Asebter amenzawi
Lezzayer d Maṣer: yerna umbaddel n amsenzi deg 5 n wayyuren imezwura n useggas n 2015
LQAHIRA – Ambaddel amsenzi gar Maṣer d Lezzayer yerna gar Yennayer d Mayu 2015 s 51,4 n yimelyunen n yidulaṛen, s ufmiḍi n 12% akken ad yaweḍ ɣer 477 n yimelyunen n yiduklaṛen yili aseggas yezrin, deg tallit-nni, yuweḍ ɣer 425,6 n yimelyunen n yidulaṛen, ɣef wakken ay d-yenna uneɣlaf amaṣri anesmigal n tnezzut, Mohamed Cherif Fethi.
Deg yiwet n tseɣrut ayyes d-txebber Tnegga n tɣemsa tamaṣrit MENA, Mass Mohamed Cherif yenna-d d akken assiǧew n Lezzayer ɣer Maṣer yerna s 22,63% deg tallit gar Yennayer d Mayu 2015, timerniwt s 48,6 n yimelyunen n yidulaṛen yerna yuweḍ ujemmal ɣer 263,2 n yimelyunen n yidulaṛen, yili deg 2014, assiǧew adzayri ɣer Maṣer yettwaqeyyem s 214,6 n yimelyunen n yidulaṛen deg tallit-nni.
Assiǧew n sselɛa tadzayrit ɣer Maṣer ad yernu aseggas-a seg wasmi ay d-teḍḍef Maṣer 6 n tteɛbeyyat n lgaz yettwasmengin adzayri ddaw leɛqed ay stenyant tkebbaniyin n upitṛul n snat-a n tmura, ɣef wakken ay d-yenna am wakken ay d-yerna d akken Maṣer ad d-teḍḍef tteɛbeyya tis 3 n lgaz-a deg wayyur-a n Yulyu.
Lgaz n ubutan, lgaz n upṛupan d lgaz yettwasmengin d nitni ay d ifarisen imeqranen akk ay tettaǧew Maṣer seg Lezzayer.
Ma d sselɛa ay d-tessaǧaw Maṣer ɣer Lezzayer tuweḍ ɣer uswir-nnes ameqran akk imi ay terna s 2,8 n yimelyunen n yidulaṛen yerna tuweḍ ɣer 213,8 n yimelyunen n yidulaṛen deg tallit-nni, yili deg 2014, tuweḍ ɣer 211 n yimelyunen n yidulaṛen.
Gar sselɛat ay d-tessaǧaw Maṣer s waṭas ɣer Lezzayer llan yiguta n nnḥas yerna yuweḍ wazal-nsen s ujemmal ɣer 36,3 n yimelyunen n yidulaṛen.
ɣef leḥsab n Mass Mohamed Cherif, tawliwla tamsenzit gar Maṣer d Lezzayer tessken-d d akken d Lezzayer ay la yessaǧwen ugar n sselɛa (49,3 n yimelyunen n yidulaṛen) i Maṣer deg tallit gar Yennayer d Mayu 2015. Ma yella ilindi, deg tallit-nni, Lezzayer tessaǧew 35,8 n yimelyunen n yidulaṛen n sselɛa ugar n Maṣer. Aneɣlaf amaṣri anesmigal n tnezzut yenna-d d akken timerniwt-a ay d-yellan i lfayda n Lezzayer tekka-d seg tmerniwt n tiɣin n lgaz adzayri seg yidis amaṣri.
