Asebter amenzawi

Takurt n uḍar: MC Lezzayer ur d-tettawi ara Aoudia yerna USM Lezzayer ara t-yawin

Takurt n uḍar: MC Lezzayer ur d-tettawi ara Aoudia yerna USM Lezzayer ara t-yawin

LEZZAYER – MC Lezzayer (Tamɣunt 1ut n tkurt n uḍar tadzayrit) twet nneḥ deg wayen yerzan assidef n umenṭag adzayri Mohamed Amine Aoudia, imi « ur msefhamen ara ɣef yidrimen », ɣef wakken ay d-tenna teɣlamt-a ass n ljemɛa i Tnegga n Yisalan n Lezzayer.

Taɣlamt-a terna-d d akken Aoudia, amarir n FSV Frankfurt (Bundesliga tis 2 n Lalman) yerna aṭas deg ssuma.

Raissi, aselway n teɣlamt n MC Lezzayer, yenna-d daɣ, mi as-teɣra Tnegga ass n laṛebɛa, d akken amarir-a aqbur n CR Belouizdad « ur yelli ara yebɣa ad yurar ɣer MC Lezzayer », ay d-yennan d akken « naqal yefka-d ssuma akken ad d-yettwarḍel. Kra kan n tsaɛtin sakkin, yerna deg ssuma-nni ».

S waya, Aoudia (ay d-yebdan urar deg IR Ḥusin Day) la yetteddu ad yestenyi leɛqed d USM Lezzayer, yerna anmazul n uselway n teɣlamt-a, Rebbouh Haddad, yenna-d d akken yeqbel ad ixelleṣ ssuma-nni n 150.000 n wuṛuten akken ad d-yettwarḍel umarir-a i useggas-a.

Taɣlamt talmanit n FSV la tettṛaju kan ad tt-awḍen yidrimen ɣer tbanka-nnes akken ad tessenṣeb areḍḍal n umarir-a n 27 n yiseggasen.

Aoudia ur yurar ara akk aṭas deg tsemhuyt yezrin imi ay tent-yuɣ deg ufud, yerna la yetturar deg Frankfurt seg unebdu yezrin. Aseggas-nni uqbel-is, yella yetturar deg Dynamo Dresden (Taẓunt tis 3/Lalman) yerna d tin ay taɣlamt tuṛufit tamezwarut deg yurar.

Aoudia yebda urar deg FSV Frankfurt deg unebdu n 2014, yestenya leɛqed n sin n yiseggasen d teɣlamt-a sakkin sɣezfen-as leɛqed arma d 2017.