Asebter amenzawi

Qqlen-d yineɣlafen iyamaniyen imennejla ɣer Ɛaden

ƐADEN (Yaman) – Ineɣlafen n unabaḍ ayamani yennejlan ɣer Tgelda Tasaɛudit qqlen-d ɣer Ɛaden, deg unẓul n Yaman deffir ma yenna-d unabaḍ d akken tettwaslelli temdint-a seg yifassen n yiɣewwaɣen iḥutiyen, ɣef wakken ay d-yenna ass n ssebt uɣlif n tɣawsiwin n daxel.

Tuweḍ iḍ yezrin ɣer Ɛaden yiwet n tmagla tunṣibt n yimḍebbren iyamaniyen ay yennejlan ɣer Tgelda Tasaɛudit, ɣef wakken ay d-yenna uneɣlaf Abdo al-Huzeifi, am wakken ay d-yenna d akken usan-d daɣ aṭas n yimḍebbren n tɣellist (laman) d tmagla-a wukud ay d-yedda uneɣlaf n umesni.

Mass Huzeifi ur d-yenni ara amek ay ddan yimḍebbren-a ɣer temdint n Ɛaden, maca ɣef leḥsab n yizen n yimḍebber n tɣellist asaɛudi ay d-yebder uɣmis ayallas n Asharq Al-Awsat, irgazen-a ḍḍfen yiwen n usafag armi d Iritirya, sakkin rekben aɣerrabu ɣer Ɛaden.

Aneɣlaf n tɣawsiwin n daxel iḥeqqeq-d d akken iɣewwaɣen iḥutiyen ttwaẓẓɛen seg temdint-a, yerna qqiment-d ala « kra n tegrawin yettwassutlen yerna ugint ad knunt ».