Asebter amenzawi

Takurt n uḍar: CS Qsenṭina temsefham d Kuru kuni

LEZZAYER – Amenṭag ivwaṛi Koro Koné yemsefham d teɣlamt n CS Qsenṭina, ɣef wakken ay d-tettwaxebber Tnegga n Yisalan n Lezzayer ass n ljemɛa. I usmekti, Koné yessumer-it-id usleɣmay n Qsenṭina, Hubert Velud akken ad yurar ɣer-s deg tsemhuyt ay d-yetteddun.

Amarir-a n 25 n yiseggasen d umeggi-nnes gan timlilit tis snat n lemcawṛat d tmehla n CS Qsenṭina deg yiḍ n lexmis d ljemɛa yerna ssawḍen, deg tgara, ad msefhamen ɣef ccuruḍ n leɛqed ara yestenyi Koné d teɣlamt-a, ɣef wakken ay d-tenna tmehla.

CS Qsenṭina, taɣlamt tuẓwirt n ugmuḍ (ccerq) n Lezzayer tenna-d d akken amarir-nni ivwaṛi yecreḍ-d aṭas n ydirimen deg temlilit-nni tamezwarut n lemcawṛat. Deg tsaɛtin ay d-yetteddun, Koné ad yesɛeddi ikayaden isnajyanen (akken ay ttgen akk yimariren), sakkin ad yestenyi leɛqed-nnes d teɣlamt n Sirta.

CS Qsenṭina ay d-yewwin imariren ay iẓewren deg unebdu-a, teqqel-d ass n lexmis seg Tunes anda ay tga tannant n snat n ledwaṛ deg Ḥemmam Bourguiba. Imariren n usleɣmay afṛensis Velud (ay yellan naqal deg ES Sḍif d USM Lezzayer) ad gen tannant tis snat deg lbeṛṛani seg dduṛt ay d-yetteddun d asawen. Tannant-a ad d-tili deg Busnya.

Talɣuɣa tadzayrit n tkurt n uḍar i tsemhuyt n 2015-2016 ad tebdu ass n 14 ɣuct.