵢ ⵉⴽⴻⵎⵔⴻⵏ ⴰⵙⴻⵍⵡⴰⵢ ⴰⴱⴷ ⵔⴰⴱⴱⵧ ⵎⴰⵏⵙⵧⵓⵔ ⵀⴰⴷⵉ ⴷ ⵓⵏⴰⴱⴰⴹ-ⵏⵏⴻⵙ ⴰⴷ ⵔⴻⵡⵍⴻⵏ ⵖⴻⵔ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ. ⴰⵥⴷⴰⵎ-ⴰ ⵉ ⵓⵄⴰⵡⴻⴷ ⵏ ⵜⵓⴹⴹⴼⴰ ⵏ ⵄⴰⴷⴻⵏ ⵜⴳⴰ-ⵜ ⵢⵉⵡⴻⵜ ⵏ ⵜⴻⵎⵙⵉⵙⵉⵜ ⵓⵎⵉ ⵙⴻⵎⵎⴰⵏ « ⴰⵣⴱⵓ ⴰⵖⴻⵔⴼⴰⵏ », ⵢⴻⵔⵏⴰ ⵄⴰⵡⵏⴻⵏ-ⵜⵜ ⴷⴰⵖ ⵢⵉⵖⴰⵍⵍⴻⵏ ⴰⵢ ⵜⴻⵙⵍⴻⵖⵎⴰ ⵢⴻⵔⵏⴰ ⵜⵙⴻⵍⵍⴻⵃ-ⵉⵜⴻⵏ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ. ⵜⴰⵎⵓⵔⵜ-ⴰ ⵜⴰⵏⴻⴳⴳⴰⵔⵓⵜ ⴷ ⵜⴰⵏⴰⵔⴰⴳⵜ (ⵜⴰⵊⴰⵕⴻⵜ) ⵏ ⵢⴰⵎⴰⵏ ⵢⴻⵔⵏⴰ, ⵙⴻⴳ 26 ⵎⴻⵖⵔⴻⵙ ⴷ ⴰⵙⴰⵡⴻⵏ, ⵜⴻⵏⵀⴻⵕ ⵢⵉⵡⴻⵜ ⵏ ⵜⴻⵎⵙⵉⵙⵉⵜ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴰⴽⴽⴻⵏ ⴰⴷ ⵜⵡⴻⵜ ⵉⵖⴰⵍⵍⴻⵏ ⵏ ⴰⵏⵙⴰⵔⵓⴰⵍⵍⴰⵀ ⵢⴻⵔⵏⴰ ⵓⵔ ⵜⴻⵏ-ⵜⴻⵜⵜⴰⴵⴵⴰ ⴰⵔⴰ ⴰⴷ ⴹⴹⴼⴻⵏ ⵜⴰⵎⵓⵔⵜ ⵙ ⵍⴻⴽⵎⴰⵍ-ⵏⵏⴻⵙ. ⵉⵃⵓⵜⵉⵢⴻⵏ ⴱⴷⴰⵏ-ⴷ ⵜⵓⵎⵎⵖⴰ-ⵏⵙⴻⵏ ⴷⴻⴳ ⵢⵓⵍⵢⵓ 2014 ⵙⴻⴳ ⵡⴰⵎⵎⴰⵙ-ⵏⵙⴻⵏ ⵏ ⵙⴰⴰⴷⴰ (ⴷⴻⴳ ⵓⴳⴰⴼⴰ) ⵙ ⵓⵄⴰⵡⴻⵏ ⵏ ⵢⵉⵙⴻⵔⴷⴰⵙⴻⵏ ⴰⵢ ⵢⴻⵇⵇⵉⵎⴻⵏ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵓⵙⴻⵍⵡⴰⵢ ⴰⵇⴱⵓⵔ ⴰⵍⵉ ⴰⴱⴷⴰⵍⵍⴰⵀ ⵙⴰⵍⴻⵀ, ⵢⴻⵔⵏⴰ ⵙⵙⴰⵡⴹⴻⵏ ⴰⴷ ⴹⴹⴼⴻⵏ ⵉⵃⵔⵉⵛⴻⵏ ⴷ ⵉⵎⴻⵇⵔⴰⵏⴻⵏ ⵙⴻⴳ ⵜⵎⵓⵔⵜ, ⴳⴰⵔ-ⴰⵙⴻⵏ ⵓⵍⴰ ⴷ ⵜⴰⵎⴰⵏⴻⵖⵜ ⵏ ⵚⴻⵏⵄⴰ, ⴰⵎ ⵡⴰⴽⴽⴻⵏ ⴰⵢ ⴹⴹⴼⴻⵏ ⵓⵍⴰ ⴷ ⵄⴰⴷⴻⵏ. ⵙⴻⴳ ⵎⴻⵖⵔⴻⵙ ⵢⴻⵣⵔⵉⵏ, ⵉⵎⴻⵏⵖⵉ-ⴰ ⵢⴻⴳⵍⴰ ⵙ ⵡⵓⴳⴰⵔ ⵏ 3.200 ⵏ ⵜⵎⴻⴷⴷⵓⵔⵉⵏ, ⴰⵣⴳⴻⵏ ⵙⴻⴳ-ⵙⴻⵏ ⴷ ⵉⵖⴰⵔⵉⵎⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ. ⴰⵣⴰⵍ ⵏ 80% ⵏ ⵢⵉⵎⴻⵣⴷⴰⵖⴻⵏ -21 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵎⴷⴰⵏⴻⵏ- ⴰⵢ ⵢⴻⵃⵡⴰⴵⴻⵏ ⵍⴻⵎⵄⴰⵡⵏⴰ ⵏⴻⵖ ⴰⵃⵓⴷⴷⵓ ⴷⴻⴳ ⵜⵎⵓⵔⵜ-ⴰ ⵜⵉⴳⴻⵍⵍⵉⵍⵜ ⵏ ⵜⵣⵓⵏⴻⴳⵣⵉⵔⵜ ⵜⴰⵄⵕⴰⴱⵜ, ⵢⴻⵔⵏⴰ 10 ⵏ ⵢⵉⵎⴻⵍⵢⵓⵏⴻⵏ ⵙⴻⴳ-ⵙⴻⵏ ⴰⵢ ⵉⵅⵓⵚⵚⴻⵏ ⵓⵞⵞⵉ ⵏⴻⵖ ⴰⵎⴰⵏ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ. ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵄⴰⴷⴻⵏ ⵢⴻⴷⵔⴻⵎ ⵙⴻⴳ ⴽⵓⵥ-ⴰ (4) ⵏ ⵡⴰⵢⵢⵓⵔⴻⵏ ⵉⵏⴻⴳⴳⵓⵔⴰ ⵏ ⵢⵉⵎⴻⵏⵖⵉ ⴷ ⵜⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⵏ ⵜⴻⵎⵙⵉⵙⵉⵜ ⵜⴰⵄⵕⴰⴱⵜ, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⴷ-ⴳⵔⴻⵏ ⵜⵉⵖⵔⵉ ⵉ ⵓⵃⴱⴰⵙ ⵏ ⵢⵉⵎⴻⵏⵖⵉ ⵉ ⵓⵄⴰⵡⴻⵏ ⵏ ⵡⵉⴷ ⵢⴻⵏⴹⴻⵔⵔⴻⵏ. ⴷⴻⴳ ⵜⵍⴻⵎⵎⴰⵙⵜ ⵏ ⵎⴰⵢⵓ, ⵢⴻⵃⴱⴻⵙ ⵢⵉⵎⴻⵏⵖⵉ 5 ⴽⴰⵏ ⵏ ⵡⵓⵙⵙⴰⵏ, ⵙⴰⴽⴽⵉⵏ ⵉⵄⴰⵡⴻⴷ ⵢⴻⵟⵟⴻⵔⴹⴻⵇ. ⵓⵍⴰ ⵎⴰ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵏⵏⴰⵏ-ⴷ ⴷ ⴰⴽⴽⴻⵏ ⵢⴻⵃⴱⴻⵙ ⵢⵉⵎⴻⵏⵖⵉ ⴷⴷⵓⵕⵜ ⵢⴻⵣⵔⵉⵏ ⵉ ⵓⵙⵙⵉⵡⴻⴹ ⵏ ⵍⴻⵎⵄⴰⵡⵏⴰ, ⴰⵃⴱⴰⵙ-ⵏⵏⵉ ⵡⴻⵔⴵⵉⵏ ⴷ-ⵢⴻⵍⵍⵉ.