ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ, ⴱⴻⵔⵏⴰⵔⴷⵉⵏⵧ ⵍⴻⵧⵏ
ⵏⵢⵓ ⵢⵓⵔⴽ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) –ⴰⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ, ⴱⴻⵔⵏⴰⵔⴷⵉⵏⵧ ⵍⴻⵧⵏ, ⵉⴳⴻⵔ-ⴷ ⵜⵉⵖⵔⵉ ⴰⵙⵙ ⵏ ⵍⴰⵕⴻⴱⵄⴰ ⵉ ⵡⴰⴽⴽ ⵜⵉⴳⵔⴰⵡⵉⵏ ⵜⵉⵍⵉⴱⵉⵢⵉⵏ ⴰⵢ ⵡⴻⵔⵄⴰⴷ ⵓⵔ ⵙⵜⴻⵏⵢⴰⵏⵜ ⴰⵎⵜⴰⵡⴰ ⵏ ⵜⴰⵍⵡⵉⵜ ⴰⴽⴽⴻⵏ ⴰⴷ ⵜ-ⵙⵜⴻⵏⵢⵉⵏⵜ, ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ « ⵎⴰⵣⴰⵍ ⵜⴰⵡⵡⵓⵔⵜ ⵜⴻⵔⵥⴻⵎ ». ⵎⴰⵙⵙ ⵍⴻⵧⵏ ⵢⴻⵏⵏⴰ-ⴷ ⴰⵢⴰ ⵙⴷⴰⵜ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ), ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵉ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵓⵎⵜⴰⵡⴰ-ⴰ ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ, ⵎⴰ ⵜⴻⵔⵔⴰ ⵜⵎⴰⵔⴰ, ⵡⵉⴷ ⴰⵢ ⵍⴰ ⵢⴻⵙⵎⴻⵏⴷⴰⴳⴻⵏ ⵛⵛⵡⴰⵍ ⴰⴽⴽⴻⵏ ⴰⴷ ⵉⴽⴻⵎⵎⴻⵍ ⴷⴻⴳ ⵍⵉⴱⵢⴰ ⵢⴻⵙⵙⴻⴼⴽ ⴰⴷ ⵜⵜⵡⴰⵄⴰⵇⴱⴻⵏ. ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵢⴻⵍⵍⴰ ⵍⴰ ⴷ-ⵢⴻⵙⵙⴻⵡⵊⴰⴷ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵍⵎⴻⵏⴷ ⵏ ⵡⴰⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴽⵔⴰ ⵏ ⵢⵉⴷⵉⵒⵍⵓⵎⴰⵜⵉⵢⴻⵏ. ⵉⴷⵉⵙⴰⵏ ⵉⵍⵉⴱⵉⵢⴻⵏ ⵢⴻⵎⵅⴰⵚⴰⵎⴻⵏ ⵡⴻⵎⵎⵕⴻⵏ ⴰⵙⵙ ⵏ ⵙⵙⴻⴱⵜ ⵢⵉⵡⴻⵏ ⵏ ⵓⵎⵜⴰⵡⴰ « ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ » ⴰⵔⴰ ⵉⵔⴻⵥⵎⴻⵏ ⴰⴱⵔⵉⴷ ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⵎⴰⵛⴰ ⵓⵔ ⵃⴷⵉⵕⴻⵏ ⴰⵔⴰ ⵢⵉⴳⴻⵏⵙⴰⵙⴻⵏ ⵏ ⵓⵎⵏⵉ ⵏ ⵟⵔⴰⴱⵍⴻⵙ ⴷⴻⴳ ⵜⴼⴰⴳⵍⴰ-ⵏⵏⵉ ⵏ ⵓⵙⵜⴻⵏⵢⵉ. ⵍⵉⴱⵢⴰ ⵜⴻⵙⵄⴰ ⵙⵉⵏ ⵏ ⵢⵉⵎⵏⴰⵏ ⴷ ⵙⵉⵏ ⵏ ⵢⵉⵏⴰⴱⴰⴹⴻⵏ ⴰⵢ ⵍⴰ ⵢⴻⵜⵜⵏⴰⵖⴻⵏ ⵖⴻⴼ ⵓⴷⴰⴱⵓ. ⵢⵉⵡⴻⵏ ⴰⵜⴰⵏ ⴷⴻⴳ ⵟⵔⴰⴱⵍⴻⵙ, ⵎⴰ ⴷ ⵡⴰⵢⴻⴹ ⴰⵜⴰⵏ ⴷⴻⴳ ⵟⵓⴱⵔⵓⵇ (ⴰⴳⵎⵓⴹ [ⵛⵛⴻⵔⵇ]), ⵢⴻⵔⵏⴰ ⴰⵍⴰ ⴰⵏⴻⴳⴳⴰⵔⵓ-ⴰ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ. « ⴱⵖⵉⵖ ⴰⴷ ⴷ-ⴳⵔⴻⵖ ⵜⴰⵎⴰⵡⵜ ⴷ ⴰⴽⴽⴻⵏ ⵜⴰⵡⵡⵓⵔⵜ ⵎⴰⵣⴰⵍ-ⵉⵜⵜ ⵜⴻⵔⵥⴻⵎ ⴰⴽⴽⴻⵏ (ⵉⴳⴻⵏⵙⴰⵙⴻⵏ ⵏ ⵓⵎⵏⵉ ⵏ ⵟⵔⴰⴱⵍⴻⵙ) ⴰⴷ ⵙⵜⴻⵏⵢⵉⵏ » ⴰⵎⵜⴰⵡⴰ-ⴰ ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵍⴻⵧⵏ. « ⴰⵍⴰ ⴰⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵔⴰ ⵉⵣⴻⵎⵔⴻⵏ ⴰⴷ ⵢⵉⵍⵉ ⴷ ⵉⴷⵉⵙ ⴰⵔⴰ ⵉⵇⴰⴱⵍⴻⵏ ⴰⵎⵉⵀⵉ ⴰⵢ ⵍⴰ ⵢⴻⵜⵜⵏⴻⵔⵏⵉⵏ ⵏ ⴷⴰⵄⴻⵛ ⴷ ⵢⵉⵎⵙⵉⵙⴰⵏ-ⵏⵏⴻⵙ ». ⴰⵏⵎⴰⵀⴰⵍ ⴰⵍⵉⴱⵉ ⵉⴱⵔⴰⵀⵉⵎ ⴷⴰⴱⴱⴰⵙⵀⵉ ⵉⵡⴻⵜ-ⴷ, ⵙⴻⴳ ⵢⵉⴷⵉⵙ-ⵏⵏⴻⵙ, ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⵢ ⵢⵓⴳⵉⵏ ⴰⴷ ⵢⴻⵙⵙⵉⴼⵙⴻⵙ ⵜⴰⵔⴳⵓⵍⵜ ⵖⴻⴼ ⵍⴻⵙⵍⴰⵃ ⴰⵢ ⴷ-ⵢⴻⵜⵜⵡⴰⵃⴻⵜⵜⵎⴻⵏ ⵖⴻⴼ ⵜⵎⵓⵔⵜ-ⵏⵏⴻⵙ ⴰⴽⴽⴻⵏ ⴰⴷ ⵢⴻⵣⵎⴻⵔ ⵢⵉⴳⴻⵏ ⴰⵍⵓⴳⴰⵏ ⴰⴷ ⵢⴻⵏⵏⴰⵖ ⵅⵉⵔ ⵎⴳⴰⵍ ⵜⴻⴳⵔⴰⵡⵉⵏ ⵜⵉⵎⴻⴹⴹⵓⵔⴼⴰ. ⴷⴰⴱⴱⴰⵙⵀⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⴻⵇⵇⴰⵎⵓ ⵏ ⵓⵄⴰⵇⴻⴱ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ « ⵉⵄⴻⵎⵎⴻⴷ ⴷⴻⴳ ⵓⴹⵓⵔⵔⵓ ⵏ ⵜⴻⵣⵎⴻⵔⵜ ⵏ ⵓⵏⴰⴱⴰⴹ ⴰⵍⵉⴱⵉ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵓⵃⵓⴷⴷⵓ ⵏ ⵡⴰⴽⴰⵍ-ⵏⵏⴻⵙ ». ⴰⵢⴻⵏ ⴰⵢ ⴰⵙⴻⵏⵜ-ⵉⴳⴰⵏ ⵉⴼⴰⴷⴷⴻⵏ ⵉ ⵜⴻⴳⵔⴰⵡⵉⵏ ⵜⵉⵍⵉⴱⵉⵢⵉⵏ ⴰⵢ ⵢⵓⴳⵉⵏ ⴰⵎⵜⴰⵡⴰ-ⴰ ⵏⴻⵜⵜⴰ ⴷ ⵜⵉⴳⵉⵏ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⴽⴽⴻⵏ ⴰⴷ ⵉⵙⴻⵍⵍⴻⵃ ⵉⵖⴰⵍⵍⴻⵏ ⵏ ⵓⵏⴰⴱⴰⴹ ⴰⵍⵉⴱⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴱⴱⴰⵙⵀⵉ. ⵢⴻⵙⵙⴻⴼⴽ, ⴰⴽⴽⴻⵏ ⴰⴷ ⴷ-ⵢⴻⵏⵏⴰ, « ⴰⴷ ⵢⴻⵜⵜⵡⴰⵄⴰⵡⴻⵏ ⵓⵏⴰⴱⴰⴹ ⴷⴻⴳ ⵍⵎⴻⴵⵀⵓⴷ-ⵏⵏⴻⵙ ⵏ ⵓⵄⴰⵡⴻⴷ ⵏ ⵍⴻⴱⵏⵉ ⵏ ⵢⵉⴳⴻⵏ ⵉⴵⴻⵀⴷⴻⵏ ⴷⴷⴰⵡ ⵓⵙⵡⴰⴹ ⴰⵖⴰⵔⵉⵎ ». « ⴷ ⴰⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⵔⴰ ⴷ-ⵢⴻⵙⵙⵓⵜⵔⴻⵏ ⴰⵢⴻⵏ ⵢⴻⴱⵖⴰ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵙⵍⴰⵃ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⴻⵔⵏⴰⵔⴷⵉⵏⵧ ⵍⴻⵧⵏ. ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵉ ⵢⵉⵏⴻⵖⵎⴰⵙⴻⵏ ⴷ ⴰⴽⴽⴻⵏ ⴰⵎⵏⵉ ⵏ ⵟⵔⴰⴱⵍⴻⵙ ⵓⵔ ⵢⵓⴳⵉ ⴰⵔⴰ ⴰⵎⵜⴰⵡⴰ ⵡⴰⵏⴰⴳ ⵍⵍⴰⵏⵜ ⵜⵖⴰⵡⵙⵉⵡⵉⵏ ⴰⵢ ⵜ-ⵉⵛⴻⵖⴱⴻⵏ « ⵢⴻⵔⵏⴰ ⵣⴻⵎⵔⴻⵏⵜ ⴰⴷ ⴼⵔⵓⵏⵜ ». ⵎⴰ ⵢⴻⵍⵍⴰ ⵜⵉⴳⵔⴰⵡⵉⵏ ⵜⵉⵍⵉⴱⵉⵢⵉⵏ ⴼⴽⴰⵏⵜ-ⴷ « ⵉⵎⴰⵣⵡⴰⵔⴻⵏ ⵢⴻⵍⵀⴰⵏ » ⵉ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⴰⵏⴰⴱⴰⴹ-ⴰ ⵢⴻⵣⵎⴻⵔ ⴰⴷ ⴷ-ⵢⴻⵜⵜⵡⴰⵙⵙⴻⴱⴷⴻⴷ ⴷⴻⴳ « ⴽⵔⴰⴹ ⵏ ⵍⴻⴷⵡⴰⵕ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
