ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴷ ⵏⴻⵇⵙⴻⵏ ⵍⴻⴽⵡⴰⵖⴻⴹ ⴰⵔⴰ ⴷ-ⵢⴻⵙⵙⵓⴼⴼⵓⵖ ⵓⵎⴷⴰⵏ ⵙⴻⴳ ⵜⵖⵉⵡⴰⵏⵜ
ⵍⴻⵣⵣⴰⵢⴻⵔ – ⴰⵖⴻⵔⵎⴰⵏ ⴰⴷⵣⴰⵢⵔⵉ ⴰⴷ ⵢⴻⵇⵇⴻⵍ ⵓⵔ ⵜ-ⵜⴻⵜⵜⴰⵔⵔⴰ ⴰⵔⴰ ⵜⵎⴰⵔⴰ ⴰⴷ ⴷ-ⵢⴻⵙⵙⵓⴼⴼⵓⵖ ⵍⴻⴽⵡⴰⵖⴻⴹ ⵏ ⵡⴰⴷⴷⴰⴷ ⴰⵖⴰⵔⵉⵎ ⴰⵎ ⵍⴽⴰⵖⴻⴹ ⵏ ⵜⵍⴰⵍⵉⵜ, ⵍⴻⵄⵇⴻⴷ ⵏ ⵣⵣⵡⴰⴵ ⴷ ⵍⴽⴰⵖⴻⴹ ⵏ ⵜⵎⴻⵜⵜⴰⵏⵜ ⵙⴻⴳ ⵜⵖⵉⵡⴰⵏⵜ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴷ ⵜⵎⴻⵣⴷⴰⵢⵉⵏ ⵜⵉⴷⵉⴳⴰⵏⵉⵏ. ⴰⵢⴰ ⵢⴻⵍⵍⴰ-ⴷ ⴷ ⴰⵙⵙⴻⴼⵄⴻⵍ ⵏ ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵇⵇⵏⴻⵏ ⵖⴻⵔ ⵓⵙⵙⴻⵍⵀⵓ ⵓⵎⴻⵥⵍⵓ (ⵙⵙⴻⵔⴱⵉⵙ) ⴰⵏⴰⴳⴷⵓⴷ ⴷ ⵓⵙⵙⵉⴼⵙⴻⵙ ⵏ ⵢⵉⴽⴰⵔⴰⵎⴻⵏ ⴷ ⵜⵙⴻⴽⴽⵉⵔⵉⵏ ⵏ ⵜⴻⴷⴱⴻⵍⵜ. ⴷⴻⴳ ⵜⴻⵎⵍⵉⵍⵉⵜ-ⵏⵏⴻⵙ ⵏ ⵡⴰⵙⵙ ⵏ ⵍⴰⵕⴻⴱⵄⴰ ⵢⴻⵣⵔⵉⵏ, ⵢⴻⵇⴱⴻⵍ ⵓⵏⴰⴱⴰⴹ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⴰⵔⴰ ⴰⵙ-ⵢⴻⴽⴽⵙⴻⵏ ⵉ ⵓⵖⴻⵔⵎⴰⵏ ⵜⴰⵄⴽⴻⵎⵜ ⵏ ⵓⵙⵙⵓⴼⴼⴻⵖ ⵏ ⵍⴻⴽⵡⴰⵖⴻⴹ ⵏ ⵡⴰⴷⴷⴰⴷ ⴰⵖⴰⵔⵉⵎ ⵙⴻⴳ ⵓⵣⵎⴰⵎ ⴰⵖⴻⵍⵏⴰⵡ ⵢⴻⵍⵍⴰⵏ ⴷⴻⴳ ⵓⵙⴻⵍⴽⵉⵎ, ⵖⴻⴼ ⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ ⵏ ⵓⵖⵍⵉⴼ. ⵍⵇⴰⵏⵓⵏ-ⴰ ⵉⵃⴻⵜⵜⴻⵎ ⵜⵉⵡⵉⵍⴰⵢⵉⵏ, ⵜⵉⴷⴰⵢⵕⵉⵡⵉⵏ, ⵜⵉⵖⵉⵡⴰⵏⵉⵏ, ⵉⵖⵍⵉⴼⴻⵏ ⴷ ⵜⴷⴻⴱⵍⵉⵏ ⵜⵉⵏⴰⴳⴷⵓⴷⵉⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ « ⵓⵔ ⵛⴻⵔⵔⴹⴻⵏⵜ ⴰⵔⴰ, ⵙⴻⴳ-ⴰ ⵖⴻⵔ ⵙⴷⴰⵜ, ⵙⴻⴳ ⵓⵖⴻⵔⵎⴰⵏ ⴰⴷ ⴷ-ⵢⴰⵡⵉ ⵍⴻⴽⵡⴰⵖⴻⴹ ⵏ ⵡⴰⴷⴷⴰⴷ ⴰⵖⴰⵔⵉⵎ ⴰⵎ ⵍⴽⴰⵖⴻⴹ ⵏ ⵜⵍⴰⵍⵉⵜ, ⵏ ⵣⵣⵡⴰⴵ ⵏⴻⵖ ⵏ ⵜⵎⴻⵜⵜⴰⵏⵜ ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵉⵎⵉ ⴰⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴷ ⵜⵎⴻⵣⴷⴰⵢⵉⵏ ⵜⵉⴷⵉⴳⴰⵏⵉⵏ ⵢⴻⵙⵄⴰ ⵉⵙⴻⴼⴽⴰ-ⴰ ⵢⴻⵔⵏⴰ ⵢⴻⵜⵜⴰⴷⴻⴼ ⵖⴻⵔ-ⵙⴻⵏⵜ ⵙ ⵜⴻⴼⵙⴻⵙ ⵉⵎⵉ ⴰⵢ ⴷ-ⵔⵙⴻⵏ ⴷⴻⴳ ⵓⵣⵎⴰⵎ ⴰⵖⴻⵍⵏⴰⵡ ⵢⴻⵍⵍⴰⵏ ⴷⴻⴳ ⵓⵙⴻⵍⴽⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ. ⴷⴻⴳ ⵜⴰⵣⵡⴰⵔⴰ, ⵜⵓⵇⵇⵏⴰ ⵖⴻⵔ ⵓⵣⵎⴰⵎ-ⴰ ⵜⴻⵍⵍⴰ-ⴷ ⵉ ⵍⵎⴻⵏⴷ ⵏ ⵓⵖⵍⵉⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ, ⴰⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴷ ⵓⵖⵍⵉⴼ ⵏ ⵓⵍⵎⵓⴷ ⴷ ⵓⵙⵙⵉⵍⴻⵖ ⴰⵎⵙⴰⴷⵓⵔ ⵉ ⵍⵎⴻⵏⴷ ⵏ ⵓⵙⵙⵉⴼⵙⴻⵙ ⵏ ⵜⵓⵇⵇⵍⴰ ⵖⴻⵔ ⵓⵖⴻⵔⴱⴰⵣ ⴷ ⵓⵎⴰⵀⵉⵍ (ⴰⵅⴻⴷⴷⵉⵎ), ⵢⴻⵔⵏⴰ ⴰⵃⴻⵣⵣⵉⴱ-ⴰ ⴰⴷ ⴷ-ⵙⴼⴰⵢⴷⵉⵏ ⵙⴻⴳ-ⵙ ⵢⵉⵎⴻⵍⵢⵓⵏⴻⵏ ⵏ ⵢⵉⴱⴰⵍⵎⵓⴷⴻⵏ, ⵉⵏⴻⵍⵎⴰⴷⴻⵏ ⴷ ⵢⵉⵎⴰⵏⵓⵏⴻⵏ. ⵙⴰⴽⴽⵉⵏ, ⴰⵃⴻⵣⵣⵉⴱ-ⴰ ⴰⴷ ⵉⴽⴻⵎⵎⴻⵍ ⴰⴷ ⴷ-ⵉⵃⴰⵣ ⵉⵃⵔⵉⵛⴻⵏ ⵏⵉⴹⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⵍⴰⴷⵖⴰ ⵡⵉⴷ ⴰⵢ ⵢⴻⵙⵄⴰⵏ ⴰⵟⴰⵙ ⵏ ⵡⴰⵙⵙⴰⵖⴻⵏ ⴷ ⵎⴻⴷⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ. ⵜⴰⵎⵀⴻⵍⵜ-ⴰ ⵢⴻⴱⴷⴰ-ⵜⵜ-ⵉⴷ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴷ ⵜⵎⴻⵣⴷⴰⵢⵉⵏ ⵜⵉⴷⵉⴳⴰⵏⵉⵏ ⵢⴻⵔⵏⴰ ⵉⵙⵡⵉ-ⵏⵏⴻⵙ ⵏⴻⵜⵜⴰ ⴷ ⴰⵙⵙⴻⵇⴷⴻⵛ ⵏ ⵡⴰⴽⴽ ⵜⵜⴰⵡⵉⵍⴰⵜ ⵉⵜⵔⴰⵔⴻⵏ ⵉ ⵓⵙⵙⴻⴼⵄⴻⵍ ⵏ ⵜⴻⴷⴱⴻⵍⵜ ⵜⴰⵍⵉⴽⵜⵕⵓⵏⴰⵏⵜ ⴰⵎ ⵡⴰⴽⴽⴻⵏ ⴰⵔⴰ ⵢⴻⵜⵜⴻⴽⴽⵉ ⵡⴰⵢⴰ ⴷⴻⴳ ⵓⵙⵙⵉⴼⵙⴻⵙ ⵏ ⵢⵉⴽⴰⵔⴰⵎⴻⵏ ⴰⵢ ⴷ-ⵜⴻⵙⵙⵓⵜⵓⵔ ⵜⴻⴷⴱⴻⵍⵜ ⵉ ⵓⵖⴻⵔⵎⴰⵏ ⵢⴻⵔⵏⴰ ⴰⴷ ⵢⴻⵙⵙⴻⵍⵀⵓ ⴷⴰⵖ ⵜⴰⵎⴻⵍⵍⵉⵍⵜ ⵏ ⵜⴻⴱⴷⴻⵍⵜ ⵜⴰⵏⴰⴳⴷⵓⴷⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.
